Në deklaratën e tij për CNN, Rama i ka cilësuar protestat dhe raportimet si pjesë të një “lufte hibride”, duke pretenduar se Shqipëria po sulmohet nga “armiq dhe konkurrencë e fortë në rajon”, si dhe nga fushata dezinformimi në rrjete sociale.

“Nuk ka protesta në të gjithë Shqipërinë. Ka një protestë në kryeqytet. Ne jemi në një luftë hibride. Shqipëria është nën sulm nga armiq që i njohim shumë mirë. Është nën sulm nga konkurrenca shumë e fortë në pjesën tonë të Mesdheut. Është nën sulm nga mijëra e qindra mijëra profile të rreme (bots) që janë krijuar për të shkaktuar gjithë këtë stuhi”, ka thënë ai.

Rama është përfshirë edhe në një debat me gazetaren e CNN International kur është pyetur për projektin, ku kryeministri ka mohuar kategorikisht ekzistencën e një projekti, duke i cilësuar raportimet si “lajme të rreme”.

“Ai po flet për një projekt që nuk e ka parë askund tjetër përveçse në imazhe të rreme të krijuara dhe të shpërndara në rrjetet sociale në Shqipëri, sepse ne jemi në një luftë hibride. Sa i përket projektit…,” u shpreh Rama.

Në një moment të debatit, gazetarja e CNN e pyeti nëse projekti do të vijojë apo është ndalur, ndërsa Rama këmbënguli sërish: “Përsëri, nuk ka ende një projekt. Nuk ka një projekt.”

Pjesë nga intervista:

Edi Rama: Dëgjoni, faleminderit që e shfaqët atë video, sepse ajo është pikërisht portreti i dikujt që është i keqinformuar ose pjesë e atyre që keqinformojnë. Sepse, para së gjithash, nuk ka asnjë projekt. Ai po flet për një projekt që nuk e ka parë askund tjetër përveçse në imazhe të rreme të krijuara dhe të shpërndara në rrjetet sociale në Shqipëri, sepse ne jemi në një luftë hibride. Sa i përket projektit…

Gazetarja: Pra, vetëm për ta sqaruar, projekti nuk do të vazhdojë?

Rama: Përsëri, nuk ka ende një projekt. Nuk ka një projekt.

Gazetarja: Dua t’ju dëgjoj, zoti Kryeministër, por po përpiqem të sqaroj…

Rama: Doni të më dëgjoni apo doni vetëm të flisni?

Gazetarja: Dua t’ju dëgjoj, por po përpiqem të sqaroj për shikuesit tanë. Ju po na akuzoni për lajme të rreme dhe po përpiqem të kuptoj nëse projekti vazhdon apo është ndalur. Sepse, sipas raportimeve të Politico, Prokuroria e Posaçme kundër Korrupsionit në Shqipëri ka nisur një hetim për këtë projekt. Si mund të vazhdojë projekti në këto kushte?

Rama: Përsëri, ju nuk doni të dëgjoni. Është shumë e qartë për mua. Nuk po ju sulmoj. Po ju them të vërtetën. Dhe derisa të më tregoni projektin, duhet të më dëgjoni, sepse nuk ka projekt.

Për të krijuar këtë projekt, grupi që nuk përbëhet vetëm nga Jared Kushner dhe Ivanka Trump, por edhe nga investitorë të tjerë shumë të respektuar, ka angazhuar pesë nga arkitektët më të mirë në botë sot:

Kengo Kuma nga Japonia, Bjarke Ingels nga Danimarka, Emre Arolat nga Turqia, K-Studio nga Greqia, Jean Nouvel nga Franca. Këta po punojnë së bashku me inxhinierë të nivelit më të lartë për mjedisin dhe specialistë të ndikimit social. Ndërkohë është angazhuar edhe një nga kompanitë më të mëdha konsulente për vlerësimin e ndikimit mjedisor.

Sepse sfida nuk është të ndërtohet një qytet. Sfida nuk është të derdhet beton mbi kokat e flamingove. Sfida është të provohet se zhvillimi dhe natyra jo vetëm që mund të bashkëjetojnë, por se natyra dhe zhvillimi kanë nevojë për njëra-tjetrën.

Njerëzit meritojnë të jetojnë në një lloj tjetër mjedisi, ku mund ta shijojnë natyrën dhe njëkohësisht t’i tregojnë respekt. Pra, projekti ende nuk ekziston. Vlerësimi i ndikimit mjedisor është ende duke u kryer. E kuptoni? Dhe më lini të përfundoj.

