Kuçi, aktualisht shef seksioni në policinë shkencore në Kukës, dyshohet se ka ndihmuar grupin e drejtuar nga Inez Hajrulla në disa forma.

Sipas dosjes hetimore, ai ka siguruar logjistikë për transportin e drogës, ka nxjerrë informacione konfidenciale për kontrollet policore dhe ka ndërhyrë në pajisje celulare duke fshirë të dhëna me interes për hetimin.
Po ashtu dyshohet se ka përdorur në mënyrë të paligjshme sistemin TIMS dhe ka komunikuar me anëtarët e grupit përmes aplikacionit të koduar Sky ECC.

Në vitin 2025, kur u vranë Gentjan Qarri dhe Bledar Birçaj, hetuesit besojnë se pas ngjarjeve qëndronte grupi i Hajrullës.

Në atë kohë Kuçi mbante detyrën e shefit për hetimin e krimeve në Vlora. Gjatë karrierës ai ka shërbyer edhe në Lushnjë dhe si shef i krimeve në komisariatin nr.1 në Tiranë.

Në dosje përmendet edhe një rast i trafikut të drogës në dhjetor të vitit 2020, kur rreth 400 kilogramë kokainë u dërguan nga Spanjë drejt Gjermani dhe u sekuestruan nga autoritetet gjermane.

Sipas hetimeve, Kuçi ishte një nga porositësit e kësaj sasie bashkë me Armen Memishaj, i cili është shpallur në kërkim.

Të dy dyshohet se bashkëpunonin me anëtarë të tjerë të grupit dhe kishin investuar edhe në mjete lundruese për transportin e drogës.

Rezart Kuçi është arrestuar për shpërdorim detyre, trafik droge dhe pjesëmarrje në grup të strukturuar kriminal.

Ndërkaq, hetimet për këtë dosje vazhdojnë.

PJESË NGA NJOFTIMI ZYRTAR I SPAK:

Në një tjetër rast, 400 kilogramë kokainë të trafikuar nga Spanja drejt Gjermanisë në dhjetor 2020 janë sekuestruar nga autoritetet gjermane. Sipas hetimeve, porositës dhe posedues të kësaj sasie dyshohen të jenë shtetasit R.K., oficer policie (i cili më parë ka mbajtur detyra në DVP Vlorë, Fier, Tiranë dhe Kukës), dhe A.M., në bashkëpunim me anëtarë të tjerë të grupit kriminal, të cilët kishin investuar edhe në mjete lundruese për transport të drogës.

The post Efektivi që ndihmoi grupin e Inez Hajrullas/ Rezart Kuçi porositësi i 400 kg k*kainë, të dërguar nga Spanja drejt Gjermanisë appeared first on Albeu.com.

Fatjon Baci është po i njëjti efektiv, i cili i ka dhënë kryebashkiakut Erion Veliaj telefonin e tij personal teksa po e shoqëronte nga qendra e paraburgimit për në Prokurorinë e Posaçme (SPAK). Aktualisht Baci është pjesë e dosjes së Veliajt, dosje për të cilën hetimet kanë përfundur dhe mbetet vetëm për tu kaluar për gjykim.

Në atë kohë Baci u pezullua nga detyra ndërsa akuzohet për veprën penale “Futja ose mbajtja e sendeve të ndaluara në institucionin e ekzekutimit të vendimeve me burgim”.

Altin Ndoci së bashku me një tjetër të paraburgosur, u shoqërua drejt spitalit të Durrësit, konkretisht drejt reapartit të Infektivit pas shqetësimeve në veshka. Grupi i shoqërimit në total përbëhej nga 6 efektivë, 5 prej të cilëve kanë shoqëruar për në paraburgim të paraburgosurin tjetër dhe 2 kanë qëndruar për të ruajtur Ndocin.

Theksojmë se në repartin e Infektivit që ndodhet në goditë më vete nga spitali, ekzaminimet për personat e dënuar apo të paraburgosur, kryhen në katin e 3-të, supozuar me standarde të larta sigurie. Ndoci, i cili ka qenë pa pranga brenda një dhome sa një qeli, ka kërkuar të shkojë në tualet, që ndodhej ngjitur.

