Trajneri kishte kontratë me verdhezinjtë deri në verën e vitit 2025, por ai kishte ofruar dorëheqjen e cila u pranua nga krerët e klubit.

Ka qenë vet Terzic që me një mesazh emocionues ka konfirmuar largimin nga Borussia Dortmund, duke thënë se ishte nder për të ta drejtoj skuadrën e zemrës.

“E dashur Borussia, edhe pse po më lëndon vërtet tani, dua t’ju informoj se do të largohem nga BVB që sot. Ishte një nder i madh të isha në gjendje ta çoja këtë klub të madh drejt një fitoreje të Kupës DFB dhe së fundmi në një finale të Ligës së Kampionëve”.

“I kërkova përgjegjësive një bisedë pas finales sonë në Wembley, sepse pas dhjetë vitesh në BVB, përfshirë pesë vjet në ekipin e trajnerëve dhe dy vjet e gjysmë si trajner, kam ndjenjën se rifillimi i ardhshëm do të shoqërohet me një të ri”, shpjegoi Terzic.

“Kushdo që më njeh e di se gjatë këtij procesi vendimmarrës gjatë javëve të fundit, dy zemra më kanë rrahur në gjoks. Por edhe pas diskutimeve intensive, ndjenja ime themelore nuk ka ndryshuar. I uroj gjithmonë Borussia Dortmundit më të mirat”, tha Terzic.

41-vjeçari ka punuar në dy periudha të ndryshme si trajner i Dortmundit, fillimisht nga dhjetori i 2020 deri më qershor të vitit 2021 dhe pastaj nga qershor i vitit 2024 deri më tani. /Telegrafi/

The post ZYRTARE / Edin Terzic jep dorëheqje dhe largohet nga Borussia Dortmund appeared first on Albeu.com.

Dortmundi përballet me Los Blancos në Wembley Stadium në një përballje të vështirë finale për të mbyllur sezonin e garës elitare evropiane.

Skuadra e Bundesligës përfundoi në vendin e pestë në Bundesliga dhe shkon në finale si jo-favoritë kundër Real Madridit.

Kampionët aktualë të La Ligës po synojnë trofeun e 15-të të Kupës Evropiane/Ligës së Kampionëve kundër një skuadre të pafat si Dortmundi.

Megjithatë, pavarësisht se shanset janë kundër tyre, Terzic dëshiron që lojtarët e tij ta kanalizojnë atë energji në avantazhin e tyre.

Ai i bëri thirrje skuadrës së tij të kujtonte statusin e tyre para ndeshjes përpara fitoreve gjysmëfinale ndaj Paris Saint-Germain muajin e kaluar.

“Nëse luan 10 ndeshje kundër Real Madridit është e vështirë, por nëse shkon në një finale, gjithçka është e mundur. Bëhet fjalë për lojën, jo për rastin. Kemi pasur 60 ndeshje për t’u përgatitur për finalen”.

“Është e qartë se ata janë favoritë, por ne nuk na intereson. Nuk ishim favoritë kundër Atletico Madridit apo PSG-së”, ka thënë Terzic në konferencën e tij për shtyp para ndeshjes.

Mesazhi i Terzic do të jetë jetik për lojtarët e tij, përpara përballjes me Real Madridin në Londër, me të dhënat aktuale të OPTA që i vendosin ata në më pak se 35% për të dalë si kampionë. /Telegrafi/

The post Trajneri i Dortmundit, Terzic: Real Madridi është favorit, por nuk na intereson appeared first on Albeu.com.

Borussia Dortmundi do të takohet me Real Madridin në finale të Ligës së Kampionëve në ‘Ëembley’ këtë të shtunë.

Verdhezinjtë e Dortmundit po futen në këtë takim jo si skuadra favorite për ta fituar finalen pasi Real Madridi e ka fituar këtë trofe 14 herë dhe ka më shumë përvojë.

“Ne nuk jemi të kënaqur vetëm me faktin se jemi në finale, ne duam të investojmë gjithçka që ta sjellim trofeun në Dortmund. Ne kemi një energji të madhe brenda grupit dhe një besim të madh se mund të arrijmë diçka të veçantë”, ka thënë fillimisht Terzic.

Duke pasur parasysh historinë magjepsëse të Real Madridit dhe eksperiencën e tyre, Terzic e di se gjithçka mund të ndodhë në një finale të Ligës së Kampionëve.

