Për të realizuar këtë temë tejet interesante ka menduar agjenti më i ri i “Piranjave” Visi, i cili ka zbritur vetë në terren për të pyetur shoferët.

Siç edhe i dëgjoni shoferët janë të ndarë në mendime, ka nga ata që bien dakord me gjobat që marrin për shkak të shkeljes së qarkullimit rrugor, por ka dhe nga ata të cilët i kanë “halë në sy” policët.

The post Si i kanë marrëdhëniet shqiptarët me rregullat e qarkullimit rrugor dhe gjobat? Si përgjigjen qytetarët dhe efektivët e policisë appeared first on Albeu.com.

Njoftim i përbashkët për media i Prokurorisë Tiranë dhe AMP:

Nën drejtimin e Prokurorisë së Rrethit Gjyqësor Tiranë, Agjencia e Mbikëqyrjes Policore ka kryer veprimet hetimore proceduriale në lidhje me ngjarjen ku shtetasi L.K., 32 vjeç ndërroi jetë pasi u shoqërua nga punonjës policie të Komisariatit Nr.3 Tiranë gjatë një kontrolli rutinë, nga të cilat rezulton se:
Në datë 19.10.2022, ora 23:07, punonjësit e Komisariatit të Policisë Nr. 3 Tiranë, gjatë patrullimit në Rr. “Riza Çuka” në zonën e Laprakës kanë konstatuar një person duke qëndruar përpara një biznesi privat, për të cilin kushtet dhe rrethanat diktonin nevojën e një verifikimi.
Në momentin kur punonjësit e Policisë, i kanë kërkuar dokumentin e identifikimit, shtetasi është larguar me vrap, duke mos iu bindur thirrjeve të njëpasnjëshme të punonjësve të Policisë për të ndaluar.
Pasi ka vrapuar për rreth 200 metra, i ndjekur nga patrulla e Policisë, mes rrugicave midis rrugës “Riza Çuka” dhe “Don Bosko”, ai është kapur dhe ndaluar nga punonjësit e Policisë, vend në të cilin kanë qëndruar 7 minuta.
Në vijim, pasi është qetësuar, shtetasi është shoqëruar në ambientet e Komisariatit të Policisë Nr. 3 ku ka shfaqur probleme shëndetësore, gjë e cila ka diktuar dërgimin në Spitalin e Traumës, ku është konstatuar humbja e jetës.
Nga veprimet hetimore të kryera, është dokumentuar i gjithë itenerari dhe veprimet e punonjësve të Policisë nga momenti kur shtetasit i kërkohet të identifikohet deri në shoqërimin e tij në ambientet e Komisariatit të policisë Nr 3.
Ky itenerar pasqyrohet në pamjet filmike të admnistruara nga 5 kamera të vendeve të ndryshme, deklarimet e personave të pranishëm, mes tyre dhe dy shtetas shokë të viktimës, si dhe nga deklarimet e punonjësve të Policisë.
Nga veprimet hetimore në vazhdim janë dhe këqyrja e kufomës në prani të stafit mjeko-ligjor, nga e cila nuk rezulton që në trupin e viktimës të ketë dëmtime apo shenja dhune. Në kyçe konstatohen shenjat e krijuara në momentin e prangosjes.
Nga autopsia e kryer në Institutin e Mjekësisë Ligjore, rezultoi se në stomakun e viktimës është gjetur një qese plastike e çarë me ngjyrë të bardhë me përmasa 5×5 cm, e dyshuar si ambalazh i lëndës narkotike, e cila i është nënshtruar ekzaminimit në Institutin e Policisë Shkencore.
Gjithashtu nga Instituti i Mjekësisë Ligjore, vijojnë ekzaminimet për të përcaktuar shkakun e vdekjes.
Nga analiza e kryer e provave të grumbulluara deri në këtë fazë të hetimeve, si pamje filmike, këqyrje dhe ekzaminime mjeko-ligjore, nuk evidentohen veprime të kundraligjshme të punonjësve të Policisë, gjatë dhe pas shoqërimit të shtetasit L.K., 32 vjeç.
Për sa më sipër, AMP nën drejtimin e Prokurorisë së Rrethit Gjyqësor Tiranë vijon hetimet për të sqaruar dhe zbardhur shkakun e vdekjes dhe rrethana të tjera të ngjarjes./albeu.com

The post Vdekja e 32-vjeçarit në Tiranë, reagon Prokuroria e Tiranës dhe AMP: Efektivët nuk e dhunuan, gëlltiti kokainë appeared first on Albeu.com.

