Nga Sektori për Krimet e Rënda në DVP Vlorë u bë ekzekutimi i vendimit të Gjykatës së Shkallës së Parë Vlorë, për shtetasin Mitri Prifti, 36 vjeç, banues në Tiranë, e cila ka vendosur masën e sigurisë “Arrest në burg” për veprat penale “Vrasja me paramendim”, e mbetur në tentativë dhe “Armëmbajtja pa leje”.

Ky shtetas dyshohet se për motive të dobëta, ka tentuar të vrasë me armë zjarri, Edison Begajn 41 vjeç, i cili si pasojë e të shtënave ka mbetur i plagosur./albeu.com

The post Tentoi të vriste Edison Begajn në Vlorë, arrestohet autori pas 4 muajsh appeared first on Albeu.com.

Blutë e Vlorës u vunë në ndjekje të autorit që në momentin që ndodhi ngjarja dhe për këtë gjë u ndihmuan nga kamerat e sigurisë në vend.

Në periferi të Lushnjes, për shkak të shpejtësisë mjeti doli nga rruga duke përfunduar në kanal. Autori, duke përfituar nga errësira mundi të largohej. Brenda makinës, policia gjeti prova të mjaftueshme për të çuar në identifikimin e autorit të plagosjes së Begajt.

Një kapele e përdorur nga autori, fije floku, mbetje biologjike si dhe shenjat e gishtave, zbuluan se bëhej fjalë për 36-vjeçarin nga Tirana, Mitri Prifti.

Ai fillimisht u shpall në kërkim policor dhe me marrjen e përgjigjes së ADN-së për provat e siguruara në makinë, policia e shpalli në kërkim ndërkombëtar. Por rezultoi se një ditë pas ngjarjes, Prifti ishte larguar drejt Italisë në mënyrë të rregullt.

Ndaj tij, gjykata ka caktuar arrest në burg në mungesë për veprat penale, vrasje me paramendim e mbetur në tentativë dhe armëmbajtje pa leje.

Hetuesit kanë dyshime se krimi mund të ketë ndodhur për shkak të një debati banal mes tyre. Konflikti kishte ndodhur në një lokal, në zonën e Lungomares në Vlorë. Edsion Begaj e ka qëlluar atë me shuplakë në fytyrë dhe e gjithë skema është regjistruar nga kamera e sigurisë së lokalit.

Edison Begaj u qëllua me 4 plumba teksa ishte duke u futur me makinë në oborrin e banesës. Ngjarja ndodhi në sy të fëmijëve, të cilët ishin të ulur në sediljen pas të mjetit Volksëagen. /abcnews.al

The post Kapelja, floku dhe gishtat! Provat që tradhtuan autorin e atentatit ndaj Edison Begajt appeared first on Albeu.com.

Njoftohet se është bërë i mundur identifikimi dhe shpallja në kërkim e autorit. Bëhet fjalë për shtetasin Mitri Prifti, 36 vjeç, banues në Tiranë për të cilin Gjykata e Shkallës së Parë Vlorë ka vendosur masën e sigurisë “Arrest në burg” për veprat penale “Vrasja me paramendim”, mbetur në tentativë dhe “Armëmbajtja pa leje”.

NJOFTIMI

Vlorë/Zbardhet tentativa e vrasjes së 41-vjeçarit, e ndodhur më 29 maj 2021, në fshatin Kaninë.

Shpallet në kërkim autori i dyshuar i ngjarjes.

Pas një pune hetimore të pandërprerë, nga Sektori i Krimeve të Rënda Ndaj Jetës dhe Pronës, në bashkëpunim me Prokurorinë pranë Gjykatës së Shkallës së Parë Vlorë, u bë e mundur zbardhja dhe dokumentimi ligjor i ngjarjes së ndodhur më datë 29.05.2021, rreth orës 23:25, në fshatin Kaninë, ku mbeti i plagosur me armë zjarri shtetasi E. B.

Si rezultat i informacioneve të siguruara në rrugë operative, veprimeve hetimore procedurale, si dhe provave ligjore (shkencore) të siguruara në lidhje me këtë ngjarje, nga ana e specialistëve të Seksionit Hetimit të Krimeve Ndaj Jetës në Drejtorinë Vendore të Policisë Vlorë, u bë e mundur shpallja në kërkim e autorit të dyshuar të kësaj ngjarjeje, shtetasit:

•Mitri Prifti, 36 vjeç, banues në Tiranë, për të cilin Gjykata e Shkallës së Parë Vlorë ka vendosur masën e sigurisë “Arrest në burg” për veprat penale “Vrasja me paramendim”, mbetur në tentativë dhe “Armëmbajtja pa leje”.

