Prokuroria e Tiranës kërkoi dënimin me 30 vite burg për Boden në cilësinë e ekzekutorit dhe 25 vite burg për të pandehurin Albano Velo në cilësinë e bashkëpunëtorit në vrasjen e Papës, 3 vite më parë.

Gazetarja Klodiana Lala raporton se në dosjen e prokurorit që evidenton provat për fajësinë e të pandehurve, është theksuar dhe momenti që konsiderohet si lidhje e vëllazërisë, mes të pandehurit dhe Adriatik Kalemit, kushëri i Aleksandër Sadikaj.

“Të pandehurit janë lidhje e ngushtë shoqërore Adriatik Kalemit dhe e shtetasit Aleksandër Sadikaj, që u vra me 1 qershor 2022 në afërsi të TEG. Lidhjet shoqërore mes këtyre personave provohen ndër të tjera edhe nëpërmjet aktit të ekspertimit të aparatit celular të të pandehurit Albano Velo. Në celular është zbuluar një video e datës 27 nëntor 2022 në ku shfaqen i pandehuri Andrea Bode, Andrea Adriatik kalemi dhe Artur Kalemi, të cilët pijnë gjakun e njëri-tjetrit në formë vëllazërie”, thekson prokuroria. 3 javë pas kësaj ngjarje, mbrëmjen e 16 dhjetorit 2022, Edmond Para u vra verandën e një lokali të Kodra e Diellit, pranë shtëpisë së vëllait të tij Kristo Qirici.

Prokuroria evidenton edhe një tjetër video të zbuluar në celularin e Velos të datës 13 nëntor 2022 ku i pandehuri Andreë Bode dhe Adriatik Kalemi mbajnë në dorë një send në dukje armë zjarri pistoletë.

Dyshimet janë se Bode dhe Velo kanë vepruar për llogari të Adriatik kalemit, me të cilin kanë patur kontakte të vazhdueshme dhe lidhje të forta shoqërore me të. Ditën e ngjarjes rezulton se kanë frekuentuar vendet ku ai ushtron biznesin.

Prokuroria thotë se Bode dhe Velo e vëzhguan ditë të tëra viktimën, edhe kur ai drekonte, si dhe kur udhëtonte nga Lushnja ne Fier e anasjelltas.

Për të fshehur gjurmët Bode përdorte makina të marra me qira, ndërsa Velo të njëjtin automjet më targë të ndryshuara.

Sipas prokurorisë, pas arrestimit Velo ka tentuar të fshehë njohjen me Boden, por është tradhtuar nga telefoni, pasi gjatë këqyrjes së tij janë gjetur fotografi të shumta të të dyve dhe një fotografi e biznesmenit Edmond Papa.

Saga e hakmarrjes Sadikaj-Kalemi-Papa nisi pas ekzekutimit brutal me eksploziv të Aleksandër Sadikajt në afërsi të TEG në 11 qershor të 2022. Në dhjetor u ekzekutua Edmond Papa në shenjë hakmarrje.

Viktima mbetën dhe kamarieri i lokalit Gledian Muka dhe klienti Marsel Çela, të cilët nuk kishin asnjë lidhje me përplasjen mes palëve.

Si u vra Edmond Papa?

Edmond Papa 49 vjeç u vra në dhjetor 2022. Ai u qëllua në zonën e Selitës në Tiranë, teksa ishte në një lokal aty pranë, në rrugën “Fadil Bodinaku”. 49-vjeçari u dërgua në spital, por nuk arriti që t’u mbijetonte plagëve të marra.

Në momentet që është afruar në ambientet e jashtme të lokalit Papa ka reaguar dhe ka qëlluar në drejtim të tij me mjetet që ka pasur përpara, tavëll duhani dhe të tjera. Në këtë moment një nga autorët ka qëlluar me plumba pistolete 9 herë dhe menjëherë është larguar nga vendi i ngjarjes.

Edmond Papa ishte me precedent në Greqi, i dënuar për trafik droge si dhe i skeduar më parë në Britani të Madhe. Sipas burimeve, ai kishte pak kohë që kishte ardhur në Shqipëri ndërsa në Tiranë ndodhej për të shoqëruar nënën për disa vizita mjekësore.

The post Ekzekutimi i Edmond Papës! Andrew Bode lidhi pakt vëllazërie 3 javë para krimit, vrasja e biznesmenit hakmarrje për Sançon appeared first on Albeu.com.

Njëri sipas saj është biznesmeni nga Saranda që u ekzekutua në Tiranës, Edmond Papa dhe Ledian Alushaj, ky i fundit shoku i tij i ngushtë.

“Isha tek burgu kur i gjuajti tritol shoku, Aleksandër Sadikaj u vra nga shoku i tij i ngushtë Ledian Alushaj nga Mallakastra me vendbanim në Sarandë. Ledion Alushaj kishte vendosur tritol në makinën e Aleksandrit kur Aleksandri ia kishte dhënë makinën e tij me mirëbesim për ti bërë disa servise tek daja i Edmond Papës pra këta të dy në bashkëpunim me vranë Aleksandrin.

Mbrapa krahu ndërkohë që hanin e pinin me të, ditën tjetër erdhi në varrim Ledjon Alushaj bashkë me Edmond Papën qëndruan gjithë natën në shtëpinë tonë dhe “bënin sikur qanin”. Ledjon Allushaj ngriti arkivolin e Aleksandrit deri tek varrezat në krahë, ai që e vrau ishte aty, na ngushëllonte edhe qante bashkë me ne. Ja pra kush janë trimat e sotëm ata që kanë dy lekë mendojnë se mund të vrasin edhe të bëjnë gjëra të tmerrshme në tok këta pra janë gangsterët e sotëm që kanë lekë dhe vrasin shokët mbrapa krahëve.

