Tashmë, Gashi mund të vazhdojë punën si mjek në klinikat private.

Dhe kështu ka ndodhur, ku pas vvendimit të togave të zeza, klinika private “Megis” në pronësi të mjekut Edmond Gashi, ka njoftuar se ky i fundit është rikthyer në klinikë.

“Me kënaqësi ju informojmë se Dr. Edmond Gashi është rikthyer në klinikën tonë dhe është gati t’ju mirëpresë me kujdesin dhe përkushtimin që e karakterizon. Pas një periudhe sfiduese, Dr. Gashi është plotësisht i përkushtuar të vazhdojë të ofrojë shërbimin e tij profesional për të gjithë ju.

Ju ftojmë të rezervoni takimin tuaj për një përkujdesje shëndetësore të përkushtuar dhe të plotë. Dr. Gashi ju mirëpret“, thuhet në njoftimin e shpërndarë nga klinika private, e cila ishte gjithashtu pjesë e kontrolleve të SPAK, kur u zbardh skandali i mjekëve që merrnin para nga pacientët me kancer.

Edmond Gashi, ndodhej në masën e sigurisë “Arrest në shtëpi”, por vazhdimisht ka kërkuar heqjen e saj, sepse thoshte se kishte shumë pacientë që e prisnin për trajtim.

Kërkesa e tij është pranuar dje nga Gjykata e Posaçme e Apelit dhe Edmond Gashi, do të jetë i lirë me garanci pasurore 20 milionë lekë.

The post Garanci me 20 milionë lekë për lirinë/ Edmond Gashi fton pacientët të caktojnë vizitat: Jam gati t’ju mirëpres me kujdesin që më karakterizon appeared first on Albeu.com.

Me kërkesë të prokurorit Elvin Gokaj, për të dhënë deklarime është paraqitur mjeku Emdond Gashi.

Ndërkohë deri më tani, SPAK është në pritje të përgjigjeve nga një sërë institucionesh, lidhur me kërkesat për të dhëna e dokumentacion mbi mjekët si edhe për pasurinë e tyre.

The post Skandali te Onkologjiku, mjeku Edmond Gashi paraqitet në SPAK appeared first on Albeu.com.

Një nga gazetarët, e ka thumbuar mjekun Gashi duke i thënë: “Do ikni prap me vrap sot”?

Kujtojmë se mjeku Gashi, nuk u ofronte shërbim pacientëve të prekur me tumor në spitalin Onkologjik, por madje edhe i mashtronte për shërbimet në klinikën e tij private “Megis”.

Sipas hetimeve, Edmond Gashi, nuk u ka treguar në asnjë rast pacientëve të klinikës së tij, se aty mund të bënin vetëm skanerat dhe operimet, ndërsa për biopsinë, Kimioterapinë apo rrezet për të kuruar pacientët do të duhet të riktheheshin sërish në spitalin shtetëror.

Përveç mashtrimit për t`u zhvatur para pacientëve të tij, mjeku onkolog Edmond Gashi, kartelat e pacientëve i mbante në zyrën e tij duke thyer rregullat e spitalit që parashikon që të lihen në kartotekat e kirurgjisë.

Kjo bëhej në mënyrë që ai të kalonte pacientët tek klinika e tij private dhe që të mos ndiqeshin nga mjekë të tjerë.

The post Skandali te Onkologjiku/ Mjeku Edmond Gashi mbërrin në SPAK, gazetari e thumbon: Do ikësh me vrap prap sot? appeared first on Albeu.com.

Mesnatën e mbrëmshme, me anë të një statusi në rrjetet sociale, ai u shpreh se si mjek është udhëhequr nga betimi i Hipokratit dhe është përballur me një numër të trajtimi të pacientëve si kirurg, duke “u lavdëruar” se 90 përqind e ndërhyrjeve të kryer nga ai kanë qenë të suksesshme.

Gashi u ankua ndaj mediave duke pretenduar se me qëllim po denigrojnë figurën e tij, ndërsa shtoi se është sulmuar pa të drejtë edhe në rastin e largimit nga ambientet e gjykatës i pa shoqëruar nga efektivë të policisë.

Mjeku madje ka kërkuar një hetim të gjithanshëm dhe të plotë në mënyrë që sipas tij të zbulohet e të bëhet transparencë në lidhje me atë që po ndodh tek Onkologjiku.

