Për mediat vendase ata janë shprehur se sa e dhimbshme ishte emocionalisht teksa morën pjesë në operacionet e ndihmës në Turqi.

Ekipi i parë vullnetar prej 10 anëtarësh mbërriti për të marrë pjesë në përpjekjet e kërkim-shpëtimit në qytetin e Malatya.

Nebi Muçaj, drejtuesi i ekupit, tha se ata ishin shumë të emocionuar, veçanërisht kur gjetën babë e bir të përqafuar nën rrënoja, të cilët fatkeqësisht kishin humbur jetën.

“Ngjarja më prekëse, jo vetëm për mua, por për të gjithë anëtarët e ekipit, ishte përqafimi i përjetshëm i babait dhe djalit nën rrënoja. Ishte shumë e dhimbshme për të gjithë. Fillimisht pamë dorën e fëmijës dhe ndërsa vazhduam të gërmojmë ngadalë u zbulua edhe trupi i të atit të fëmijës. Ashtu si kujdesi i përditshëm nga babai ndaj fëmijës me dashuri në jetë. Ne ishim dëshmitarë të këtij përqafimi të pafund”, tha ai.

Ai shtoi se ndiheshin aq të lidhur dhe ndanin dhimbjen e njëjtë sikur viktimat të ishin familjarët e tyre.

“Sinqerisht, është sikur ai është pjesë e familjes sonë. Ishte vërtet e dhimbshme,” shtoi Muçaj.

Një moment tjetër kur ekipi u emocionua ishte kur gjetën një foto të një çifti të sapomartuar, tregoi ai.

”Kur pashë një foto të çiftit të sapomartuar, më goditi zemrën dhe në atë moment mendova se jeta ishte e shenjtë dhe e përkohshme. Duke parë atë lumturi, atë buzëqeshje të përzier në rrënoja, gurët në atë foto, se jeta është e çmuar. Më bën të mendoj. Ajo foto është skalitur në kujtesën time, më duket sikur është në zemrën time”, tha drejtuesi i ekipit të shpëtimit shqiptar.

Një tjetër vullnetar, Skelzen Satri, gjithashtu rrëfeu se momenti më i vështirë ishte gjeta e trupave të dy shtetasve, babë e bir, ku i ati me duar ishte përpjekur për ta mbrojtur djalin e tij.

Gjithashtu ai tregoi se punën e nisën duke iu lutur Zotit që të shpëtonin jetë.

“Isha shumë i emocionuar që munda të arrij sa më shpejt në vendin ku do të kryejmë operacionet e kërkim-shpëtimit dhe të mund të nxjerrim të gjallët nga rrënojat.

Ndërsa, një tjetër anëtar i grupit të shpëtimit, Bujar Rapo, tha se punën e filluan me shprehjen e famshme “mbill një pemë, jep jetë” në zonën e tërmetit, duke thënë: Mund të shpëtojmë një jetë duke hequr një gur.

Më tej ai rrëfeu një moment tepër të vështirë ku një nga të mbijetuarit po telefonte të vëllain i cili kishte humbur jetën në rrënoja.

“Nuk do ta harroj kurrë një të mbijetuar nga tërmeti, i cili i dëshpëruar thirri vëllain e tij nën rrënoja në telefon. Fatkeqësisht, trupi i tij i pajetë u gjet më vonë”, tha Rapo.

Një ekip prej 73 personash të përbërë nga personeli mjekësor dhe specialistë të kërkim-shpëtimit të lidhur me Ministrinë Shqiptare të Mbrojtjes dhe Agjencinë Kombëtare të Mbrojtjes Civile morën pjesë në operacionet e ndihmës në Turqinë jugore.

Më shumë se 249,000 personel kërkimi dhe shpëtimi po punojnë aktualisht në terren, sipas Presidencës Turke të Menaxhimit të Fatkeqësive dhe Emergjencave (AFAD).

Më shumë se 9,000 ekipe ndërkombëtare të kërkimit dhe shpëtimit kanë marrë pjesë në operacionet pas tërmetit.

Rreth 100 vende kanë ofruar ndihmë deri më tani, ku shumë prej tyre kanë dërguar ekipe shpëtimi.

Të paktën 41,156 njerëz u vranë dhe 105,505 u plagosën nga dy tërmetet e forta që goditën Turqinë jugore më 6 shkurt./Albeu.com/

The post “E nisën punën duke u lutur në Zot”, mediat turke jehonë ekipit shqiptar: Historitë prekëse nën rrënoja appeared first on Albeu.com.

Por ashtu si në ccdo tragjedi të madhe ka edhe shpresë të madhe për jetën. Ekipi shqiptar i shpëtimit ku bën pjesë edhe mjeku turk Taner Akdamar i cili jeton dhe punon në vendin tonë prej vitesh, ka arritur të bëjë një mrekulli.

