Në pjesën e parë rrogozhinasit u treguan të saktë duke kaluar në avantazh me anë të Ruçit, ndërsa dinamovitët humbën disa mundësi shënimi.

Pjesa e dytë foli tërsisht për skuadrën e drejtuar nga Ilir Daja që përmbysi gjithçka në minutat e para me golat e Bregut dhe Nanit, ndërsa Qefalija i vendosi vulën në fundin e takimit me një penallti të kthyer në gol.

Dinamo fiton kështu Superkupën e Shqipërisë, një trofe që mungonte prej 17 vitesh.

The post Mundi me përmbysje Egnatian, Dinamo fiton Superkupën appeared first on Albeu.com.

Mësohet se trajneri ka kryer këtë ndërhyrje në një nga spitalet e kryeqytetit dhe gjithçka ka kaluar me sukses sipas burimeve pranë klubit, i cili gjithsesi deri tani nuk ka reaguar zyrtarisht për ngjarjen në fjalë. Tetova është nën kontrollin e mjekëve dhe sipas informacioneve të para, pritet të rikuperohet plotësisht nga kjo situatë.

Pritet që ekipin në vijim, deri në kthimin e trajnerit, ta drejtojë asistenti i tij, Juljan Brahja.

The post Probleme me zemrën, Edlir Tetova i nënshtrohet ndërhyrjes kirurgjikale appeared first on Albeu.com.

Kësisoj, Sektori i Arbitrimit ka dalë me një komunikatë zyrtare, ku shpjegon pse u mor vendimi për anulimin e golit të Lajthisë dhe pse nuk u përsërit penalltia.

NJOFTIMI I FSHF

Sektori i Arbitrimit në FSHF dëshiron të sqarojë episodin e minutës 90+9′ në ndeshjen Egnatia – AF Elbasani, të zhvilluar më 30 gusht 2025, të vlefshme për javën e dytë të Abissnet Superiore.

Sipas formulimit aktual, rregulli i 14-të – Goditja e penalltisë:

Një shok i skuadrës së lojtarit që ekzekuton goditjen e penalltisë (sulmues) ndëshkohet për shkelje vetëm nëse:
* shkelja ndikoi qartazi te portieri; ose

* lojtari shkelës luan topin ose sfidon një kundërshtar për topin dhe më pas shënon, tenton të shënojë ose krijon një mundësi për të shënuar.

Një shok ekipi i portierit (mbrojtës) ndëshkohet për shkelje vetëm nëse:
* shkelja ka ndikuar qartazi te goditësi; ose

* lojtari shkelës luan topin ose sfidon një kundërshtar për topin dhe kjo i pengon kundërshtarët të shënojnë, të tentojnë të shënojnë ose të krijojnë një mundësi.

Në rastin konkret, lojtari mbrojtës hyri në zonë përpara goditjes së topit, por nuk pengoi golin, ndaj nuk konsiderohet shkelje. Ndërkohë, lojtari sulmues, i cili gjithashtu hyri në zonë përpara goditjes së topit, e sulmoi atë dhe shënoi gol. Në bazë të rregullave të mësipërme, shkelja e shkaktuar nga lojtari sulmues bën që goli të anulohet dhe loja të rifillojë me goditje të lirë indirekte.

Rifillimi i lojës kur shkelja kryhet nga lojtarët sulmues:

Nëse nuk shënohet gol dhe më pas ka ndikim nga sulmuesi, arbitri rifillon lojën me goditje të lirë indirekte.

The post VIDEO/ Kaosi me penalltinë e Egnatia-Elbasani, FSHF shpjegon vendimin që solli polemika pa fund: Lojtari mbrojtës nuk… appeared first on Albeu.com.

Xhemajli ktheu ekuilibrat në minutën e 41-të duke i dhënë pak qetësi stolit të Egnatias. Pjesa e parë do të mbyllej 1-1 mes tyre, teksa rrogozhinasit do të gjenin golin e avantazhit në minutën e 72-të me Bakayoko, por pavarësisht se me 10 lojtarë në minutën e 78-të Marouf shënoi për 2-2.

Skuadra e udhëhequr nga Gentian Mezani rrezikoi deri në fund, duke ndalur në barazim Egnatian.

Këto të fundit kalojnë në fazën tjetër të Kupës së Shqipërisë për shkak të fitores 3-1 në takimin e parë mes tyre.

The post Kupa e Shqipërisë, Egnatia barazon 2-2 me Bylisin, por feston kualfikimin appeared first on Albeu.com.

Egnatia ka mposhtur me rezultatin 4-0 Kastriotin dhe ka siguruar një vend në çerekfinalet e Kupës së Shqipërisë. Aliyev ka zhbllokuar sfidën në pjesën e parë, ndërsa Ndreca (nga pika e bardhë e penalltisë), Leo Melo dhe Doukouo kanë shënuar në pjesën e dytë për rrogozhinasit.

Një gol i Rabiut në pjesën e dytë i mjafton Skënderbeut që të mposhtë 1-0 Vorën dhe të sigurojë një biletë mes tetë skuadrave më të mira të Kupës.

Dinamo mposht me rezultatin e thellë 6-1 Erzenin dhe kualifikohet në çerekfinalet e Kupës së Shqipërisë. Itodo është protagonisti i sfidës me një tregolësh të shënuar, por rrugën e rrjetës e kanë gjetur edhe Bregu, Vila e Nani.