Këtë gjë e di gjithë Shqipëria tani më. E di shteti gjithashtu. Ledjon Allushaj fshihej si miush edhe vazhdon vret shokët e tij, ai njeri që vinte në shtëpinë tonë hante dhe pinte me ne. Vëllai im luante me djalin e Ledjon Alushajt e përkëdhelte e puthte, ndërkohë që ai kishte vendosur tritolin tek makina e Aleksandrit. Zoti është i madh, u zbulua gjithçka shumë shpejt”-shkruan motra e të ndjerit.

The post Atentati ndaj Aleksandër Sadikajt në Sauk, motra nxjerr emrat e autorëve: I erdhën edhe në varrim appeared first on Albeu.com.

Dy personat e marë të pandehur janë shokët e Aleksandër Sadikaj, i vrarë me tritol në zonën e TEG.

Ngjarja e rëndë e vrasjes së Edmond Papa u rregjistrua në Tiranë në 16 dhjetor 2022.

Ndërsa pas krimit policia mundi të arrestojë Albano Velon, djalin e një ish-punonjësi Policie në Komisariatin nr.4 në Tiranë dhe shpalli në kërkim Andrew Bode.

Krimi lidhet me një seri ngjarjesh të tjera të ndodhura në Sarandë, Tepelenë, Tiranë dhe Greqi, për shkak të përplasjeve mes anëtarëve të dy grupeve kriminale.

Vrasja e Edmond Papa u realizua 6 muaj pas ekzekutimit të Aleksandër Sadikaj në zonën e rreth rrotullimit të TEG në Tiranë.

I riu Sadikaj rezulton të ketë fjetur pikërisht në hotelin ”Blues Sky”, që është në pronësi të Edmond Papa dhe vëllait të këtij të fundit Kristo Qirici.

Ky person por edhe individë të tjerë, familjarë të viktimës Aleksandër Sadikaj, në rrugë operative dyshohet se kanë pasur dyshime të vazhdueshme se vrasja e Sadikaj është organizuar në qytetin e Sarandës, pikërisht në hotelin ky ai kishte fjetur dy ditë para se të ekzekutohej me tritol në makinë.

Në vazhdim të këtyre dyshimeve,familjarët dhe persona të rrethit shoqëruar të Aleksandër Sadikaj, janë angazhuar privatisht për të mësuar detaje me qëllim hakmarjen për vrasjen e personit të tyre të afërm.

Në objektivin e familjarëve dhe vetë babait të Aleksandër Sadikaj, Edmond Papa, ka qënë njeriu kryesor i dyshuar si autor dhe organizator i këtij krimi të rëndë të ndodhur në 11 qershor 2022.

The post Vrasja e Edmond Papës, prokuroria mbyll hetimet. Dërgon në gjyq dy miqtë e Aleksandër Sadikajt appeared first on Albeu.com.

Kalemi nuk është një emër i pajohur për drejtësinë shqiptare.

Ai dyshohet se është i implikuar me vrasjen e Edmond Papës, i vrarë në muajin dhjetor 2022 në zonën e Selitës në Tiranë. Po ashtu, ai është akuzuar se ka vrarë dy persona në Belgjikë në vitin 2001.

Policia thotë se ngjarja mund të jetë larje hesapesh për borxhe të vjetra mes autorit dhe viktimës, ose edhe pista e hakmarrjes, pasi autori i plagosjes kishte shkuar nga Italia në Greqi posaçërisht për 51-vjeçarin.

Situata pritet të sqarohet nëse bëhet i mundur arrestimi i autorit ose pas dëshmisë së të plagosurit.

Vrasja e Edmond Papës

Në dhjetor të vitit 2022, në zonën e Seliës në Tiranë, u vra biznesmeni Edmond Papa. Papa dyshohet se ka qenë shumë i implikuar në trafikun e drogës nga Turqia në Shqipëri dhe nga Shqipëria në Angli. Po ashtu ka dyshime se ai merrej me pastrim parash. Papa jetonte mes Sarandës dhe Fierit por udhëtonte dhe shpesh jashtë vendit.

Albano Velo, akuzohet si vëzhgues dhe organizatori i ngjarjes së rëndë dhe është arrestuar nga policia e Tiranës tre javë pas ngjarjes për vrasjen e 49-vjeçarit nga Fieri por me banim në Sarandë. Ai rezulton shok i Aleksandër Sadikajt, që u vra me eksploziv të telekomanduar 7 muaj më parë. Policia ka arrestuar dhe Andew Bode dhe ka shpallur në kërkim edhe një tjetër person si bashkëpunëtor në vrasje, i cili dyshohet të ketë pasur rolin e ekzekutorit.

Një tjetër që dyshohet të jetë i impikuar është i plagosuri mbrëmjen e djeshme në Greqi, Adriatik alias Andrea Kalemi, i cili është djali i dajës së Aleksandër Sadikaj. Sipas analizës së bërë nga policia dhe prokuroria, Andrea Kalemi, ka lidhje të ngushta shoqërore me dy personat e arrestuar Albano Velo dhe Andreë Bode, ku së bashku kanë frekuentuar lokalet dhe udhëtuar jashtë shtetit.

Ky person por edhe individë të tjerë, familjarë të viktimës Aleksandër Sadikaj, në rrugë operative dyshohet se kanë pasur dyshime të vazhdueshme se vrasja e Sadikaj është organizuar në qytetin e Sarandës, pikërisht në hotelin ky ai kishte fjetur dy ditë para se të ekzekutohej me tritol në makinë.

The post Plagosja e shqiptarit në Greqi, dyshohet për hakmarrje në lidhje me vrasjen e Edmond Papës appeared first on Albeu.com.

