Komentet Harxhi i bëri në ‘Log.” në Abc, ku shtoi se partia është në një fazë tranzitore dhe ka krijuar bazat e rithemelimit.

“Partia është në një fazë tranzitore dhe i ka krijuar bazat e rithemelimit. Unë nuk e shoh veten në këto momente si pjesë të kandidimit dhe nuk  dotë kandidoj”, tha Harxhi.

The post Harxhi: Nuk “kam ndërmend” të kandidoj për kreun e PD appeared first on Albeu.com.

“Mua më duket një lloj aleance e pamundur. Që nga baza elektorale e partive deri te fryma që ka. Vetëvendosja ka filluar si lëvizje shumë vite përpara. Rritja e fundit ka qenë sepse u hap shumë ndaj figurave që ishin drejtues. Krijoi frymë dhe afroi njerëz që kishin vota me baza lokale. Mori atë që mund të merrte nga partitë e tjerë. Ka ngelur shumë pak elektoral në PDK që mund të kalojë në Vetëvendosje. Janë shumë të ndryshme dhe më duket e pamundur”, u shpreh Sherifi.

Ndërsa ish-kandidatja për kryetare të Partisë Demokratike Edith Harxhi theksoi se këto zgjedhje treguan se ka lëvizje të elektroratit në Kosovë, veçanërisht në radhët e diasporës. Ashtu si Sherifi, ajo u shpreh skeptike për një bashkëpunim të mundshëm mes Vetëvendosjes dhe PDK-së.
“Vetëvendosja ka pasur mungesë perfomance me premtimet që ka dhënë deri tani. Ka pasur një lëvizje të elektoratit në Kosovë. Nëse do bëhej sondazh tani për diasporën jam e sigurt që nuk do votohej ashtu si ishte. Mendoj se ka të bëjë edhe me personalizimin e fushatës nga Kurti. Është ndjerë fryma e re me Memli Krasniqin dhe me LDK. Unë mendoj se ata po shkojnë aty ku kanë qenë. Nuk kanë rritje shumë të madhe. LDK të mos fitojë Gjilanin apo të zhvendoset nga Prizreni është shumë e rëndë.

Dje në Maqedoni shumica e partive politike në Maqedoni dolën dhe shpallën fitoren, gjë që nuk ndodhi Kosovë. Nuk besoj se PDK do jetë në koalicion me Vetëvendosjen, vetëm nëse do rrëshkasi nga fryma e Rugovës përfundimisht. Kosova voton edhe në këtë formë”, tha ajo. /abcnews.al

The post LDK aleancën me Vetëvendosjen? Harxhi dhe Sherifi: E pamundur appeared first on Albeu.com.

Harxhi ka dhënë edhe formulën me të cilën mund të largohet Basha nga drejtimi i PD-së.

E ftuar gjatë emisionit “Dekalog” në RTSH 24 të gazetarit Roland Qafoku, ajo u shpreh se janë gjetur tashmë hapësirat juridike që kjo të ndodhë.

Zonja Harxhi, ju kërkoni largimin e Lulzim Bashës por si ndodh kjo? Basha deklaroi se nuk do lejojë një kuvend antiamerikan. Të tjerë thonë që statuti nuk ka asnjë hapësirë për të larguar Bashën. Atëherë si do arrijë Berisha dhe ku për ta larguar Bashën?

Jo. Nuk është kështu. Me votat e duhura mblidhet Këshilli Kombëtar dhe vendos shkarkimin e Bashës dhe ndryshimin e statutit. Më pas mblidhet Kuvendi Kombëtar dhe nis procesi që do të thotë konfirmim të këtij largimi dhe nisjen e një procesi të rregullt për zgjedhjen e strukturave të reja dhe të kryetarit të ri.

Zonja Harxhi cili është parashikimi juaj për atë që pritet të ndodhë në PD?

Lulzim Basha do largohet brenda një periudhe shumë të shkurtër kohe.

Sa?