The post Kupa e Shqipërisë: Favoritët nuk zhgënjejnë, kualifikohen Egnatia, Skënderbeu dhe Dinamo appeared first on Albeu.com.

Urimeve të shumta për ekipin e trajnerit Edlir Tetova dhe presidentit Agim Demrozi u është bashkuar dhe Presidenti i Federatës Shqiptare të Futbollit, Armand Duka.

Ai përgëzon rrogozhinasit për lojën e bukur, por edhe Kukësin për duelin e luftuar në çdo sekond në fushën e blertë.

“Përgëzime Egnatias për fitimin e Superkupës së Shqipërisë! Një duel i luftuar në fushë edhe nga ana e Kukësit, që edhe pse në Kategorinë e Parë bëri më të mirën ndaj ekipit kampion dhe fituesit të Kupës së Shqipërisë, që kompletoi vitin me trofeun e tretë në vitin 2024.

U uroj të dyja ekipeve suksese në pjesën e dytë të sezonit futbollistik. Edhe njëherë përgëzime për Egnatian, stafin, futbollistët dhe drejtuesit e klubit për këtë triumf historik”, shkruan Armand Duka, teksa ndan disa pamje nga festa e lojtarëve të ekipit të Egnatias në stadiumin “Air Albania”.

The post FOTO/ Egnatia fiton Superkupën e Shqipërisë, presidenti Duka uron ekipin rrogozhinas appeared first on Albeu.com.

Në Rrogozhinë skuadra e kampione e Shqipërisë, Egnatia ka mundur minimalisht Skënderbeun. Ka qenë Regi Lushkja heroi i takimin pasi shndërroi në gol penalltinë e fituar në të 50’.

Për të vështirësuar edhe më shumë situatën e Ernest Gjokës “mendoi” Albi Doka, i cili braktisti fushën përpara kohe pasi u ndëshkua me të kuq në të 61’.

Sa i përket takimit tjetër të mbajtur në Kurbin, ekipi i Laçit ka barazuar pa gola përballë Dinamo City. Ekipi vendas fitoi edhe një penallti në minutën e 70’, por Sali ishte perfekt duke i mohuar gëzimin Kordeiro Melos.

The post Egnatia mund Skënderbeun, Melo “fal” Dinamon e Dajës appeared first on Albeu.com.

Është skuadra e Kietit, që militon në Serinë D, që ka njoftuar blerjen e sulmuesit në faqen e saj zyrtare:

FC Chieti 1922 njofton me shumë kënaqësi blerjen e Dardan Vuthajt, një sulmues me përvojë dhe cilësor, i cili do të forcojë repartin tonë sulmues.

Operacioni do të zyrtarizohet në ditët në vijim, por klubi dhe stafi teknik janë të emocionuar që mund të kenë në dispozicion në një profil të nivelit të lartë si Vuthaj, i cili sjell me vete mentalitetin dhe përkushtimin e nevojshëm për të kontribuar në sukseset e FC Chieti 1922”.

The post Vuthaj largohet nga Egnatia, sulmuesi transferohet në Itali appeared first on Albeu.com.

Vendasit shënojnë që nga tuneli, pasi gjejnë rrugën e rrjetës pa kaluar akoma një minutë lojë me Lushkjën, që befason portierin Qarri me një gjuajtje të bukur. Egnatia luan më mirë në pjesën e parë dhe ka disa mundësi për të dyfishuar shifrat.

Pjesa e dytë nis më mirë për Vllazninë, që arrin të gjejë golin e barazimit me Dodajn. Shkodranët janë më kërkues në pjesën e dytë dhe sulmojnë në kërkim të golit të avantazhit, ndërsa vendasit mundohen të “godasin” në kundërsulm.

Pavarësisht përpjekjeve nga të dy kampet, rezultati i sfidës nuk ndryshon. Mbyllet 1-1 dhe Egnatia dhe Vllaznia detyrohen që të ndajnë nga një pikë.

The post Egnatia-Vllaznia mbyllet në barazim appeared first on Albeu.com.

Ndeshja nisi më e mirë për kryeqytetasit, që vendosën menjëherë diktatin e tyre duke u treguar më kërkues. U shpërblyen për lojën e tyre në minutën e 20-të, ndërsa Ismaili arriti të shënojë në një situatë hezitimi nga ana e mbrojtjes rrogozhinase.

Në minutat në vazhdim, Partizani arriti të administrojë lojën, duke e mbajtur kundërshtarin larg portës dhe duke e goditur në kundërsulm. Pikërisht në minutën e 60-të ka mbërritur dhe dyfishimi i rezultatit që mban firmën e Bintsouka.

Mbyllet 2-0 për Partizanin që gjen fitoren pas tre barazimeve radhazi, ndërkohë që e kalon Egnatian dhe në klasifikim duke u ngjitur në kuotën e 12 pikëve.

Situatë jo e mirë për rrogozhinasit, që nuk kanë arritur të gjejnë rrugën e rrjetës në dy ndeshjet e fundit dhe mbeten në kuotën e 11 pikëve.

The post Partizani “leksion” Egnatias, e kalon në renditje appeared first on Albeu.com.