Kalemi nuk është një emër i panjohur për policinë shqiptare.

Në vitin 2001 ai rezulton i arrestuar nga forcat speciale RENEA, ndërkohë që ishte shpallur në kërkim ndërkombëtar nga autoritetet e drejtësisë belge, pasi akuzohej se në bashkëpunim me vëllain e tij Fatmir Kalemi kishte vrarë vëllezërit shqiptarë Mevlan e Adriatik Çaça, ngjarje e ndodhur në Anderleht të Belgjikës, më 13 prill 2001.

Ai dyshohet se është i implikuar me vrasjen e Edmond Papës, i vrarë në muajin dhjetor 2022 në zonën e Selitës në Tiranë.

Policia thotë se ngjarja mund të jetë larje hesapesh për borxhe të vjetra mes autorit dhe viktimës, ose edhe pista e hakmarrjes, pasi autori i plagosjes kishte shkuar nga Italia në Greqi posaçërisht për 51-vjeçarin.

Situata pritet të sqarohet nëse bëhet i mundur arrestimi i autorit ose pas dëshmisë së të plagosurit.

Vrasja e Edmond Papës

Në dhjetor të vitit 2022, në zonën e Seliës në Tiranë, u vra biznesmeni Edmond Papa. Papa dyshohet se ka qenë shumë i implikuar në trafikun e drogës nga Turqia në Shqipëri dhe nga Shqipëria në Angli. Po ashtu ka dyshime se ai merrej me pastrim parash. Papa jetonte mes Sarandës dhe Fierit por udhëtonte dhe shpesh jashtë vendit.

Albano Velo, akuzohet si vëzhgues dhe organizatori i ngjarjes së rëndë dhe është arrestuar nga policia e Tiranës tre javë pas ngjarjes për vrasjen e 49-vjeçarit nga Fieri por me banim në Sarandë. Ai rezulton shok i Aleksandër Sadikajt, që u vra me eksploziv të telekomanduar 7 muaj më parë. Policia ka arrestuar dhe Andew Bode dhe ka shpallur në kërkim edhe një tjetër person si bashkëpunëtor në vrasje, i cili dyshohet të ketë pasur rolin e ekzekutorit.

Një tjetër që dyshohet të jetë i impikuar është i plagosuri mbrëmjen e djeshme në Greqi, Adriatik alias Andrea Kalemi, i cili është djali i dajës së Aleksandër Sadikaj. Sipas analizës së bërë nga policia dhe prokuroria, Andrea Kalemi, ka lidhje të ngushta shoqërore me dy personat e arrestuar Albano Velo dhe Andreë Bode, ku së bashku kanë frekuentuar lokalet dhe udhëtuar jashtë shtetit.

Ky person por edhe individë të tjerë, familjarë të viktimës Aleksandër Sadikaj, në rrugë operative dyshohet se kanë pasur dyshime të vazhdueshme se vrasja e Sadikaj është organizuar në qytetin e Sarandës, pikërisht në hotelin ky ai kishte fjetur dy ditë para se të ekzekutohej me tritol në makinë.

The post Del fotoja, ky është Andrea Kalemi që u qëllua me 10 plumba në Greqi, kushëri me Aleksandër Sadikajn appeared first on Albeu.com.

Dhe në fakt pa u mbushur 24 orë u dha një shkëndijë, pasi besohet se është lokalizuar zona në të cilën dyshohet se mund të jenë fshehur trupat e dy 46- vjeçarëve si dhe është gjetur një automjet, që është pikasur si i dyshimtë me datën 6 prill në vendin ku edhe janë zhdukur Thodhori dhe Sulovari. Kështu, meqë policia dhe ekspertët e hetimit kanë nisur të grumbullojnë fakte e prova, është kërkuar shoqërimi i një sërë personash me të shkuar kriminale, kontingjent dhe të dyshuar të cilët mendohet se kanë dijeni për rrethanat e ngjarjes. Po ashtu janë riparë dosjet e dy ekzekutimeve brutale në Tiranë të Aleksandër Sadikajt dhe të Edmond Papës, për të shkuar deri në Athinë, atje ku dy vjet më parë dyshohet se ka nisur edhe përplasja mes grupeve që tashmë mund të lokalizohen me qytetin e tyre, Sarandën.

KËRKIMI

Leonard Thodhori, i njohur si “Koçole” dhe Fatmir Sulovari alias Fatmir Krasniqi, rezultojnë të zhdukur prej 18 ditësh dhe ende nuk ka asnjë gjurmë prej tyre. Sipas burimeve bëhet me dije se policia dyshon se ata janë ekzekutuar dhe më pas groposur në fshatin Vrinë të Bashkisë Konispol. Prej orëve të mëngjesit të djeshëm, rreth 50 familjarë të Fatmir Sulovarit, 46 vjeç, kanë shkuar në zonë për të bërë kërkime, ndërsa më vonë iu është bashkuar edhe Policia. Po hetohen disa pista për këtë ngjarje, motivi kryesor mendohet të jetë shit-blerja e një toke, por nuk përjashtohet as pista për të kaluarën e tyre, pasi të dy janë persona me precedentë për çështje narkotikësh. Burimet policore tregohen shumë të rezervuara në dhënien e informacioneve, megjithatë është mësuar se personat e shoqëruar prej 48 orësh janë me precedentë penalë, disa madje edhe të arrestuar dy vitet e fundit nga policia e Sarandës për vepra të rënda por të liruar më pas nga Gjykata e këtij qyteti. Ende nuk ka informacion nëse ndaj tyre ka ndonjë masë arresti.