Gazetarja: Po ju dëgjoj, zoti Kryeministër.

Rama: Më lini të përfundoj, sepse ju përmendët Politico dhe thatë se ka një hetim antikorrupsion. Ky është lajm i rremë. Hetimi ka të bëjë me një nga pronarët e tokës. Është tokë private dhe një nga pronarët e ka shitur pronën, e cila është blerë përmes transaksioneve bankare krejtësisht transparente.

Hetimi është për atë çështje. Nuk është për investimin. Nuk është për projektin. Nuk është për Kushnerin. Nuk është për Trumpin. Nuk është për asgjë nga ato që po hidhen në këtë përzierje për të krijuar lajmin sensacional se Shqipëria është një vend ku po vrasim flamingot.

Gazetarja: Më lejoni fillimisht të marr reagimin tuaj për protestat që kemi parë si në kryeqytetin Tiranë, ashtu edhe në qytetet bregdetare, lidhur me këtë zhvillim që lidhet me Jared Kushner. Si i përgjigjeni ju protestave dhe shqetësimeve të tyre?

Rama: Së pari, ju falënderoj që më jepni këtë mundësi, sepse duhet të them se është vërtet mbresëlënëse të ndiesh peshën e lajmeve të rreme që vijnë edhe nga media që, në sytë e mi, janë shumë të respektuara. Dhe vetëm për të saktësuar, ju thatë protesta në të gjithë Shqipërinë. Kjo është e rreme. Nuk ka protesta në të gjithë Shqipërinë. Ka një protestë në kryeqytet. Ne jemi në një luftë hibride. Shqipëria është nën sulm nga armiq që i njohim shumë mirë. Është nën sulm nga konkurrenca shumë e fortë në pjesën tonë të Mesdheut. Është nën sulm nga mijëra e qindra mijëra profile të rreme (bots) që janë krijuar për të shkaktuar gjithë këtë stuhi.

Dhe sigurisht, në këtë protestë ka njerëz me qëllime të mira, të rinj që në përgjithësi janë të interesuar për mjedisin, por që janë keqinformuar në masë të madhe. Nuk ekziston diçka e tillë si “ishulli i familjes Trump”. Nuk ekziston diçka e tillë si familja e presidentit amerikan që po merr nën kontroll zonat e mbrojtura me flamingo.

The post Mijëra protestues në shesh kërkojnë dorëheqjen e Ramës, kryeministri për CNN: Është luftë hibride, Shqipëria po sulmohet nga armiqtë dhe konkurrenca appeared first on Albeu.com.

Kreu i qeverisë, deklaroi se përsa kohë që ai të jetë kryeministër investimi në atë zonë nuk do të ndalet, ndërsa shprehur gatishmëri për të diskutuar me ata që kanë pretendime.

“Nuk ka asnjë shans që investimi të ndalojë sa kohë unë të jem këtu. Unë jam i hapur të diskutoj me këto që ka pretendime. Nëse pretendimi është për pronën, falë ndërhyrjes së SPAK ka rrugën e vetë dhe mund të çojë në një zgjidhje ideale për faktin se ato para mund të shkojnë për të dëmshpërblyer pronarët, ndërkohë që të tjerët janë pronarë sot dhe janë pronarë bazuar në letrat e shtetit shqiptar”, tha Rama.

Gjithashtu, Rama komentoi edhe aksionin e SPAK që sekuestroi llogaritë e kompanisë Albania Land Development, duke thënë se nxit hetimin në lidhje me origjinën e pronës.

“Kjo e SPAK ka dy pjesë, ka pjesën pozitive që i takon SPAK ka pjesën e shëmtuar që i takon zëdhënësve të vetëofruar të SPAK. Pjesa pozitive është pjesa e hetimit mbi origjinën e një pasurie. Sa kohë ky është një problem i ngritur me të drejtë apo pa të drejtë këtë nuk e dimë dhe pastaj i shumëpërfolur, aq më tepër përsa kohë kjo përfolje lidhet me një hetim të nisur sa i takon subjektit është shumë pozitive që SPAK ta hetojë origjinën e kësaj prone. Është e mirëseardhur dhe unë e nxis këtë hetim.

