Shpesh kohët e fundit flitet shumë për Asllanin dhe minutat që merr tek Interi, me Simone Inzaghin që ende nuk po i beson një fanelë titullari. Në lidhje me situatën e 21-vjeçarit ka folur ish-trajneri i kombëtares shqiptare, Edy Reja.

Italiani nuk ka pikë dyshimi për aftësitë e Asllanit, ndërsa tregon avantazhet dhe një mangësi që ka mesfushori. Ndër të tjera Reja ka dhe një këshillë për Interin për aktivizimin e elbasanasit.

“Reja, si e shihni tani që do të jetë titullar në Firence? Edhe pse ka luajtur pak, nuk ka humbur disa dhunti të jashtëzakonshme, ka vizion, mendon në mënyrë vertikale, sheh dritën për të dhënë pasimin e duhur. Nuk është e lehtë të marrësh vendin e Çalhanollu, por Interi mund të rrijë i qetë me Kristjan, te ai shoh ende hapësira përmirësimi të pabesueshëm.

Çfarë hapësirash? Menaxhimi mbajtjes së topit dhe i ndeshjes, ashtu siç duhet të jetë. Më shumë se sa të flasim për hapësirat e përmirësimit, duhet pyetur se si ta bëjmë të rritet: do të mjaftonte vetëm që të luante më shumë. Kur i thosha që te Interi ishte pak i mbyllur, ai më përgjigjej: “Mister, këtu mësoj çdo ditë…”. Ndoshta ka të drejtë ai, të stërvitesh me shumë kampionë të jep diçka më shumë. Dhe në fund, me shumë vendosmëri e cilësi, do të gjejë hapësirën e tij.

A mos është Asllani shumë ‘djalë i mbarë” për atë rol? Jo, ka shumë personalitet brenda fushës, aty ku duhet. Nuk ka frikë, përkundrazi, me raste duhet edhe ta ndalësh paksa. Nëse më duhet të gjej një defekt, është ai që për t’u treguar të gjithëve që mund të jetë titullar, shpesh e tepron duke tentuar goditjen e rëndësishme. Këshilla ime është gjithmonë e njëjta, të luajë thjesht dhe e di që do të më dëgjojë” , ka theksuar italiani për “Gazzeta dello Sport”. /newsport.al/

The post “Asllani ka personalitet”, Edi Reja këshillon Interin: Rrini të qetë, por jepini më shumë minuta appeared first on Albeu.com.

Ende nuk dihet se kush do të jetë në krye të “kuqezinjve” në vazhdim, por duket e sigurtë se nuk do të ketë rinovim të Rejës.

77-vjeçari sot ka ditën e tij të fundit në drejtimin e Shqipërisë, ndërsa emrat që priten ta zëvendësojnë atë nuk mungojnë, duke nisur nga Di Biaggio te Cambiasso, apo edhe ndonjë personazh tjetër i njohur.

Kujtojmë se Reja në deklaratat e fundit shprehu hapur dëshirën e tij për të vazhduar, por sa duket nuk ka më kohë për teknikun e madh Italian./albeu.com

The post Reja nuk ka rinovuar, Kombëtarja nga sot pa trajner appeared first on Albeu.com.

“E kemi thënë shpesh si është situata e kontratës. Unë nuk kam probleme, janë të tjerët që vendosin. Ky është një diskutim për mediat dhe presidentin se është ai që bën konkluzionet. Mendoj se është bërë mirë, duhet vetëm të fshijmë vetëm periudhën e fundit, me Izraelin e Islandën kishte pritshmëri për ndonjë rezultat më shumë.

Më vjen keq, ka pasur edhe episode. Nëse do të hiqnim kohët shtesë, mund të ishim në kryesim se aty pësuam gol. Më vjen keq për djemtë e të gjithë. Kjo është situata. Unë ndjej se mund të vazhdoj, por nuk më takon mua të jap vlerësimin.

Tani po punojmë me të rinjtë, po afrojmë disa, po shoh lojtarët e kampionatit shqiptar dhe do të mundohem të aktivizoj ndonjë, se kanë treguar se mund të jenë pjesë, por janë të rinj. Do t’i shohim e vlerësojmë hap pas hapi me kalimin e kohës.