TË DYSHUARIT

Autorët e dyshuar janë kujdesur të fshehin provat mirë, pasi një prej 8 automjeteve të sekuestruara për verifikim, rezulton që ka pasur disqet e gomave të lyera për kamuflim. Mungesa e provave konkrete, por kryesisht e trupave, mendohet se është arsyeja pse policia nuk po e konkludon operacionin me arreste. Megjithatë, para Komisariatit të Sarandës është vënë re në orët e para të mëngjesit një sasi e konsiderueshme efektivësh e automjetesh, ndoshta për te rinisur operacionin qe prej disa ditësh po zhvillohet në bashkëpunim me Forcat Operacionale të Vlorës. Ndërkohë në një magazinë në afërsi te fshatit Nivicë të Bashkisë, Himarë është gjetur i fshehur një automjet tip “Mercedes-Benz” që mendohet se është mjeti me të cilin janë rrëmbyer Leonard Thodhori dhe Fatmir Sulovari. Paraprakisht mendohet se dy të zhdukurit i kanë njohur rrëmbyesit, pasi në disa pamje filmike të lëvizjes së mjetit te tyre, dallohet Fatmir Sulovari teksa ndodhet i ulur në sediljen e parë duke mbajtur dorën në tavan. Nga pamjet filmike është e vështirë te dallohet shoferi dhe pasagjerët pas, por dihet që targat e mjetit janë greke të vjedhura në Lezhë.

HETIMET

Zhdukja e dy 46- vjeçarëve në Sarandë, po surprizon Policinë për shkak të emrave dhe fakteve që dalin në dosjen hetimore. Kështu përveç zhdukjes së “Koçoles” dhe Sulovarit apo Krasniqit, në skenë ka dalë dhe një shpërthim eksplozivi në një banesë në 5 dhjetor 2022 në Sarandë, çështje ende e pazbardhur. Ngjarjet nuk kanë lidhje me njëra tjetrën, por policia është detyruar të shfletojë dosjen e disa muajve më parë për shkak se mjeti i përdorur në të dyja ngjarjet dyshohet se është i njëjtë dhe mund të ndodhemi para të njëjtëve autorë. Përveç kësaj, ndër personat e shoqëruar apo që kërkohen për t’u shoqëruar për t’u marrë në pyetje, rezultojnë persona me precedentë penalë brenda dhe jashtë vendit për çështje droge.

Ndër këta persona, ka edhe miq të biznesmenit Edmond Papa, i ekzekutuar në 16 dhjetor 2022 në Tiranë. Disa prej tyre rezultojnë si të marrë në pyetje apo të përmendur edhe në dosjen e vrasjes së 27-vjeçarit Aleksandër Sadikaj më 11 qershor në zonën e Saukut në Tiranë. Edhe këto dy ngjarje nuk lidhen me zhdukjen e Leonard Thodhorit dhe Fatmir Sulovarit, pasi pista kryesore lidhur me zhdukjen apo vrasjen e tyre është ajo lidhur me shit-blerjen e një toke në fshatin Çukë e cila ishte në pronësi të Leonard Thodhorit.

Duket se policia ndodhet para një serie ngjarjesh që nuk kanë lidhje me njëratjetrën, por që rrotullohen rreth të njëjtave personazhe.

KUSH JANË TË ZHDUKURIT?

Leonard Theodhori, 46 vjeç i njohur si “Koçole”. I dënuar disa here. I dyshuar si pjesëmarrës në masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent ne automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallëzim krimi” lidhur me një ngjarje tjetër të kryer nga Gjini. I arrestuar më pas për “vjedhje” e “mashtrim”. Përdorues i lëndëve narkotike dhe i dyshuar si i perfshirë në trafik lëndësh narkotike.

Fatmir Sulovari alias Fatmir Krasniqi, 46 vjeç. I dënuar më parë për “armëmbajtje pa leje” dhe “plagosja e lehtë me dashje”. I arrestuar ne prill 2022 ne Lushnje, pasi ne mjetin e tij “BMW” X5 u gjet një sasi kanabis sativa e ndarë në doza gati për shitje.

The post Zhdukja e Thodhorit dhe Sulovarit, dalin në skenë miqtë e biznesmenit të ekzekutuar Edmond Papa  appeared first on Albeu.com.

Emisioni “Në Shënjestër” nga gazetarja Klodiana Lala zbardh të tjera detaje nga ngjarja e rëndë kriminale që tronditi mbarë opinionin publik.

Sadikaj mund të mos ishte i painformuar mbi fundin e tij tragjik, ndërsa dëshmitë e reja, tregojnë se rrotull tij shumë njerëz ishin vënë në lëvizje për ta eliminuar. Në pamjet e tmerrshme, tashmë të bëra të njohura, ku ai humbi jetën vetëm pak minuta pas këtij shpërthimi rrugës për në spitalin e Traumës. Por ndërsa kanë kaluar shumë muaj nga ky atentat i mirëfilltë mafioz, policia nuk ka ende autorë të mundshëm të lidhur me këtë ekzekutim.
Por vetëm dyshime të cilat nuk bëjnë asgjë tjetër, veçse vazhdojnë ta davarisin edhe më shumë prapaskenën e këtij atentati.

Ashtu siç janë edhe dyshimet mbi një tjetër personazh, i cili u ekzekutua vetëm disa muaj pas eleminimit të Aleksandër Sadikaj. Bëhet fjalë për Edmond Papën, një biznesmen i cili jetonte midis Greqisë dhe Shqipërisë. Ai thuhet se ishte i lidhur me trafikun e drogës, ashtu si dhe Aleksandër Sadikaj, i riu nga Memaliaj, i njohur me nofkën ‘Sanço’. Kjo për faktin se Sadikaj ishte arrestuar disa herë në Greqi dhe Shqipëri për trafik të lëndëve narkotike, por edhe për krime kundër personave të ndryshëm, si plagosje apo vrasje, ndërsa thuhet se zotëronte pasuri marramendëse.