Një 25-vjeçar shqiptar dhe një 28-vjeçare greke janë arrestuar në qendër të Athinës nga efektivët e policisë helene pasi janë akuzuar se trafikonin kokainë në qendrën e kryeqytetit grek.

Gjatë kontrollit të kryer ndaj tyre dy të arrestuarve iu gjet një pako kokainë me peshë 50 gram, me qëllim shitjen e saj. Më pas, në kontrollin e kryer në banesën e tyre u gjetën dhe u konfiskuan 9 pako me 110 gramë kokainë, një peshore elektronike, 3 celularë dhe një shumë prej 500 euro.

Sakaq, dy të arrestuarit u dërguan në Prokurorinë Penale të Athinës për t’u njohur me masën ndaj tyre.

The post Përfundon aventura e çiftit, arrestohen shqiptari dhe grekja, shpërndanin kokainë në lagjet e Athinës appeared first on Albeu.com.

Sipas informacioneve ekskluzive të pelop.gr, ndaj tij ishin ngritur akuza dhe urdhër arresti për grabitje, formim bande, armëmbajtje pa leje dhe lëndë plasëse dhe sulm ndaj grave. Shqiptari kishte zhvilluar një veprimtari “të pasur” në qytete të ndryshme të Peloponezit, përfshirë Kalamatën, Gythio dhe Spartën.

Dje, e mërkurë 14.7.2022, ai ka mbërritur me makinën e tij në portin e Patrës me destinacion Italinë. Ai u arrestua nga roja bregdetare teksa kontrollonte dokumentet e udhëtimit.

Ai u arrestua për tentativë për t’u larguar në mënyrë të paligjshme nga vendi dhe me dosjen e ngritur në ngarkim të tij do të dërgohet në Prokurorinë e Patrës për procedim të mëtejshëm./albeu.com

The post Pjesë e grupit kriminal, arrestohet shqiptari në Greqi, u kap mat teksa futej në traget për në Itali appeared first on Albeu.com.

Sipas burimeve mësohet se në pranga kanë rënë Defrim Bardhushi, 33 vjeç, banues në fshatin Mborje, i cili ishte në arrest shtëpie dhe Elvis Venxha 30 vjeç po ashtu banues në fshatin Mbroje.

Ata u kapën në aksin rrugor Korçë-Bilisht, ku po lëviznin me një automjet tip ‘Benz’, në bagazhin e së cilës kishin futur lëndën narkotike, të ndarë në 50 pako. Automjeti drejtohej nga Venxha, i cili sapo ka konstatuar se ishte nën ndjekjen e policisë, ka tentuar të largohet me shpejtësi duke goditur edhe mjetet e efektivëve, por u kap menjëherë.

Këto arrestime ishin faza e pestë e operacionit policor të koduar “Restart”, startuar katër muaj më parë. Numri i të ndaluarve në kuadër të këtij operacioni ka shkuar në 12, ndërsa janë sekuestruar 373.5 kilogramë kanabis.

Njoftimi i Policisë:

Korçë

Finalizohet faza e pestë e operacionit policor të koduar “Restart”, startuar katër muaj më parë.

Operacioni pas hetimeve intensive, zhvilluar nga Seksioni për Hetimin e Trafiqeve të Paligjshme dhe Narkotikëve në DVP Korçë, nën drejtimin e Prokurorisë së Rrethit Gjyqësor Korçë.

Vihen në pranga edhe 2 shtetas dhe sekuestrohen 51.5 kilogramë të tjera lëndë e dyshuar narkotike kanabis.

Shkon në 12 numri i të ndaluarve dhe në 373.5 kilogramë lëndë narkotike kanabis e sekuestruar në kuadër të këtij operacioni, për goditjen e një grupi kriminal në fushën e trafikimit të lëndëve narkotike në drejtim të shtetit grek, shpërndarjes së lëndëve narkotike dhe armëmbajtjes pa leje.

Specialistët e Seksionit për Hetimin e Trafiqeve të Paligjshme dhe Narkotikëve në Drejtorinë Vendore të Policisë Korçë, nën drejtimin e Prokurorisë së Rrethit Gjyqësor Korçë, në bashkëpunim me Komisariatin e Policisë Devoll, Forcat e Posaçme “Shqiponjat” dhe Policinë Kufitare, në vijim të operacionit policor “Restart”, nisur katër muaj më parë, kanë finalizuar me sukses fazën e pestë të tij, si rezultat i së cilës u bë kapja dhe arrestimi në flagrancë i shtetasve:

• D. B., 33 vjeç, banues në fshatin Mborje, Korçë, (i cili ishte nën masën e sigurisë “Arrest në shtëpi” për veprën penale “Ndihma për kalim të paligjshëm të kufijve”).
• E. V., 30 vjeç, banues në fshatin Mborje, Korçë.