Pjesa e shëmtuar është ajo e zëdhënësve të vetëofruar që ndajnë gjysmë të vërteta që janë edhe gënjeshtrat më të mëdha. Investitorët që janë edhe zotëruesit e pronës, duke ndjekur procedurat që parashikon legjislacioni shqiptar janë investitorë me një reputacion të padiskutueshëm, burimet financiare janë investiguar imtësisht nga Agjencia e Pastrimit të Parave, që vepron në koordinim me partnerët ndërkombëtare dhe kanë rezultuar totalisht legale. Kështu që kjo çështje siç është me dy pamje, duhet ndarë në dy pjesë. Investitorët janë në të drejtën e tyre. Bllokimi i transaksionit nga ana e tyre është tërësisht arbitrar dhe negativ. Ndërkohë bllokimi i kalimit të parave tek pronari për të cilat ka dyshime është një çështje në të drejtën e organit hetimor. Unë e konsideroj pozitive edhe një për një aspekt tjetër. Me këta rast investimi vazhdon me pronarët e rinj dhe të ligjshëm dhe në rast se hetimi nxjerr një tjetër origjinë prone, ata që e pretendojnë atë pronë fare mirë mund të marrin ato para dhe të gjitha palët janë të lumtura, përveç palës që ka mashtruar nëse ka mashtruar, por këtë e tregon e hetimi”, tha Rama.

The post Zvërneci/ Edi Rama: Nuk ka asnjë shans që investimi të ndalojë sa kohë unë të jem këtu… appeared first on Albeu.com.

Përmes një postimi në rrjetin e tij social “X”, kreu i qeverisë ka ironizuar kërkesat për ndalimin e investimit, duke theksuar se nuk mund të flitet për anulimin e një projekti, që sipas tij, ende nuk është paraqitur përfundimisht.

Gjatë këtij reagimi Rama ka shtuar se projekti është ende në fazë hartimi nga disa prej studiove më prestigjoze ndërkombëtare të arkitekturës dhe se prezantim i tij publik do të behet sapo të finalizohet, si pjesë e investimeve që ai i cilëson strategjike për vendin.

“Së shpejti, kur projekti të jetë gati, patjetër do ta prezantojmë publikisht, siç bëjmë gjithnjë me projektet e mëdha të arkitektëve ndërkombëtarë, aq më tepër për një investim historik si ky. Kështu që më vjen keq, po s’kemi projekt për të anuluar”, shkruan Rama ndër të tjera.

Reagimi i plotë i Edi Ramës:

Të anulloj projektin? Për këtë i thirrët në protestë njerëzit e mirë që ju erdhën pas edhe sot?

Dakord jam, ma sillni projektin dhe e anullojmë! Po si i bëhet që ju s’keni çfarë sillni sepse nuk ka projekt?

E dini pse nuk ka projekt?

Sepse projekti po punohet nga pesë studio ndër më prestigjozet në botë! Klikoni Kengo Kuma (Japoni) Bjarke Ingels (Danimarkë) Jean Nouvel (Francë) Emre Arolat (Turqi) K-Studio (Greqi) dhe njihuni me autorët e projektit arkitektonik.

Së shpejti, kur projekti të jetë gati, patjetër do ta prezantojmë publikisht, siç bëjmë gjithnjë me projektet e mëdha të arkitektëve ndërkombëtarë, aq më tepër për një investim historik si ky.

Kështu që më vjen keq, po s’kemi projekt për të anulluar.

Të anulloj projektin? Për këtë i thirrët në protestë njerëzit e mirë që ju erdhën pas edhe sot?

Dakord jam, ma sillni projektin dhe e anullojmë! Po si i bëhet që ju s’keni çfarë sillni sepse nuk ka projekt?

E dini pse nuk ka projekt?

Sepse projekti po punohet nga pesë…

— Edi Rama (@ediramaal) June 1, 2026

The post “Më vjen keq, por s’kemi projekt për të anuluar!” Edi Rama reagon sërish pas protestave për Zvërnecin appeared first on Albeu.com.

