Egnatia ka zyrtarizuar afrimin e Edison Ndrecës, i cili bëhet lojtari më i ri i skuadrës nga Rrogozhina. Mbrojtësi i majtë lë pas eksperiencën në Kazakistan me Yelimay, ku u aktivizua për vetëm 6 muaj, për t’u kthyer sërish te kampionët e Superiores.

Nëpërmjet rrjeteve sociale, klubi kampion i Superiores e prezantoi rikthimin e tij me fjalët: “Welcome back Rrushi! Në shtëpi, aty ku gjithçka vazhdon. Mirë se erdhe përsëri te Egnatia, Edison Ndreca”.

Ndreca ishte pjesë e Egnatias edhe në sezonin e fundit, ku fitoi titujt kampion me këtë skuadër. Me kthimin e 31-vjeçarit, ekipi forcon edhe më tej krahun e majtë, ndërsa lojtari tashmë do të jetë nën drejtimin e trajnerit Nevil Dede.

The post Edison Ndreca rikthehet te Egnatia pas aventurës 6-mujore në Kazakistan appeared first on Albeu.com.

Ndërkohë, në listën e emrave të lidhur me kampionët e Shqipërisë u përmendën edhe Edison Ndreca dhe Regi Lushkja. Sipas burimeve të sigurta për “Newsport.al”, të dy ish-lojtarët e Rrogozhinës janë vetëofruar për një rikthim, por përgjigjja e Egnatias ka qenë negative.

Pas këtij refuzimi, Lushkja vendosi të transferohej te Al Dhafra. Sa i përket Ndrecës, ai po përflitet për një lëvizje drejt Shkodrës, megjithëse deri tani nuk ka asgjë konkrete.

“Newsport.al” mëson gjithashtu se Ndreca dhe Lushkja nuk ishin të vetmit që synonin rikthimin në Rrogozhinë. Shërbimet e tyre kampionëve ua ka ofruar edhe sulmuesi i Vllaznisë, Lirim Kastrati, por edhe për anësorin 27-vjeçar nga Kosova nuk është dhënë drita jeshile.

Aktualisht, Egnatia ka nisur fazën përgatitore në Bullgari në funksion të ndeshjeve evropiane. Në turin e parë kualifikues të UEFA Champions League, kampionët e Superiores do të luajnë ndaj moldavëve të FC Petrocub.

The post Egnatia refuzon rikthimin e Ndrecës dhe Lushkjës, “jo” edhe për Lirim Kastratin të Vllaznisë appeared first on Albeu.com.