Skuadra e Vllaznisë pësoi një goditje të fortë në rrugëtimin e saj europian, duke u eliminuar nga kualifikueset e Conference League pas një disfate të thellë 0-5 ndaj Malishevës në takimin e kthimit. Rezultati ishte tronditës për shkodranët, veçanërisht pasi ata kishin arritur të fitonin sfidën e parë me rezultatin 2-1.

Me këtë objektiv që tashmë është mbyllur, fokusi i skuadrës kuqeblu do të zhvendoset tërësisht drejt fazës përgatitore që ka mbetur, në pritje të fillimit të kampionatit “Abissnet Superiore”, i cili starton në muajin gusht.

Për trajnerin Edi Martini dhe të besuarit e tij, puna serioze fillon pikërisht tani, me qëllimin kryesor që të mos përsëritet ecuria negative e rezultateve në kampionat, ngjashëm me atë çfarë ndodhi në sezonin e kaluar.

Ndërkohë, drejtuesit e klubit po vazhdojnë të zbatojnë strategjinë për të furnizuar Martini me elementët që i duhen, në mënyrë që ekipi të jetë më i plotë dhe më konkurrent. Vakumi i lënë nga lojtarët që janë larguar duhet të plotësohet dhe kërkesat specifike të trajnerit tashmë i janë bërë me dije klubit.

The post Dështimi ndaj Malishevës tashmë pjesë e historisë, Martini fokusohet te e ardhmja dhe kërkon përforcime nga klubi appeared first on Albeu.com.

Vllaznia do të përballet me Malishevën të enjten, më 9 korrik, në takimin e parë të turit të parë kualifikues të Conference League. Ndeshja do të luhet në stadiumin “Loro Boriçi” dhe starton në orën 20:00. Në prag të kësaj sfide, trajneri Edi Martini komentoi gjendjen e skuadrës, si edhe situatën e Sherif Kallakut dhe portierit Pohls.

“Grupi që kemi në dispozicion është thuajse i gjithi në parametrat e duhur fizikë. Ka lojtarë që janë bashkuar me vonesë, por në përgjithësi gjendja është e mirë. Natyrisht, jo secili është në 100% të formës, pasi kjo periudhë gjithmonë sjell vështirësi. Megjithatë, futbollistët që kemi tani janë të aftë ta përballojnë ndeshjen. Sa u përket miqësoreve, aty kishim vetëm 13 lojtarë nga skuadra e sezonit të kaluar. Nga sfida e parë deri te e fundit u pa përmirësim. Sërish nuk kemi mbërritur aty ku duhet. Edhe të rinjtë janë përpjekur shumë dhe kanë dhënë maksimumin. Në fazën përgatitore kemi aktivizuar mjaft lojtarë nga të rinjtë dhe ekipi B. Ata na kanë ndihmuar. Jemi ende në një proces kolaudimi dhe tani duhet të bëjmë gjithçka për ndeshjen e nesërme.

Për ndryshimet, është normale që në një kohë kaq të shkurtër të kenë nevojë për kohën e tyre për t’u përshtatur me ekipin. Kanë ardhur nga skuadra të tjera, me modele loje të ndryshme, dhe këtu gjejnë një tjetër mënyrë. Me kalimin e kohës do të integrohen plotësisht, edhe pse për momentin ende nuk janë shkrirë me grupin. Kur kam shkuar në fazë përgatitore kam qenë i qetë. Që me datë 18 të muajit tjetër është bërë pagesa. Nuk e di për çfarë arsyeje dhe si qëndrojnë gjërat, nuk është fusha ime dhe nuk mund ta komentoj. Di vetëm që merkato është hapur dhe besoj se gjithçka do të rregullohet. Marku? Nuk kam dijeni. Të them të drejtën, nuk jam marrë fare me atë pjesë. I kam menduar të gjitha skenarët e mundshëm, si me ekip të plotë ashtu edhe pa të. Detyra ime është të merrem me atë që ndodh në fushë. Nga lojtarët që do të jenë gati, do të kërkojmë maksimumin dhe këtë mund ta garantoj. Për pjesën tjetër nuk di çfarë të them.