Rama: Parku i Vjosës ka qenë pjesë e programit të PS. Parku i Vjojës s nuk kanë e vënë në mbrojtje ata që duan ta mbrojnë nga ne, e kemi vën ne. 25% zonë të mbrojtura nga shumë herë më pak se e gjetëm. E kemi vizatuar ne PSSH. Dhe të flasësh për zonat e mbrojtura për natyrën në tërësi, dhe ti kthehesh PS dhe qeverisë së PS përfshirë dhe mua duke i parë si rreziku. Ky është kulmi. Dhe është një kulm që e arrin vetëm verbëria e kombinuar me dezinformimin. Vetëm injoranca e kombinuar me manipulimin, vetëm keqdashja e kombinuar me ata që e duan sinqerisht këtë vend . ka një protestë në Tiranë. Për çfarë protestohet? Protestohet për të mbrojtur natyrën. Kush e ka kërcënuar natyrën? Për të mos lejuar shkatërimin e biodiversitetit, kush e ka vënë në rrezik. Kush e ka hequr? Kur ka qenë e mbrojtur zonë e mbrojtur Zvërneci. Ka qenë qysh në krye të herës zonë e mbrojtur e kategorisë së 5. Protestohet për çfarë? Debati real nuk është a do mbrohet biodiversitetit,. Pjesë e pandashme e detyrës dhe punës sonë me çdo lloj investitori.

Debati nuk është do hiqet apo do rrije peizash i mbrojtur sepse ka qenë dhe do jetë. Debati sot është më thjeshtë dhe më i thellë. Çfarë Shqipërie do zhvillojnë ne dhe çfarë Shqipërie do kemi ne pas 5 10 vjetësh. Si do errësimi ekonomikisht. PBB? Nëse ne industrinë tonë kryesore kemi turizmit. Turizmi zhvillohet nga ato vende që kanë respekt për natyrën, mjedisin.

Por nëse ne mendojmë që do rrisim PBB, pagat, pensionet, do rrisim konsumin zhinxhin e vlerës në territoriet tona pa rritur cilësine e turizmit? Mendojmë gabim. Nëse ne do përqëndohremi me investimet e cvogla, copa copa, dhe me hotelet atëherë ne mendojmë gabim. Dhe kush mendon se turizmi cilësor, konsumatorëve që vijnë dhe e pagujanë dhomën shumë shtrrenj dhe i vlen vetëm atyre që vijnë, mendon gabim. Ata duan të ushqehen me atë që prodhion vendi ku shkon. Investime si i Zvërnecit do i donte çdo vend. Mobilizojnë bujqit, blegtorët, shumë të ardhura. Që shpërndahen në gjithë këtë zinxhir vlere. Duke rritur vlerën e pronës, patundshme në Shqipëri.

The post “Verbëri e kombinuar me dezinformim”, Rama për protestën për Zvërnecin: Kush e ka kërcënuar natyrën? Mbrojtja e biodiversitetit, pjesë e programit tonë appeared first on Albeu.com.

Në fjalën e tij, Rama e përshkroi këtë si një qasje të re të shtetit në ekonomi, duke theksuar rolin e sektorit publik në zhvillimin e projekteve strategjike dhe përdorimin më efikas të pasurive publike.

Ai tha se qeveria po synon një fazë të re ku pronat dhe asetet shtetërore nuk jepen “për hiçasgjë”, por përdoren në mënyrë të strukturuar për zhvillim ekonomik.

Lajmin mbi “faljen e Zvërnecit” që po qarkullon në rrjet, Rama u shpreh se shteti nuk po fal asgjë, pasi ajo pronë provate.

“Një qasje e re e qeverisë, e kalimit të Shqipërisë në një fazë të re . qeveria e ka parë të udhës për ti dhënë më tepër theks forcave që mund të verë në terrenin e ekonomisë sektori publik. Koorporata Shqiptare e Investimeve flet qartësisht përparësinë e kësaj qasjeje. Ka krijuar një portofol me një kapacitet me gjysëm mld euro që do shkojnë në interes të shtetit shqiptar, duke bërë që pronat publike duke i dhënë në shërbim të zhvillimit. Jo më kudo dhe kurdo të dhënies së pronës publike për hiçasgjë në emër të zhvillimit.

Më vjen të them diçka mbi këtë zhurmën e një lajmi të rremë me demek që shteti po fal Zvërnecin. Shteti nuk po fal asgjë. Ajo është një pronë private dembabadem. Dhe investitorët e përfshirë në atë proces janë tetej serioz të cilën atë pronë e kanë marrë nga privatët. Shteti po ka pasuri në anën tjetër të projektit ishullin e Sazanit, ende sot nuk kam mbaruar negociatat pasi KSHI është pjesë e investimeve. Shteti do jetë aty. Toka e ishullit aty e shtetit shqiptarë”, tha ai.