Sapo dera e hekurt është hapur, ai ka qëlluar në befasi dy efektivët që qëndronin tek dera dhe në atë çast ia ka mbathur vrapit drejt shkallëve për të dalë jashtë. Nga pas atij i është vënë efektivi Fatjon Baci, i cili është ka qëlluar me armën e shërbimit në tokë në ambientet e jashtme për ta trembur, por ai ia ka mbathur.

Altin Ndoci është larguar drej parkingut ku jashtë traut dyshohet se e prisnin dy automjete, njëra prej të cilave një “Audi”.

The post Efektivi që i dha telefonin Erion Veliajt në furgonin e burgut, i njëjti që ndoqi sot me armë në dorë vrasësin Altin Ndoci appeared first on Albeu.com.

Ndërkohë, policia bën me dije se 31-vjeçari ka tentuar arratisjen, pasi blutë i kanë bërë shenjë të ndalojë sepse do t’i nënshtrohej një kontrolli.

“31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital”, njofton policia.

Tiranë/Informacion paraprak:

Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin Imer Krrashi, 31 vjeç, pasi kishin marrë informacion se 31-vjeçari qarkullonte me armë zjarri.

Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.

Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë.

Infomacion më të detajuar do të jepet në përfundim të veprimeve proceduriale.

The post Zbardhet emri i autorit të ngjarjes në Tiranë, efektivi dhe bashkëshortja po udhëtonin me motor kur u përplasën nga 31-vjeçari appeared first on Albeu.com.

Të afërmit e efektivit të Policisë, kanë hedhur akuza se ngjarja ka ndodhur për shkak të motit të keq dhe errësirës.

“Ishte përmbytur krejt, këtu ka qenë det, atë e di Zoti, por ka pasur ujë shumë. Ka qenë me motor me drita ndezur dh iu ka dukur tokë gjithëkund”, thotë një nga të afërmit.

“Ka ardhur një stuhi e madhe e rrezik i madh për të e familjen e tij”, thotë një tjetër i afërm, teksa nuk kursejnë vlerësimin për policin që humb i jetën.

Po ashtu edhe fqinjët e Lekndreajt, kanë folur për mediet dhe kanë treguar situatën e krijuar nga reshjet një natë më parë.

Sipas tyre, mbushja e kanaleve me ujë është problem i pëhershëm pasi nuk pastrohen. Ndërsa 51-vjeçarin Lekndreaj, e përshkruajnë si një njeri të mrrekullueshëm dhe të rrallë.

“Koha ka qenë shumë e vështirë, ka qenë një stuhi e rrëmbyeshme shumë. Uji që ka kaluar në kanal ka qenë rreth 1 metër sipër asfaltit, mbi rrugë. Kanalet janë të papastruara. Njeri i mirë shumë, i respektueshëm”.

“Ka qenë për faqe të zezë. Problem nuk është i shiut, është i kanaleve. Niveli i ujit ka qenë 70 cm. Shumë djalë i mirë, janë të rrallë njerëzit si Nikolla”, thanë ata

51-vjeçari ishte punonjës policie i Forcës Kombëtare të Sigurisë në Shkodër. Ai humbi jetën pas një aksidentit me motor, si pasojë e motit të keq. Policia njoftoi më herët se aksidenti ndodhi jashtë orarit të punës.

“Shtetasi N. L., 51-vjeç, punonjës policie i Forcës Kombëtare të Sigurisë, Njësia Shkodër, i cili ishte jashtë orarit të shërbimit, duke drejtuar motomjetin e tij, dyshohet se ka humbur kontrollin mbi drejtimin e motomjetit, si pasojë e motit të keq, dhe për pasojë motomjeti ka dalë nga rruga, duke rënë në një kanal me ujë. Shtetasin N. L. e ka marrë rrjedha e ujit dhe për pasojë ka humbur jetën”, njoftoi Policia më herët.

The post Efektivi humbi jetën, flasin të afërmit: Kanalet janë të papastruara, në rrezik ishte edhe familja e tij appeared first on Albeu.com.

Ndërkaq “Ora News” publikoi sot dhe dëshmitë e plota para hetuesve të të gjithë personave të përfshirë në këtë ngjarje të rëndë.

DOSJA E PLOTË E DËSHMIVE

Shtetasja Griselda Goxhara ndër të tjera deklaron se fillimisht ka pasur marrëdhënie të mira, korrekte me bashkëshortin, me ulje dhe ngritjet e saj, si çdo çift tjetër.

