Sulmuesi ende mund të rikthehet tek Egjipti gjatë Kupës së Kombeve të Afrikës, por vendimi i tij për t’u rikuperuar në Angli ka bërë që ai të marrë shumë kritika në vendlindje.

“Unë gjithmonë e kam mbështetur Salah dhe isha shumë i lumtur me prezencën e tij si kapiten i kombëtares së Egjiptit”, ka thënë ish-legjenda e Egjiptit, Ahmed Hassan.

“Unë nuk kisha probleme me ata që tha, por doli se ai po mundohej që të largohej nga kampi i Egjiptit”.

“Ai e kishte mundësinë që të sjellte dikë nga stafi mjekësor i Liverpoolit që të jetë me të gjatë kësaj gare. Përsëri, ai është kapiteni. Ai duhej të qëndronte me ekipin pa marrë parasysh çfarë, edhe sikur të kishte vetëm një këmbë”, u shpreh Hassan.

“Ai e ka thënë vet se është kombëtarja egjiptiane, jo kombëtarja e Salah, dhe kjo është e vërtetë. Ne kemi besim tek të gjithë lojtarët që janë aty dhe ata duhet të luftojnë për titullin”, përfundoi Hassan.

Klopp ka zbuluar se Salah do të rikthehej pasi Liverpooli mposhti Bournemouthin me rezultat 4-0 të dielën, një rezultat që bëri që “Të Kuqtë” të ngjiten në krye të Ligës Premier. /Telegrafi/

The post “Duhet të qëndronte edhe sikur të ishte vetëm me një këmbë” – Salah kritikohet ashpër pas largimit nga Egjipti appeared first on Albeu.com.

Abbas shfrytëzoi rrjetet sociale për të përditësuar gjendjen shëndetësore të Salah, i cili u lëndua në barazimin 2-2 të Egjiptit në duelin ndaj Ganës, në Kupën e Kombeve të Afrikës të enjten e kaluar.

Fillimisht ishte raportuar se Salah do të mungonte në dy ndeshjet e radhës të Egjiptit, por siç duket lëndimi është më serioz se sa mendohej fillimisht.

“Lëndimi i Mohamed është më serioz se sa është menduar fillimisht dhe ai do të jetë jashtë fushave për 21-28 ditë, dhe jo për 2 ndeshje. Mundësia e tij më e mirë për të luajtur përsëri në Kupën e Kombeve të Afrikës, është që t’i nënshtrohet një trajtimi intensiv në Angli dhe t’i ribashkohet ekipi sapo të jetë i gatshëm”, ka shkruar Abbas në platformën X (ish-Twitter).

Kjo do të thotë se Salah do të mungojë në katër ndeshje në Ligën Premier, duke përfshirë ndeshjen ndaj Chelseat në “Anfield” dhe atë në udhëtim ndaj Arsenalit në “Emirates”.

31-vjeçari mundtë jetë në garë me kohën për të qenë i gatshëm për finalen e Carabao Cup më 25 shkurt, në rast se Liverpooli kualifikohet, në rast fitoreje ndaj Fulhamit në gjysmëfinale në mesjavë./Telegrafi/

Mohammed’s injury is more serious than first thought and he will be out for 21-28 days, and not 2 games.
His best chance at participating in the current AFCON is by undergoing intensive rehabilitation in the uk and rejoining the team as soon as he is fit.

— Ramy Abbas Issa (@RamyCol) January 22, 2024

The post Lëndimi i Salah më i rëndë se sa mendohej fillimisht, agjenti tregon datën e rikthimit appeared first on Albeu.com.

Sulmuesi egjiptian u largua nga loja me Ganën në pjesën e parë pas një lëndimi.

Trajneri gjerman Jurgen Klopp, zbuloi së fundmi se 31-vjeçari do të kthehet në Angli për të vazhduar rikuperimin nën mbikëqyrjen e mjekëve të Liverpool dhe vetëm nëse ia del të rikuperohet plotësisht, mund të lejohet të rikthehet sërish pranë kombëtares që është e angazhuar në Bregun e Fildishtë për Kupën e Afrikës.

Sipas Klopp ai nuk e di kohën e rikthimit të Salah, por nëse Egjipti shkon në finale atëherë ylli i The Reds mund të jetë gati për ta luajtur atë.

“Mendoj se zgjidhja e duhur është që për sa kohë Salah të jetë jashtë fushave dhe në pamundësi për të luajtur, ta vazhdojë trajtimin pranë klubit të tij dhe mjekëve këtu te Liverpool. Salah ka folur me doktorët e klubit menjëherë pas dëmtimit”.

“Unë nuk jam mjek dhe nuk e di kur Salah mund të rikthehet në fushë, por me aq sa më kanë thënë doktorët, mendoj se nëse Egjipti shkon në finale, atëherë mund të kenë aty edhe kontributin e Salah”, u shpreh Klopp. /Telegrafi/

The post Klopp zbulon kohën se kur do të rikthehet Salah, tregon nëse do të luaj më për Egjiptin appeared first on Albeu.com.

Sulmuesi u detyrua të largohej në fund të pjesës së parë gjatë ndeshjes së Egjiptit kundër Ganës dhe dukej se tregonte kofshën e tij teksa shkonte me këmbë drejt bankinës.

Salah që pëson një dëmtim gjatë largimit nga Anfield u konsiderua gjithmonë si skenari më i keq për tifozët e Liverpool kur lojtari u nis për në Kupën e Kombeve në fillim të këtij muaji.

Dhe të enjten në mbrëmje ata u përgjigjën me shqetësim të madh pasi 31-vjeçari u tërhoq nga përballja e tij ndaj Ganës.

“Nuk e mendoja as që ishte e mundur që Salah të lëndohej”, ka shkruar një tifoz në platformën X.

“Dëmtimi i Salah në kofshë. Shpresojmë që të mos jetë një dëmtim serioz. I mërzitur për të”, shkroi një tjetër tifoz.

“Shpresoj se nuk do të jetë e gjatë. Ndeshjet ndërkombëtare nuk janë kurrë të sjellshëm me ne”, ishte komenti i tifozit të tretë.

Ndërkohë, një mbështetës optimist tha: “Herën e fundit që Salah pati një dëmtim të kofshës, Liverpooli përfundoi duke fituar ligën”. /Telegrafi/

The post Mohamed Salah lëndohet në Kupën e Kombeve të Afrikës, shqetësohen tifozët e Liverpoolit appeared first on Albeu.com.

Sulmuesi i Liverpool kontriboi në fitoren 4-0 ndaj që Egjipti arriti përballë Comoros, shkruan Albeu.com.

“Faraoni” realizoi 2 gola në këtë takim por ajo që ra në sy ishte një moment kur ai dribloi në mënyrë spektakolare 4 futbollistë radhazi. Për më shumë shijoni spektaklin. /albeu.com/

The post Do ta kishte zili dhe Messi, Salah driblon në mënyrë spektakolare 4 mbrojtës (VIDEO) appeared first on Albeu.com.