Ndoshta brenda një muaji. Deri në fund të tetorit mendoj që do jetë i larguar nga Kuvendi Kombëtar. Ai do japë dorëheqjen. Varet edhe nga turi i zotit Berisha. Por, unë mendoj se deri më 8 dhjetor zoti Basha do jetë larguar.

Pse deri më 8 dhjetor?

Sepse 8 dhjetori ka një simbolikë për ne. Natyrisht që Basha më tepër zgjat dhe zvarritet. Basha ose jep dorëheqjen vetë ose shkarkohet nga Kuvendi si kryetar i Partisë Demokratike.

Po zoti Berisha?

Zoti Berisha ka thënë vetë që ai nuk do kandidojë për kryetar të PD.

Dhe zoti Berisha do kthehet në grupin parlamentar?

Po. Ai do kthehet në grup.

Po si do funksionojë Partia Demokratike?

Do shkohet drejt zgjedheve të reja për kryetar. Ne si “Grupi për PD” kemi propozuar një këshill të përkohshëm për një periudhë gjashtë mujore. Do bëhen zgjedhjet nga poshtë lart dhe jo nga kryetari te degët. Por gjitshesi, ajo që është e rëndësishëm është largimi i Lulzim Bashës.

Po ju do jeni sërish kandidate?

Po nuk ka rëndësi kjo. Të heqim Bashën që ka zaptuar dhe ka marrë peng PD-në. Basha nuk bëhet lider kurrë çfarëdo që të ndodhë. Ajo që është e rëndësishme është që unë mendoj se Lulzim Basha nuk e fiton kurrë këtë betejë. Këtë betejë ai e ka me demokratët. Demokratët janë shumë të mëdhenj në numër se sa ata që e kanë votuar në zgjedhjet./albeu.com

The post Edith Harxhi bën parashikimin: Basha largohet për punë ditësh appeared first on Albeu.com.

Ajo thotë se pas dështimit të zgjedhjeve të 25 prillit, dhe pas konfirmimit të Lulzim Bashës në krye të PD-së pas votimeve në 13 qershor, është e nevojshme një qasje e re dhe një person që të mbajë përgjegjësi për dështimet e partisë.

Një ndër propozimet e Edit Harxhit, është kufizimi i mandatit të kryetarit të partisë pas zgjedhjeve të humbura. Sipas propozimit të saj, kryetarit të PD-së duhet t’i përfundojë mandati pas humbjes vetëm në një palë zgjedhje, e jo në dy siç është aktualisht.

“Në Statutin alternativ të paraqitur në vitin 2017 kam propozuar kufizimin e mandatit të Kryetarit të Partisë pas humbjes së dy palë zgjedhjeve të përgjithshme, por titullari i partisë nuk e pranoi këtë propozim, megjithëse shumë demokratik. Sot, kur ne kemi tre zgjedhje të humbura dhe jemi jashtë pushtetit qëndror dhe vendor për arsye të vendimarrjes së gabuar politike të Kryetarit dhe disa mbështetësve të tij, do të duhej që ne ta kufizojmë mandatin e Kryetarit të Partisë vetëm në një palë zgjedhje të humbura, sepse përfundimisht dikush duhet të mbajë përgjegjësi për humbjet e njëpasnjëshme të partisë sonë. Si është e mundur që prej vitit 2013, janë larguar nga strukturat drejtuese të partisë me qindra kryetarë degësh, qindra anëtarë të Këshillit Kombëtar, dhjetra anëtarë të Kryesisë së PDSH-së dhe disa Sekretarë të Përgjithshëm ndërkohë që Kryetari i Partisë nuk ka mbajtur asnjë përgjegjësi për dëshitmet e PDSH-së dhe për premtimet e pambajtura” – shkruan Harxhi.

TË GJITHA PROPOZIMET E EDIT HARXHIT

Ndryshimet Statutore në një parti politike nuk bëhen një herë në katër, vjet sa here që partia humbet një pale zgjedhje, vetëm për të rikonfirmuar në detyrë Kryetarin që nuk mban përgjegjësi. Statuti i partisë është një Kushtetutë e partisë dhe kjo Kushtetutë nuk mund të ndryshojë vetëm kur titullari e sheh të arsyeshme për të fshehur dështimet e veta. Jam e sigurt se do të regonim të gjithë kundër, ashtu siç edhe kemi reaguar sa here Kryeministri i vendit ka propozuar dhe votuar unilateralisht ndryshime kushtetuese në vend, sa herë ai e ka pare të arsyeshme.

