Përveç numrit serial të armës, nuk është gjetur asnjë gjurmë e vlefshme që mund të ndihmojnë hetuesit për identifikimin e autorëve. Kjo për shkak se arma tip kallashnikov, që u gjet në makinën e djegur në Sukth pak minuta pas atentatit, ishte shkrumbuar totalisht.

Një tjetër provë në duart e hetuesve është edhe makina e përdorur në atentat, por deri më tani nuk i ka ndihmuar ata për zbardhjen e ngjarjes. Atentati mafioz ku mbeti i vrarë Edmond Koçi, që njihej edhe me emrin Mond Çekiçi ndodhi mëngjesin e së shtunës në lagjen 16 në Durrës. Ai u qëllua për vdekje nga dy persona që I bënë pritë në momentin që Çekiçi po udhëtonte bashkë me shoferin e tij.

Sipas hetimeve, ka dyshime se atentati mafioz ka ardhur për shkak të konflikteve të vjetra që ka pasur viktima me një tjetër grup rival në qytetin e Durrësit. /albeu.com/

The post Ekzekutimi i Mond Çekiçit, çfarë ndodhi me kallashnikovin që u gjet në makinë appeared first on Albeu.com.

Në studion e “Opinion”, Breçani tregoi se kishte qenë pjesë e forcave RENEA në vitin 2008, kur mori pjesë në një operacion për arrestimin e Çekiçit. Ai tregon se kur e arrestuan, 41-vjeçari kishte nxjerrë armën dhe ishte gati për të qëlluar në drejtim të forcave të policisë.

“Ky person, unë e kam pas njohur personalisht sepse në vitin 2008 ka pasur tendenca të mprehta për mbajtjen e armës pa leje dhe ka paraqitur rrezikshmëri të lartë, për punonjësit e policisë dhe për shoqërinë. Në vitin 2008 unë kam qenë me forcat speciale të RENEA-s kam marrë pejsë vetë në arrestimin e tij. Në Dhjetor të 2008, drejtori i qarkut na dha informacion të saktë për vendndodhjen e tij.

Ishte në një lokal po në lagjen e tij, që kishte dy hyrje dhe dy dalje. U vendos për t’u arrestuar personi në fjalë, Mondi, dhe forcat e RENEA-s, grupi i ndërhyrjes kishin planifikuar arrestimin e tij, në momentin që ndërhynë, ky nxori pistoletën dhe ua drejtoi punonjësve të policisë së RENEA-s. Aty e kemi neutralizuar, duke i kapur dorën dhe duke e shtrirë përtokë. Ishte gati për të qëlluar. Kam qenë pjesë e atij grupi. ”

Breçani theksoi se Koçi ishte person me rrezikshmëri të lartë.

“Person me rrezikshmëri të lartë, sepse sa ka dëgjuar në hyrjen e derës kryesore të lokalit “Ndal Policia!”, ai ka nxjerrë armën, por ne e kishim në mbikëqyrje. Është dënuar dhe ka vuajtur dënimin 2 vite”.

The post Breçani flet për përballjen me Mond Çekiçin: Nxori armën dhe ia drejtoi RENEA-s! appeared first on Albeu.com.

“Në këtë situatë, do të ketë edhe të tjera në vijimësi. Situata në tërësi i ndihmon elementët kriminelë, me një mundësi të tillë të artë,” u shpreh Artan Hoxha.

Sipas Hoxhës, 40-vjeçari mund të jetë vrarë për t’u përcjellë një mesazh dy personazheve të tjera, Plarent Dervishajt dhe Lulzim Berishës.

 “Çekiçi është një personazh që është përballur shumë mirë me sistemin e drejtësisë. Dhe ka mbijetuar. E gjetën kundërshtarët dhe e eliminuan. Është një personazh i rëndësishëm. Jo i panjohur.”

Duke bërë një krahasim me mënyrën sesi u bë atentati ndaj Plarent Dervishajt në qershor të vitit 2019 në Shkozet, gazetari gjykon se po t’i shohësh të dyja ngjarjet duken thuajse identike.

“Autorët ishin veshur njëlloj si në vrasjen e Çekiçit, më uniforma policie, me kallashnikovë. Moskoordinimi i tyre, bëri që shoferi ta çonte fuoristradën rreth një godine, u ul dhe pati mundësi të zbriste.  Po t’i shohim të dyja ngjarjet janë identike. Nuk është çudi që të jenë të njëjtët autorë, nuk u zbuluan.”

Artan Hoxha shton më tej se goditja e Çekiçit mund të jetë bërë në një mënyrë “foli pragut të dëgjojë dera”, në mungesë të atyre që quhen si drejtues të bandës së Durrësit.

“Plarent Dervishaj ishte emër shumë i madh në Durrës, nuk ishte goditur ndonjëherë. Një nga njerëzit më të afërm të Berishës. Kishin një ftohje, por në këto momente, njeriu më përfaqësues i të dyve në Durrës ishte Çekiçi…Në mungesë të atyre që quhen si drejtues të bandës së Durrësit, njeriu më i rëndësishëm pas tyre ishte Çekiçi.

The post “Foli pragut të dëgjojë dera”, Artan Hoxha zbulon të tjera detaje nga ekzekutimi i Mond Çekiçit appeared first on Albeu.com.

Policia dhe prokuroria kanë arritur të ndjekin makinën e dyshuar të autorëve pas vrasjes së Edmond Koçit, në Durrës. Burime për A2 pranë grupit hetimor thanë se kamerat e sigurisë kanë ndihmuar ndjekjen e itinerarit të autorëve të dyshuar deri në afërsi të Rinasit.