Rreth një vit pasi kishte filluar punë si juriste, Entit Rregullator të Energjisë ka krijuar njohje dhe afrimitet me shtetasin Lorenc Kosta, të cilin e kishte në punë.

Ky i fundit kishte pëlqim dhe në një moment dobësie shtetasja Griselda Goxhara deklaron se: “Kam pasur një raport intim me shtetasin Lorenc Kosta. Kjo gjë ka ndodhur vetëm një herë, pas këtij momenti, kontaktet me Lorencin kanë qenë vetëm për çështje pune. Prej muajit Janar 2024 Erjoni ka shfaqur shenja xhelozie, duke u fiksuar që mund ta tradhtoja. Fillimisht, pretendimet e tij për tradhti nga ana ime ishin pa ndonjë shkak të arsyeshëm apo bazë konkrete, saqë në vijim filloi të bëhej obsesiv dhe të më ushtronte presion psikologjik që unë t’i tregoja personin me të cilin e tradhtoja. Në fillim të muajit korrik, pas presionit të vazhdueshëm dhe dhunës fizike të ushtruar nga ana e Erjonit, unë i kam pranuar që e kisha tradhtuar vetëm 1 herë, vite më parë, me një kolegun e punës sime, shtetasin Lorenc Kosta. Fillimisht Erjoni më ka thënë që t’i tregoj se do mi falë të gjitha, por pasi unë i kam treguar në lidhje me flirtin e hershëm me shtetasin Lorenc Kosta, ai është bërë keq dhe më ka ofenduar, sharë dhe ushtruar dhunë fizike ndaj meje. Një javë pas këtij konflikti, Erjoni, nga telefoni im ka komunikuar me Lorencin dhe e ka kërcënuar me jetë”.

Shtetasi Ergis Goxhara ndër të tjera deklaron se: “Rreth orës 14:35 kur unë isha bërë gati për të dalë nga shtëpia dhe të shkoja në punë mua më ka marrë në telefon sërish babai im dhe më ka thënë se kishte plagosur Lorencin me armë. Unë e kam pyetur i revoltuar se përse e bëri. Ne kemi biseduar disa here pastaj kësaj telefonate ku ai më ka tëenë që të dilja te rrethi i Shkozës pasi ne do te shkonim ne zonen e Freskut pai atij i duhej te shkonte atje. Gjate kohes qe ne kemi komunikuar ne telefon une kam vene re qe ai ishte ne gjendje shume te renduar psikologjike dhe mua me u duk qe ai gjate tere kohes ishte ne panik. Une kam dal ne vendin ku ai me tha qe ta prisja dhe gjate rruges qe ai po vinte kemi komunikur disa here te tjera ku e pyesja se ku ishte dhe nese ishte mire. Pasi babi ka ardhur te rrethi i Shkozes ne kembe ne kemi marre nje taxi dhe jemi nisur per ne zonen e Freskut. Kemi ndjekur rrugen nga rrugicat ku banon ish-presidenti Bamir Topi kemi dal te restorant Fresku dhe me pas kemi marre rrugen per nga zona e thesarit ne Fresk. Gjate rruges pasi dhe une kam qene shume i tronditur nga cfare kishte ndodhur mesa mbaj mend babai im ka biseduar disa here ne telefon mesa une kuptova me drejtues policie te pyesnin se ku ai ndodhej por babi u ka thene qe nuk ua tregonte se ku ndodhej. Sapo ne kemi mberitur te zona e thesarit te shtetit kemi zbritur te dy nga taksia dhe shoferit te taksise i tha te priste kurse mua me tha qe ta ndiqja nga pas. Menjehere ne kete moment sapo ne kemi zbritur na jane afruar 2 punonjes policie te veshur civil te cilet e kane thirrur ne emer babain tim Erjon dhe ai sapo i pa u largua me vrap ne drejtim te rrugicave te pallateve prane thesarit duke u thene ketyre personave qe me mire vras veten sesa te kalbem ne burg. Kete persona e kane thirur Erjon hajde me ne por babi u largua me vrap dhe keta te dy e kane ndjekur me vrap nga pas. Menjehere pas kesaj shoferi i taksise u largua kurse une kam qendruar ne trotuar dhe nga nje mjet tip BME x5 ngjyre e bardhe mua me ka thirur nje person qe te afrohesha une kam refuzuar dhe me pas nga kjo makine ka zbritur dajua im i cili quhet Marsel Seferi dhe eshte punonjes policie ne dijenine time ne Strukturat Operacionale te Policise. Ai me u afrua mua dhe me mori dhe sebashku ne hipem ne mjetin BMË x5 per te cilin pasi e pyeta ai me tha se eshte mjet i punes. Mua dajua pasi kam hipur ne mjetin ne fjale me ka thene se do te shkonim te Drejtoria e Policise ku une do te jepja deklarime per cfare dija dhe se cfare kishte ndodhur. Pak a shume ky eshte intenerari levizjeve te mia sot dhe se cfare ka ndodhur, une kaq arrij te mbaj mend pasi jam dhe shume i tronditur psikologjikisht nga e gjitha cfare ka ndodhur. Ndër të tjera shtoi se se midis prinderve te mi ka rreth nje muaj qe kane lindur disa kontradita dhe debate mosmarveshje. Mesa une kam kuptuar dhe kam degjuar keto debate kane lindur pasi im ate dyshonte se mamaja ime e tradhetonte ate me nje koleg te punes. Mamaja ime prej afro 5 vitesh punon si specialiste prane ERE-s. pasi im ate e ka provokuar ne lidhje me nje koleg te sajin te quajtur Lorenc mami ja ka pranuar babit qe dyshimet qe ai kishte ne lidhje me Lorencin ishin te verteta dhe se ajo e kishte tradhetuar.