Në Statutin alternativ të paraqitur në vitin 2017 kam propozuar kufizimin e mandatit të Kryetarit të Partisë pas humbjes së dy palë zgjedhjeve të përgjithshme, por titullari i partisë nuk e pranoi këtë propozim, megjithëse shumë demokratik. Sot, kur ne kemi tre zgjedhje të humbura dhe jemi jashtë pushtetit qëndror dhe vendor për arsye të vendimarrjes së gabuar politike të Kryetarit dhe disa mbështetësve të tij, do të duhej që ne ta kufizojmë mandatin e Kryetarit të Partisë vetëm në një palë zgjedhje të humbura, sepse përfundimisht dikush duhet të mbajë përgjegjësi për humbjet e njëpasnjëshme të partisë sonë. Si është e mundur që prej vitit 2013, janë larguar nga strukturat drejtuese të partisë me qindra kryetarë degësh, qindra anëtarë të Këshillit Kombëtar, dhjetra anëtarë të Kryesisë së PDSH-së dhe disa Sekretarë të Përgjithshëm ndërkohë që Kryetari i Partisë nuk ka mbajtur asnjë përgjegjësi për dëshitmet e PDSH-së dhe për premtimet e pambajtura?
Ne duhet ti kthejmë Partinë anëtarëve të saj, pasi sot kjo parti ka sot vetëm një vendimarrje dhe kjo është e Kryetarit dhe në pak raste e Kryesisë së zgjedhur prej tij. Për këtë arsye ne duhet të sanksionojmë në Statut se vendimarrja për çdo marrëveshje politike, koalicion para apo pas zgjedhor dhe nisëm të rëndësishme politike duhet të jetë atribut vetëm i Këshillit Kombëtar të PDSHsë, si përfaqësues i drejtpërdrejtë i vullnetit të anëtarësisë së Partisë Demokratike. Megjithëse kjo pikë u arrit të vendosej në Statutin e vitit 2017, përsëri nuk u zbatua asnjëherë, pasi disa marrëveshje të rëndësishme politike dhe koalicione para dhe pas zgjedhore u vendosën pa miratimin e Këshillit ombëtar të PDSH-së dhe madje edhe të Kryesisë së Partisë.

Zgjedhja e kandidatëve për deputet, anëtarë të këshillave bashkiake, kryetar bashkie duhet të jetë e lidhur drejtpërdrejtë me anëtarin e Partisë Demokratike dhe jo të emërohen nga Kryetari i Partisë. Në zgjedhjet e 25 prillit 2021, ishin të panumërta rastet kur u shkel në mënyrë flagrante statute i partisë, madje edhe premtimet e bëra më parë nga vetë Kryetari i Partisë për përzgjedhjen e kandidatëve për deputetë. Lista e përgatitur nga Komisioni i Vlerësimit të Kandidaturave, megjithëse me një proçes të anatemuar pasi ishtë proces denigrues dhe përjashtues dhe jo vlerësues, nuk u morr parasysh. Madje në shumë raste edhe vota e demokratëve për vlerësimin e kandidaturave u shpërfill dhe u tjetërsua nga vendimarrja e Kryetarit të Partisë. Zëri i demokratëve të thjeshtë, punëtorëve të partisë prej vitesh duhet të dëgjohet dhe ai duhet të jetë i vetmi pushtet në Partinë tone, pasi anëtarësia e Partisë, dega, grup seksioni dhe seksioni janë ata që njohin më mirë problemet reale të Partisë dhe të qeverisjes sot dhe pikërisht duhet të jenë ata që duhet të vendosin për kandidaturat që vlerësohen nga anëtarësia dhe shoqëria. Kryetarët e degëve dhe strukturat lokale të partisë nuk mund të neglizhohen në asnjë mënyrë në procesin e vendimarrjes dhe nuk mund të sfidohen nga besnikë të kryetarit të partisë, që emërohen në periudha parazgjedhore si koordinatorë politikë në qarqe.