Reagimi i plotë:

Ndjej detyrimin dhe përgjegjësinë morale para familjes time, pacientëve, kolegëve dhe stafit mjekësor të Onkologjikut, qytetarëve të vendit tim, të sqaroj disa të pavërteta të nxitura nga portale anonime dhe gazetarë keqdashës në adresë të personit tim.

E kam thënë që në krye të herës dhe e përsëris, si mjek udhëhiqem në punën time nga ai betim që më shoqëron prej ditës së parë që kam hedhur mantelin e bardhë mbi supe. Mjeku bën detyrën e tij që është trajtimi dhe referimi i pacientit për çdo rast që paraqitet për një problematikë shëndetësore. Mjeku nuk di ta mbyllë telefonin apo derën e dhomës së vizitave e konsultave. Mjeku nuk ka orar pune, por përgjigjet atëherë kur pacienti e kërkon që të luftojnë të dy së bashku sëmundjen. Si mjek kirurg kam përballuar numrin më të madh të ndërhyrjeve kirurgjikale në spitalin publik dhe 90% e tyre janë operacione të suksesshme. I ka të dhënat Onkologjiku dhe

QSUT-ja, verifikojini dhe binduni për çdo dyshim. Distancohem ndaj çdo tendence keqpërdorimi të emrit tim nga interesa të mirëfillta okulte.

Le t’ia lëmë hetimit të zbardhë të vërtetën, besimi im ndaj institucioneve ka qenë dhe mbetet primar. Jo pa qëllim ditën e djeshme unë kam mbërritur para ambienteve të Gjykatës në orarin e përcaktuar nga kjo Gjykatë, duke iu përgjigjur hetimit dhe institucioneve. Sërish u sulmova dhe atakova padrejtësisht pse me mua nuk ishte edhe Policia(?) Kësaj nuk di t’i jap shpjegim. Unë respektova orarin dhe u gjenda aty në përgjigje të institucionit. Në përfundim të seancës, po njësoj jam larguar nga ambientet e Gjykatës dhe dikujt mund të mos i ketë pëlqyer pse zgjodha derën tjetër. Gjykova se është më e drejtë të shmang të gjitha ato “topa balte” të pamerituara që janë lëshuar e lëshohen drejt meje. Kam respektuar masen e caktuar nga Gjykata. Oficeri i Policisë ka trokitur në derën time dhe unë kam qenë në banesë, është lehtësisht e verifikueshme. Por siç duket mediave që shpifin dhe përbaltin, faktet nuk i interesojnë.

Kam pritur të ndalet mllefi i pakuptimë ndaj një mjeku, prindi dhe familjari, por jo. E jam i bindur se as nuk do të ndalet edhe pas këtij momenti që po bëj reagimin e parë publik.

Portale, media apo gazetarë me qëllime dhe mision të mirëfilltë dashakeqës po tentojnë të shantazhojnë drejtësinë dhe ta kthejnë atë në “mashë” në duart e veta, për realizimin e asaj që është lehtësisht e kuptueshme pse po e bëjnë. Po tentohet te denigrojn figuren e një mjeku, një profesionisti të shëndetësisë që ka qenë derë e hapur për qindra pacientë dhe që ka vuajtur njësoj me dhimbjet e pacientit. Trajtimi shëndetësor i një pacienti në klinikë private është zgjedhje dhe e drejtë e tij. Mjeku ka për detyrë t’i përgjigjet njësoj, me të njëjtin përkushtim si në shtet ashtu edhe në privat. Ligji dhe statusi i mjekut nuk e ndalon një mjek të punojë në shtet dhe në privat. Ndjej keqardhje për këtë keqkuptim të krijuar dhe përhapur qëllimisht për interesa të kush e di se kujt.

