Me urdhër të Prokurorisë në pranga u vu edhe shoferi i tij Isuf Gega që dyshohet se ka bashkëpunuar me Karriqin në rolin e sekserit, që në këmbim të parave ka ndryshuar masën e sigurisë për një të arrestuar, kundrejt shumës 2 mije euro.

Njoftimi:

Gjykata e Posaçme e Apelit për Korrupsionin dhe Krimin e Organizuar vendosi:

– Lënien në fuqi të vendimit nr. 30, datë 06.05.2022 të Gjykatës së Posaçme të Shkallës së Parë për Korrupsionin dhe Krimin e Organizuar lidhur me kualifikimin ligjor të veprave penale, fajësinë e të pandehurve, llojin dhe masën e dënimit për të pandehurit I.G., E.B. dhe D.D., për provat materiale si dhe për shpenzimet gjyqësore.
– Ndryshimin e këtij vendimi për pjesën tjetër në këtë mënyrë:
– Dënimin e të pandehurit E.K. me 3 (tre) vjet e 6 (gjashtë) muaj burgim për veprën penale të “Korrupsionit pasiv të gjyqtarëve, prokurorëve dhe funksionarëve të tjerë të organeve të drejtësisë” parashikuar nga neni 319/ç i Kodit Penal.
– Në bazë të nenit 406, paragrafi 1, të K.Pr.Penale, uljen e dënimit me 1/3 e tij, duke dënuar përfundimisht të pandehurin E.K. me 2 (dy) vjet e 4 (katër) muaj burgim.
– Dënimi me burgim për të pandehurin E.K. do të kryhet në një burg të sigurisë së zakonshme.
– Shpenzimet e gjykimit në apel i ngarkohen të pandehurve solidarisht./albeu.com

The post Apeli i GJKKO kthen në burg ish-prokurorin Edmond Karriqi appeared first on Albeu.com.

Karriqi u arrestua më 30 qershor në Kavajë, ku edhe ka banesën e tij. Me urdhër të prokurorisë në pranga u vu edhe shoferi i tij Isuf Gega që dyshohet se ka bashkëpunuar me Karriqin në rolin e sekserit, që në këmbim të parave ka ndryshuar masën e sigurisë për një të arrestuar, kundrejt shumës 2 mije euro.

Pas dhënies së vendimit duke qenë se Karriqi ka kryer më shumë se gjysmën e vendimit ai ka kërkuar të lerë qelinë, kërkesë e cila është pranuar nga gjykata duke u liruar me kusht./albeu.com

The post U dënua me 2 vite burg pasi la të lirë trafikantët, lirohet nga qelia ish-prokurori i Kukësit appeared first on Albeu.com.

Në përfundim të hetimeve paraprake për këtë procedim penal janë mbledhur prova me të cilat provohet se, i pandehuri Dritan Dedja me ndërmjetësimin dhe ndihmën e të pandehurve Emirjan Beu dhe Isuf Gega, i ka dhënë të pandehurit Edmond Kariqi, i cili ushtronte funksionin e Drejtuesit të Prokurorisë pranë Gjykatës së Shkallës së Parë Kukës, përfitime monetare të padrejta, me qëllim për të favorizuar shtetasin Ramadan Dedja dhe persona të tjerë nën hetim, në një çështje penale të regjistruar në ngarkim të tyre në Prokurorinë pranë Gjykatës së Rrethit Gjyqësor Kukës.

I pandehuri Edmond Kariqi është akuzuar se ka kryer veprën penale: “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, të parashikuar nga neni 319/ç i Kodit Penal, ndërsa të pandehurit Dritan Dedja, Emirjan Beu dhe Isuf Gega janë akuzuar se kanë kryer veprën penale: “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, të kryer në bashkëpunim, të parashikuar nga nenet 319 e 25 të Kodit Penal.

Sot në datën 23.12.2021, Prokuroria e Posaçme ka dërguar në Gjykatën e Posaçme për Korrupsionin dhe Krimin e Organizuar Tiranë, kërkesën për dërgimin në gjyq të çështjes penale në ngarkim të të pandehurve Edmond Kariqi, Dritan Dedja, Emirjan Beu dhe Isuf Gega.