Por edhe Papa që pavarësisht se në dukje një profil i tërhequr, duket se nga pas ruante të njëjtën statu-squo.

Emisioni ‘Në shënjestër’ ‘zbërthen’ se çfarë i lidh këta dy personazhe. Cila ishte marrëdhënia e tyre prapa kuintave? Sipas dëshmive më të fundit të siguruara nga emisioni ‘Në shënjestër’ Aleksandër Sadikaj, rezulton se ka qëndruar në hotelin e Edmond Papës, gjatë ditëve të fundit, para se ai të eleminohej mizorisht në Tiranë më 11 qershor 2022. Ky fakt del të jetë i vërtetë edhe nga dëshmia e dhënë së fundmi në polici nga nëna e Sadikaj, e cila ka pohuar se vetëm disa ditë para se të vritej, djali i saj ka qëndruar në hotel ‘Blu Sky’ në Sarandë, në pronësi të Edmond Papës dhe vëllait të tij, Kristo Qirici.

Dosja Hetimore
Më datë 9 Janar 2023, në Drejtorinë e Policisë Vendore Tiranë është paraqitur nëna e viktimës, shtetesja me inicialet S. K, e cila ka deklaruar se: “Djali im Aleksandër Sadikaj dy apo tre ditë para se të nisej për në Tiranë, ka qëndruar së bashku me disa shokë të tij në hotel ‘Blue Sky’ Sarandë, në pronësi të vëllezërve Kristo Qirici dhe Edmond Papa.”.

Sipas informacioneve që ka dhënë nëna e Sadikaj, djali i saj nuk ka qenë i vetëm në këtë hotel, por ishte në shoqërinë e dy personave të tjerë, që i ka identifikuar si; Ledjani dhe Xhoni. Në dosje bëhet e ditur se Ledjani rezulton se e ka këshilluar Sadikajn që makinën e tij tip Golf të bardhë ta çonte në fshatin Kurjan në Fier, te magazinat e dajës së Edmond Papës. Kjo sipas nënës së tij, me qëllimin për ta rregulluar pas një defekti teknik që kishte automjeti.

“Djali im ka qëndruar në hotel ‘Blu Sky’ në Sarandë së bashku me shtetasit Ledjan dhe Xhoni me origjinë nga Fieri dhe banues në Sarandë. Pak kohë para se të vritej, Aleksandri më ka thënë se automjetin tip Golf me ngjyrë të bardhë e kishte lënë disa ditë për ta rregulluar në fshatin Kurjan në Fier, tek magazinat në pronësi të dajës së Edmond Papës. Ai që i sugjeroi djalit tim për ta çuar makinën në Kurjan, ishte Ledjani, i cili është lidhje e ngushtë shoqërore e vëllezërve Papa.”, tha nëna e Sadikajt.

Kjo mesa duket ishte edhe arsyeja përse Aleksandër Sadikaj, ditën që shpërthimi i mori jetën, nuk lëvizte me makinën e tij, por me një automjet tip ‘Mercedes Benz’. Ekspertët e xhenios, konstatuan se ishin vendosur 500 gramë tritol, pikërisht në serbatorin e makinës. Por pas vrasjes së djalit të saj, dhe të thënave që ai i kishte lënë, mbi shoqërinë ditët e fundit me Ledjanin, nëna e Sadikaj kërkoi të kishte një komunikim me të, qoftë për të mësuar edhe diçka nga e vërteta e asaj që ndodhi me djalin e saj. Por ky takim, siç del edhe nga ky rrëfim i saj përpara oficerëve të policisë, nuk u mundësua kurrë, pasi ai mesa duket refuzoi t’i dilte përballë

“Pas vrasjes së djalit tim Aleksandrit, kam kërkuar që të takohem me Ledjanin, të cilit i ka çuar fjalë nëpërmjet Xhinos. Ky i fundit më ka thënë që Ledjani kishte fshirë të gjitha rrjetet sociale dhe nuk dëshironte të më takonte.”, tha nëna e Aleksandër Sadikaj.

Teksa Ledjani, po i fshihej nënës së Aleksandër Sadikaj, kjo e fundit thotë se insistoi deri në fund për të një takim me të. Madje duke shkuar këtë herë vetë në hotelin ‘Blu Sky’ në Sarandë ku qëndronte, ai.
“Pasi pashë që Ledjani nuk donte të më dilte në takim, ndodhur në këto kushte kam shkuar vetë tek hotel ‘Blu Sky’ në Sarandë.

Por edhe këtë herë ai nuk më ka dalë në takim. Për arsye të cilat nuk mi bëri të njohura”, tha ajo.
Por ndërsa nëna e Aleksandër Sadikaj, kërkonte me insistim të mësonte të vërtetën mbi vrasjen e të birit, në fundin e muajit dhjetor vjen edhe ekzekutimi i Edmond Papës. Ngjarje kjo e ndodhur më 16 dhjetor 2022, në një lokal në rrugën ‘Fadil Bodinaku’ në zonën e Selitës në Tiranë. Papa u qëllua ndërsa po pinte kafe, poshtë pallatit ku banonte vëllai i tij, ditën kur ai udhëtoi nga Saranda drejt Fierit ku thuhet se mori nënën e tij për ta sjellë në Tiranë për disa kontrolle shëndetësore.