Nuk synoj që, nga këto radhë shkrimi sqarues, t’iu mbyllet goja pasionantëve të sharjeve në rrjet. Sharësit do vijojnë të shohin të bardhën të zezë, të mbjellin mjegull, të shtrembërojnë të vërtetën. Intensiteti i sharjeve edhe mund të rritet nga mendjet e ngrysura dhe të errësuara nga urrejtja patologjike që po na avitet si shpagim për “mëkatet” dhe “krimet” e pakryera. Si qenie njerëzore edhe mjeku është i gabueshëm. Të luftosh me sëmundjen e dukshme dhe të padukshme, me plagët e vuajtjes çdo ditë, me qindra pacientë, të cilët shpresën e vetme e shohin te mjeku, nuk është aspak e lehtë. Ma besoni! Po të trajtohet drejt dhe të ketë vullnet për të çuar në dritën e transparencës çfarë nuk funksionon te Onkologjiku, le të bëhet hetim i gjithanshëm dhe i plotë. Nuk jam në pozicionin e akuzuesit e as të denoncuesit, i takon drejtësisë të zbardhë të vërtetën dhe në fund të bëjë atë që i takon: Drejtësi!

Gjej rastin të falenderoj nga zemra qindra pacient që më shkruajn çdo ditë në emër të punës dhe përkushtimit tim si Mjek.

The post “Jetoj çdo ditë me vuajtjet e pacientëve”/ Flet mjeku Edmond Gashi: Po na denigrojnë! Kam kryer me sukses 90% të operacioneve. Edhe ne gabojmë, por… appeared first on Albeu.com.

Sipas verifikimve ai rezulton se pas vendimit të gjykatës, mjeku Gashi nën shoqërinë e personave të tjerë është parë në një lokal në zonën e Kasharit.

Pasi policia është njohur më këtë informacion ka shkuar në ambientin e lokalit por nuk e ka gjetur mjekun.

Më pas kanë sekuestruar kamerat e sigurisë por burimet jo zyrtare bëjnë me dije se pamjet filmike në kamera rezultojnë të fshira.

Më pas policia ka shkuar në banesën e tij ku e kanë identifikuar në banesë.

Por hetuesit kanë prova të tjera në dorë që e implikojnë me thyrje të masës për mjekun Gashi.

Lidhur me mos prezencën e tij më punonjës police rezulton se as komisariati as drejtoria nuk kishte njoftim për shoqërimin e tij në Gjykatë.

Por ai ka ardhur më një mjet tip fuoristratë private e po ashtu më atë mjet është larguar.

The post Në lokal me persona të tjerë, mjeku Gashi thyen masën e sigurisë. Policia gati t’i dërgojë Prokurorisë shkresën për mosrespektimin e masës appeared first on Albeu.com.

Gjykata Penale e Tiranës, sqaron se Edmond Gashi, ka dalë nga hyrja e autorizuar për gjyqtarët duke përfituar nga hapja e derës në mënyrë rastësore nga një punës i gjykatës.

Gjithashtu, Gjykata e Tiranës, thekson se Gashi është larguar i pashoqëruar nga efektivët e Policisë së Shtetit, të cilët duhet të bënin dërgimin e tij në shtëpi.

“Me përfundimin e seancës gjyqësore, pasi gjyqtarja ka lënë sallën e gjyqit, po kështu me rradhë pas saj edhe prokurori, avokatët, si dhe vetë personat nën hetim, shtetasi E. G., teksa ka qënë në korridorin e katit të parë të gjykatës, duke përfituar nga një moment i vetëm në të cilin një punonjëse e gjykatës ka qënë duke dalë në rrethana krejtësisht rastësore nga dera e cila shërben për hyrjet dhe daljet e autorizuara vetëm të gjyqtarëve dhe punonjësve të gjykatës (me karta të posaçme), ka dalë i shoqëruar edhe nga një shtetas tjetër, duke u larguar me vrap, i pa shoqëruar nga asnjë punonjës i policisë së shtetit“, thuhet në reagimin e Gjykatës.

Reagimi:

Referuar interesit të shfaqur mediatik, nëpërmjet disa komenteve dhe pamjeve filmike të shfaqura ditën e sotme, në disa portale/media on line, komunikohet informacioni zyrtar në vijim:

1. Gjykata e Shkallës së Parë të Juridiksionit të Përgjithshëm Tiranë, Dhoma Penale, me vendimin numër 1585, datë 19.06.2024, ka vendosur, ndër të tjera: “Caktimin e masës së sigurimit “Arrest në shtëpi”, parashikuar nga neni 237 i K.Pr.Penale ndaj personit nën hetim E. G., i dyshuar për kryerjen e veprës penale të “Shpërdorimit të Detyrës” parashikuar nga neni 248 i K.Penal. ………. “.