The post SPAK mbyll hetimet, çon në gjyq ish-prokurorin e Kukësit appeared first on Albeu.com.

Ndaj tij është caktuar masa e sigurisë “arrest me burg”,  për marrje rryshfeti dhe lëhtësim mase, ndërsa ishte vetë prokurori që kërkoi ndryshim mase për arsye shëndetësore.

GJKKO ka rrëzuar kërkesën e tij, duke e lënë në burg./albeu.com

The post U arrestua për korrupsion, GJKKO lë në burg prokurorin e Kukësit appeared first on Albeu.com.

Pezullimi zgjat deri në rënien e shkakut për të cilin është vendosur, sikundër kundër këtij vendimi mund të bëhet ankim në Gjykatën Administrative të Apelit.

“Me 10 vota pro në mungesë të anëtares Esmeralda Keshi, KLP pezullon nga detyra  prokurorët Edmond Karriqi dhe Maksim Sota për shkak të masës së sigurisë personale “arrest me burg”, respektivisht “arrest në shtëpi”, vendosur nga Gjykata e Posaçme Kundër Korrupsionit dhe Krimit të Organizuar./albeu.com

The post KLP pezullon nga detyra prokurorët Edmond Karriqi dhe Maksim Sota appeared first on Albeu.com.

Arrestimi i prokurorit Karriqi u bë në Kavajë ku dyshohet se po merrte një sasi parash ryshfet.

Tashmë Karriqi gjendet në burg i arrestuar për veprën penale korrupsion pasi dyshohet se ka liruar nga burgu 4 të rinj të kapur me hashash, ngjarje e ndodhur në vitin 2019.

Ramadan Dedja, Eraldo Braka, Elidon Koka dhe Ergis Xherri u vunë në pranga në vitin 2019 dhe u akuzuan për trafik të lëndëve narkotike.

Ata u lanë 15 ditë nën masën “arrest me burg”, pasi pritej akt-ekspertimi final dhe dosja e tyre u mor nga një prokuror që u shkarkua nga Vetting-u. më pas në detyrë erdhi Karriqi dhe këtu të afërmit e të rinjve të vënë në pranga, filluan tentativat me prokurorin në mënyrë që të arrestuarit të liroheshin.

Emrijan Beu dhe Dritan Dedja kanë arritur që ta bindin Karriqin dhe kanë komunikuar me Isuf Begën, Sekretar në Prokurorinë e Kavajës, i cili ka pasur dhe rolin e sekserit në këtë çështje, duke lënë dhe një takim. Një kamera sigurie në një qendër tregtare tregon se si Dritan Dedja u paraqit në një ‘pikë këmbimi valuator dhe këmbeu paratë që kishte në dollar, në dy mijë euro.

Pas këtij takimi, Dedja ka telefonuar të atin dhe i ka thënë se pagesa u krye e se prokurori i kishte marrë paratë, kështu që i vëllai bashkë me tret ë tjerët, do të dilte sa më shpejt.

Sot, Gjykata e Posaçme Kundër Krimit të Organizuar dhe Korrupsionit la në qeli prokurorin Edmond Karriqi, nën akuzë për korrupsion së bashku me sekretarin Isuf Gega. Emirjan Beu dhe Dritan Dedja janë lënë gjithshtu në burg, pasi akuzohen si bashkëpunëtorë në këtë çështje.

The post Zbardhet arrestimi, si e fundosën prokurorin e Kukësit 4 të rinjtë që i liroi nga burgu appeared first on Albeu.com.

Gazetari Ermal Vija ka siguruar për abcnews.al detaje nga dosja e hetimit. Gjithçka ka nisur në 21 nëntor të 2019, ku u kapën në Kukës 5 persona me 4.5 gramë hashash.

Siç thuhet në dosje, pas arrestimit, Emirjan Beu, flet në telefon me Isuf Gegën, edhe e pyet nëse e njeh prokurorin Edmond Karriqi, pasi është arrestuar vëllai i Dritan Dedjes.

