Edi Rama: Ka një tjetër lajm të mirë, i cili është fillimi i praktikës së indeksimit vjetor edhe për pagat e punonjësve të sektorit publik, qoftë në nivel qendror apo vendor, të cilat do të korrektohen çdo vit në bazë të inflacionit.

Kjo është politikë e re pagash, e kombinuar me rritjen e përgjithshme, i shton gati 100 mln euro që në vitin e parë 2026 shumës që mandate i katërt do të vendosë në dispozicion të rritjes së fuqisë blerëse të të gjitha kategorive shoqërore.

Kështu konkretisht 10.600 punonjës shërbimi, sanitare, shoferë, teknikë, protokollistë, arkivistë, magazinierë do përfitojnë nga rritja e pagës minimale me 10 mijë lekë në muaj.

Për specializantë të administratës publike rritja do të jetë 5 mijë lekë, mësuesit do të përfitojnë pagë 300 lekë më shumë në muaj.

Për herë të parë në sistemin e shëndetësisë, përveç indeksimit vjetor do të fillojë edhe llogaritja e vjetërsisë në punë. Si mesatare për mjekët e përgjithshëm nga 131.700 në 143.500 lëke në muaj.

Për mjekët në spitale nga 174 mijë lekë në 186.000 në muaj, për infermieret nga 87.000 në 92.500 në muaj.

Po ashtu edhe për punonjësit e policisë së shtetit, do të ketë rritje edhe për vjetërsinë në punë.

Për gradat më të ulta përkthehet në një rritje mesatare me 500 lekë në muaj.

Për një punonjës me vjetërsi mesatare 15 vite sipas gradave, pagat rriten si më poshtë:

Për inspektorët e thjeshtë nga 80.500 lekë në 84.500, plus shtesa për kushtet e punës dhe ushqimit, që e çon pagën mesatarisht në 100 mijë lekë.

Për nënkomisarët paga do të rritet nga 95.500 në 101.000 lekë me shtesën për kushtet e punës dhe ushqimin shkon në 116 mijë lekë.

Për komisarët nga 105000 në 110.600 dhe me shtesën për kushtet e punës e ushqimin shkon në 125.600 lekë.

Për drejtuesit e thjeshtë nga 230.500 shkon në 141.450 lekë që me shtesë e ushqimin bëhet mesatarisht 156.450 lekë.

Janë të gjitha lajme të mira për të gjitha këto kategori.

The post Buxheti 2026/ Rama: Nisim indeksimin e pagave, ja cilat janë katëgoritë që përfitojnë appeared first on Albeu.com.

Mesazhi i Ramës:

“Mirëmëngjes,” shkruan Rama në rrjetet sociale, “dhe me falenderimin me respekt për çdo efektiv të Forcave të Armatosura e të Policisë së Shtetit. Po ashtu, me një veçim plot admirim për shefin e policisë së Delvinës, Agim Troci, që shpëtoi jetë duke rrezikuar të tijën”.

Kryeministri ka vlerësuar gjithashtu zjarrfikësit, forcat e Urgjencës Kombëtare dhe Emergjencave Civile, që ndodhen në gatishmëri të plotë përballë rrezikut të përhapur të flakëve në gjithë Europën Jugore.

Në përfundim të mesazhit, ai uroi qytetarët për një të diel të qetë, duke i kujtuar kontributin e atyre që punojnë për sigurinë e të gjithëve.

The post Situata e zjarreve në vend/ Kryeministri Rama falenderon efektivët në terren: Mirënjohje për ata që rrezikojnë jetën për të shpëtuar të tjerët appeared first on Albeu.com.

Stafi i kësaj qendre, falënderoi punonjësit e Policisë dhe shefin e komisariatit të Sarandës, Gerald Toska, për surprizën që iu bënë fëmijëve dhe për gatishmërinë e tyre, në çdo rast.

Njoftimi:

“Punonjësit e Komisariatit të Policisë Sarandë në kujdesin e veçantë të shefit të këtij komisariati, Kryekomisar Gerald Toska, dorëzuan disa dhurata të përgatitura me iniciativën dhe kontributin e tyre, për fëmijët e shtëpisë së fëmijës “Vangjel Pulla”, në qytetin e Sarandës.