Në deklarimin e tij shtetasi Laert Beqiri deklaron se daja i tij shtetasi Erjon Goxhara pasi ka mësuar se Griselda e ka tradhëtuar, ka qenë në gjendje të rënduar psikologjike dhe shpeshherë tregonte se do vriste veten. “Më datën 19.08.2024 në prezencën e tij Erjoni dhe Griselda janë takuar ku kanë pirë kafe në një lokal në hyrje të TEG dhe kanë biseduar për të ardhmen ku Erjoni ka kërkuar që bashkëshortja e tij ti kërkonte falje por që nuk ka ndodhur nga ajo. Ai ka tentuar ta godasë por nuk është lejuar nga nipi i tij, i cili në vazhdim nipi ka shoqëruar shtetasen Griselda Goxhara për në banesë ndërkohë që gjatë kësaj kohe ajo godiste veten me grushte në fytyrë, gërvishte dhe qëllonte veten në pjesë të ndryshme të trupit”.

Nga deklarimi i shtetasit Marsel Seferi ndër të tjera ai sqaron se autori i dyshuar shtetasi Erjon Goxhara në orën 14:34 në aplikacionin Whatsapp i ka dërguar një video ku shfaqej një person i shtrirë në tokë dhe i gjakosur, ndërsa në orën 15:00 shtetasi Marsel Seferi i ka kthyer mesazh: “..ca eshte kjo se spo e kuptoj…” Nga ana jonë u kqyr telefoni i shtetasit Marsel Seferi ku videoja u ruajt në CD për ti’u bashkëlidhur procesverbalit përkatës.

Në cilësinë e personit që ka dijeni për veprën penale, shtetasi Elton Rodheshi ka deklaruar se është koleg pune me shtetasin Lorenc Kosta dhe rreth orës 13:55 shtetasi Lorenc Kosta e kishte telefonuar duke i thënë që më qëlluan poshtë shtëpis. Pasi ka shkuar në vend shtetasu Elton Rodheshi e ka pyetur si është ndërsa Lorenci i ka thënë se e ka ndaluar shtetasi Erjon Goxhara, i ka thënë që do sqaronte dicka e më pas e ka plagosur me armë.

Në lidhje me ngjarjen e ndodhur me procesverbalin përkatës janë kqyrur pamjet filmike të kamerave të bizneseve të zonës përreth, ku shfaqet autori i dyshuar i cili pasi del nga një automjet tip Mitsubishi drejtohet në trotuarin në afërsi të servis “Tata”, ku në dorën e djathtë mban një armë tip pistoletë me të cilën merr drejtim qitje në pjesët e poshtme të gjymtyrve dhe qëllon në drejtim të shtetasit Lorenc Kosta disa herë.

Provat e administruara gjatë kqyrjes së vendit të ngjarjes janë dërguar për ekazminime të mëtejshme shkencore.