“Ne jemi përballë ndaj një kundërshtari tejet të fortë, një ekipi që e ka fituar këtë trofe 14 herë dhe pesë herë në dhjetë vitet e fundit, por kjo nuk ka rëndësi. Çdo gjë është e mundur brenda një ndeshje, ne e kemi dëshmuar këtë, veçanërisht këtë sezon, në këtë garë”.

“Edhe pse ata kanë fituar tetë finale radhazi, e vetmja gjë që numërohet është ajo që do të ndodhë në këtë finale, është koha që ta ndërprejmë këtë seri të Real Madridit”, është shprehur gjermani.

“Tani do të udhëtojmë në Londër me të njëjtit tifozë që na mbështetën në atë ndeshje të hidhur (ndeshja e fundit në Bundesliga), vazhdoni të na mbështetni dhe të këndoni me orë të tëra. Është koha që të dhurojmë diçka, dhe shpresoj se do të festojmë së bashku”, përfundoi ai. /Telegrafi/

The post “Koha që dominimi i Real Madridit të mbarojë”, trajneri i Dortmundit bën pretendimin e guximshëm appeared first on Albeu.com.

Disfata zhgënjyese 2-0 me rezultat të përgjithshëm nga Borussia Dortmund solli eliminimin në gjysmëfinale për parizienët.

Ekipi francez mundi Real Sociedad dhe Barcelonën në fazat e mëparshme të kompeticionit, por u ndal nga gjermanët e Dortmundit, që fituan 1-0 në secilin duel.

Që nga 2017, PSG ka fituar çdo trofe të mundshëm, gjashtë kampionate nga shtatë të mundshmet, tri Kupa France dhe trofeun e fundit të Ligës.

Por nuk kanë arritur asnjë sukses në Champions League, teksa më pranë i shkuan në 2020 kur u mundën në finale nga Bayerni, por edhe rrugëtimi i këtij viti mund të konsiderohet si një shans i shpërdoruar.

Dëshpërimi për eliminimin nga Dortmundi, që mban vendin e 5-të në Bundesliga është i lartë për faktin e dominimit në të dyja takimet. 44 gjuajtje në dy ndeshje dhe 6 shtylla të goditura.

Enrique, pas eliminimit ndaj Dortmund: “E pabesueshme, futbolli ndonjëherë është kaq i padrejtë.”

Që kur Opta ka filluar të matë statistikat në Champions League, ky është numri më i lartë i gjuajtjeve të regjistruara nga një skuadër pa gjetur dot rrugën e rrjetës.

Lojtarët parizienë me në krye Kylian Mbappe mund dhe duhet të kishin marrë përsipër më tepër për të udhëhequr ekipin drejt finales. 24 vjeç e 157 ditë, PSG hodhi në fushë formacionin më të ri në një gjysmëfinale Championsi që prej 2009 kur Arsenali priti në Emirates skuadrën e Manchester United.

Është e qartë që parizienët po punojnë për të ndërtuar një ekip për të ardhmen, por në këto nivele mungesa e eksperiencës është mjaft penalizuese.

Pavarësisht gjithçkaje, ishte një provë karakteri nga Borussia Dortmundi.

Shembuj të forcës dhe rezistencës në dy ndeshje, me grintë dhe shpirtin gjerman, ku neutralizuan një ekip me “yje” dhe të ndërtuar me shumë miliona.

Meritë të jashtëzakonshme ka edhe trajneri Edin Terzic.

Herën e fundit që verdhezinjtë siguronin një finale në Ligën e Kampionëve, gjermani ishte në shkallët e stadiumit duke e ndjekur skuadrën si tifoz, por tanimë do të ketë mundësinë të luftojë për trofeun madhor të Champions League më 1 qershor.

41-vjecari arriti t’i marrë maksimumin një ekipi me lojtarë ‘’të harruar’’ si Mats Hummels, Marcel Sabitzer apo dhe Jadon Sancho, që u largua si i padëshiruar nga Manchester United.

Në finale, Dortmundi do të prekë sërish në tempullin anglez të futbollit, Wembley-n, kësaj here për të shuar makthet e mbrëmjes së 25 majit të 2013, kur Arjen Robben ngriu zemrat verdhezi me një gol që i rrëmbeu trofeun me veshë të gjata në në minutat e fundit.

The post Çoi Dortmundin në finalen e Championsit,, 11 vite më parë ishte tifoz, Terzic kërkon shpagim në Wembley appeared first on Albeu.com.