“Punonjësit e Komisariatit të Policisë Sarandë në kujdesin e veçantë të shefit të këtij komisariati, Kryekomisar Gerald Toska, dorëzuan disa dhurata të përgatitura me iniciativën dhe kontributin e tyre, për fëmijët e shtëpisë së fëmijës “Vangjel Pulla”, në qytetin e Sarandës.

Stafi i kësaj qendre ka falënderuar punonjësit e Policisë, për surprizën që iu bënë fëmijëve dhe për gatishmërinë e tyre, në çdo rast”, njofton policia.

The post Efektivët surprizojnë fëmijët jetimë në Sarandë me rastin e Vitit të Ri appeared first on Albeu.com.

Ata akuzohen se kanë marrë përfitime të paligjshme dhe u kanë premtuar dhe siguruar qytetarë të ndryshëm, drejtpërdrejt apo mes personave të tjerë, që do t’ju kthenin para afatit të pezullimit lejet e drejtimit të pezulluara sipas Kodit Rrugor.

Sipas dosjes hetimore, Amarildo Lika dhe Eljo Picoku u merrnin deri në 1 mijë euro, drejtuesve të automjeteve për t’i rikthyer patentat e pezulluara.

Është zbardhur një prej rasteve të dosjes hetimore, ku nga përgjimet ka rezultuar se shtetasit S.T i kërkohen 900 euro për t’I rikthyer patentën e pezulluar për 6 muaj.

Pjesë nga dosja hetimore:

-Shtetasi S.T, me cilësinë e personit që ka dijeni për rrethanat e hetimit, deklaron se ka kontaktuar me shokun e ti, shtetasin R. O., te cilit githashtu ja kishin pezulluar patentën, por e kishte rimarrë pasi kishte njohje me punonjës të policisë. Nga ky komunikim rezulton se leja e drejtimit është marrë me date 05.11.2022 dh për këtë gjë është paguar vlera prej 900 euro.

R.O : “O Zio sa muaj ta kanë heq, 6 muaj?”
S.T: 6
R.O: 900 euro
R.O: Më pak s’behet se 100 i ka ul se spo merr kafe ai sekseri
R.O: Se 1000 e kan si norm
R.O: Se esht 6 muaj prnd
S.T: Shume fare o vlla
R.O: Pse shum jan se esht 6 muaj
S.T: Po kur e merr psh ai
T.S: Ta takonim n sot
R.O: Un për vete pagova 500 euro per 3 muaj qe ma hoqen
R.O: Ti me 6
S.T: Po ok po per sa e merr dmth
R.O: S’di
R.O: Nga sistemi hiqet pa merak
S.T: Po ok e takojm dot sot
R.O: Per me e taku se takojm dot se nuk do qe t’dihet se kush esht
R.O: Dhe ja jap njeriut t vet kafen
R.O: Se ai esht brenda te drejtoria rrugores
S.T: Marr vesh
S.T: O vlla thjesht kam hall sa e sigurt eshte se s’jan pak lek
R.O: E un x vete se kam taku vet vec ja kam dhon nje kusho lekt e osht marr ai se s’ka besim te tjeret
R.O: 10000% e sigurt*
R.O: Kshu sbesoja as un
R.O: Po vec kur m sollen patenten te dyqani
S.T: Ok
S.T: Ku te te takoj une
R.O: (i dergon nje foto te procesverbalit te konstatimit te shkeljes me numer serie 3151206, me sanksion gjobe 35 000 leke dhe mase plotesuese pezullim drejtimi 3 mua)
R.O: A Ni posht pallatit tat
S.T: Ku te duash vila ja te marr leket
R.O: He se tak posht pallatit tat see jom m afer
R.O: Sa t’me bej rruga nga Kamza
S.T: Ok
R.O: 6 min jm aty
S.T: Ok vlla/Albeu.com/

The post “900 euro, më pak s’bëhet”, zbardhen përgjimet e efektivëve të Rrugores që merrnin ryfshfet për patentat e pezulluara appeared first on Albeu.com.