Ndonjë gjë duhet përmirësuar në aspektin e mentalitetit se mungon në pjesë të ndeshjes. E diskutojmë prej kohësh, ishim përmirësuar sa i përket tensionit, por në periudhën e fundit u përsërit. E kemi folur e rifolur, kemi parë videot, jemi të ndërgjegjshëm për defektet e problemet tona.

Kohët e fundit disa episode na shkuan keq, edhe në ndeshjen ndaj Italisë kemi bërë më shumë se në ndeshjet e tjera, meritonim ndonjë gol më shumë. Duhej të bënim më shumë edhe në fazën mbrojtëse dhe qetësinë në fazën e konkludimit në portë.

Por aty janë karakteristikat e lojtarëve që vendosin se janë ata që të bëjnë gol. Po flisnim me Hysajn për Imobilen, ata janë pa Imobilen prej shumë kohësh, ai është një lojtar që kur gjuan në zonë të bën gol.

Nëse do të gjenim një lojtar që të konkretizon të gjithë punën që bëjmë, do të ishte e shkëlqyer. Ne po punojmë, po punojmë mirë, po bëjmë gjithçka në fazën konkluese, por është edhe fat. Se ndonjëherë gjuan keq e bën gol. Por kjo është pjesë e futbollit, e mendoj dhe e kam thënë që dua të shoh paraqitjen.

Nuk e kemi bërë në pjesën e parë, por në të dytën e interpretuam mirë. Mua më interesonte të shihja a ishim kompetitivë, edhe pse mungonin lojtarë. Kemi bërë një grup të mirë dhe nëse të gjithë e ndjejnë këtë fanellë, është e qartë që aspekti karakterial dhe Dëshirës kalon mbi cilësinë shpesh. Në këtë pikëpamje, ekipi është rritur shumë.

Nuk është puna për të gjetur lojtarë, por për fat të keq koha kalon dhe dikush duhet të largohet nga kombëtarja për çështje moshe. Unë po vlerëosj, ne po shohim rreth 40 lojtarë, tani po ngutemi, pasi objektivi është kualifikimi në Europian. Por duhet të luash shanset që ke.

Ndaj po shoh lojtarë të rinj, edhe mosha bën të vetën dhe bëhet e vështirë, se është çështja e harmonisë në skuadër. Është një gjë të punosh 3-4 vite me një grup, por afrimi i të rinjve bëhet më i vështirë integrimi.

Por duhet të veprojmë shpejt se në mars nisin kualifikueset, ndaj nga kjo pikëpamje duhet të vlerësoj aspektin karakterial që nuk do të ketë probleme në grup, që kush vjen, duhet të luajë për Shqipërinë, luan apo jo.

Duhet të ketë një sjellje shumë pozitive, vlen më shumë të jesh një grup se të kesh cilësi të mira, por nuk integrohesh mirë dhe bën dëme. Nga kjo pikëpamje, nga ndeshjet e ardhshme zyrtare, nuk do të ndodhë më, pasi do të bëj zgjedhje përfundimtare. Prej një viti e tre ditë nuk fitojmë, është shumë, nuk jam mësuar kështu. Armenia është një test i rëndësishëm, edhe unë duhet të bëj zgjedhje që të luajnë disa të rinj, që duhet ti shoh në ndeshje miqësore.

Nuk di të them për çështjen e rezulatit, por dua të shoh disa lojtarë që mund t’i besojmë në të ardhmen. Janë të rinj që janë në Shqipëri dhe mund t’i aktivizoj nesër.

Mua më intereson ti shoh, nuk dua të krijoj pritshmëri, por shpresoj të më japin paraqitjen si në klubet  e tyre. Kanë bërë mirë me Katarin e Arabinë Saudite, tani pres përmirësim. Do të më pëlqente edhe mua të fitonim, se ka kaluar një vit dhe t’i jepnim fund e të niste një jetë e re”, shprehet Reja./ h.ll/albeu.com

The post Edi Reja: Unë dua të vazhdoj, por nuk varet vetëm nga unë appeared first on Albeu.com.