Shpresoj që nesër të jenë të gjithë të gatshëm. Merkato është zhbllokuar në orët e fundit, ndërsa pagesat janë kryer 1 muaj më parë. Nuk e di se si ka ndodhur. Gjithsesi, unë jam përgatitur për të dyja variantet. Për Sherif Kallakun, unë kam nisur stërvitjen që me datë 8 dhe nesër luhet ndeshja, pra afro një muaj më pas. Vllaznia e ka pritur mirë, e ka dashur dhe ai ka dhënë maksimumin. Por vjen një çast kur askënd nuk mund ta mbash me zor. Sa i takon Malishevës, nuk do të doja të ndeshesha me një ekip shqiptar. Kështu vendosi shorti. Nga të gjitha skuadrat që mund të na binin, ishte ekipi më i mirë i mundshëm. Do të jetë një përballje e fortë dhe shumë e luftuar, por ne do ta kërkojmë me këmbëngulje kualifikimin.

Tomasi e njeh shumë mirë ambientin dhe shumicën e futbollistëve tanë, ndaj kjo është një avantazh për të. Sigurisht që ne kemi afruar edhe lojtarë të rinj, por pavarësisht kësaj do të bëjmë maksimumin tonë. Malisheva ka lëvizur shumë në merkato. Kam parë në opinionin publik dhe në gazeta se është përfolur shumë largimi i disa futbollistëve. Në fakt, skuadra më duket më e mirë se më parë me elementët që ka tani. Ka bërë afrime të shumta dhe për mua është më e fortë se vjet. Tifozët e Malishevës janë të mirëpritur. Ne kemi pritur gjithmonë këdo, aq më tepër tifozë shqiptarë. Ata janë si ne, janë në vendin e tyre dhe duhet t’i presim e t’i respektojmë maksimalisht.

Roli i tifozëve të Vllaznisë është jashtëzakonisht i madh. Djemtë kanë nevojë për ta. Edhe unë vetë vazhdoj të jem i zhgënjyer për titullin kampion që humbëm. Jemi ende të mërzitur dhe bashkë me tifozët po kalojmë këtë gjendje, ende nuk na ka dalë e keqja. Prania e tyre në stadium ka gjithmonë peshë, sepse ata e mbështesin ekipin dhe i japin zemër. Në ditë të mira apo të vështira, duhet të qëndrojnë pranë Vllaznisë. Këto janë ndeshje shumë të balancuara. Nuk e mendoj aspak që gjithçka mund të vendoset në takimin e parë. Në të dyja sfidat duhet të tregojmë kujdes. Janë dy përballje dhe më pas vjen eliminimi. Nuk është një ndeshje ku mund të luash gjithçka pa llogari. Duhet maturi dhe duhet menduar edhe për ndeshjen tjetër.

Jemi herët dhe sigurisht që na duhen afrime. Qershori është periudha më e vështirë për të marrë futbollistë. Disa janë me pushime, disa të tjerë kanë luksin të presin për të zgjedhur, sidomos lojtarët cilësorë. Kemi bërë përpjekje maksimale për të afruar elementë dhe jemi në bisedime me lojtarë të tjerë që shumë shpejt do t’i bashkohen Vllaznisë. Kjo është koha më e keqe për merkato. Ne kemi bërë çmos për të ardhur sa më gati në ndeshjen e nesërme. Besoj se do ta ndërtojmë një skuadër më të mirë se ajo e vitit të kaluar. Kalimi i turit? Jetik nuk është, por i rëndësishëm po. Ka vlerë si në aspektin moral, ashtu edhe në atë financiar. Madje më shumë në planin ekonomik, sepse një kualifikim sjell të ardhura shtesë që mund të shfrytëzohen për të afruar lojtarë. Ne nuk mund të pretendojmë fitimin e një kupe të tillë. Sa më larg të ecim, aq më mirë. Të bëjmë detyrën nesër, pastaj të presim ndeshjen e dytë.