The post “Nuk po falim asgjë!”/ Rama: Prona në Zvërnec nuk është e shtetit, por private ‘dembabadem’ appeared first on Albeu.com.

Gjatë fjalës së tij, Rama theksoi se objektivi i përbashkët me Komisionin Europian mbetet mbyllja e negociatave brenda vitit 2027 dhe se tashmë BE-ja nuk është më një horizont i largët, por një objektiv që Shqipëria tashmë “e prek me sy”.

“Prej pak vitesh tanimë, por gjithmonë e më shumë vit pas viti e muaj pas muaji, Europa, BE-ja, nuk është horizont siç jemi mësuar matanë detit dhe siç ishim mësuar me dekada ta shihnim BE-në. Por është një majë që tanimë e prekim me sy”, tha ai.

Sipas tij, merita për këtë proces i takon vetëm Partisë Socialiste të Shqipërisë, ndërsa ironizoi partitë e tjera opozitare.

“Duan apo nuk duan ata, Shqipërinë në BE do ta anëtarësojë PS-ja. Dhe duan apo nuk duan ata, nuk ka asnjë forcë tjetër në Shqipëri që të ketë fuqinë, vullnetin, kurajon dhe përkushtimin e, mbi të gjitha, vizionin e Partisë Socialiste”, tha Rama.

Edi Rama: Shqipëria, pasi hapi të gjithë kapitujt e negociatave për anëtarësim në një kohë rekord, me shpejtësinë më të madhe të regjistruar në të gjitha proceset e integrimit të vendeve që na kanë paraprirë, tanimë konsiderohet e gatshme për të filluar nga mbyllja e kapitujve të negociatave dhe, sipas kalendarit të paravendosur nga KE, me synimin e përbashkët që negociatat të mbyllen brenda vitit 2027.

Prej pak vitesh tanimë, por gjithmonë e më shumë vit pas viti e muaj pas muaji, Europa, BE-ja, nuk është horizont siç jemi mësuar matanë detit dhe siç ishim mësuar me dekada ta shihnim BE-në. Por është një majë që tanimë e prekim me sy. Dhe rrugën drejt së cilës nuk duan ta shohin, nëse në BE Shqipërinë e anëtarëson PS-ja. Por, duan apo nuk duan ata, Shqipërinë në BE do ta anëtarësojë PS-ja. Dhe duan apo nuk duan ata, nuk ka asnjë forcë tjetër në Shqipëri që të ketë fuqinë, vullnetin, kurajon dhe përkushtimin e, mbi të gjitha, vizionin e Partisë Socialiste.

The post “Jemi më afër se kurrë BE-së”, Rama: Nisim mbylljen e grupkapitujve! Shqipërinë do ta anëtarësojë vetëm PS-ja, duan apo jo të tjerët appeared first on Albeu.com.

Ai u shpreh se europianët duhet të ndalojnë duke fajësuar dhe duke drejtuar gishtin te SHBA dhe Trump dhe të rivlerësojnë veten për një përgjigjje ndaj situatës së re.

Edi Rama: Duke folur për NATO 3.0 fragmentarizimi burokratik dobëson reagimin, na çon në një tjetër pikë që meriton vëmendje, se legjitimiteti politiko minohet nga kërkimi për fuqi ushtarake. Të gjitha këto më shqetësojnë për atë se ku po shkon Europa, në vend të fajësojmë, të rrekemi të vlerësojmë pozicionin tonë. Duke drejtuar gishtin drejt SHBA dhe Trump, na duhet të bëjmë një vlerësim, të kuptojmë se konteksti sigurisht ka ndryshuar, cila do jetë përgjigja reale. Nuk mendoj se duhet të jetë vetëm në mbishpenzime dhe të mos trajtojmë problemet strukturore. Kur vjen fjala te e gjithë mënyra që duhet të veprojmë, nuk jemi më ashtu siç dukemi kur shihemi si një shumë aritmetike e PBB-ve tona. Do e mbyll për habinë tuaj me një pyetje. Që mendoj se Europa duhet ta bëjë vetes. Sa mund të shpenzojë një civilizim për të ruajtur veten pa dobësuar themelet.

The post “Më shqetëson ku po shkon Europa”, Rama: Në vend që të fajësojmë duke drejtuar gishtin te Trump, na duhet të rivlerësojmë veten appeared first on Albeu.com.

