Gjykata e Posaçme, shqyrton sot në seancë paraprake kërkesën e SPAK për kalimin në gjykim të çështjes ndaj kryebashkiakut socialist të Devollit, Eduard Duro, ish-administratores së Bilishtit dhe tre zyrtarëve të Bashkisë Devoll.

Ata akuzohen për “shpërdorim të detyrës”, vepër që, sipas SPAK, e kanë konsumuar teksa kanë licensuar në kundërshtim me ligjin një pikë karburanti në Bilisht.

The post Kryetari i Bashkisë Devoll Eduard Duro, paraqitet në SPAK appeared first on Albeu.com.

Kryebashkiaku socialist i Devollit, Eduard Duro u paraqit 4 ditë më parë në SPAK, ku i është komunikuar përfundimi i hetimeve.  Pasi doli nga SPAK, Duro tha se nuk do të japë dorëheqjen, por do të vijojë të qëndrojë në detyrë.

Duro u mor i pandehur nga SPAK, pasi akuzohet se ka licencuar një pikë karburanti në Bilisht që ishte ndërtim pa leje.

Ndaj tij rëndon akuza e shpërdorimit të detyrës. Më herët, Duro e ka mohuar akuzën duke thënë se ka firmosur autorizimin e ligjshëm të Tatim-Taksave për shitjen e subjektit.

NJOFTIMI

Prokuroria e Posaçme kundër Korrupsionit dhe Krimit të Organizuar ka paraqitur në Gjykatën e Posaçme më datën 6 dhjetor, kërkesën për dërgimin për gjykim të 5 të pandehurve; Eduard Duro, Astrit Seferkolli, Gazmend Haxhija dhe Gazmend Mali për kryerjen e veprës penale “Shpërdorim detyre”, në bashkëpunim, parashikuar nga neni 248, 25 i Kodit Penal dhe Vojsava Bregu për kryerjen e veprës penale “Shpërdorim detyre”, parashikuar nga neni 248 i Kodit Penal.

Shkelje në dhënien e lejes dhe autorizimit për shoqërinë “Genci Petrol” sh.p.k

Nga aktet e administruara rezulton se janë konstatuar shkelje ligjore nga njësia Administrative Qendër Bilisht, me dhënien e një lejeje në vitin 2015 dhe një autorizimi në vitin 2020 shoqërisë Genci Petrol”, sh.p.k., për stacionin e shitjes së karburantit në Devoll, Kapshticë. Prej vitit 2015 dhe në vijim, nga dhënia e lejes dhe autorizimit në kundërshtim me ligjin janë realizuar përfitime të padrejta nga kjo shoqëri.

Në kohën kur mbante detyrën e Administratorit të komanduar të Njësisë Qendër Bilisht, shtetasja Vojsava Bregu mundësoi shoqërisë tregtare “Genci Petrol” sh.p.k me lejen nr.4, në 27 gusht të 2015 “për tregtimin me pakicë të karburanteve+GLN”, me vendndodhje të aktivitetit tregtar në Devoll, Kapshticë.

Dhënia e lejes ishte në kundërshtim me ligjin nr.8450, dt 24.02.1999 dhe VKM nr.170, dt.25.04.2002. Subjekti “Genci Petrol”, sh.p.k. në kohën e dhënies së saj nuk ka qenë i pajisur me dokumentacionin ligjor të kërkuar; a. aktin e kontrollit, b. lejen e shfrytëzimit për stacionin e karburantit dhe c.autorizimin për hyrje-daljet në rrugë nga Autoriteti Rrugor Shqiptar, si rrugë interurbane dytësore.

Nga aktet e administruara rezulton se shtetasi Eduard Duro, në cilësinë e Kryetarit të Bashkisë Devoll, në bashkëpunim me zyrtarët e Sektorit të të Ardhurave dhe Liçencimit në Bashkinë Devoll, Gazmend Haxhija dhe Gazmend Malo dhe Sekretarin e Përgjithshëm të Bashkisë Devoll, Astrit Seferkolli pajisën shoqërinë tregtare “Genci Petrol” sh.p.k, me autorizimin nr. 1543 prot., datë 23.06.2020 “Për tregtimin me pakicë të karburanteve, gazit të lëngshëm të naftës dhe vajrave lubrifikante, në stacionin rruga nacionale Bilisht-Kapshticë, kilometri 10, në afërsi të Doganës, Kapshticë”.