Njoftim i përbashkët për media i Prokurorisë Tiranë dhe AMP:

Nën drejtimin e Prokurorisë së Rrethit Gjyqësor Tiranë, Agjencia e Mbikëqyrjes Policore ka kryer veprimet hetimore proceduriale në lidhje me ngjarjen ku shtetasi L.K., 32 vjeç ndërroi jetë pasi u shoqërua nga punonjës policie të Komisariatit Nr.3 Tiranë gjatë një kontrolli rutinë, nga të cilat rezulton se:
Në datë 19.10.2022, ora 23:07, punonjësit e Komisariatit të Policisë Nr. 3 Tiranë, gjatë patrullimit në Rr. “Riza Çuka” në zonën e Laprakës kanë konstatuar një person duke qëndruar përpara një biznesi privat, për të cilin kushtet dhe rrethanat diktonin nevojën e një verifikimi.
Në momentin kur punonjësit e Policisë, i kanë kërkuar dokumentin e identifikimit, shtetasi është larguar me vrap, duke mos iu bindur thirrjeve të njëpasnjëshme të punonjësve të Policisë për të ndaluar.
Pasi ka vrapuar për rreth 200 metra, i ndjekur nga patrulla e Policisë, mes rrugicave midis rrugës “Riza Çuka” dhe “Don Bosko”, ai është kapur dhe ndaluar nga punonjësit e Policisë, vend në të cilin kanë qëndruar 7 minuta.
Në vijim, pasi është qetësuar, shtetasi është shoqëruar në ambientet e Komisariatit të Policisë Nr. 3 ku ka shfaqur probleme shëndetësore, gjë e cila ka diktuar dërgimin në Spitalin e Traumës, ku është konstatuar humbja e jetës.
Nga veprimet hetimore të kryera, është dokumentuar i gjithë itenerari dhe veprimet e punonjësve të Policisë nga momenti kur shtetasit i kërkohet të identifikohet deri në shoqërimin e tij në ambientet e Komisariatit të policisë Nr 3.
Ky itenerar pasqyrohet në pamjet filmike të admnistruara nga 5 kamera të vendeve të ndryshme, deklarimet e personave të pranishëm, mes tyre dhe dy shtetas shokë të viktimës, si dhe nga deklarimet e punonjësve të Policisë.
Nga veprimet hetimore në vazhdim janë dhe këqyrja e kufomës në prani të stafit mjeko-ligjor, nga e cila nuk rezulton që në trupin e viktimës të ketë dëmtime apo shenja dhune. Në kyçe konstatohen shenjat e krijuara në momentin e prangosjes.
Nga autopsia e kryer në Institutin e Mjekësisë Ligjore, rezultoi se në stomakun e viktimës është gjetur një qese plastike e çarë me ngjyrë të bardhë me përmasa 5×5 cm, e dyshuar si ambalazh i lëndës narkotike, e cila i është nënshtruar ekzaminimit në Institutin e Policisë Shkencore.
Gjithashtu nga Instituti i Mjekësisë Ligjore, vijojnë ekzaminimet për të përcaktuar shkakun e vdekjes.
Nga analiza e kryer e provave të grumbulluara deri në këtë fazë të hetimeve, si pamje filmike, këqyrje dhe ekzaminime mjeko-ligjore, nuk evidentohen veprime të kundraligjshme të punonjësve të Policisë, gjatë dhe pas shoqërimit të shtetasit L.K., 32 vjeç.
Për sa më sipër, AMP nën drejtimin e Prokurorisë së Rrethit Gjyqësor Tiranë vijon hetimet për të sqaruar dhe zbardhur shkakun e vdekjes dhe rrethana të tjera të ngjarjes./albeu.com

The post Vdekja e 32-vjeçarit në Tiranë, reagon Prokuroria e Tiranës dhe AMP: Efektivët nuk e dhunuan, gëlltiti kokainë appeared first on Albeu.com.

“Të bëhet punë policore profesionale, që grupet apo elementet e veçuara kriminale të mos gjejnë qetësi dhe terren të përshtatshëm për të zhvilluar aktivitetin e tyre”, ishte porosia e qartë e drejtorit të policisë.

Nano ka kërkuar që të vijojë kontrolli i territorit “nga toka dhe nga ajri, me dronë, për parandalimin e kultivimit të kanabisit”.

Ndërsa për ato zona “që do të raportohen të pastra, por më pas nga monitorimi ajror do evidentohen bimë narkotike të mbjella, përgjegjësia do të bjerë direkt mbi drejtuesit e strukturave policore që mbulojnë këto territore dhe masat do të jenë shumë ta ashpra”, ka paralajmëruar drejtori Nano.

Nano është ndalur edhe te ecuria e testit të drogës për punonjësit e Policisë.