Prioritet sipas kryeministrit Edi Rama janë punët e Shqipërisë, integrimi në BE dhe zgjedhjet.

“PËR PUNËT E SHQIPËRISË

Më ka bërë përshtypje angazhimi dhe dëshira për të dëgjuar e çdo asambleje faktikisht.

Për punët e Shqipërisë ndryshe nga më parë kur flet për ekonominë, e ndjen nga atmosfera në sallë, që ka një pranim të faktit, që ekonomia ka hyrë në një rrugë që i jep të gjithëve shpresë se ka vetëm përmirësim.

Kur flet për pagat është shumë e qartë që njerëzit janë në gjendje të bëjnë menjëherë verifikimin tek vetja dhe tek të tjerët përreth.

SHQIPËRIA 2030 NË BE

Kjo është sfida e sfidave jo për ne, por është sfida e sfidave për një forcë politike që gjendet me fatin e vendit në duar që ne të mbyllim një varg kapitujsh të historisë duke vulosur përkatësinë europiane të Shqipërisë edhe duke siguruar anëtarësimin e Shqipërisë në Bashkimin Europian.

ZGJEDHJET NË PARTINË SOCIALISTE

Ne kemi hyrë në këtë proces për të energjizuar komplet Partinë Socialiste në funksion të zgjedhjeve vendore. Se përballë ne kemi vetëm veten, sfidën që kemi për të realizuar misionin tonë”-ishin mesazhet e Ramës.

The post Zbulohen tre mesazhet e Ramës drejtuar socialistëve në mbledhjen e grupit: Në zgjedhjet vendore, përballë kemi veten appeared first on Albeu.com.

“Edi Rama po pengon integrimin europian sepse po mbron politikisht korrupsionin. Edi Rama është izoluar.

Në përplasje me drejtësinë. Rezistenca jonë nuk ndalet deri në largimin e tij. Deri në qeveri teknike dhe zgjedhje të lira. Detyra jonë është ta rrëzojmë. PROTESTO,” shkruan Bardhi.
Thirrja e Bardhit shoqërohet me një video që sipas tij zbulon mashtrimin e kryeministrit për integrimin europian, ku kreu i qeverisë shprehet se “PS do i sigurojë shqiptarëve pasaportën evopiane më 2030-tën”.

The post “Edi Rama është i izoluar, pengesë për integrimin në BE”, Bardhi bën thirrje për pjesëmarrje në protestën para kryeministrisë appeared first on Albeu.com.

Në shkrimin e tyre të shkruar bashkë dhe të botuar në gazetën “Frankfurter Allgemeine Zeitung” kryeministri i Shqipërisë Edi Rama dhe presidenti i Serbisë Aleksandar Vuçiç i përçojnë BE-së mesazhin se janë të gatshëm të pranojnë një anëtarësi të klasit të dytë pasi që nuk besojnë se anëtarësimi i plotë është i mundshëm. Fajin për këtë ia lënë BE-së. Thonë se rajoni ka ndryshuar në mënyrë të paimagjinueshme.

Theksojnë se sa i përket hyrjes në BE, shqiptarët mbesin optimistë, serbët janë skeptikë. E vërtetë – rajoni ka ndryshuar, por jo gjithkund për të mirë. Serbia sot është një shtet autokratik, me liri të kufizuar të mediave, pa drejtësi të pavarur, me korrupsion të madh. Më shumë se kurrë Beogradi po kritikohet nga BE për shkak të regresit në shumë fusha.

Pse serbët janë skeptikë? Për shkak se fushata antiperëndimore e regjimit të Vuçiçit si dhe afërsia me Rusinë dhe me Kinën kanë ndikuar që edhe më shumë të forcohet disponimi kundër BE-së në Serbi. Një pakicë e mbështet hyrjen në BE, shumica ëndërrojnë për një vëllazëri ruso-serbe. Beogradi është shndërruar në qendër të spiunazhit rus. Nga aty koordinohen shumë veprime të agjenturave ruse në rajon dhe më gjerë.

Para disa viteve një takim i opozitës ruse në Beograd është përgjuar nga autoritetet serbe dhe regjistrimet i janë dorëzuar Kremlinit. Kur opozitarët u kthyen në Moskë, ata u arrestuan menjëherë. Shqipëria përballet me shumë vështirësi dhe lëngon nga korrupsioni i qeverisë dhe partisë së Edi Ramës, por shoqëria shqiptare nuk është antiperëndimore. Këtu qëndron dallimi i madh me Serbinë.