Por ndërsa të gjitha dyshimet bien mbi një konflikt të mundshëm për drogën midis Sadikaj dhe Papës, duket se pistat rrokullisen edhe njëherë pas dëshmisë së fundit të dhënë nga nëna e tij. Kjo e fundit përpara grupit hetues tregon një tjetër version që mund të jetë një pistë e besueshme, version të cilin ajo e bazon në bisedën që Xhino ka bërë me djalin e saj pak minuta para se të vritej. Sadikaj i ka treguar në telefon një tokë që familja e tij kishte në pronësi pranë TEG-ut, pronë që me shumë gjasa duhet të ketë pasur një vlerë të lartë në treg.

“Më datë 17 Dhjetor 2022 në shtëpinë time në Memaliaj ka ardhur Xhino, i cili më ka thënë që ishte kthyer nga varrimi i Edmond Papës dhe më ka kërkuar që ta shoqëroja për në varreza, tek varri i Aleksandrit. Xhino më ka treguar nga telefoni një video që Aleksandri kishte regjistruar vetëm pak minuta para se të vritej, që tregonte një sipërfaqe toke që kemi në pronësi në afërsi të Qendrës Tregtare ‘TEG’ dhe për këtë pronë kishte shfaqur interes për ta blerë Ledjani.”, tha nëna e Sadikajt.

Sipas nënës së Aleksandër Sadikaj, interes për këtë tokë kishte shfaqur edhe Ledjani, por mesa duket familja Sadikaj ishte treguar më e shpejtë në veprimet e saj. Në dojse thuhet se kjo mund të ketë lënë të pakënaqur, Ledjanin dhe njerëzit e tij përreth, në këtë rast edhe Edmond Papën. Një version i mundshëm ky, pa lënë mënjanë edhe konfliktet e tjera që palët mund të kenë pasur në afera të ndryshme. Ndërkohë që siç del nga dëshmia e nënës, Xhino i ka pohuar se Edmond Papa dhe njerëzit që i rrinë afër janë të rrezikshëm, pasi ndër të tjera, mbajnë edhe lëndë shpërthyese. Kjo rriti edhe më shumë dyshimet te nëna e Aleksandër Sadikaj, se vrasësi i të birit ishte Edmond Papa dhe njerëzit pranë tij.

“Xhino më ka pohuar që vëllezërit Papa dhe Ledjani, mbajnë armë zjarri dhe lëndë eksplozive në ambjentet e Hotel ‘Blu Sky’, në Sarandë. Dyshoj se vrasja e djalit është organizuar nga vëllezërit Edmond Papa dhe Kristo Qiriqi, alias Jetmir Hoxha, në bashkëpumim me Ledjanin.”, theksoi ajo.

Por një dëshmi tjetër që ngre dyshime se Edmond Papa fshihej pas vrasjes së Aleksandër Sadikaj është edhe ajo e një të riu, me inciale E. G., që kishte njohje të afërta me Sadikaj. I riu del se është paraqitur në polici, më datë 23 Nëntor 2022, gati një muaj para se Edmond Papa të ekzekutohej, ku ka deklaruar se çfarë familja e Sadikajt, ka dashur që ai të thotë në polici, lidhur mbi personin e Ledjanit. Sipas të riut, Ledjani i kishte sugjeruar Sadikajt që ta çonte makinën e tij ‘Golf’ në fshatin Kurjan, për t’i bërë atë vendin e fshehtë.
Por ky ‘vendi i fshehtë’ nuk del qartë se për çfarë bëhet fjalë, por që mund të jetë edhe vendi i modifikuar ku mund të fshihej një sasi droge.

Dosja Hetimore
E. G, e identifikon personin me emrin ‘Ledi’ si shtetasin Ledjan ose Eldjan. Më datë 23 Nëntor 2022, E. G është paraqitur sërish në Drejtorinë Vendore të Policisë Tiranë, dhe në vijim të deklarimeve të dhëna më parë ka shpjeguar se:

‘Më datë 22 Nëntor 2022 jam telefonuar një kushëriri i viktimës Aleksandër Sadikaj, i cili ka kërkuar të më takojë. Një ditë më pas më 23 Nëntor 2022, jemi takuar dhe në tavolinë së bashku me ne ka qenë dhe një shtetas tjetër, qeros, të cilin e kam takuar dhe më parë, por nuk ia kam fiksuar emrin. Gjatë bisedës kushëriri i Sadikajt më tha përse nuk ia shpjegove policisë çështjen e Ledjanit. Unë i thashë që në polici kam treguar gjithçka di në lidhje me Aleksandrin, përfshirë këtu edhe për Ledjanin.”, ka pohuar i riu me inicilaet E. G.

Pasi i afërmi i Sadikjat i kishte kërkuar të riut të jepte edhe një herë dëshminë e tij në polici, ky i fundit kishte pohuar se; “Në këtë moment kushëriri i viktimës komunikoi në telefon me dikë, dhe më tha mua të shkoja në polici të deklaroj që: ‘Aleksandri më ka thënë mua që ka qenë Ledjani ai që i ka thënë që ta çonte makinën e tij tip ‘Golf’ në Roskovec për t’i bërë vendin e fshehtë. Pasi sipas kushëririt të Sanços, dyshimet mbi vrasjen e Aleksandrit, i kemi tek ky person.”. Më tej i riu me inicialet E. G, bazuar në dëshminë e tij të dytë të dhënë në polici, mohon që Aleksandri t’ia kishte thënë një gjë të tillë.

“Aleksandri nuk më ka pohuar një gjë të tillë, por kushëriri i viktimës më ka kërkuar të deklaroj një gjë të tillë. Unë i thashë atij se Aleksandri nuk ma ka thënë këtë gjë dhe nuk mund të gënjej për diçka që nuk e kam dëgjuar vetë, por ai më tha thuaje dhe këtë se kështu e ndihmojmë dhe policinë.”, tha ai.