Këshillit Kombëtar duhet të jetë forumi më i lartë vendimarrës i partisë sonë. Ai duhet të jetë i kufizuar në numër, i dhe përbërë nga 120 anëtarë në përgjithësi, nga të cilët 90 prej tyre të zgjidhen me votim të drejtpërdrejtë dhe të fshehtë nga Kuvendi Kombëtar, me propozim të degëve të PDSH-së dhe jo të Kryetarit. Çdo degë e PDSH-së duhet të ketë peshën e saj reale, në vartësi të arritjeve zgjedhore, në Këshill Kombëtar dhe në Kryesitë Partisë dhe të përqafësohet në këto dy forume me personalitetet të përzgjedhura nga degët, pasi vetëm në këtë mënyrë do të mund të dëgjohet zëri i vërtetë i anëtarëve të saj. Aktualisht Kryesia e Partisë dhe Këshilli Kombëtar nuk përfaqësojnë në mënyrë të vërtetë degët e saj. Çdo propozim për të bërë anëtarë të përhershëm të Këshillit Kombëtar deputetët e zgjedhur të listës së Kryetarit, dhe kolegjin e kryetarëve, e zhbën zërin e vërtetë të anëtarësisë dhe vazhdon ta mbajë Partinë në forum të Kryetarit të saj.
Këshilli Kombëtar duhet të ketë në përbërjen e tij edhe anëtarë të diasporës shqiptare në botë të cilët mund ti propozohen Kuvendit Kombëtar me një numër të kufizuar nga degët e PDSH-së në Diasporë. Kjo siguron hapjen e partisë dhe konsultimin me personalitete të diasporës shqiptare të cilët në mënyrë të drejtpërdrejtë ndihmojnë në shpalosjen e programit të PDSH-së dhe politikave të saj në botë.

Forumet drejtuese të Këshillit Kombëtar, duhet të kenë mandat katër vjeçar dhe të jenë të pavarura nga Kryesia e Partisë dhe Kryetari i Partisë, pasi vetëm në këtë mënyrë mund të sigurojmë atë që quhet kontroll dhe balancim të pushtetit dhe do të sigurojmë vendimarrje të pavarur dhe kolegjiale. Këshilli Kombëtar nuk mund të jetë organ këshillmor i Kryetarit dhe Kryesisë së Partisë, por autoriteti më i lartë vendimarrës në PDSH. Pavarësia e organeve drejtuese të Këshillit Kombëtar dhe thirrja e mbledhjeve të Këshillit duhet të jetë e drejtë e Kryetarit të Këshillit Kombëtar, në bashkëpunim me Kryetarin e Partisë. Atributet dhe të drejtat e Kryetarit të Këshillit Kombëtar dhe nën kryetarëve të saj janë të parashikuara në statutin alternativ të propozuar në vitin 2017.

Partia jonë duhet të kalojë në një proçes të menjëhershëm të verifikimit të anëtarësisë së saj pasi ne ndryshojmë listat e anëtarësisë në zgjedhjet për Kryetar Partie, apo zgjedhje të tjera të rendëshme në parti, duke shkelur parimin bazë të demokracisë, të Kushtetutës së vendit dhe Statutit të Partisë sonë, “e drejta për të zgjedhur dhe për tu zgjedhur”. Vetëm në procesin e fundit zgjedhor për Kryetar të Partisë Demokratike janë hequr nga listat e anëtarësisë së PDSH-së me mijra demokratë dhe anëtarë të hershëm, më shumë se 28 mijë anëtarë të anëtarësisë së saj reale që prej 1990, kur edhe është themeluar partia. Anëtarë të hershëm dhe të tashëm të Partisë Demokratike, themelues e qëndrestarë, janë hequr nga listat e anëtarësisë jo pa qëllim dhe kjo ka deformuar partinë tonë në strukturë, përmbajtje, thelb dhe formë.