Ky shtetas dyshohet se për motive të dobëta, ka tentuar të vrasë me armë zjarri, shtetasin E. B, 41 vjeç, i cili si pasojë e të shtënave ka mbetur i plagosur.

Materialet procedurale i kaluan Prokurorisë Pranë Gjykatës së Shkallës së Parë Vlorë, për veprime të mëtejshme hetimore.

The post EMRI/ Atentati në derën e shtëpisë së Edison Begajt, shpallet në kërkim autori appeared first on Albeu.com.

Gjatë seancës dëgjimore e cila u mbajt disa ditë më parë, Spiros iu kërkua llogari dhe në lidhje me disa pika për profesionalizmin e tij, që lidheshin me disa çështje që kishte ndjekur.

Albert Spiro e ka filluar karrierën në sistemin e drejtësisë në vitin 2000 si gjyqtar në Gjykatën e Tepelenës. Prej vitit 2006, Spiro e ushtron funksionin në Gjykatën e Rrethit të Vlorës.

Në qershor të këtij viti, Spiro u akuzua publikisht nga ministri i Brendshëm, Bledi Çuçi për lirimin nga qelia të Edison Begajt –një person me precedentë të mëparshëm penale. Gjykata e Vlorës u përgjigj se masa e “arrestit shtëpiak” ishte kërkuar nga prokurori.

Problemet e apartametit të shitur

Relatorja Çiftja vuri në dukje gjatë relatimit se KPK e cilësonte problem faktin që kontratat e lidhura për shtëpinë në Gjirokastër ishin me çmime të ndryshme. Relatorja tha se çmimi në kontratën e kaparit, që në fakt justifikonte blerjen e një apartamenti me një çmim të ngjashëm në Vlorë në të njëjtën kohë, ishte ulur me gati 2 milionë në kontratën e shit-blerjes.

Relatorja po ashtu ngriti dyshime edhe mbi mënyrën se si ishte përfituar apartamenti në Gjirokastër në vitin 1998 dhe burimet e ligjshme për ndërtimin e tij në shumën 26 mijë dollarë.

Duke iu referuar si çmim atij në kontratën e shitjes, Çiftja vuri në dukje se kjo e nxirrte gjyqtarin me diferencë negative prej gati 1.9 milionë lekësh në blerjen e një apartamenti në Vlorë për 6.5 milionë lekë në vitin 2008.

Gjyqtari pranoi ekzistencën e dy kontratave, por mohoi se ato ishin përdorur për të shmangur tatimet. Ai tha se në kontratën e shitjes ishte përdorur çmimi i referencës, sipas këshillës së noteres, ndërsa vuri në dukje se apartamenti ishte shitur me mobiljet që nuk mund të tatoheshin. Ai tha se kishte paguar detyrimet dhe bazuar në ligjin dhe normat e kohës i rezultonte se kishte paguar tatime sikur apartamenti të ishte shitur në shumën 5.7 milionë lekë. Sipas tij, pjesa që nuk mbulohej ishte minimale dhe se KPK duhej të mbante në konsideratë se në çmim përfshiheshin edhe mobiljet, shitja e të cilave nuk tatohej.

I pyetur për dyshimet e ngritura nga KPK mbi mospagimin në kohë të kësteve dhe mosdeklarimin e disa transaksioneve, Spiro tha se mungesa e korrektesës në këtë rast kishte qenë e dykahshme. “Edhe ne, edhe kompania nuk kemi qenë korrektë”, tha ai.

Ai këmbënguli se kishte pasur shumën 26 mijë dollarë të fituara në Greqi si emigrant me vizë turistike. Ai vuri në dukje se nuk kishte pasur dokumente pune dhe në atë kohë nuk kishte pasur as interes për të bërë të tilla në Greqi. Ai tha se dëshmitë e transfertave dhe vendosjes së parave në banka ishin humbur dhe se ishte në pamundësi objektive.

Huaja 50 mijë euro

Nga relatimi doli se veç apartamentit në Vlorë, Spiro kishte blerë një apartament në Tiranë, që siç tha ai, ishte përdorur nga fëmijët gjatë kohës së studimeve. Çiftja tha se si burim për apartamentin e blerë në kryeqytet ishte një hua nga një i afërm, kumbara e vajzës, në shumën 50 mijë euro.

KPK vuri në dukje se nga hetimi rezultonte që huadhënësi kishte pasur të ardhura të mjaftueshme, por se në momentin e dhënies së huasë në llogaritë bankare të huadhënësit nuk kishte asnjë gjurmë transaksioni dhe arka e kompanisë së tij mbante vetëm sasi të vogla cash. Po ashtu sipas KPK-së nuk kishte gjurmë dokumentare të dhënies së huasë dhe as të kthimit të saj. Hetimi administrativ po ashtu tha se huadhënësi kishte bërë investime në të njëjtën kohë në vlera të mëdha, që ngrinin dyshime për mundësitë e dhënies së huasë në atë moment.