“Çdo titullar i strukturave vendore të grumbullojë informacion dhe të dërgojë në mënyrë të befasishme për të kryer testin e drogës ata punonjës që dyshohet se mund të përdorin lëndë narkotike. Ky është një proces që do të jetë në vijimësi dhe nuk do të mbarojë kurrë, ndaj vlerësojeni me shumë seriozitet”, ka kërkuar Nano.

Njëkohësisht, Drejtor Nano ka kërkuar nga të pranishmit në mbledhje, që të evidentojnë rastet e konflikteve ndërmjet punonjësve të Policisë dhe t’u japin zgjidhje shteruese, në rast se ka raste të tilla.

The post Gledis Nano “dush të ftohtë” policisë: Testi i drogës në befasi për ata efektivë që dyshohet se janë përdorues appeared first on Albeu.com.

Komentet Nano i bëri gjatë ceremonisë së zhvilluar në ambientet e Drejtorisë së Përgjithshme, ku ka theksuar se, që në momentin e marrjes së detyrës, krahas përmbushjes së saj, ai është përpjekur për t’u krijuar kushte sa më të favorshme pune punonjësve të Policisë së Shtetit.

Lajmin e bëri të ditur Policia e Shtetit përmes një njoftimi në faqen zyrtare.

Njoftimi i plotë:

Drejtori i Përgjithshëm i Policisë së Shtetit Gledis Nano nënshkruan një tjetër marrëveshje me sektorin privat, në interes të punonjësve të Policisë së Shtetit.

Në vijim të interesimit nga Drejtori i Përgjithshëm, për krijimin e lehtësirave për punonjësit e Policisë së Shtetit, administratori i  optikës “Luani” ka ofruar ekzaminime okulistike pa pagesë për punonjësit e Policisë së Shtetit dhe familjarët e Dëshmorëve të Policisë, si dhe çmim të reduktuar për syzet optike.

Përfaqësuesi i optikës “Luani”, z. Sefa, krahas marrëveshjes, i dorëzoi Drejtor Nanos edhe donacionin “350 palë syze dielli cilësore”, për Policinë Rrugore të Tiranës dhe Forcën e Posaçme “Shqiponja” të DVP Tiranë.

Gjatë ceremonisë së zhvilluar në ambientet e Drejtorisë së Përgjithshme, Gedis Nano ka theksuar se që në momentin e marrjes së detyrës, krahas përmbushjes së saj, ai është përpjekur për t’u krijuar kushte sa më të favorshme pune punonjësve të Policisë së Shtetit, si dhe për t’u ardhur në ndihmë nëpërmjet biznesve të ndershme, duke u krijuar lehtësira në tarifat e shërbimeve për shëndetin e tyre.

Nano ka falënderuar z. Sefa, për mbështetjen e dhënë nga rrjeti optik “Luani”, gjest që tregon vlerësim, besim dhe partneritet me Policinë, e cila është në shërbim të qytetarëve, me qëllim krijimin e një ambienti sa më të sigurt për komunitetin dhe biznesin e ndershëm që operon në vendin tonë. Nano ka theksuar se kjo marrëveshje nuk është e fundit, pasi priten të tjera marrëveshje me biznese, për shërbime të ndryshme që lehtësojë dhe përmirësojë kushtet e punës, ekonominë dhe shëndetin e punonjësve të Policisë së Shtetit.

Drejtori i marketingut z. Edmond Zeneli, gjatë fjalës, në emër të rrjetit optik “Luani”, ka falënderuar Drejtorin e Përgjithshëm të Policisë së Shtetit, për vizionin dhe krijimin e një marrëdhënieje të re dhe transparente ndërmjet biznesit dhe Policisë. Ai ka theksuar se kjo marrëveshje dhe ky donacion është shenjë vlerësimi dhe mirënjohjeje për punonjësit e Policisë së Shtetit, të cilët sakrifikojnë çdo ditë për të mbrojtur rendin e sigurinë dhe për të krijuar një ambient social sa më të sigurt, që edhe biznesi të zhvillojë i qetë aktivitetin e tij.

Më pas, Drejtor Nano dhe administratori i optikës “Luani”, z. Sefa kanë nënshkruar marrëveshjen e bashkëpunimit, e cila parashikon që përveç vizitave falas, punonjësit e Policisë së Shtetit përfitojnë 30% ulje në rast se blejnë syze optike apo syze dielli, ndërsa familjarët e Dëshmorëve të Policisë përfitojnë 50% ulje për këto blerje.