Mosbërja publike e listave të Partisë Demokratike është një shkelje tjetër e parimeve themelore të së djathtës dhe demokracisë në parti. Kjo duhet të sanksionohet me një nen të posaçëm në Statutin e partisë dhe jo të fshihemi pas Ligjit për të Dhënat Personale, pasi ne nuk jemi parti të dhënash por parti individësh të lirë, të cilët kanë vendosur me dëshirën e tyre të lirë të jenë pjesë e kësaj organizate politike dhe kjo divizë është e sanksionuar që në statutin e pare të PDSH-së në vitin 1991.

10.Komisioni i Apelimit në Partinë Demokratike duhet të jetë një organ më vete dhe plotësisht funksional. Me anë të këtij komisioni duhet ti garantohet e drejta çdo anëtari të PDSH-së që të apelojë vendimet në rast shkeljesh. Ky Komision duhet të jetë funksional gjatë çdo mandati të Kuvendit Kombëtar dhe të propozohet nga Këshilli Kombëtari PDSH-së.

11.Partia Demokratike duhet të ketë një Rregullore të Breshndëshme për funksionalizimin e Statutit të saj dhe kjo rregullore duhet të miratohet në mbledhjen e parë të Këshillit Kombëtar, pas konstituimit të tij. Përvoja e deritanishme ka treguar se PDSH-ja, në kundërshtim me Statutin e saj, është drejtuar pa rregullore të brendëshme dhe me rregullore ad-hoc të përgatitura nga Sekretari i Përgjithshëm i Partisë, apo Kryesia e Partisë, sa here që Kryetari apo Kryesia është vendosur para përgjegjësisë së mos kryerjes së funksioneve të tyre.

KONKLUZIONE

Të nderuar anëtarë të Komisionit, këto ishin disa nga argumentet dhe propozimet e mia për të demokratizuar Partinë Demokratike në momentin kur Kryesia e Partisë e ka bërë fakt të kryer mbledhjen me urgjencë dhe pa asnjë arsye të Kuvendit Kombëtar. Analiza zgjedhore e cila përfundon në 30 shtator 2021, nuk mund të jetë subjekt i këtij Kuvendi Kombëtar, pasi ajo duhet të shtrihej në çdo degë dhe strukturë vendore të Partisë, por, mbi të gjitha, duhet të bëhej mbi disa parime bazë të demokracisë dhe të së djathtës, ku faji për dështimin nuk është kolektiv, por individual. Mbi të gjitha, mosfunksionimi si duhet i hallkave të strukturave të PDSH-së, vjen për arsye keq menaxhimi nga qëndra dhe jo nga anëtarët e saj të thjeshtë.

Vendimarrja e gabuar e Kryetarit dhe Kryesisë së Partisë në veprimtarinë politike të partisë gjatë këtyre viteve, konformizmi, mungesa e kolegjialitetit dhe debatit të lirë në Parti, mungesa e konkurrencës dhe alternativave, mungesa e përballjes programore elektorale me anë të sistemit të primareve, mungesa e meritokracisë dhe vendimarrja e individit, si dhe heqja e sistemit të vlerave dhe mosruajtja e trashëgimisë ideologjike dhe e burimeve njerëzore në Parti, janë disa nga shkaqet kryesore të humbjes së zgjedhjeve të 25 prillit 2021. Nëse nga kjo e ashtuquajtur analizë do të dalë “masakra zgjedhore” si arsye kryesore për mosardhjen e PD-së si parti qeverisëse në zgjedhjet e 25 prillit 2021, atëherë përgjegjësia për këtë “masakër” duhet të bjerë mbi Kryetarin e Partisë, për dhënien e garancive publike për ruajtjen e votës së shqiptarëve dhe mosmbajtjen e premtimeve.