Kam njohje shoqërore me të, i thotë Isuf Gega, pasi ai ka qenë drejtues i Prokurorisë së Kavajës. Pak minuta më vonë Isuf Gega merr në telefon Emirjanin dhe i thotë: “fola me prokurorin dhe e mora vesh që personi i arrestuar Ramadan Dedja është lënë me afat 15 ditë në burg. I ka thënë që është vëllai i shokut tim dhe që mund të shkojmë bashkë ta takojmë”.

Në 24 nëntor Isuf Gega, takohet me Emirjan Beun dhe Dritan Dedjen në Kavajë.

Në 25 nëntor, vëllai i të arrestuarit shkon në Kukës dhe pas telefonatave që Isufi ka bërë me prokurorin e takon këtë të fundit në zyrë. Po atë ditë, makina e sekuestruar gjatë arrestimit për hashash i kthehet, Dedja kontakton me Isufin dhe i thotë që e takova dhe mora makinën.
E njëjta bisedë është bërë edhe me babanë, ku ndër të tjera i thotë se, prokurori i ka thënë që nëse do më kishe thënë më parë, vëllain do e kishe jashtë, por mos e vri mendjen se do dalë i pafajshëm.

Në 27 nëntor këta persona shkojnë sërish në Kavajë, ku takojnë sërish Isuf Gegën, në të njëjtën ditë, ky i fundit takon prokurorin.

Nga ana tjetër, Edmond Karriqi kontakton me OPGJ dhe i kërkon që akt ekspertimi toksikologjik për të arrestuarin të dalë sa më shpejt. Pas kësaj telefonate Dritani, vëllai i të arrestuarit kontakton sërish babanë dhe i thotë akt ekspertimi do dalë sa më parë. Babai i thotë se lekët janë gati dhe lekët i kemi ne.

Në 2 dhjetor bëhet takimi i radhës pasi ka dalë akt ekspertimi. Ky takimi bëhet mes Dritanit dhe Isufit. Dritani flet me Emirjan Beun dhe i thotë: “jam duke shkuar te Cufja, ti jap ato që më tha. Para se të shkoj të takoj Cufen, Dritan Dedja takoi babanë e të arrestuarit tjetër dhe aty këmbejnë lekët.

Pamjet filmike tregojnë që Dritani ka nxjerr në Exhange, 22 kartëmonedha 100 dollarëshe dhe 3 kartëmonedha 5 mijë lekëshe, që shkojnë në vlerën e 2 mijë e 2 dollarë.

Pas kësaj, Dritan Dedja shkon në Kavajë takon Isuf Gegën. Ky i fundit ngrihet nga lokali që është me Dritanin dhe shkon te lokal Whiski ku është prokurori.

Pas 10 minutash edhe Dritan Dedja shkon të bar Whiski, ku ka ndenjur me prokurorin për 20 minuta.

Pas takimit Dritan Dedja, flet me babanë dhe i thotë: Mos e rr*, nesër shkojnë ato dhe e ke bobin tek shtëpia. Babai e pyet: E sigurt? Dritani: Po nesër e sigurt, për çfarë i kërkuan ata. Babai: Hajd mirë, ia çove krejt ti?

Dritani: Krejt, krejt.

Babai: Hajd bukur ciao./abcnews.al

The post Zbardhen përgjimet: Si mori prokurori 2 mijë euro për të nxjerrë nga burgu të arrestuarin appeared first on Albeu.com.

Kujtojmë se Karriqi u arrestua më datë 30 qershor në qendër të Kavajës pasi akuzohet për përfshirje në korrupsion.

Kanë qenë përgjimet e Prokurorisë Speciale kundër Korrupsionit dhe Krimit të Organizuar (SPAK) që çuan në pranga prokurorin.

SPAK përmes përgjimeve ka arritur të provojë se Karriqi ka marrë 2, 000 euro rryshfet për lehtësimin e masës së sigurisë për një të pandehur.

Gjykata gjithashtu ka caktuar masën e sigurisë “arrest me burg” për Emirjan Beun dhe Dritan Dedjën./albeu.com

The post U arrestua për korrupsion, gjykata merr vendimin për prokurorin Edmond Karriqi appeared first on Albeu.com.