2. Me vendimin Nr. 1651, datë 27.06.2024 Gjykata e Shkallës së Parë të Juridiksionit të Përgjithshëm Tiranë, Dhoma Penale, ka vendosur ndër të tjera: “Miratimin dhe vazhdimin e masës së sigurimit “Arrest në shtëpi”, parashikuar nga neni 237 i K.Pr.Penale ndaj personit nën hetim E. G., i dyshuar për kryerjen e veprës penale të “Shpërdorimit të Detyrës” parashikuar nga neni 248 i K.Penal”.

Referuar vendimeve të sipër cituara, ndaj personit nën hetim E. G., është cktuar nga Gjykata, masa e sigurimit personal shtrëngues, “Arrest në shtëpi”, parashikuar nga neni 237 i K.Pr.Penale.

Kështu, në datën 27.06.2024, për paraqitjen dhe pjesëmarrjen e tij në seancën e caktuar për “Komunikimin e masës së sigurimit personal të caktuar në mungesë nga Gjykata”, në zbatim të nenit 248 të K.Pr.Penale, personi nën hetim E. G., do të duhej të ishte i shoqëruar nga punonjës të policisë së shtetit, të cilët në zbatim të vendimit të gjykatës si dhe në referim të nenit 237 të K.Pr.Penal, duhet të ndjekin dhe të zbatojnë me përpikmëri vendimet e gjykatës, si dhe zbatueshmërinë e masave të sigurimit.

Me përfundimin e seancës gjyqësore, pasi gjyqtarja ka lënë sallën e gjyqit, po kështu me rradhë pas saj edhe prokurori, avokatët, si dhe vetë personat nën hetim, shtetasi E. G., teksa ka qënë në korridorin e katit të parë të gjykatës, duke përfituar nga një moment i vetëm në të cilin një punonjëse e gjykatës ka qënë duke dalë në rrethana krejtësisht rastësore nga dera e cila shërben për hyrjet dhe daljet e autorizuara vetëm të gjyqtarëve dhe punonjësve të gjykatës (me karta të posaçme), ka dalë i shoqëruar edhe nga një shtetas tjetër, duke u larguar me vrap, i pa shoqëruar nga asnjë punonjës i policisë së shtetit.

The post Mjeku Edmond Gashi iku me vrap, reagon Gjykata e Tiranës: Doli nga dera e gjyqtarëve, u largua i pashoqëruar nga efektivët e Policisë appeared first on Albeu.com.

Por, farmacisti Marku, mohoi të këtë lidhje, duke thënë se nuk e njeh fare mjekun Edmond Gashi.

Florian Marku: “Nuk kam asnjë lloj komenti”.

A keni pasur bashkëpunim me Edmond Gashin dhe cila ka qenë lidhja?

Florian Marku: “S’kam asnjë lloj lidhje, nuk njoh asnjë nga personat”.

Ku i merrnit ilaçet? Sipas prokurorisë ju kishit rol.

Florian Marku: “Burimet mund të jenë nga më të ndryshmet. Roli i farmacistit është humanist, që të ndihmojë çdo pacient në kryerjen e detyrës së vet”.

A keni bashkëpunuar me Gashin?

Florian Marku: “Nuk e njoh si doktor”.

The post Skandali te Onkologjiku/ Farmacisti: Nuk kam asnjë lidhje me mjekun Edmond Gashi appeared first on Albeu.com.

Në lidhje me ngjarjen, ka pasur edhe një protestë, ndërsa rrjetet sociale kanë vërshuar në reagime kundër stafit të këtij spitali.

Mes reagimeve në rrjetet sociale, shfaqet dhe e bija e një prej mjekëve të akuzuar nga prokuroria e Tiranës për shpërdorim detyre, Edmond Gashi, i cili ndodhet në ‘arrest shtëpie’.

Vajza e këtij të fundit, ka replikuar me komentuesit në rrjetet sociale ‘dhëmbë për dhëmbë’, duke mos kursyer as ironitë.

The post Babai i saj në “arrest shtëpie” pas skandalit te Onkologjiku/ Vajza e mjekut Edmond Gashi ofendon qytetarët në rrjetet sociale (FOTO) appeared first on Albeu.com.

Ai u paraqit në gjykatë rreth orës 10:30, ndërsa në hyrje ku e prisnin gazetarët nxitoi për t’i shmangur dhe tha: “Bëj vetëm punën”.