Çdo lloj vendimi i mëtejshëm në lidhje me aksionin politik të PDSH-së duhet të jetë vendim kolegjial, duke marrë parasysh situatën në të cilën ndodhet PDSH-ja sot pas 8-viteve në pozitë dhe gabimeve të shkuara në vendimarrje për aksionin e saj politik. Parlamenti është i vetmi organ i cili përfaqëson votën e sovranit dhe ne nuk duhet ti shmangemi përgjegjësive kombëtare dhe politike për asnjë moment. Partia Demokratike ka nevojë më tepër se kurrë të tregojë se është për qeverisje me duar të pastra dhe larg cdo akti korruptiv, larg kapjes së saj nga një apo disa individë dhe larg kapjes së pushtetit qëndror. Parimi i pandëshkueshmërisë duhet të nisë nga ne në rradhë të parë dhe mbi të gjitha duhet të kërkojmë një ndjesë publike për çdo premtim të pambajtur, apo të mbajtur keq ndër vite. PDSH-ja ka nevojë urgjente për kohezion social, hapje dhe bashkim të të gjitha kontributeve dhe vlerave të saj në vite dhe për këtë, si dhe për sa më lart, duhet të nisim një aksion politik për rishikimin, riformatimin dhe rimëkëmbjen e PDSH-së mbi baza të forta ideologjike të djathta si liria e individit, konkurrenca e brendëshme, mbrojtja e vlerave anti-komuniste dhe dekomunistizimi i vendit, së bashku me mbrojtjen e të drejtës së pronës dhe pronarëve të ligjshëm, ku vlerat euro-atlantike të vendit dhe integrimi në Bashikimin Evropian me vepra dhe jo fjalë, të jenë në themel të saj.

The post Edit Harxhi: Kryetarit t’i përfundojë mandati pas humbjes të vetëm një palë zgjedhjesh appeared first on Albeu.com.

Ajo u shpreh gjithashtu se janë kërcënuar vëzhguesit dhe se kanë votuar njerëz pa kartën e anëtarësisë.

“Listat e anëtarësisë nuk u vunë në dispozicion të kandidatëve. Kjo i mohoi të drejtën e votës dhjetëra mijrea demokratëve. Përjashtimi i 28 mijë anëtarëve të PD-së është shkelja më e rëndë e këtyre zgjedhjeve.

Ka pasur nga ata anëtarë që kanë shkuar në qendrat e votimit me karta të lëshuara nga Azem Hajdari. Është shkelja më e rëndë.

Mesa kam kuptuar kështu ka ndodhur dhe me anëtarët e tjerë. Është vendosur që vëzhduesit do të qëndronin ulur. Kanë votuar njerëz pa karta anëtarësie. Vëzhguesit nuk janë lejuar që të votojnë.

Pra përveç listës së shkurtuar nga 106 në 75 mijë ka pasur një mungesë shumë të madhe të emrave në listë. Në kundërshtim me çdo normë të Kodit Zgjedhorë janë bërë anëtarë të rinj. disa kanë votuar vetëm me një kontrabilitet. Në disa qendra votimi ka pasur raste kur kanë votuar pa kartë anëtarësie. Audituesit elektronik përfaqësuesit e kandidatëve nuk janë lejuar të shikojnë nëse ka modifikime në sistem. Në 90% të rasteve vëzhguesit janë këkruar që të rrinë larg tavolinës së komisionit.

Votimi nuk e ka kaluar 30% në disa njësi. Ka pasur raste kur vëzhguesit janë kërcënuar. Ka qënë njësia numër 4 në Tiranë. Në Gjirokastër, vëzhguesi im nuk u lejua që të votojë pasi nuk kishte emër në listë. Në disa qendra është votuar me fotografinë e kryetarit aktual. Kutitë nuk kanë pasur masa sigurie. Gjatë fushatës zgjedhore, kandidatëve nuk iu ofrua asnjë ndihmë financiare dhe njerëzore vetëm kryetarit aktual. Basha ka pasur të gjithë burimet financiare. Ka tre javë që ne nuk dëgjojmë për manipulimin e zgjedhjeve”, tha Harxhi./albeu.com

The post Harxhi nuk pranon humbjen: Zgjedhjet në PD të pabarabarta, kanë votuar njerëz pa kartën e anëtarësisë appeared first on Albeu.com.