Nga tërësia e veprimeve hetimore të kryera deri në këtë fazë janë siguruar prova dhe fakte se shtetasi Erjon Xhevdet Goxhara me veprime aktive për motive të dobta xhelozie ka qëlluar me armë zjarri në drejtim të shtetasit Lorenc Vasil Kosta, duke i shkaktuar atij dëmtime trupore. Për sa sipër shtetasi Erjon Goxhara ka konsumuar elemetë të veprave penale të Vrasja me paramendim”, mbetur në tentativë dhe “Mbajtja pa leje dhe prodhimi i armeve, armeve shperthyese dhe e municioniť”, parashikuar nga nenet 78, 22 dhe 278/1 të Kodit Penal.

Në këto rrethana nga nga e policisë gjyqësore pasi është kapur është bërë ndalimi me iniciativë i shtetasit Pajtim Sulshabanaj, i dyshuar për kryerjen e veprës penale Vjedhja me dhunë parashikuar nga neni 139 I Kodit Penal.

Në rastin konkret, duke qenë se sanksionet ligjore që parashikon vepra penale e kryer përputhen me kriteret e parashikuara nga neni 253 të Kodit të Procedurës Penale, ndalimi I tij me iniciativë i kryer ndaj të dyshuarit është kryer konform me ligjin.

The post DËSHMITË E PLOTA/ Çfarë deklaruan çifti Goxhara! Griselda: Vetëm një herë e kam tradhtuar Ergisin me Lorencin, pastaj flisnim vetëm për punë appeared first on Albeu.com.

Efektivi i policisë qëlloi 6 herë në drejtim të 45 vjeçarit dhe plumbat e kapën në këmbë e një në bark. Ngjarja ndodhi për motive të dobëta, pasi autori dyshonte se Kosta kishte lidhje me bashkëshorten e tij.

Pasi e plagosi ai e filmoi dhe më pas u largua. Erion Goxhara u vetëdorëzua në drejtorinë e kryeqytetit mbrëmjen e 21 gushtit, ku u shpreh se nuk kishte për qëllim të vriste 45-vjeçarin, Lorenc Kostën.

“Isha tek Komuna e Parisit me vajzën dhe ishim ulur në një sufllaqe. Para tavolinës tonë kaloi Lorenc Kosta dhe më provokoi. Ai kaloi dy herë para tavolinës sime dhe më ngacmonte gjithmonë që të përballeshim dhe më thoshte s’më bën dot gjë mua sepse unë të heq nga puna.

Të hënën nuk durova më dhe e qëllova.  Kam çuar diku vajzën dhe jam kthyer ku edhe kam qëlluar ndaj tij.

Nuk kam dashur ta vras dhe prandaj qëllova poshtë.  Nuk e kam bërë me paramendim, dhe nuk kam patur për qëllim ta vras. Kam përdorur armën e shërbimit që mbaja me vete”, ka deklaruar Goxhara.

Efektivi u vetëdorëzua 2 ditë pas krimit, pas komunikimeve që ka pasur me familjarët, ndërkohë avokatët kanë bërë me dije se një ndihmesë të madhe për të bindur efektivin të vetëdorëzohej ka dhënë dhe drejtori i policisë së Tiranës,Tonin Vocaj.

The post Plagosi inxhinierin e ERE, del në gjykatë efektivi Erjon Goxhara! Kush e bindi të vetëdorëzohet dhe akuzat! Detajet e fundit appeared first on Albeu.com.

Sipas hetimeve ka rezultuar se pas ngjarjes autori e ka xhiruar me celular të plagosurin dhe videon ja ka dërguar kunatit të tij.

Po ashtu menjëhërë pas ngjarjes polici ka telefonuar djalin e tij duke i kërkuar ta priste tek rrethi i Shkozës, ku pasi kanë marrë një taksi kanë lëvizur drejt zonës së Freskut, shkruan euronews.

Rrugës në taksi, Goxhara ka biseduar në telefon me drejtues policie duke refuzuar të dorëzohet madje duke u shprehur se më mirë vras vetën se të kalbem në burg.

Në zonën e “Freskut” ai është dalluar nga disa punonjës policie civil të cilën e kanë ndjekur me vrap por polici i kufirit ka arritur të largohet.

Po ashtu sipas hetimeve rezulton se polici Erjon Goxhara në muajin korrik ka telefonuar inxhinierin Lorenc Kosta duke e kërcënuar me jetë për motive xhelozie.