Emri që do të zerë vendin e Rejës, pritet të jetë një tjetër italian. Ish-trajneri i kombëtares italiane U21, Gigi di Biagio, ku eksperienca e tij e fundit si trajner ishte me Spal e clia përfundoi në vitin 2020./h.ll/albeu.com

The post Dy ndeshjet e fundit me Shqipërinë pë Rejën? Mediat e huaja zbulojnë trajnerin e ri të kuqezinjve appeared first on Albeu.com.

Trajneri i emëruar më shumë se tre vite më parë, Reja do të përballet me federatën pas këtyre dy ndeshjeve, siç pohoi edhe vetë në një intervistë për mediat italiane.

“Me presidentin e federatës kam një marrëdhënie të shkëlqyer, jam i qetë. Këto miqësore do të duan disa ditë për të vendosur se çfarë do të bëjmë dhe më pas do ta takohemi për të marrë një vendim përfundimtar”, është shprehur Reja./ h.ll/albeu.com

The post Edi Reja: Dy ndeshjet e mia të fundit si trajner i Shqipërisë? Do e diskutoj me federatën pas Armenisë appeared first on Albeu.com.

Trajnerit italian ju desh 20 minuta pritje për të mundësuar kalimin në avion me policinë e cila kreu procedurat e nevojshme.

Sipas protokollit, policët nuk lanë askënd nga ekipi apo delegacioni të qëndronte me trajnerin.

Sipas burimeve të abcnews.al kur kaluan mbi 10 minuta që nuk po e linin Rejan, pas kabinave të policëve u mblodhën disa persona të delegacionit dhe ekipit kombëtar që kur trajneri kaloi, ia lëshuan një “ola” të madhe në grup.

Ndërkohë, nuk munguan as batutat teksa një police femër doli nga kabina dhe iu drejtua grupit duke qeshur “duhet të na falënderoni” dhe grupi ia ktheu muchos gracias.

Gjithsesi, policët në fund u treguan të sjellshëm me delegacionin kuq e zi, edhe pse në fillim ishin te rrepte teksa nuk pranonin as foton e faqes së parë të pasaportës italiane, që Reja e kishte në telefon.

Ndërkohë, ndeshja u luajt pa tifozë, teksa u lejuan vetëm gazetarë, dhe presidentët e klubeve. /G.D albeu.com/

The post Incidenti i Rejas në aeroport, batutat mes policëve dhe delegacionit “kuq e zi” appeared first on Albeu.com.

Ka qenë pikërisht tekniku Edi Reja i cili është bllokuar nga policia e kufirit, pasi siç mëson Albeu.com, karta e tij italiane e identitetit ka qenë e dëmtuar.

Mësohet se italiani nuk ka pasaportë me vete, ndërsa policia po vazhdon edhe në këto momente ta pengojë kalimin e tij.

Reja është duke i shpjeguar se nuk pa pasur dijeni se karta e tij ishte e dëmtuar./G.D albeu.com/

The post Incident në aeroportin e Malagas, Edi Reja bllokohet nga policia e kufirit appeared first on Albeu.com.

Kuqezinjtë janë shortuar në grupin E me skuadra si Polonia, Çekia, Ishujt Faroe dhe Moldavinë, një grup ku fati padiskutim ishte në anën e djemve tani, pasi evituam kundërshtarë “big”.

Pas hedhjes së shortit ka folur edhe trajneri Edy Reja për “SuperSport”.

“Janë skuadra që i njohim, janë skuadra të vështira, por mund të përballemi me ta. Kemi mundësi të mira me të gjitha këto skuadra nëse do të jemi në gjendje të mirë dhe nuk do të kemi mungesa si kohët e fundit. Polonia është e fortë, kjo dihet, por do të garojmë me Çekinë për vendin e dytë.

Duhet të jemi të kënaqur me këtë grup, pasi kemi evituar emra të mëdhenj. Edhe Çekinë e njohim, pasi jemi përballur me ta në miqësore vitin e kaluar. Por, ne do të hasim vështirësi nëse do të luajmë si vitin e kaluar. Duhet të shmangim gabimet në ndeshjet e fundit.

Kontrata? Presidentin këtu e keni. Në fillim të përfundojë kontrata që kam, më pas do të ulemi të bisedojmë me presidentin. Për momentin duhet të punojmë, të mbyllim kontratën që kemi dhe më pas do të ulemi të flasim për të ardhmen”, deklaroi Reja.