Mjeku Akdamar ka arritur të shpëtojë në qytetin e Malatyas një të ri i cili ndodhej nën rrënoja prej më shumë se 100 orësh.

The post Tërmeti i fortë, mjeku i ekipit shqiptar bën mrekullinë: Shpëton të riun turk, kishte mbi 100 orë nën rrënoja appeared first on Albeu.com.

Agjencitë e ndihmës kanë paralajmëruar se numri ka të ngjarë të rritet ndjeshëm, veçanërisht në Siri, pasi ekipet e kërkimit dhe shpëtimit kalojnë nëpër rrënojat e mijëra ndërtesave të shembura mes kushteve të motit të ngrirë dhe përballë rrezikut të pasgoditjeve.

Togeri shqiptar Grei Malo i cili ndodhet në Turqi u shpreh se nuk ka më shpresë që të nxjerrin njerëz të gjallë nga rrënojat.

Ai tha se po bëjnë maksimumin  që të nxjerrin trupat nga rrënojat, por punën e tyre po e vështirëson moti i ftohtë dhe lëkundjet e herë pas hershme të tërmetit.

“Po hapen tunele, është afruar ekipi përkatës  me pajisjen që dëgjon valë të ndryshme në mënyrë që të afrohemi sa më shumë tek njerëzit që mund të jenë gjallë. Nuk ka shpresë. Po bëjmë maksimumin që t’u japim ndihmë personave të prekur nga tërmeti. Jo më larg se mbrëmë ka pasur lëkundje, dhe rreth orës 4 të mëngjesit pati një goditje rreth 5,2 ballë. Lëkundjen po vështirësojnë punën e ekipeve të kërkim –shpëtimit. Temperaturat mbrëmë kanë qenë -12 gradë”, tha ai.

Më tej shtoi se kanë informacion e në të gjithë Turqinë 20 mijë persona rezultojnë të zhdukur.

“Në këtë pallat është nxjerrë vetëm një person i gjallë dhe katër trupa pa jetë. Te kjo godinë kanë qenë 25-30 persona. Me sa kemi informacion janë diku mbi 20 mijë persona të zhdukur”, theksoi ai./Albeu.com/

The post “Kemi informacion se 20 mijë persona janë të zhdukur”, togeri shqiptar: Po shuhen shpresat për jetë të gjalla appeared first on Albeu.com.

Ata kanë arritur të nxjerrin të gjallë një 5-vjeçar dhe fatkeqësisht trupat e 6 personave të tjerë.

Ministri Niko Peleshi shkruan se trupat e FA në sfidë me rrënojat, motin e ftohtë e lodhjen janë duke punuar prej orësh pa ndërprerje.

Peleshi: Në sfidë me rrënojat, motin e ftohtë e lodhjen, trupat tanë të FA janë duke punuar prej orësh, pa ndërprerje duke shpëtuar jetën e një fëmije 5 vjeç dhe duke nxjerrë nga rrënojat 6 trupa të pajetë në zonën e Mallatjas, në Turqi.

Skuadrës së parë sapo i janë bashkuar edhe forcat të tjera nga Shqipëria në këtë betejë për jetën, nderkohe në dispozicion për të shtuar mbështetjen.

The post VIDEO/ Në sfidë me rrënojat dhe motin e acartë, ekipi shqiptar shpëton një fëmijë 5-vjeç appeared first on Albeu.com.

Ekipi shqiptar ndodhet në qytetin Malatya, ku po zhvillon kërkimet për personat e mbijetuar nën rrënojat e tërmetit.

“Skuadra shqiptare e kërkim-shpëtimit në rrënojat e tragjedisë në Malatya”, shkruan Rama.

 

View this post on Instagram

 

A post shared by Edi Rama (@ediramaal)

Kujtojmë se ekipi shqiptar prej 53 personash, mjekë dhe specialistë të grupeve të kërkim-shpëtimit, ka mbërritur në Turqi paraditen e sotme, për të marrë pjesë në operacionet e kërkim-shpëtimit.

Ekipi u nis mbrëmjen e shkuar rreth orës 22:30 nga aeroporti i Rinasit por për shkak të vonesave që kishte dhe motit të paqëndrueshëm ishte pamundur të bëhej ulja e avionit nga Stambolli drejt zonës së prekur nga tërmeti, ku aktualisht ndodhet edhe ekipi shqiptar.

Nuk duhet të harrojmë se gjatë kohës së tërmetit në Shqipëri, më 26 nëntor 2019, Turqia solli ekipet e saj për ndihmë./albeu.com

The post “Ekipi i kërkim-shpëtimit në Malatya”, Rama poston fotot e skuadrës shqiptare në Turqi (FOTO LAJM) appeared first on Albeu.com.