Ngjarja e rëndë dyshohet se erdhi pas një konflikti për motive të dobëta që punonjësi i policisë së kufirit, Erjon Goxhara kishte me të plagosurin, pasi bashkëshortja e efektivit kishte një lidhje jashtëmartesore me të.

Efektivi në Drejtorinë Vendore për Kufirin dhe Migracionin në Tiranë, akuzohet për kryerjen e veprave penale “Vrasja me paramendim”, mbetur në tentativë dhe “Mbajtja pa leje dhe prodhimi i armëve, armëve shperthyese dhe o municionit”.

Policia njofton se forcat RENEA vijojnë kërkimet për kapjen Goxharës ndërkohë që është vënë në dispozicion dhe një shpërblim prej 10 mijë euro për këdo që jep informacion për vendndodhjen e tij.

The post “Më mirë vras veten, se të kalbem në burg”, dalin detaje të reja nga plagosja në Tiranë: Erjon Goxhara i dërgoi video kunatit dhe mori djalin në telefon appeared first on Albeu.com.

Dy akuza janë ngritur ndaj efektivit në drejtorinë e Kufirit në Laprakë, “Vrasja me paramendim”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe o municionit”. Blutë e Tiranës ende nuk e kanë të qartë se me çfarë arme ka qëlluar polici, me atë të shërbimit, apo një armë tjetër që e ka pasur në përdorim pa leje. Efektivi dyshohet se fshihet në periferi të Tiranës, në zonën e Dajtit, ku janë përqendruar edhe kërkimet. Ndërkohë, drejtori i Policisë së Tiranës, Tonin Vocaj, i ka bërë thirrje që të dorëzohet.

Dinamika e ngjarjes

Ngjarja ka ndodhur rreth orës 14:00 të 19 gushtit 2024. Efektivi 46-vjeçar ka vepruar me gjakftohtësi për të plagosur Lorenc Kostën. Policia tha zyrtarisht se plagosja ka ndodhur për ‘motive të dobëta’, por burime për Report Tv thanë se ka dyshime që 45-vjeçari kishte lidhje jashtëmartesore me bashkëshorten e efektivit, megjithatë kjo pistë nuk është e konfirmuar.

Lorenc Kosta ka qenë duke ecur në këmbë në afërsi të kompleksit ‘Kika2’, ndërsa efektivi i policisë ka qenë me makinë. Efektivi ka ndaluar dhe e ka qëlluar duke e lënë të plagosur. Pas kësaj i ka bërë foto të plagosuri,  i cili ishte i shtrirë në trotuar dhe i mbuluar me gjak.

Pas ngjarjes së rëndë, Goxhara është larguar me mjetin e tij në drejtim të banesës së tij, ka marrë një çantë me vete dhe menjëherë është larguar. Dyshohet se ai është larguar drejt Dajtit, ku edhe janë përqendruar kërkimet e policisë.

6 gëzhoja janë gjetur në vendin e ngjarjes, ndërsa Kosta është plagosur në këmbë e në bark dhe ndodhet ende në spital. Policia ka sekuestruar pamjet e kamerave të sigurisë në disa subjekte private në vendin e ngjarjes. Po ashtu janë marrë në pyetje familjarë të efektivit të cilët kanë dhënë shpjegime mbi konfliktin mes efektivit dhe Kostës, ndërsa në pyetje janë marrë edhe dëshmitarë okularë.

The post Plagosi inxhinierin e ERE-s në Tiranë, efektivi Erjon Goxhara ende në arrati! Policia 10 mijë euro shpërblim për kapjen e tij! FOTO e të plagosurit appeared first on Albeu.com.

Ai ishte efektiv i policisë rrugore i cili u plagos rëndë ndërsa po i jepte ndihmë një personi për të ndërruar gomën e dëmtuar të një autoboti uji.

Atij i ka rënë depozita mbi trup duke i shkaktuar plagë të rënda, teksa kanë tentuar të heqin krikun që mbante mjetin.

62 vjeçari nuk ka mundur t’u mbijetojë plagëve të marra dhe pse shkoi me urgjencë në spital për të marrë ndihmë të shpejtë.

The post Humb jetën efektivi/Po ndihmonte një qytetar dhe i ra autoboti i ujit sipër appeared first on Albeu.com.

Gjithashtu, janë në fuqi masat e sigurisë “arrest shtëpie” për tre prej efektivëve të aeroportit të Rinasit dhe masën “detyrim paraqitje” për katër të tjerë.