The post Shorti i “EURO 2024”, flet Edi Reja: Ishim me fat, do luftojmë me Çekinë appeared first on Albeu.com.

Sipas “La Gazzeta”, “Tuttosport” por edhe media të tjera raportojnë se pavarësisht që FSHF reagoi dy ditë më parë duke theksuar se Reja mbetet trajneri i Shqipërisë, duke hedhur poshtë në mënyrë kategorike emrin e Luigi Di Biagio-s si pasuesi i tij i mundshëm, në Itali mediat bashkohet të gjitha në një pikë.

FSHF nuk do të rinovojë kontratën me Edy Reja-n, kontratë që i përfundon në muajin nëntor të këtij viti.

Gigi Di Biagio është mes kandidatëve kryesorë, madje mund të drejtojë Shqipërinë në miqësoren e nëntorin në “Air Albania” kundër Italisë.

Mbetet të presim deri në komunikatën zyrtare të FSHF-së për t’iu dhënë përgjigje të gjitha pyetjeve që çdo tifoz shqiptarë ka në “kokën” e tij. /

The post Në Itali janë të sigurtë, Reja e mbyll me Shqipërinë, ja kush pritet të marrë drejtimin e “kuqezinjve” appeared first on Albeu.com.

Gjatë deklaratës së tij tekniku italian nuk la pa përmendur edhe humbjen me Izraelin dy ditë më parë, duke theksuar se gabimet individuale e kanë penalizuar skuadrës.

Sipas Rejës ndryshime do të ketë ndryshim skeme ndaj Islandës për të provuar fitoren, ndërsa trajneri nuk preferoi të thoshte asgjë sa i takon të ardhmes së tij.

Një fitore në 9 ndeshjet e fundit? E kemi folur shpesh pse nuk po marrim rezultatin, kemi bërë paraqitje të mira në miqësore me Spanjën dhe Gjeorgjinë ashtu siç luajtëm  mirë edhe ndaj Polonisë pavarësisht se nuk kemi fituar. Flasim për gabime individuale, kundërshtarët po shfrytëzojnë gabimet tona.  Është shumë e rëndësishme të qëndrojmë bashkë dhe të analizojmë gabimet dhe ti përmirësojmë ato. Të dy golat ishin dhurata dhe i lamë shumë hapësirë Izraelit. Të tilla gabimet nuk duhet të ndodhin kurrsesi.

Ndryshime në skemë ndaj Islandës? Sigurisht se mund te ketë ndryshime. Është normale të shikoj gjithë grupin kur janë dy ndeshje afër, dhe un do të bëj ndryshime por nesër do të ndaj skemën. janë 5-6 lojtarë nuk kanë shumë minuta në këmbë dhe duhet të bëj vlerësimet e mia, duhet të shikojmë edhe formën e tyre. Sigurisht do ketë ndryshime.

Shqipëria nuk ka përmbysur asnjëherë rezultatin? Na ka ndodhur shpesh që në minutat e fundit na rezultati na ka ndryshuar. Kur pëson gol e përjeton keq, sepse kur pëson gol duhet të kesh karakter për të qenë të qetë dhe për të reaguar siç duhet. Është e gjitha çështje karakteri për të përmbysur rezultatin. Në Izrael duhet të ishim të më ekuilibruar, por pjesa psikologjike nuk na ndihmoi. Ekipi duhet të reagojë.

E ardhmja? Unë në këtë momente mendoj vetëm për Islandën dhe për asgjë tjetër.

Gjendja psikologjike e skuadrës? Ndaj Islandës duhet të jemi sa më në formë në aspektin psikologjik. Kritikat nuk i ndjej shumë, ndoshta lojtarët më shumë. Lojtarët duhet të reagojnë mirë dhe të kenë formën e duhur në fushën e lojës. Është një skuadër që mund ta mposhtim  duke shmangur edhe gabimet e përfolura. Duhet të jemi të qetë në fushën e lojës. Nëse nuk luajmë me impenjimin e duhur dhe me karakterin e duhur atëherë do të ketë probleme, pastaj shtohen edhe gabimet. Ndaj Islandës duhet të tregojmë karakter sepse ata janë të fortë.

The post “I lamë hapësira Izraelit”, Reja: Nesër duam fitoren, zoti e di të ardhmen appeared first on Albeu.com.