Pas 11 ditësh pune intensive, rreth 85 trupa, në përbërje të të cilëve ishin efektivë të Forcave të Armatosura, të Emergjencave Civile, ekipeve shëndetësore janë përcjellë me duartrokitje nga përfaqësues të autoriteteve turke, por edhe qytetarë të thjeshtë, të cilët u shprehën mirënjohjen për kontributin e tyre.

Videoja është ndarë në Facebook nga minsitri i Mbrojtjes, Niko Peleshi i cili ka shprehur krenarinë e tij për ekipet.

Peleshi: Krenari dhe mirënjohje pafund për 3 ekipet e vajzave dhe djemve nga Forcat e Armatosura, Emergjencat Civile dhe ekipet shëndetësore që kontribuuan përgjatë 11 ditëve në operacionet e kërkim-shpëtimit në zonat e shkatërruara nga dy tërmetet e fuqishme në Turqi.

Ata u nisën për t’u kthyer në Atdhe, duke marrë me vete edhe respektin e popullit turk, që njëherësh është vlerësim për Shqipërinë tonë. Të gatshëm dhe solidarë sa herë të jetë nevoja për kontributin tonë!

/Albeu.com/

The post Morën pjesë në operacionet e shpëtimit në Turqi, ekipet shqiptare përcillen në Atdhe me duartrokitje (Video) appeared first on Albeu.com.

Tirana ndeshjen e parë të turit të parë të Champions-it do ta luajë më 6 korrik në transfertë ndaj luksemburgasve të Dudelanzhit në stadiumin “Stade Jos Nosbaum” në orën 19:30, ndërsa takimi i kthimit do të zhvillohet në stadiumin “Elbasan Arena”, më 12 korrik në orën 20:00.

Shkupi do të zhvillojë ndeshjen e parë të turit të parë të Champions-it ndaj Linkolnit të Gjibraltarit më 5 korrik në shtëpi në stadiumin “National Arena Todor Proeski” në orën 20:45, ndërsa dueli i kthimit do të jetë më 12 korrik në “Victoria Stadium” të Gjibraltarit në orën 18:00.

Ballkani do ta nisë aventurën në Champions ndaj Zalgirisit në stadiumin “Fadil Vokrri” të Prishtinës më datë 5 korrik në orën 20:00, ndërsa takimi i dytë do të luhet në Lituani në stadiumin “LFF stadionas” në orën 18:00 më datë 12 korrik.

Partizani do të luajë ndeshjen e parë të turit të parë ndaj Saburtalos në Gjeorgji më datë 7 korrik në orën 18:00 në stadiumin “Tengiz Burjanadze”, ndërsa dueli i dytë do të zhvillohet në 14 korrik në stadiumin “Elbasan Arena” në orën 20:00.

Laçi do të ndeshet në takimin e parë ndaj Iskrës në stadiumin “Elbasan Arena” në orën 20:00, më datë 7 korrik, ndërsa takimi i kthimit do të jetë në Podgoricë të Malit të Zi më datë 14 korrik në stadiumin “DG Arena Ljeskopolje” në orën 21:00.

Drita do të sfidojë në turin e parë të Ligës së Konferencës Inter Turkun në datë 6 korrik në orën 17:00 në transfertë në stadiumin “Veritas Stadion”, ndërsa dueli i kthimit do të luhet në stadiumin “Fadil Vokrri” më datë 12 korrik në orën 20:00, shkruan Panorama Sport.

Gjilani do të luajë ndaj Liepajës në takimin e parë të turit të parë në datën 7 korrik në stadiumin “Fadil Vokrri” në orën 20:00, ndërsa dueli i dytë do të luhet në stadiumin “Daugava Liepāja”, më 14 korrik në orën 16:00.

Llapi do të ndeshet sfidën e parë në transfertën e Malit të Zi ndaj Buducnost Podgoricës në orën 20:30 në stadiumin “Gradski Stadion Podgorica”, ndërsa dueli i kthimit do të luhet në stadiumin “Fadil Vokrri” në orën 20:00.

Shkëndija do ta nisë aventurën e saj europiane ndaj Araratit në stadiumin “National Arena Todor Proeski” në orën 20:00, ndërsa në takimin e kthimit do të luhet në Armeni në stadiumin “Republican Stadium after Vazgen Sargsyan” në orën 17:00.

Skuadra e Deçiçit do të luajë ndeshjen e parë në Europë ndaj Bjellorusëve të Dinamos së Minskut në transfertë në orën 20:00, ndërsa takimi i kthimit më 14 korrik në orën 20:45./ h.ll/albeu.com

The post Champions dhe Conference League/ Zbulohen datat dhe oraret e skuadrave shqiptare appeared first on Albeu.com.

Tirana do të hapë siparin, teksa do të presë me ankth se kush do te jetë skuadra me të cilën goglat do ta vënë përballë, ku shorti për turin e parë të Champions League do të nisë në orën 12:00.

Kampionët e shqipërisë vetëm ditën e djeshme mësuar edhe kundërshtarët e tyre të mundshëm që janë: Ludogorets, Ferencvaros, Cluj, Maribor dhe Dudelange.

The post Ekipet shqiptare mësojnë sot kundërshtarët e tyre në garat evropiane appeared first on Albeu.com.

Nga Kamza, Durrës e Shkodër, përballje interesante ka rezervuar dita e sotme, ku luhet për mbijetesën dhe Europën.

Vllaznia-Kukës është supërsfida e javës, pasi përballë njëra-tjetrës do të vihen dy rivalë direkt për Europën. Ky takim pritet të jetë i luftuar, teksa emocionet dhe spektakli nuk do mungojë.

Një tjetër takim i rëndësishëm është edhe në Durrës ku Teuta pret Egnatian në një duel për të shmangur zonën “Play-Off”, ndërsa vetëm 6 pikë i ndajnë mes tyre, me durrsakët që renditen në vendi e 7-t ndërsa rrogozhinasit në vendin e 8-të.

Takimi i fundit për ditën e sotme është edhe dueli i mbijetesës mes Dinamos dhe Skënderbeut, takim që do të luhet në Kamëz, me Rodolfo Vanolin që kërkon fitoren e parë në drejtim të bluve, ndërsa nga krahu tjetër Skënder Gega nuk do të falë pas fitores me Kastriotin.

The post Ekipet që luajnë për mbijetesë dhe ato për Europë, këto janë disa nga sfidat e ditës së sotme appeared first on Albeu.com.