Policia pritet të sekuestrojë dhe kamera të tjera të bizneseve përgjatë rrugës që mund të ndihmojnë identifikimin e tyre apo dhe vendndodhjen.

Ende nuk bëhet e ditur se me çfarë mjeti u larguan autorët, ndërsa krimi i rëndë i ndodhur në Durrës risolli dhe një herë vëmendjen tek automjetet e vjedhura që përdoren nga atentatorët.

Atentatet mafioze në Shqipëri, ndonëse mund të ndryshojnë për nga mënyra e ekzekutimit, kanë një të përbashkët: pothuajse të gjitha lënë pas një automjet të djegur, që rezulton më pas i vjedhur.

Mësohet se Benzi i vjedhur dhe që u përdor në vrasje është e katërta makinë e vjedhur në Durrës brenda një jave.

Dy ditë para vrasjes, në qytetin bregdetar u vodh një makinë tip Benz me targa AA909RV, ndërsa një ditë para krimit, një Range Rover me targa AA 110 XA.

Ndërkohë, po gjatë mbrëmjes së djeshme, në Elbasan, një tjetër Benz u vodh, targat e të cilit mësohet se janë AA 066 GS.

Vrasësit përdorin këto mjete me targa të vjedhura po ashtu, ndërsa gjithmonë identifikimi i tyre është thuajse i pamundur.

The post Ekzekutimi i Mond Çekiçit, zbulohet intinerari i autorëve appeared first on Albeu.com.

Deri tani janë shoqëruar rreth 30 persona, mes tyre edhe të afërm e të dyshuar.

Një nga pistat kryesore ku po heton policia është ajo e dyshimit për konflikte të vjetra të viktimës pasi ka qenë pjese e bandës së Durresit dhe vazhdonte të ishte një ndër eksponentët kryesorë të botës se krimit në Durrës. Gjithashtu ai njihet edhe si mik i Emiljano Shullazt.

Ndërkaq, në vendin e ngjarjes janë gjetur 22 gezhoja. Policia ka bërë me dije se autoret kanë qenë me kapuç ne koke dhe me shall. Në momentin kur ata i kanë prerë rrugën automjetit në të cilin lëvizte Çekiçi, shoferi i këtij të fundit është larguar me vrap, sapo ka parë që njëri prej autorëve ka nxjerrë armën. /albeu.com/

The post E “shembën” me breshëri plumbash, 30 të shoqëruar për ekzekutimin Edmond Çeçikit appeared first on Albeu.com.

Ai shton se atentati ka ndodhur në mëngjes pranë shtëpisë së babait të Çekiçit, teksa ai sapo ka dalë nga makina iku me vrap tek rrugica.

Sipas tij, po të kishte qëndruar ende do e kishin vrarë dhe atë bashkë me Çekiçin, teksa konfirmon se kishte pak kohë që ishte shofer i tij.

”Nuk i kam parë , nuk i njoh kush ishin. Unë kisha pak kohë shofer i Mondit. Në mengjes pranë shtëpisë së babait të Mondit na preu rrugën një makine e zezë Benz. Ata ishin të maskuar me kapuça dhe shall. Dola menjëherë nga makina dhe ika me vrap tek rrugica ngjitur që është aty ku kishim ndaluar. Po të kisha qëndruar do më kishin vrarë edhe mua. Unë nuk di kush ka patur konflikt me Mondin. .”- tha shoferi.

Edmond Çekiçi u ekzekutua ditën e sotme në një atentat nga tre persona të dyshuar, ku njëri e qëlloi me breshëri kallashnikovi. Ai ishte i dënuar për armbëmbajtje pa leje dhe ishte në liri me kusht nga Gjykata.

The post Flet shoferi i Mond Çekiçit: Autorët ishin të maskuar me kapuçë dhe shalle appeared first on Albeu.com.

The post La pas dy fëmijë, 20 të shoqëruar në polici për vrasjen e Mond Çekiçit appeared first on Albeu.com.

The post Benzi luksoz u “gri” me breshëri plumbash, pamjet nga ezkekutimi i Mond Çekiçit appeared first on Albeu.com.

40-vjeçari u qëllua me armë zjarri në lagjen 16 të qytetit  ndërsa është i skeduar si pjesë e bandës kriminale të Lul Berishës.

Çekiçi udhëtonte me mjet me shofer dhe një automjet tjetër i ka prerë rrugën. Në këtë moment ka dalë shoferi i tij për te pyetur çfarë po ndodh.

Ndërkohë, një nga personat në mjetin tjetër ka qëlluar për vdekje Edmondin dhe janë larguar me një mjet tip Benz  me targa të vjedhura  në Tiranë, i cili është braktisur dhe djegur nga autorët në Katund Sukth, Durrës.

Grupi hetimor po bën krehjen e zonës, ndërsa janë sekuestruar të gjitha kamerat e sigurisë për të bërë të mundur identifikimin e autorëve.

Edmond Çekiçi është emër i njohur për policinë. Mësohet se ai kishte vetëm pak kohë që kishte dalë nga burgu.

40 vjeçari ka qenë anëtar i bandës së Durrësit, dhe disa herë është shoqëruar dhe dënuar me burg. Për herë të fundit ai është arrestuar në 24 shtator 2020, pasi është kapur me armë.  Ai konsiderohej nga policia si person me rrezikshmëri të lartë.

The post E ekzekutua sot në Durrës: Kush është Edmond Çekiçi, pjesë e bandës së Durrësit appeared first on Albeu.com.