Fjala e Edith Harxhit:

PD është një aset, është një pasuri kombëtare, sot është dita e demokratëve, uroj shumë që të ketë një pjesëmarrje masive, pasi ne sot votojmë reformimin e PD-së. Absolutisht që mendoj se në radhë të parë do të fitojnë demokratët, jam e sigurt që vota e tyre do të jetë për ndryshimin.

Unë dua të bëj një thirrje për zotin Basha, demokratët duhet të jenë në lista, janë penguar themelues të PD-së që të votojnë, me pretendimin se nuk kanë qenë aktiv në fushatë. Kjo nuk është normale, ndryshimi ynë do të sjellë votën e hapur për të gjithë shqiptarët, beteja ime fillon sot.

Absolutisht që unë do të vazhdoj aktive edhe pas 30 vitesh, ju thashë që beteja ime fillon sot.

Votën për kryetarin e PD-së mund ta hedhin vetëm personat që kanë kartë anëtarësie. Të përjashtuar nga vota do të jenë demokratët që sipas kryetarit të Komisionit Zgjedhor në PD, Jemin Gjana kanë bërë fushatë haptas për kundërshtarët në zgjedhjet e 25 prillit, ndonëse ata rezultojnë anëtarë të PD. Nga ana tjetër, Gjana tha se do të lejohen që të votojnë ata që s’kanë emrin në lista, por kanë kartë anëtarësie.

Zgjedhjet në PD u kërkuan menjëherë pas atyre për Kuvendin, ku ishte fillimisht Fatbardh Kadilli ai që paraqiti kandidaturën e tij, më pas u propozua nga grupi për PD-në dhe Edith Harxhi, ndërsa Agron Shehaj u fut në garë në momentet e fundit.

Votimi për kreun e ri të PD-së pritet që të mbyllet në orën 19:00, ndërsa të parët që kanë qenë sot në selinë blu ka qenë sekretari Gazment Bardhi dhe nënkryetari Edmond Spaho. Kandidatët nuk pranuan që të ishin së bashku në një diskutim të hapur për anëtarësinë e tyre, dhe secili e zhvilloi fushatën veçmas.

The post A do të largohesh nga PD nëse nuk fiton garën? Përgjigjet Harxhi appeared first on Albeu.com.

Gjatë bisedimit me mbështetësit demokratë, Harxhi kërkoi hapjen e dosjeve të sigurimit të shtetit duke filluar nga PD, që sipas saj brenda ka anëtar të ish-sigurimit të shtetit.

Harxhi nuk nguroi të sfidonte edhe kreun në detyre të PD-së, Bashën, duke thënë se SHBA i ka refuzuar vizën.

“Nëse nuk është e vërtetë Basha le të ngrihet dhe ta përgënjeshtrojë, po pres dy javë.Ka 4 vite që nuk ka shkuar në SHBA prej 2017, ka tentuar disa herë, ka pasur disa ftesa, unë këtë përgjigje kam, Basha se të dalë dhe ta përgënjeshtrojë” tha ajo.

75 mijë demokratë pritet ti drejtohen kutive të votimit për të zgjedhur kryetarin e ri të dielën. Në garë është kryetari aktual Lulzim Basha, Agron Shehaj, Edith Harxhi dhe Fatbardh Kadilli.

The post Rivalja nuk i ndahet Bashës: E sfidoj, nuk shkel dot në SHBA prej 4 vitesh! appeared first on Albeu.com.

“Ka boll partia jonë ish-anëtarë të sigurimit të shtetit. Duhet të fillojë hapja e dosjeve të sigurimit të shtetit, nga partia jonë njëherë. Nuk duhet të kenë funksione të larta në parti, poste drejtuese” tha ajo.

Më tej Harxhi u shpreh se vetem duke u bashkuar, PD do të vijë në pushtet.