Këto shërbime optika “Luani” i ofron në 15 pika, të shtrira në qytete kryesore të Shqipërisë, si në Tiranë, Vlorë, Shkodër, Fier, Berat etj./albeu.com/

The post Gledis Nano nënshkruan marrëveshjen dhe ndan lajmin e mirë për efektivët e policisë (VIDEO) appeared first on Albeu.com.

Arrestimet kanë ardhur përmes operacionit ‘Storm’, pamjet e të cilit po i bëjmë publike.

Në pranga kanë rënë 5 persona, 2 janë nën hetim në gjendje të lirë dhe një tjetër në kërkim.

8 personat e proceduar kanë tentuar të vrasin efektivët e policisë në Qafë Kashar. Ndërkohë pritet të dalin informacione të tjera mbi operacionin në fjalë.

Njoftimi i Policisë:

Tiranë – Finalizohet operacioni policor i koduar “STORM”.

Zbardhen dy vrasje të mbetura në tentativë, dy vjedhje të automjeteve dhe vjedhje të sendeve personale dhe portofolit të një shtetasi që kthehej nga Gjermania.

Vihen në pranga 5 shtetas, shpallet në kërkim 1 shtetas dhe 2 të tjerë procedohen në gjendje të lirë.

Sekuestrohen veshje të ndryshme që dyshohet se përdoreshin për kryerjen e vjedhjeve, dy automjete të vjedhura, targa automjetesh të vjedhura, një armë gjahu, municion luftarak, 13 aparate celulare dhe sende të tjera të vjedhura.

Në kuadër të punës hetimore për zbardhjen e ngjarjeve kriminale të ndodhura më parë, si rezultat i një pune policore dhe procedurale të pandërprerë disajavore, duke përdorur dhe metodat speciale të hetimit, nga Sektori i Krimeve të Rënda ndaj Jetës dhe Pronës në Drejtorinë Vendore të Policisë Tiranë, Sektori i Forcës së Posaçme Operacionale në DVP Tiranë, në bashëpunim me Seksionin e Hetimit të Krimeve në Komisariatin e Policisë Kurbin (DVP Lezhë), mbështetur nga Forcat Speciale FNSH dhe RENEA, nën drejtimin e Prokurorisë së Rrethit Gjyqësor Tiranë dhe Kurbin, është finalizuar me sukses operacioni policor i koduar “STORM”.

Si rezultat i këtij operacioni është bërë e mundur kapja dhe ndalimi i shtetasve:

– Ibrahim Difaj, 31 vjeç, banues në Kurbin;

– Damjan (Besmir ) Lleshaj (Prela), 34 vjeç, banues në Mamuras, Kurbin, i dënuar më parë për vjedhje;

– Robert Laci, 52 vjeç, banues në Fushë-Krujë;

– Ilirian Feçi, 47 vjeç, banues në Durrës, i dënuar në Itali, për grabitje të bankave dhe trafikim të lëndëve narkotike;

Është arrestuar në flagrancë shtetasi Erion Mulaj, 30 vjeç, banues në Durrës.

Janë proceduar në gjendje të lirë shtetasit: M. M., 67 vjeç, banues në Durrës dhe E. V., 30 vjeçe, banuesë në Kurbin.

Gjithashtu, është shpallur në kërkim shtetasi Shpetim Kraja, 35 vjeç, banues në Shkodër, i shpallur në kërkim për veprën penale “Vjedhja”.

Nga puna e bërë deri tani rezulton se këta shtetas, në bashkëpunim me njëri-tjetrin, në kohë dhe vende të ndryshme, janë autorë të dyshuar të ngjarjeve si më poshtë:

– “Vrasja e mbetur në tentativë e punonjësve të Policisë” e kryer në bashkëpunim, “Armëmbajtja pa leje”, “Mosbindja ndaj urdhrit të punonjësit të policisë”, ngjarje e ndodhur më datë 14.01.2022, në Fushë-Krujë, autor të dyshuar të të cilës janë shtetasit Ibrahim Difaj, Shpetim Kraja dhe shtetasja E. V.