Megjithë këto dëshmi, është e paqartë se kush thotë të vërtetën dhe kush ka gënjyer në këtë histori.
Por fakti është se vetëm një muaj pas këtyre dëshmive, u krye ekzekutimi i Edmond Papës, njeriut kyç që dyshohej se kishte gisht në vrasjen e Aleksandër Sadikaj, ndërkohë që policia ende edhe sot nuk ka asnjë autor për atentatin mafioz ku humbi jetën 25-vjeçari. Ndërkohë që bashkëjetuesja e tij tha në dëshminë e saj të parë, fill pas ngjarjes, se tri ditë para se të ndodhte atentati, Sadikaj ishte në Memaliaj. Kjo periudhë përkon me kohën, ku nëse do t’i besojmë të thënave që i ka lënë nënës së tij, ai e kishte dërguar makinën e tij tip ‘Golf’ të bardhë në fshatin Kurjan të Fierit. Ai zgjodhi mesa duket të kthehet në Tiranë, me një ‘Benz’, automjet ku pasi u kthye në Tiranë, partnerja e tij tha në dëshminë e saj të parë në polici, se kishte konstatuar diçka të pazakontë në serbatorin e makinës.

“Më datë 8 Qershor 2022, Aleksandri ka qenë në Memaliaj ku ka qëndruar deri më datë 9 Qershor ku ka ardhur në Tiranë rreth drekës. Rreth orës 20.00 kemi parkuar makinën te parkingu i qendrës tregtare në zonën e Komunës së Parisit dhe kemi shkuar për të ngrënë darkë tek një restorant. Kur jemi kthyer rreth orës 23.30 kam vënë re se ishte hapur kapaku i llamarinës së sebratorit dhe e vura në dijeni Aleksin. Por ai nuk e vrau mendjen fare. Më pas mbylla kapakun dhe kemi shkuar në shtëpi. Të nesërmen kam dalë rreth orës 10:00 për punë ndërsa Aleksandri ka qenë në gjumë. Rreth orës 20.20 kam shkuar tek lokali ku kam qëndruar rreth dy orë dhe më pas jam larguar për në banesë. Ndërkohë që Aleksandri qëndroi dhe pak.”, tha bashkëjetuesja e Aleksandër Sadikaj.

Vetë E. G, siç rezulton edhe në këtë dëshmi të tij të parë të dhënë në polici, është shprehur edhe mbi detaje të tjera që lidheshin mbi jetën e Sadikaj, duke u ndalur dhe te borxhet.

“Aleksandri nuk fliste. Ai nuk i kishte borxh askujt. Por kam dëgjuar në biseda dhe më ka thënë se një person që e thërrisnin me pseudonimin ‘Peqja’ nga qyteti i Kuçovës i kishte një borxh prej 15 ose 19 milionë lekësh të vjetra. Madje këto ditë, ‘Peqja’ i kishte dërguar një person, i cili po ndërmjetësonte që t’i sillte paratë e borxhit dhe ta mbyllte si problem. Në kohën që ja kishte dhënë paratë, ai nuk i kishte t’ia kthente dhe kishin rënë dakord që t’i jepte përqindje interesi.”, tha ai.

Po ashtu në dosje thuhet se i riu me inicialet E. G, për kthimin e borxhit po negocionte një tjetër person. i njohur si Robert Gj./bw

The post Nga atentati me tritol i “Sanços” te vrasja e Papës, marrëdhënia e dy viktimave pas kuintave. Zbardhe dëshmia e nënës së Sadikajt appeared first on Albeu.com.

Policia dhe Prokuroria kanë ngritur një tjetër pistë hetimi, duke lidhur ngjarjen e sotme më vrasjen e biznesemenit Edmond Papa, i cili u ekzekutua më 16 dhjetor të vitit të kaluar në zonën e Selitës në Tiranë.

Sipas burimeve rezulton se Papa ka tentuar të blejë hotelin që u hodh në erë sot me dhjetëra kg tritol.
Grupi hetimor tregohet i rezervuar për të dhënë detaje të mëtejshme për këtë pistë, ndërkohë që nuk dihet se me kë nga ortakët po zhvilloheshin këto përpjekje blerje dhe si kanë përfunduar.

Sipas hetimit paraprak të xheniereve dyshohet se sasia nuk ishte vendosur në një vend, por në disa pjesë të hotelit dhe është vendosur në mënyrë të tille që forca goditëse ta rrafshonte godinën duke shpërthyer në seri të gjitha sasitë e tritolit të vendosura në objekt.

Shpërthim me tritol ndodhi herët në mëngjesin e së hënës në Sarandë. Sasia e lëndës shpërthyese ishte vedosur në hotelin “Bizanti”, të shtetasit Spiro Çabiri.

Shpërthimi është dëgjuar në gjithë Sarandën dhe ka shkaktuar dëme në bizneset afër hotelit.

Ndërkohë, mësohet se prona ka qenë ka qenë objekt procesesh gjyqësore me palë paditëse Dhimitër Evangjeliu dhe të paditur Spiro Çabiri dhe Vangjel Shtuka, që rezultojnë bashkëpronarë në QKB bashkë me Miranda Qabirin.
Sipas policisë, procesi gjyqësor vijon prej vitit 2002, ndërsa fatmirësisht nga shpërthimi nuk ka patur të lënduar

Saranda dhe tritolet ndaj hoteleve

Historitë e tritolit nuk janë të panjohura për qytetin e Sarandës.
Në dhjetor të vitit 2022 u hodh në erë muri rrethues i një banese në pronësi të shtetasit Lefter Lefteri.