Prokurori Edmond Karriqi ka qenë në përgjim dhe vëzhgim, e në ditën e arrestimit kishte shkuar për të marrë paratë në Kavajë.

Shuma e parave që dyshohet rreth 2 mijë euro është marrë në Kavajë.

Prokurorët e SPAK kanë dyshime se ka marrë dhe para të tjera nga ky person.

Dyshimet e para janë se prokurori është përfshirë në korrupsion dhe bashkë me të është arrestuar dhe shoferi i tij. Ndaj prokurorit është urdhëruar edhe kontroll banese.

Prokuroria e Posaçme kundër Korrupsionit dhe Krimit të Organizuar Tiranë ka zhvilluar hetime në kuadër të procedimit penal nr.49/1 viti 2021 që bën fjalë për veprat penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, të kryer në bashkëpunim, si dhe “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, të parashikuara nga nenet 319 e 25 dhe 319/ç të Kodit Penal.

Nga veprimet hetimore të kryera për këtë procedim penal në bashkëpunim me policinë gjyqësore të Drejtorisë së Policisë së Shtetit, janë siguruar dhe janë mbledhur prova konkrete, nga të cilat janë krijuar dyshime të arsyeshme se shtetasi Edmond Kariqi, në cilësinë e Drejtuesit të Prokurorisë pranë Gjykatës së Shkallës së parë Kukës.

Në kuadër të hetimeve paraprake të këtij procedimi penal, me kërkesë të Prokurorisë së Posaçme kundër Korrupsionit dhe Krimit të Organizuar Tiranë, me vendimin me nr.46, datë 30.06.2021 të Gjykatës së Posaçme të Shkallës së Parë për Korrupsionin dhe Krimin e Organizuar Tiranë, është vendosur:

– Caktimi ndaj shtetasit Edmond Kariqi të masës së sigurimit personal shtrënguese “arrest në burg” e parashikuar nga neni 238 i K.Pr.Penale, si i dyshuar për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë” të parashikuar nga neni 319/ç i Kodit Penal.

– Caktimi ndaj shtetasve Isuf Gega, D.D. dhe E.B. të masës së sigurimit personal shtrënguese “arrest në burg” e parashikuar nga neni 238 i K.Pr.Penal, si të dyshuar se kanë kryer veprën penal “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, të kryer në bashkëpunim, të parashikuar nga nenet 319 dhe 25 të Kodit Penal.

Shërbimet e policisë gjyqësore të Drejtorisë së Policisë së Shtetit kanë ekzekutuar në datën 30.06.2021 masën e sigurimit personal të vendosur ndaj shtetasve Edmond Kariqi dhe Isuf Gega. Hetimet paraprake për këtë procedim penal janë në vazhdim e sipër dhe ende nuk kanë përfunduar”, njofton Prokuroria. /albeu.com/

The post Shkoi në Kavajë për të marrë 2 mijë euro, prokurori Karriqi ka qenë në përgjim appeared first on Albeu.com.

SPAK përmes përgjimeve ka arritur të provojë se Karriqi ka marrë 2,000 euro rryshfet për lehtësimin e masës së sigurisë për një të pandehur.

Në lidhje me këtë ngjarje është vënë në pranga e edhe Isuf Gega, Sekretar në prokurorinë e Kavajës, ndërkohë që është përcaktuar edhe masa e sigurisë “arrest me burg” për 2 të tjerë.

Karriqi akuzohet për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”.

Kujtojmë se Karriqi ka qenë edhe prokuror për çështjen e këngëtares Fjolla Morina, e cila u kap me armë zjarri në pikën kufitare të Morinës.

Mësohet se ka qënë ai që ka këmbngulur për të hequr veprën penale “trafik armësh” pas kapjes së këngëtares me 2 armë në pikën kufitare të Morinës./albeu.com

The post Mori 2 mijë euro rryshfet për një masë sigurie, si përgjimet e SPAK çuan në pranga prokurorin e Kukësit appeared first on Albeu.com.