“Humbja e fundit na ka krijuar probleme shumë të mëdha, anëtarësia është dëshpëruar, 8 vite në opozitë, kjo qeveri vazhdon të vendosë gjoba. Shikoni si kanë filluar me u ra investimeve në bregdet. Në mënyrë që të fitojmë një palë zgjedhje normale duhet të bashkohemi” tha ajo.

Kujtojmë se me 13 qershor në PD do të zhvillohen zgjedhjet për kryetar dhe përballë Bashës, konkurren është Edith Harxhi, Fatbardh Kadilli dhe Agron Shehaj./albeu.com

The post Rivalja e Bashës nxjerr “të palarat” e PD: Brenda partisë ka shumë sigurimsa appeared first on Albeu.com.

Si ish zv.ministre e jashtme, Edith Harxhi ka deklaruar se informacionin se kryedemokratit Lulzim Basha nuk mund të shkojë në SHBA e ka marrë nga disa burime, mes tyre edhe ato diplomatike.

“Burime të natyrave të ndryshme, duke përfshirë edhe burime diplomatike”, tha Harxhi.

Prononcimi i plotë:

Ju thatë për zotin Basha se nuk lejohet të futet në SHBA, mbi çfarë informacionesh apo burimesh e bazoni deklaratën tuaj?

-Burime dhe informacione të ndryshme duke përfshirë edhe ato diplomatike.

Ju thoni gara nuk është e barabartë, a është e tillë dhe sa ju penalizon juve dhe kandidatët e tjerë?

-Gara është e pabarabartë jemi të gjithë të penalizuar, përveç kryetarit të partisë sepse kryetari i partisë e afroi datën e zgjidhjeve për në 14 qershor, në vend që të ishte një datë që do të shtyhej pas një analize të plotë dhe të thellë të Partisë Demokratike.

Por pavarësisht kësaj gare e cila është e pabarabartë dhe e padrejtë në të njëjtën kohë, unë i kam hyrë kësaj gare dhe do të vazhdoj deri në fund, pavarësisht procesit sepse e kam thënë disa herë edhe në media unë e sfidoj këtë garë pavarësisht pabarazisë së saj.

Pavarësisht mungesës së listave, komisionerëve, anëtarëve të komisionit unë do të vazhdoj pasi kërkoj reformimin e thellë të Partisë dhe ringritjen e saj mbi idealet e 90-ës. Unë ndjehem e penalizuar nga vendimet jo statutore që ka marrë kryesia e partisë dhe kryetari i partisë në të njëjtën kohë, por nga ana tjetër mendoj që ja vlen pasi unë ja dedikoj këtë garë demokratëve.

Nëse rezultati nuk është ai që prisni, çfarë do të ndodhë në PD?

-Këtë nuk e di, nëse PD do të vazhdojë në një spirale të tillë politike siç është edhe tani me kryetar i cili ka 4 humbje dhe 3 fitore si kryetar humbës. Por gjithsesi unë do të vazhdoj punën time brenda PD-së për ta rikthyer sërish në pushtet, në një kohë sa të mëparshme. Do të qëndroj brenda strukturave të partisë dhe do të vazhdoj me propozimet e mia, por besoj se kjo nuk do të ndodhi pasi në datën 13 qershor do të ketë surpriza shumë të këndshme.

The post Në garë për PD, Harxhi nuk i ndahet Bashës: Iu refuzua viza në SHBA, informacion i sigurt! appeared first on Albeu.com.

Ajo gjithashtu tha se në qendër, nuk dëgjohet fjala e degëve.

“8-vjeçari më i vështirë i PD në opozitë, me qeverisjen mjaft të dobët të Ramës, ka bërë që kjo opozitë të jetë më pak e mundur për të bërë aq sa duhet, por angazhimi juaj me strukturat jo vetëm duhet të vlerësohet, por ne të gjithë hyjmë e dalim në seli, por harrojmë atë që bëjnë strukturat, prandaj unë ju falënderoj. Në qendër nuk dëgjohet fjala e degëve”, tha Harxhi./albeu.com

The post Harxhi nga Korça: 8-vjeçari më i vështirë i PD në opozitë appeared first on Albeu.com.