Ndërkohë, pas gati 100 minutash në gjykatë, ai doli nga ana e pasme, aty ku kalojnë vetëm gjyqtarët e prokurorët, ndërsa vrapoi për t’i ikur gazetarëve.

Gjykata Penale e Tiranës, la në fuqi masat e sigurisë për mjekët dhe specialistët e Onkologjikut, të cilët dyshohet se drejtonin pacientët me sëmundje tumorale drejt klinikave private.

Sipas Prokurorisë, këta persona, në bashkëpunim me njëri-tjetrin kanë “shpërdoruar detyrën”. Në përgjime, dolën duke iu mohuar pacientëve shërbimin në shtet dhe i drejtonin drejt privatit.

The post U la në arrest shtëpie, mjeku Edmond Gashi ia fut vrapit për të shmangur gazetarët appeared first on Albeu.com.

BISEDA:

X: Hë mo doktor Edmondi, si nuk vazhduam të luanim dje? Unë të thashë të erdha tek kompjuteri një 15-çe, për një treshe

Edmondi: Ikim tani kapim dot gjë sot?

X: Vetëm Mario është janë kompjuterat bosh, mos rrimë ne t’ja mbushim atij.

Në një tjetër përgjim, zbulohet qëllimi i vetëm i Gashit si mjek në shtet: Zhvatja e pacientëve në hall.

Ai është përgjuar duke bërë biseda parash, e duke mos patur fillimisht dhembshuri humane për pacientët, pasi në një moment vë në dyshim veten dhe habitet kur kolegia e informon se ka caktuar për operacion një pacient, pa i parë rezultatin e biopsisë. Megjithatë, pacienti futet për t’u operuar.

PJESË NGA DOSJA

Nga bisedat telefonike që Emiljano Lela ka me doktorin Edmond Gashi, bie në sy fakti që në kohën që kur doktor është në vizita ka lënë edhe kontrolle për shumë pacientë të tjerë.

Lela (koordinatori në Onkologjik) i sugjeron pacientëve të onkologjikut, për të bërë vizita dhe kontrolle apo dhe operacione pranë klinikës privatë të mjetit.

Në datën 15/01/2024, në orën 10.49 ka një SMS si më poshtë:

Emiljano Lela: Përshëndetje doktor, fletëdaljen ku mund ta marr, tek klinika Megis, apo tek spitali Nënë Teresa tek ju.

Edmond Gashi: Ku është operu?

Emiljano Lela: Tek klika Megis

Në datën 15/01/2024, në orën 17.07 e telefonon një numër tjetër

X: Të vij unë? Edmond Gashi: Avash, avash se nuk kemi fillu, tani fillojmë.

X: A ke ndonjë para kësaj tonës? Edmond Gashi: Këtë kam po në orën 6 të jesh aty

Në datën 15/01/2024, në orën 17.10 e telefonon një numër tjetër dhe i thotë:

X: Pacientes H.G., që ke bërë operacion para 1 muaji ke pa thënë që do bëj rreze

Edmond Gashi: Ja ke bo rrezen?

X: Jo e ka bo me shtet por na ka thënë që duhet hap kartelë tek ti

Edmond Gashi: Nëse do e bësh në shtet duhet të hapësh një kartel tek Onkologjiku, duhet të paguash 30 mijë lekë.

Në datën 15/01/2024, në orën 17.42 e telefonon tjetër numër

X: Sa bën rezonanca e qafës? 240?

Edmond Gashi: E mo mirë sa të fitosh ndonjë lekë. Sot siç i fitova ja dhashë Yllit. Më mori Emiljano sot, më çoj për një neurokirurg, më tha sa përqindje kam, të bëhet puna, të tatohem, ke tatim mbi tatim.

Në datën 15/01/2024, në orën 17.44 e telefonon një tjetër numër.

X: Ke 3 operacione gishtin, melanomën e shpatull, biopsi që ka ardh nga Librazhdi.

Edmond Gashi: Po unë se kam parë biopsionë

X: Nuk e di, ti e ke shtruar biopsi në sallë, mirë po e bëj gati.

The post Skandali tek Onkologjiku/ Mjeku Edmond Gashi linte në lojërat e fatit paratë e pacientëve me kancer appeared first on Albeu.com.