Ky i fundit më parë kishte punuar në IKMT dhe ishte kallëzuar më herët madje dhe shoqëruar në komisariat lidhur me një objekt në ndërtim e sipër në lagjen nr.1 të qytetit.

Ndërkohë, po vitin e kaluar, hotelit të Mariel Muratit iu vendos tritol për herë të dytë.
Mariel Murati,ishte ish-Drejtor i ALUIZNI-t Sarandë dhe aktualisht Drejtor i FSDKSH (Fondi i Sigurimit të Detyrueshëm të Kujdesit Shëndetësor) në Sarandë.

Por kjo nuk ishte hera e pare që vendosej lëndë shpërthyese në pronën e Muratit. Më 9 shkurt të vitit 2021, në të njëjtin hotel u vendos sërish një sasi tritoli në tarrace, e cila shpërtheu sapo roja ndezi dritën.
Nga shpërthimi fatmirësisht nuk pati të lënduar./albeu.com

The post Shpërthimi me tritol i hotelit në Sarandë, pistë e re hetimi: Objektin donte ta blinte Edmond Papa, biznesmeni që u ekzekutua në Tiranë appeared first on Albeu.com.

I riu rezulton të ketë fjetur pikërisht në hotelin, që është në pronësi të Edmond Papës dhe vëllait të këtij të fundit Kristo Qirici. Kjo marëdhënie por dhe dëshmi të mbledhura nga policia, kanë faktuar se Sadikaj dhe Edmond Papa, njiheshin mirë me njëri-tjetrin.

Por për shkak të borxheve të lindura si pasojë e blerjes së një sasie prej 100 kg hashash në Memaliaj, marëdhëniet mes dy miqve ishin kthyer në kontradiktore.

Janë zbuluar detaje të tjera rreth dosjes hetimore të vrasjes së Edmond Papës në Selitë të Tiranës, ku veç të arrestuarit Albano Velo dhe Andrew Bode, një tjetër emër del në skenën e hetimit si i dyshuar se mund të ketë gisht në këtë ngjarje.

Bëhet fjalë për Adriatik alias Andrea Kalemi, i cili është djali i dajës së Aleksandër Sadikaj, sipas Ora News. Sipas analizës së bërë nga policia dhe prokuroria, Andrea Kalemi, ka lidhje të ngushta shoqërore me dy personat e arrestuar Albano Velo dhe Andrew Bode, ku së bashku kanë frekuentuar lokalet dhe udhëtuar jashtë shtetit.

Ky person por edhe individë të tjerë, familjarë të viktimës Aleksandër Sadikaj, në rrugë operative dyshohet se kanë pasur dyshime të vazhdueshme se vrasja e Sadikaj është organizuar në qytetin e Sarandës, pikërisht në hotelin ku ai kishte fjetur dy ditë para se të ekzekutohej me tritol në makinë.

Në vazhdim të këtyre dyshimeve, familjarët dhe persona të rrethit shoqëruar të Aleksandër Sadikajt, janë angazhuar privatisht për të mësuar detaje me qëllim hakmarjen për vrasjen e personit të tyre të afërm.

Në objektivin e familjarëve dhe vetë babait të Aleksandër Sadikajt, Edmond Papa, ka qenë njeriu kryesor i dyshuar si autor dhe organizator i këtij krimi të rëndë të ndodhur në 11 qershor 2022.

Nisur nga kjo situatë, pas 6 muaj nga vrasja e Sadikaj është vendosur ekzekutimi i Edmond Papa në Tiranë. Vrasja e tij është kryer teksa ndodhej i vetëm në ambjentet e një kafeneje dhe Papa po konsumonte kafe. Ai është qëlluar me pistoletë disa herë në një distancë të vogël, duke i shkaktuar plagë tejshkuese.

Për këtë krim policia mundi të arrestojë Albano Velon, djalin e një ish-punonjësi Policie në Komisariatin nr.4 në Tiranë dhe shpalli në kërkim Andreë Bode.

Ndërsa mësohet se veprimet hetimore janë duke u kryer edhe përmes personit tjetër, Andrea Kalemi, Aldo Kalemaj dhe personave të tjerë që dyshohet se janë implikuar në këtë vrasje.

Ndërkaq gjatë kontrollit të makinës së Edmond Papës, janë sekuestruar dy receta mjekësore, një sasi vlerash monetarë, tre karta me mbishkrimin CE, një me mbishkrim “Blue Sky”, një kartë me mbishkrim “Grand Casino Prestige Member”.

Një kartëvizit me mbishkrim të një spitali privat, leje drejtimi në emër të Edmond Papa, dy karta banke me mbishkrim “Intesa”dhe “BKT”./Albeu.com/

The post Ekzekutimi i Aleksandër Sadikajt me tritol, 27-vjeçari dy ditë para se të vritej fjeti te hoteli i Papës, pistat e reja të hetimit appeared first on Albeu.com.

Bode rezulton se prej disa kohësh ndiqte lëvizjet e Papës, duke përdorur një automjet të marrë me qira nga një kompani. Bëhet fjalë për një automjet tip “Benz”, si duket edhe në foton e siguruar nga Gazetari Arsen Rusta.

Bode është shpallur në kërkim që nga data 31 dhjetor pas arrestimit të Alban Velos, i cili dyshohet si organizator i vrasjes së Papës.

Deri më tani nuk ka asnjë gjurmë të Bodes, epse zyrtarisht nga sistemi TIMS rezulton se Bode nuk është larguar nga vendi. Dyshimet janë se ai mund të jetë larguar ilegalisht për t’i shpëtuar policisë. /albeu.com

The post FOTO/ Andrew Bode ende në kërkim, ky është automjeti me të cilin ndiqte Edmond Papën derisa e ekzekutoi appeared first on Albeu.com.