Ai e ka përgënjeshtuar deklaratën se Shqipëria dhe vendet e tjera kanë pranuar që të marrin afganët dhe po ndihmohen financiarisht për të përballuar faturën e strehimit të tyre, deklaruar nga presidenti Emmanuel Macron.

“Teksa SHBA po evakuojnë afganët të cilët po vendosen në Shqipëri ose në vende të tjera kundrejt një pagese, ka një pyetje që ne duhet ta bëjmë si europiane dhe nuk dua që ne ta vuajmë”.

Rama është përgjigjur i prerë duke thënë se vendi ynë nuk paguhet e se një pjesë e afganëve që kanë mbërritur kanë punuar në vendin e tyre për organizata jo qeveritare dhe kompani private dhe se janë ato që mbulojnë shpenzimet e tyre por pa i dhënë asnjë cent shtetit shqiptar.

‘Eshtë e pavërtetë– është shprehur Rama.

Por nga ana tjetër, Rama pohoi në intervistë se SHBA-të i kanë propozuar Tiranës financim për ngritjen e kampeve të refugjatëve, por se kjo gjë nuk është pranuar nga qeveria Shqiptare. “Sepse kampet janë dehumanizuese dhe krijojnë probleme me popullsinë” ka thënë ai.

Edi Rama ka pranuar gjithashtu se Shqipëria po përpunon një plan për integrimin e tyre në shoqëri duke filluar që me fëmijët. Ai ka pranuar se jo të gjithëve do tu jepet viza për të shkuar në SHBA dhe disa prej tyre do të mbeten gjithmonë në vend.

“Disa prej tyre janë gazetarë dhe teknikë dhe po shikojmë mundësinë ti integrojmë në sistemin tonë mediatik” tha ai duke e shoqëruar si gjithmonë intervistën me kritikat për Europën që ka rënë peng i ksenofobisë e duke shtuar se etërit e saj themelues do kishin pasur turp po në na shihnin”

The post Habit Edi Rama: Refuzova ndihmën e SHBA, nuk kemi marrë asnjë Lekë për afganët! appeared first on Albeu.com.

Gjithashtu Rama zbuloi se shtetasit e ardhur do të duhen të qëndrojnë më gjatë se parashikohej për shkak të numrit të lartë të aplikimeve për viza amerikane.

Ndër të tjera, kryeministri shtoi se Shqipëria është një shtet që i mikpriti përkohësisht afganët por nëse duan të qëndrojnë, ata munden ta bëjnë këtë gjë.

PJESË NGA INTERVISTA:

Edi Rama: Kjo është ajo çfarë thonë ata, ne jemi ftuar që t’i mirëpresim përkohësisht më pas ata do të dërgohen drejt SHBA-së. me kaq shumë njerëz që po aplikojnë për vizë amerikane, kemi kuptuar se do të duhet të qëndrojnë më gjatë tek ne. nëseduan të qëndrojnë përgjithmonë, mund ta bëjnë këtë gjë.

Çfarë po bën Shqipëria për tu siguruar atyre gjëra që u duhen?

30 vite më parë ishim ne afganët që përpiqeshin t’i largoheshin ferrit të tyre që të mbërrinin në brigjet italiane. Dhimbja, ankthi dhe e panjohura ka qenë e njëjtë. Jemi të prirur ta bëjmë këtë gjë sepse kjo na nderon ne veteë, traditën dhe historinë tonë. Ne u detyrohemi fëmijëve tanë për këtë. Ne nuk jemi vend i pasur por kemi mjaftueshëm për të ndarë me këta njerëz. Ne do të jemi bashkë. Ne nuk jemi vetëm, këtu ka shumë organizata, ju përmendët vetëm një, por ka dhe shumë të tjera.

Ju përmendët dhe e pranuat që Shqipëria nuk është një vend i pasur, a po merrni ndihmë nga vendet e tjera?

Nga vendet më të pasura the? Jo, po mbështetemi vetëm tek bashkëpunimi me njerëzit që kanë zemër të pasur. Mesa duket është një numër i konsiderueshëm nga Britania e vende të tjera që duket se e kanë zemrën e madhe. Kemi një shprehje këtu tek ne, bukë, kripë e zemër, nuk do tu mungojë kjo gjë nga ne. 500 mijë vëllezër e motra nga Kosova erdhën tek ky vend kaq i vogël. Aso kohe ishim më të varfër dhe ja ku jemi. U pasuruam në shpirt dhe mësuam se në këtë jetë kujtesa është shumë e rëndësishme. /albeu.com/

The post Rama flet për afganët në Shqipëri: Bukë, kripë e zemër! Kjo nuk do t’u mungojë kurrë tek ne (VIDEO) appeared first on Albeu.com.

Rama tha se ka parë listën e personave që do të vijnë në Shqipëri dhe mes tyre ka yje filmash që i ka parë në Netflix, gazetarë, aktorë apo artistë të fushave të ndryshme.

Deklarata e Ramës:

E thatë në mënyrë të përsosur. Se kisha mendjen te politika kur dola në rrugë për të qenë aty me të gjithë të tjerët për të kërkuar ndryshimin e regjimit këtu. Ishte për shkak të kufizimeve në veprimtaritë artistike që ndjeva nevojën për liri.

Kështu ishte për të gjithë shqiptarët e asaj kohe. Duke parë listën që kemi marrë, emrat e njerëzve, në profilet e tyre mund të shihja gazetarë, kineastë, yje filmash, apo fytyra që ndoshta i kemi njohur përmes netflix. Si mund t’i lëmë këta njerëz në baltë?!

Si mund t’ua mbyllim përgjithnjë dritaren e krijimtarinë. Duke iu thënë se në 5 vitet që vijnë do ju nxjerrim prej andej ndërkohe që për ta ka një litar të errët për të përgatitur për të varur ëndrrat e tyre. /albeu.com/

The post Habit Rama: Afganët që vijnë në Shqipëri janë yje të Netflix, gazetarë, kineastë appeared first on Albeu.com.