Mësohet se autori i ngjarjes është 52-vjeçari Fatmir Jashari, i cili ka qenë më herët i dënuar. Ai plagosi me thikë shtetasit Edmond Sulo, 54 vjeç dhe Spiro Llambri, 62 vjeç.

Mësohet se Jashari, ndryshe i njohur me pseudonimin “Radari”, me profesion peshkatar është arrestuar në Korfuz në vitin 2000, pasi po kryente trafik droge me një skaf. Si pasojë, ai u dënua me 2 vite burg.

Ai është arrestuar gjithështu në vitin 2009 nga Policia e Gjirokastrës me një sasi prej 50 kg marijuane, por u lirua pas disa muajsh. Në vitin 2013, ai është kapur në Sorone, Bashkia Konispol me 240 kg marijuane.

Policia gjeti nga kontrollet në banesën e tij në vitin 2009 3 zjarri automatike tip Kallashnikov, 2 kilogramë tritol, 680 kapsolla detonatore, ku 50 copë ishin të montuara me fije teli, 50 metra fitil ndezës, 1500 fishekë model 56 (automatiku) dhe 6 krehëra automatiku me fishekë.

The post Plagosi me thikë dy persona në Sarandë, autori i dënuar 3 herë për drogë, u kap me arsenal armësh në banesë appeared first on Albeu.com.

Sipas informacioneve paraprake, 54-vjeçari po merr ndihëm e mjekësore në  urgjencën “Stefan Mekshi” të Sarandës.

Ngjarja ka ndodhur në lagjen nr.2. Policia ndodhet në vendngjarje, ka identifikuar autorin dhe e ka shpallur në kërkim.

Reagimi i policisë: 

Sot, rreth orës 14:00, në lagjen nr.2, Sarandë, dyshohet se pas një konflikti për motive të dobëta, shtetasi F. J., 52 vjeç, ka plagosur me mjet prerës (thikë), shtetasit E. S., 54 vjeç dhe S. Ll., 62 vjeç, të dy banues në Sarandë. Dy të dëmtuarit ndodhen në spital, jashtë rrezikut për jetën.

Shërbimet e Policisë kanë shkuar menjëherë në vendngjarje dhe janë vënë në ndjekje të autorit të dyshuar, me qëllim kapjen e tij.

Grupi hetimor ndodhet në vendngjarje dhe nën drejtimin e Prokurorisë dhe po punon për sqarimin dhe zbardhjen e plotë të rrethanave të ngjarjes.

The post EMRAT/ Dy të plagosur me thikë në Sarandë, policia në kërkim të autorit appeared first on Albeu.com.