Si rezultat i kontrolleve të vazhdueshme dhe hetimeve të zhvilluara me metoda proaktive, në zonën e njohur si “Fushat e fshatit Povelçë”, efektivët e Policisë zbuluan dhe sekuestruan 1000 bimë të dyshuara si kanabis sativa, të kultivuara në mënyrë të paligjshme.

Gjatë ndërhyrjes në terren, Policia kapi në flagrancë Eduart Gjikoli, 48-vjeç, banues në Pojan, teksa kujdesej për bimët narkotike. Ai u arrestua dhe po përballet me akuzat për veprat penale “Kultivimi i bimëve narkotike” dhe “Prodhimi dhe mbajtja pa leje e armëve dhe municionit luftarak”.

Në vijim të veprimeve hetimore, u procedua penalisht edhe babai i të arrestuarit, shtetasi E. Gj., 77 vjeç, i dyshuar për përfshirje në këtë aktivitet kriminal.

Gjatë kontrollit të banesës së tyre, policia gjeti dhe sekuestroi një armë zjarri tip pistoletë, dy krehëra dhe 14 fishekë luftarak.

Bimët narkotike të zbuluara në terren u asgjësuan me anë të djegies, sipas procedurave ligjore.

Policia e Fierit, njofton se vijon puna për dokumentimin e plotë të kësaj veprimtarie kriminale, si dhe për identifikimin dhe kapjen e personave të tjerë që mund të jenë të përfshirë në këtë rast.

The post Mbolli kanabis, arresohet 48-vjeçari në Fier, e pëson dhe babai i tij (EMRI) appeared first on Albeu.com.