Shërbimet e policisë, në bazë të informacioneve të  grumbulluara se shtetasit e mësipërm në bashkëpunim mes tyre, po transportonin një sasi droge, organizuan punën dhe bënë lokalizimin e mjetit tip “Mercedes Benz” me të cilin ata po udhëtonin, në aksin rrugor Korçë-Bilisht. Drejtuesi i mjetit shtetasi E. V., sapo ka konstatuar se ishte nën ndjekjen e policisë, ka tentuar të largohet me shpejtësi duke goditur edhe mjetet e efektivëve, por u kap menjëherë dhe u neutralizua.

Gjatë kontrollit të ushtruar në automjet, në bagazhin e tij u gjetën e sekuestruan në cilësinë e provës materiale 50 pako, me peshë totale 51.5 kg lëndë e dyshuar narkotike kanabis.

Në bashkëpunim me Prokurorinë, po vijojnë hetimet për dokumentimin e plotë të kësaj veprimtarie kriminale./albeu.com/

The post Makina “plot” me drogë, dy të rinjtë godasin makinën e policisë, por përfundojnë të shtrirë në tokë (VIDEO) appeared first on Albeu.com.

Efektivët janë dërguar në Prokurori nga SHÇBA, pas ankesave të qytetarëve.

Ndërkohë që 4 policë janë arrestuar për kryerjen e veprave të ndryshme penale.

Struktura për të cilën ka më shumë ankesa është Policia e rendit. Sjellja e punonjësve të Policisë në raport me qytetarët mbetet problematike, pasi 21 efektivë janë denoncuar në Prokurori gjatë muajit janar 2022. Referimet kanë ardhur pas ankesave të qytetarëve, por edhe pas hetimeve, të cilat janë ndjekur nga SHÇBA, e cila ka gjetur edhe shkeljet e punonjësve të rendit.

Po ashtu, përgjatë muajit të parë të vitit, 4 efektivë të Policisë kanë përfunduar në pranga, ku 2 prej tyre ishin me urdhër nga gjykata, e ndërsa 2 të tjera kanë qenë arrestime në kushtet e flagrancës. Po gjatë hetimeve për zbulimin e ngjarjeve, kanë rezultuar se edhe 2 efektivë janë përfshirë si autorë në këto krime, duke u shpallur në kërkim.

Në zyrat e SHÇBA-së kanë mbërritur të paktën 300 telefonata, ndërkohë që janë trajtuar 169 prej tyre. Në këto thirrje, qytetarët janë ankuar më shumë ndaj efektivëve të Policisë së Rendit, me 84 SMS e ndërsa pas tyre renditet Policia Rrugore, me 42 ankesa, 34 ankesa ka pasur efektivët e Hetimit të Krimit, 4 kanë qenë për Burimet Njerëzore, e ndërsa 3 ankesa kanë qenë për efektivët e Kufirit dhe Emigracionit, raporton Panorama.

Një pastrim i tillë në radhët e policisë ka qenë edhe një premtim nga drejtori i përgjithshëm i Policisë së Shtetit, Gledis Nano, që kur ai mori detyrën./albeu.com/

The post Qytetarët “fundosin” efektivët, Prokuroria dhe SHÇBA nisin hetimet për 21 punonjës policie appeared first on Albeu.com.

Edhe puna e uniformave blu gjatë këtyre ditëve bëhet më e vështirë dhe më e ngarkuar.

Kjo për shkak të lëvizjeve të shumta të makinave e qytetarëve, si dhe emigrantëve të ardhur nga jashtë.

Dhe mesa duket, misionit të vështirë që kanë rrugorët e kryeqytetit, u është bashkuar edhe nje koleg i veçantë në moshë të vogël, por me pasion të madh për misionin e uniformave blu.

Polici më i ri në radhët e rrugores së kryeqytetit është një fëmijë i ardhur me pushime me familjen e tij në Shqiperi, i cili sot është parë në afërsi të një qendre tregtare në kryeqytet.

Ai ndryshe nga moshatarët e tij që luanin, ka vendosur t’u japë një dorë “kolegëve”, në rregullimin e trafikut të rënduar.

Ndërkohë ka qenë NewsBomb.al që ka bërë publike videon e veçantë.

Për të parë videon e plotë klikoni këtu./albeu.com/

The post Përforcohet Policia Rrugore, ky është efektivi më i ri në kryeqytet (VIDEO) appeared first on Albeu.com.