Duke ia zgjatur dorën një autokrati që lufton për mbijetesë politike – dhe i tillë është Vuçiçi – Edi Rama edhe njëherë dëshmoi se në politikën e tij të jashtme ka dy konstante: tregimin e përrallave patriotike sa i përket Kosovës dhe kultivimin e një raporti pafalshëm përqafues ndaj liderit në Beograd.

Shkrimi në “Frankfurter Allgemeine Zeitung” nuk përmban ndonjë risi. Se dëshiron që Shqipëria të hyjë në BE pa të drejta të plota, këtë Edi Rama e ka thënë edhe më herët. Pse duhet ta thotë këtë bashkë me Vuçiçin? Sa herë që autokrati serb ndodhet në vështirësi, Edi Rama është i gatshëm t’i dalë në ndihmë. Kur BE kërkon nga Vuçiçi t’i vë sanksione Rusisë për shkak të agresionit ndaj Ukrainës, kryeministri i Shqipërisë i kërkon Brukselit dhe kryeqyteteve të tjera të fuqishme të mos i bëjnë presion Vuçiçit.

Në shtator 2022, pak muaj pasi Rusia nisi luftën për të pushtuar mbarë Ukrainën, Rama i tha gazetës austriake “Die Presse”: “Ne duhet të bëjmë gjithçka që mundemi për ta mbajtur kërcënimin potencial larg Ballkanit. Prandaj, nuk duhet të ushtrohet më presion ndaj Serbisë për të vendosur sanksione ndaj Rusisë. Sanksione të tilla nuk janë të mundshme, sepse Serbia nuk mund të mbijetojë pa Rusinë.

Përveç kësaj, qeveria dhe presidenti Aleksandër Vuçiç nuk do t’i mbijetonin dot politikisht sanksioneve kundër Rusisë. Serbia tashmë ka mbajtur një qëndrim. Nuk duhet të harrojmë se Beogradi ka votuar tashmë tri herë kundër Rusisë në OKB. Kjo është një surprizë e madhe. Eshtë gjithashtu një shenjë se ka një vullnet të fortë në Beograd për t’u integruar në BE”.

Ka aq shumë të pavërteta në këtë deklaratë. Serbia mund të mbijetojë pa Rusinë. Serbia nuk mbijeton pa BE-në. Volumi tregtar i Serbisë me BE-në është mbi 60 për qind, me Rusinë nën 5 për qind. Serbia ka votuar në OKB për rezoluta që përkrahin integritetin territorial të Ukrainës, por vota e saj nuk ka qenë antiruse, siç pretendon Rama.

Vota e Serbisë ka qenë e tillë me qëllim të qartë: përkrahim integritetin territorial të Ukrainës dhe presim nga bota që të mbështet integritetin territorial të Serbisë (duke përfshirë Kosovën). E pasaktë është kur Rama thotë “se ka një vullnet të fortë në Beograd për t’u integruar në BE”. Ai vullnet nuk ka ekzistuar më 2022, nuk ekziston as sot.

Serbia ia shiti Rusisë industrinë e naftës vetëm pak muaj pasi Kosova shpalli pavarësinë më 2008. Dhe ia shiti me një çmim shumë të ulët, sipas ekspertëve. Për vetëm 400 milionë euro. Ky pazar nuk u bë për arsye ekonomike, por politike, sepse Rusia që nga atëherë, me veton e saj, bllokon çdo nismë për Kosovën në Këshillin e Sigurimit të OKB-së.

Muajve të fundit situata ka ndryshuar falë Shteteve të Bashkuara të Amerikës, të cilat i kanë bërë presion të madh Serbisë që t’ua marrë rusëve pronësinë mbi NIS-in. Kompania hungareze MOL ka shprehur gatishmëri për të blerë aksionet e rusëve në NIS për mbi 1 miliardë euro. Ndonëse u detyrua t’ua marrë rusëve ndërmarrjen e naftës, Vuçiç po mbijeton politikisht.

Për çdo ditë ofendon parlamentarët europianë, parlamenti i kontrolluar prej partisë së tij ka miratuar një ligj që eleminon edhe pjesët e fundit të drejtësisë së pavarur, nëpërmjet një operacioni të gjerë po tenon të fusë nën kontroll edhe mediat e pavarura.