Arrest me burg

B. T., me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, në Drejtorinë Vendore të Policisë Tiranë, për veprën penale “Korrupsion pasiv i personave që ushtrojnë funksione publike”, “Shpërdorim detyre”

E. S., për veprën penale “Korrupsion aktiv i personave që ushtrojnë funksione publike”,

Arrest në shtëpi

Inspektor S. Xh., i datëlindjes 05.07.1992, me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, i dyshuar për veprën penale “Shpërdorim detyre”,

E. M., me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, i dyshuar për veprën penale “Shpërdorim detyre”,

Inspektor A. D., me detyrë Ndihmës specialist, kontrollor: Seksioni i kufirit, në Komisariatin e Policisë Kufitare Aeroporti Rinas, i dyshuar për veprën penale “Shpërdorim detyre”,

Detyrimi për t’u paraqitur

Inspektor Y. P., me detyrë Ndihmës specialist, kontrollor: Seksioni i kufirit, ne Komisariatin e Policisë Kufitare Aeroporti Rinas, i dyshuar për veprën penale “Shpërdorim detyre”, parashikuar nga neni 248 i K.Penal;

Inspektor R. Sh., me detyrë Ndihmës specialist, kontrollor: Seksioni i kufirit, ne Komisariatin e Policisë Kufitare Aeroporti Rinas, i dyshuar për veprën penale “Shpërdorim detyre”, parashikuar nga neni 248 i K.Penal;

Inspektor E. A., me detyrë Ndihmës specialist, kontrollor: Seksioni i kufirit, ne Komisariatin e Policisë Kufitare Aeroporti Rinas, i dyshuar për veprën penale “Shpërdorim detyre”, parashikuar nga neni 248 i K.Penal;

Inspektor A. H., me detyrë Ndihmës specialist, kontrollor:

SKEMA

Bisedat telefonike të pronarit të agjencisë turistike të arrestuar për drogë çuan në zbardhjen e një skeme ku lejoheshin të kalonin përmes Aeroportit të Rinasit drejt BE të personave që e kishin të ndaluar.

E. S., i cili kishte në pronësi një agjenci për shitje biletash, u vendos në pranga për veprën penale “prodhim dhe shitja e narkotikëve” dhe Prokuroria e Tiranës pas sekuestrimit të telefonave të tij, arriti të zbulonte skemën.

Nga bisedat e zhvilluara mes tyre dhe verifikimeve në sistemin TIMS, rezulton se E.S., kontaktonte me efektivin e aeroportit B. T., dhe i dërgonte të dhënat e personave të cilët kanë blerë bileta në këtë agjencinë e tij, për verifikim paraprak të rekordeve në sistemin TIMS nëse plotësonin kushtet për të udhëtuar drejt vendeve të BE-së.

Pasi këta persona verifikohen paraprakisht prej tij, ose lidhjeve të tij shoqërore me punonjës policie, jepeshin udhëzimet mbi kabinën ku duhet të paraqiten për përpunimin e të dhënave dhe vlerat monetare në këmbim të lejimit për të udhëtuar dhe formën e dorëzimit të parave

Në varësi të problematikës, për rastet të cilat personat janë kthyer në kategorinë INAD ose deportiv nga vendet e BE-së, punonjësi i policisë B. T., jepte udhëzime mbi itinerarin e udhëtimit që duhet të kryente pasagjeri, duke vendosur si destinacion fillestar aeroportet e vendeve që nuk janë në BE dhe më pas kryerjen e fluturimeve tranzit drejt vendeve të Unionit

Në lidhje me rastet të cilat kanë problematika të tjera, në varësi të tyre përcaktohen vlerat monetare në këmbim të lejimit të kalimit, të cilat variojnë nga 50 euro (për persona të cilët nuk kanë asnjë problematike, por mashtrohen prej tyre) deri në vlerat e 500 eurove apo më shumë për ata që kanë problematika të tipit, nuk lejohen të udhëtojnë pasi janë të kthyer në kategorinë Inad apo deportiv nga shtetet e tjera, anëtare të BE-së.

The post 500 euro për lejimin e kalimit të emigrantëve të paligjshëm drejt BE/ Gjykata lë në burg efektivin e Rinasit dhe pronarin e agjencisë turistike appeared first on Albeu.com.