Spiro këmbënguli në fjalën e tij se burimi i huasë ishte i ligjshëm, duke referuar të ardhurat e huadhënësit. Por në pyetje, trupa i bëri me dije se në rastin konkret vihej në dyshim mjaftueshmëria dhe lëvizja e parave në atë kohë kur ishte dhënë huaja dhe jo burimi i tyre.

Gjyqtari këmbënguli në marrëdhënien e posaçme dhe citoi nevojën që kishte pasur në atë kohë. Ai tha se huadhënësi mund të kishte përdorur burime të tjera, por ai nuk qe në gjendje të thoshte cilat ishin ato. Ai tha se shtëpia në Tiranë kishte qenë në kushte minimaliste dhe këmbënguli se mobilimi i saj, që e nxirrte me minus financiar në disa vite ishte i shpërndarë ndryshe nga sa ishte llogaritur në KPK.

Spiro kërkoi nga KPK me këmbëngulje të rishiheshin shpenzimet jetike, duke iu referuar faktit se ishte në një rajon të ndryshëm nga Tirana dhe se atje shpenzimet ishin më të vogla. Ironisë së Çiftjes se në fakt shpenzimet që llogariteshin ishin minimumi i mbijetesës, Spiro iu përgjigj se kërkonte që të përdorej minimumi për zonën e Vlorës dhe jo atë të Tiranës.

Dhënia e 10,500 eurove për një makinë, që më pas ishte deklaruar e blerë në shumën 4500 euro bashkë me shpenzime udhëtimi nga Gjermania, u cilësua po ashtu e dyshimtë nga KPK. Komisioni tha se deklarimet e subjektit se makina kishte pasur defekte bënin të dyshimtë udhëtimin e saj nga Gjermania në Shqipëri.

Spiro këmbënguli se kjo ishte ajo që kishte ndodhur.

Disa pyetje mbi profesionalizmin, të cilat KPK i relatoi vetëm përciptazi po ashtu morën përgjigje të shkurtra nga Spiro, që këmbënguli se kishte zbatuar ligjin siç duhej. Po ashtu ai tha se nuk gjykonte që kishte qenë në kushte të konfliktit të interesit në marrëdhëniet me një avokat, edhe pse pranoi se qëndrimi ndaj këtyre situatave kishte ndryshuar dhe si drejtues i Gjykatës së Vlorës së fundmi, ai i pranonte kërkesat për dorëheqje për të mos komplikuar situatën.

Ai tha se vite më herët këto kërkesa rrëzoheshin. Ndërkohë, i pyetur nga trupa ai tha se kishte përfunduar studimet me korrespondencë. Gjyqtari u vlerësua pozitivisht në kriterin e figurës dhe kërkoi konfirmimin në detyrë.

The post Çuçi e akuzoi për lirimin e Edison Begajt, shkarkohet nga detyra gjyqtari i Vlorës appeared first on Albeu.com.

Masa është dhënë në ambientet e spitalit të Vlorës, ku po merr mjekim pas atentati që u bë ndaj tij dy javë më parë.

Begaj u arrestua me 14 qershor pas kontrolleve në lagjen “Uji i Ftohtë”, knë ambientet e jashtme të një lokali, pasi iu gjet një armë zjarri pistoletë, me një krehër me 5 fishekë, pa leje.

Edison Begaj rezulton gjithashtu të jetë subjekt i Aktit Normativ, pasi Gjykata e Apelit të Krimeve të Rënda Tiranë e ka dënuar me 7 vite e 6 muaj burgim, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e municioneve luftarake”.

Kujtojmë se ndaj tij, u bë një atentat me armë zjarri më 29 maj pranë shtëpisë së tij në Vlorë./albeu.com

The post Gjykata cakton masën e sigurisë për Edison Begajn appeared first on Albeu.com.

Besnik Begaj ka hedhur poshtë akuzat që hidhen ndaj të vëllait për trafik droge dhe armësh, duke thënë se Edison Begaj ka marrë vetëm një dënim nga Gjykata e Vlorës për “moskallëzim krimi”.

The post Flet vëllai i Edison Begajt: Nuk është dënuar për trafik droge dhe armësh, fëmijët dhe jeta e tij janë në rrezik appeared first on Albeu.com.

Mësohet se janë shoqërur disa persona mes tyre Edison Begaj që u plagos pak ditë më parë.