Kryeministri i Shqipërisë do të mund të shkruante një tekst të përbashkët me homologun e tij malazez, sepse është Mali i Zi që ka shumë gjasa të hyjë në BE, jo Serbia. Por ndaj udhëheqësve malazezë Rama sillet me përçmim dhe tallet me ta në forume ndërkombëtare.

Nga mesi i kësaj jave Aleksandar Vuçiç tha: “Nuk më shkon ndërmend të pranoj asnjë lloj njohjeje të Kosovës. (…) Nuk më shkon ndërmend të bisedoj për Kosovën jo me Marco Rubion, por as me Shën Pjetrin. Kosova është Serbi, ka qenë dhe do të jetë, dhe këtu mbyllet diskutimi”. Në fund të javës Edi Rama ia shtron qilimin e kuq Vuçiçit, shkruan një tekst bashkë me të, e merr përdore dhe tenton ta prezantojë para opinionit europian ai politikan manekin me xhaketë të kadifenjtë që beson dhe punon për vlera europiane.

Një lobim i tillë për Serbinë është vërtet i pashembullt në historinë e re të Shqipërisë. Që Kosova nuk përmendet fare në tekstin e kryetarit të Serbisë Edi Rama dhe kryeministrit të Shqipërisë Aleksandar Vuçiç nuk është befasi. Shumë shtete të BE-së kanë qëndrim se Serbia duhet ta pranojë Kosovën para hyrjes në BE. A beson edhe kryeministri i Shqipërisë në këtë apo po tenton t’ia hap rrugën Serbisë drejt një anëtarësimi të dorës së dytë, por pa e njohur Kosovën?

Edi Rama vazhdon të ketë një qasje shpërfillëse ndaj Kosovës. Para se BE të vendoste masa të padrejta ndëshkuese ndaj Kosovës (të propozuara nga ndërmjetësi proserb dhe miku i Jeffrey Epstein, Mirosllav Llajçak), Edi Rama anuloi mbledhjet e përbashkëta me qeverinë e Kosovës. S’ka ndodhur as në kohën e Enver Hoxhës që Shqipëria të jetë prijetare në ndëshkimin e Kosovës. Me Edi Ramën ndodhin çmeritje të tilla.
Në qershor të vitit 2023 kokë më vete i dorëzoi Gjermanisë dhe Francës një draftstatut për Asociacionin e Komunave me Shumicë Serbe.

Pa asnjë konsultim me Kosovën. Rama mund të kultivojë vesin e hatërmbetjes për shkak se kryeministri i Kosovës në kohën e aventurave të tij politike deshi të bëjë karrierë politike edhe në Shqipëri, por ajo fazë ka marrë fund, andaj nuk ka asnjë arsye që qasja nënvleftësuese ndaj Kosovës të vazhdojë – me fjalë e me vepra. Për shembull: kur e quan veriun e Kosovës “tokë e askujt” (siç bëri në tetor 2023, pak ditë pas sulmit terrorist të një bande të dirigjuar nga Beogradi).

Më herët ishte aventura e tij me “Ballkanin e Hapur”, një shtirje bashkë me Vuçiçin që nuk prodhoi asgjë, ndonëse Rama deklaronte se “BE, Gjermania, Franca dhe SHBA janë të trishtuara që Kosova nuk është pjesë” e “Ballkanit të Hapur”.

Ky projekt tashmë është varrosur, pasi u kundërshtua edhe nga partitë kosovare që sot janë në opozitë. Askush nuk është i trishtuar, shtetet janë kthyer në kuadrin e “Procesit të Berlinit”, aty ku Kosova trajtohet si shtet dhe përfaqësuesit e saj nënshkruajnë në emër të Republikës së Kosovës.

Artikulli i botuar në “Frankfurter Allgemeine Zeitung” nuk është manifest i dy burrështetasve për anëtarësim në BE, as zotim për reforma, por një elegji e dy hallexhinjve që realisht heqin dorë nga ambicia e madhe (anëtarësimi) për shkak se e dinë që në këtë rrugë ata janë pengesa më e madhe si pasojë e skandaleve të pafundme korruptive.

The post Kur Vuçiçi izolohet, Rama gati t’i dalë në ndihmë (madje edhe në dëm të Kosovës) appeared first on Albeu.com.