Më datë 14.01.2022, në Qafë Kashar, shërbimet e Policisë i kanë bërë shenjë ndalimi një mjeti, drrejtuesi i të cilit nuk ka ndaluar dhe është larguar në drejtim të Fushë Krujës. Në tentativë për t’u larguar, mjeti është përplasur më një bordurë dhe personat që ndodheshin në mjet, kanë dalë duke qëlluar me armë zjarri në drejtim të punonjësve të Policisë dhe duke përfituar nga errësira janë larguar duke braktisur mjetin.

– “Vrasja” e mbetur në tentativë e shtetasit A. Gj., ndodhur më datë 17.08.2021, në vendin e quajtur fshati Adriatik, Fushë Kuqe. Autorë të dyshuar të kësaj ngjarjeje janë shtetasit Ibrahim Difaj, Ilirian Feçi dhe Robert Laci.

Më datë 17.08.2021, shtetasit Ibrahim Difaj dhe Ilirian Feçi, kundrejt pagesës 20 000 euro, të bërë nga shtetasi Robert Laci, kanë tentuar të vrasin shtetasin A. Gj.

– Vjedhje e automjetit tip “Mercedes-Benz”, në pronësi të shtetasit I. M., ndodhur më datë 11.01.2022 në Vorë. Autorë të dyshuar janë shtetasit Ibrahim Difaj dhe Shpetim Kraja.

– Vjedhje e automjetit tip “Volksëagen Touran, në pronësi të shtetasit J. M., ndodhur më datë 25.01.2021, në lagjen nr. 5 Laç, Kurbin. Autorë të dyshuar janë shtetasit Ibrahim Difaj dhe Shpetim Kraja.

– Vjedhja e sendeve të shtetasit A. D., më datë 25.01.2021, rreth orës 05:00, në autostradë, tek nënkalimi i Patokut, në lagjen nr. 6 Laç, Kurbin. Pasi ka zbritur nga autobusi me të cilin kishte ardhur nga Gjermania, shtetasit i kanë vjedhur portofolin dhe një telefon celular. Autorë të dyshuar janë shtetasit Ibrahim Difaj dhe Shpetim Kraja.

– Vjedhja e disa produkteve ushqimore në dyqanin e shtetasit K. C., më datë 26.01.2022, në vendin e quajtur Malbardhe-Fushë, Milot. Autorë të dyshuar janë shtetasit Ibrahim Difaj dhe Shpetim Kraja.

Materialet i kaluan për hetime të metejshme, Prokurorisë pranë Gjykatës së Shkallës së Parë Tiranë, në ngarkim të shtetasve:

– Ibrahim Difaj, Damjant Lleshaj dhe Shpëtim Kraja, për veprat penale “Vrasja e punonjësve të Policisë, e mbetur në tentativë, e kryer në bashkëpunim, “Armëmbajtja pa leje”, “Mosbindja ndaj urdhrit të punonjësit të policisë” dhe “Vjedhja”;

– Erion Mulaj, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe municioneve”;

I. V., për veprën penale “Moskallëzim krimi”;

– M. M. për veprën penale “Prodhimi dhe mbajtja pa leje e armëve të gjuetisë dhe sportive”.

Gjithashtu materialet i kaluan për hetime të mëtejshme dhe Prokurorisë pranë Gjykatës së Shkallës së Parë Kurbin, në ngarkim të shtetasve:

– Ibrahim Difaj, Ilirian Feçi dhe Robert Laci, për veprat penale “Vrasja me paramendim” e kryer në bashkëpunim, e mbetur në tentativë”, “Armëmbajtja pa leje”, si dhe në ngarkim të shtetasit Ibrahim Difaj dhe shtetasit të shpallur në kërkim Shpëtim Kraja, për veprat penale ”Vjedhja” e kryer në bashkepunim, më shumë se një herë Garantojmë qytetarët se strukturat e Policisë së Shtetit, nën drejtimin e Prokurorive respektive dhe në bashkëpunim me strukturat e tjera ligjzbatuese, po punojnë intensivisht për zbardhjen e ngjarjeve të tjera kriminale të ndodhura më parë, dhe shumë shpejt do kemi rezultate të tjera.

Ftojmë qytetarët që të mbështesin strukturat e Policisë dhe të denoncojnë në Komisariatin Dixhital dhe në numrin pa pagesë 112 duke garantuar anonimat të plotë e të sigurt dhe një reagim të mënjehershëm e të panashëm./albeu.com/

The post Sulmuan me breshëri policët në Kashar, dalin pamjet e operacionit Storm që “fundosi” banditët (VIDEO) appeared first on Albeu.com.