Autorizimi i mësipërmen është dhënë në kundërshtim me ligjin nr. 8450, dt 24.02.1999  dhe VKM nr. 970 dt. 2.12.2015 dhe në këtë kohë “Genci Petrol” sh.p.k. nuk ka qenë i pajisur me dokumentacionin ligjor të kërkuar; a.çertifikatën e përdorimit të objektit stacion karburanti dhe b.autorizimin për hyrje-dalje në rrugë nga enti pronar i rrugës. Për këtë objekt të kundraligjshëm, me vendim të Inspektoratit Kombëtar të Mbrojtjes së Territorit nr. 437, datë 04.10.2019 ishte vendosur edhe prishja e tij.

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.

The post EMRAT/ SPAK mbyll hetimet dhe dërgon në gjykim Kryebashkiakun socialist të Devollit, Eduard Duron dhe 4 të pandehur të tjerë. AKUZAT E PLOTA appeared first on Albeu.com.

Paraqitja e Duros në SPAK, vjen pas dy javësh pasi u mor i pandehur për veprën penale “shpërdorim detyre”.

Kryebashkiaku i Devollit, akuzohet se ka licensuar një biznesi karburanti në Bilisht që ishte ndërtuar pa leje.

Pas daljes nga godina e SPAK, nuk pranoi të prononcohej për gazetarët, duke thënë se do të fliste në një moment të dytë, duke mos dhënë deteje të tjera.

“Do të flas një herë të dytë”, – tha Duro.

I pyetuar nga gazetarët nëse do të jepte dorëheqjen, Duro deklaroi: “Do të qëndrojë deri në përfundim të çështjes”.

Hetimet për çështjen për të cilën Eduard Duro, u mor i pandehur kanë nisur pas një kallëzimi penal të depozituar në SPAK nga një subjekt tjetër. Ende nuk ka një komunikatë zyrtare nga ana e SPAK në lidhje me ngjarjen në fjalë.

Në lidhje me këtë çështje, Duro në një reagim zyrtar u shpreh kur u mor i pandehur se sektori i tatim taksave, ka dhenë autorizim për shitje karburanti brenda dhe konform ligjit.

“Sektori i tatim taksave ka dhënë autorizim për shitje karburanti brenda dhe konform ligjit. Shtetasit J.K dhe M.K kanë bërë denoncim se ky dokument nuk duhej dhënë subjektit “Genci Petrol”. Kam firmosur çdo gjë siç e kërkon ligji dhe nuk bëhet fjala për shpërdorim detyre por për detyrë të plotësuar në kushtet e një kryetari bashkie”, – deklaroi kryebashkiaku socialist.

Eduard Duro, u zgjodh kryebashkiak i Devollit në vitin 2019, kur Partia Demokratike vendosi t’i bojkotonte zgjedhjet lokale, teksa në zgjedhjet e vitit 2023, ai arriti të rizgjidhej sërish.

The post U mor i pandehur nga SPAK, flet kryebashkiaku Eduard Duro: Nuk kam ndërmend të dorëhiqem appeared first on Albeu.com.

Paraqitja e Duros në SPAK, vjen pas dy javësh pasi u mor i pandehur për veprën penale “shpërdorim detyre”.

Kryebashkiaku i Devollit, akuzohet se ka licensuar një biznesi karburanti në Bilisht që ishte ndërtuar pa leje.

Hetimet për këtë rast, kanë nisur pas një kallëzimi penal të depozituar në SPAK nga një subjekt tjetër.

Ende nuk ka një komunikatë zyrtare nga ana e SPAK, në lidhje me ngjarjen në fjalë.

Në lidhje me këtë çështje, Duro në një reagim zyrtar u shpreh se sektori i tatim taksave, ka dhenë autorizim për shitje karburanti brenda dhe konform ligjit.

“Sektori i tatim taksave ka dhënë autorizim për shitje karburanti brenda dhe konform ligjit. Shtetasit J.K dhe M.K kanë bërë denoncim se ky dokument nuk duhej dhënë subjektit “Genci Petrol”. Kam firmosur çdo gjë siç e kërkon ligji dhe nuk bëhet fjala për shpërdorim detyre por për detyrë të plotësuar në kushtet e një kryetari bashkie”, – deklaroi kryebashkiaku socialist.

The post Kryebashkiaku socialist Eduard Duro paraqitet në SPAK appeared first on Albeu.com.