Edison Begaj i është bërë një atentat në datën 29 maj, ku përfundoi i plagosur në pjesën e këmbëve.

38-vjeçari Begaj nuk është një emër i panjohur për drejtësinë. Ai është i dënuar për drogë më 7 vite e 6 muaj burg në 2010, ndërsa është bërë edhe subjekt i OFL-së në lidhje me pasurinë e tij. Edhe në 2015 Begaj u kap me 50 kg lëndë narkotike të llojit marijuanë “çokollatë”, e paketuar, së bashku me 3 të tjerë në vendin e emërtuar “Qafa e Kuzum Babasë”. Lënda narkotike u gjet brenda automjetit tip “Jeep” që posedohej nga shtetasi Edison Begaj.

The post Aksioni i RENEA-s në Lungomare, mes të arrestuarve dhe Edison Begaj të cilit ju bë atentat pak ditë më parë (FOTO LAJM) appeared first on Albeu.com.

Brenda mjetit tip Benz është gjetur një uniformë policie, e cila mund të jetë e autorit të atentatit.

Kujtojmë se Edison Begaj u plagos me disa plumba para shtëpisë së tij dhe në sy të familjes disa ditë më parë, nga një person i veshur si polic.

Kjo është arsyeja pse dyshimet janë që makina mund t’i përkasë autorit të atentatit.

Makina është transportuar për në komisariatin e Vlorës, në kuadër të hetimeve për ngjarjen./albeu.com

The post Atentati ndaj Edison Begajt, gjendet një uniformë policie brenda një makinë e braktisur në Lushnjë (VIDEO) appeared first on Albeu.com.

Në momentin që Begaj hap portën dhe kthehet për të marrë makinë, aty shfaqet edhe autori i atentatit të tij. Begaj e sheh dhe duke qenë se autori ishte i veshur si polic, i afrohet për ta pyetur çfarë ka ndodhur. Por sapo afrohet pranë tij, autori nxjerr armën dhe e qëllon. Begaj nga inercia tenton të largohet ndërsa autori e qëllon edhe disa herë të tjera. Begajn raportohet se e kanë kapur 4 plumba në këmbë. Nuk dihet nëse autori ka pasur për qëllim ta vrasë apo vetëm ta plagosë në formë mesazhi ndaj tij. Pasi Begaj shtrihet në tokë, autori i maskuar si polic, largohet i ndihmuar edhe nga errësira.

Mendohet se autori të jetë larguar me automjet duke përdorur “By Pass-in” në afërsi të fshatit Kaninë dhe larguar në drejtim të fshatrave të lumit të Vlorës.
Burime nga grupi hetimor thanë për Abc se kanë rënë në gjurmët e autorit dhe janë shumë pranë identifikimit të tij. Edison Begaj është një emër i njohur për drejtësinë, pasi ai në vitin 2010 u dënua me 7 vite e 6 muaj burg për trafik droge dhe armësh.
Ndërsa i është kërkuar dhe justifikimi i pasurisë nga Operacionit Forca e Ligjit. Ndaj dhe pista kryesore ku po hetohet është e kaluara e 38 vjeçarit, por nuk përjashtohet edhe ndonjë konflikt i kohëve të fundit./abcnews.al

The post Momenti i atentatit ndaj Edison Begaj në sy të familjes, autori ishte veshur si polic (VIDEO) appeared first on Albeu.com.

Begaj është qëlluar teksa ishte duke shkuar në banesën e tij. 38 vjeçari u plagos me 4 plumba në këmbë. Ai ka dëshmuar se pranë banesës së tij mungon ndriçimi dhe nuk mundi të dallojë personin apo personat që mund ta kenë qëlluar.

Mësohet se policia teksa shkoi në vendngjarje e ndoqi për disa minuta autorin por nuk mundi ta arrestojë. Ai duhet të njohë mirë zonën dhe ka mundur të largohet duke përfituar edhe nga errësira.

Burime nga grupi hetimor thanë për Abc se kanë rënë në gjurmët e autorit dhe janë shumë pranë identifikimit të tij. Edison Begaj është një emër i njohur për drejtësinë, pasi ai në vitin 2010 u dënua me 7 vite e 6 muaj burg për trafik droge dhe armësh.

Ndërsa i është kërkuar dhe justifikimi i pasurisë nga Operacionit Forca e Ligjit. Ndaj dhe pista kryesore ku po hetohet është e kaluara e 38 vjeçarit, por nuk përjashtohet edhe ndonjë konflikt I kohëve të fundit. /abcnews.al

The post Detaje të reja nga plagosja e Edison Begajt në Vlorë, policia bie në gjurmët e autorit appeared first on Albeu.com.