Pohls është pothuajse i larguar nga skuadra. Nuk kam dëgjuar që të dalë në stërvitje. Ka një kërkesë nga Sherif Tiraspol. Më vjen keq, sepse kishim investuar te ai djalë. Më vjen keq, por siç e thashë, askënd nuk mund ta mbajmë me zor. Ata kishin kontrata 1+1 dhe tani janë pothuajse të shitur. Krymi? Nuk e di, për mua ai është një kapitull i mbyllur. Unë kam një vit përpara dhe për lojtarët që janë larguar nga Vllaznia nuk kam dëshirë të flas”, u shpreh trajneri Edi Martini.

The post Martini flet para Vllaznia-Malisheva: Kallaku dhe Pohls drejt largimit, “askënd nuk e mbajmë me detyrim”; ja pse kundërshtari shihet si favorit appeared first on Albeu.com.

“Për sot normal që më vjen keq për mënyrën si luajti ekipi. Bëmë një lojë të mirë dhe kishim raste për të shënuar gola. Pësuam gol ne goditje standarde. Arritëm të barazonim, por goli i humbjes është për të ardhur keq sepse ishte për gabime individuale. Kjo ishte një ndeshje që s’duhej humbur.

“Është e vërtetë që 1 pikë në fund do na duhet shumë. Por më pëlqen grinta dhe dëshira e lojtarëve për të fituar ndeshjen. Por ka një anë medalje për besimin që lojtarët kishin për të përmbysur. Ajo pikë do na ndihmonte për të ngritur moralin. Por ndikuan edhe dëmtimet sepse ishin katër, por komplimentoj lojtarët pasi bënë një ndeshje mjaft të mirë”, tha ai. /balkanweb/

The post Martini i zhgënjyer: Nuk duhej të humbisnim ndeshjen, te Teuta ndikuan mungesat appeared first on Albeu.com.

“Sot ishte një ndeshje shumë e rëndësishme, barazimi me Tiranën i dha djemve shumë moral për këtë ndeshje. Janë ndeshje me një takim, duhet të jesh i kujdesshëm, patëm raste në pjesën e parë të shënonim, nuk arritëm ku duhej. Dëmtimi i Beqjes dje para stërvitjes na reduktoi, bëri të kthenim Llocin para zonës, edhe pse nuk është roli i tij e bëri perfekt si në fazën mbrojtëse, ashtu edhe sulmuese. Arifi me Peposhin luajti mirë, dyshja e sulmit mbajti peshën kryesore të lojës, e kishim planifikuar të luanim me dy pykat që të mos ishim të çbilancuar. Djemtë luajtën mirë, kishim mundësi të tjera për të shënuar, edhe pse në 15 minutat e fundit e menduan ndeshjen të fituar, i dhanë shanse Skënderbeut të rrezikonte, gjë që nuk duhej të ndodhë.

Kisha dy zgjidhje, ose të futja Dajën e të kishim më shumë ekuilibër. Duke pasur parasysh që Daja kishte shumë minuta, doja që në fazën ofensive të isha më i qartë dhe të isha pranë portës. Ishte eksperiment kthimi i Llocit, por duke pasur parasysh formën e Gjinit, Jazxhi e Kotobellit, kisha besim te kjo treshe që do të jepte forcë sulmit. Është ai rrisku që kam folur me veten time, por nuk kisha shumë zgjedhje.

Është e rëndësishme se këto djem kanë luajtur shumë ndeshje të mira, kanë humbur shumë raste, jemi dënuar në fund. Vjen një moment që humb besimin. Kjo treshe që ka ardhur, nuk e ka ndjerë atë presion dhe morali i tyre është ndryshe. Kishim nevojë për oksigjen, gjak të ri, ambicie të tjera, kanë rritur konkurrencën se çdo vend pothuajse është i dubluar. Ardhjet e janarit i kanë bërë mirë ekipit edhe moralisht, edhe fizikisht, edhe në konkurrencë.
Djemtë e kanë automatizuar 3-5-2, unë vazhdoj të jem partizan i kësaj, edhe pse ka ndeshje të veçanta ku duhet të bëj edhe mënyrë tjetër loje.

Laçi? Kjo është arsyeja pse bëmë disa ndërrime, pasi ndeshja shkoi 2-0, që të lëmë ato lojtarë të çlodhen, të jenë gati për ndeshjen se është e rëndësishme e duhet ta lënë Kupën pas krahëve. Është ndeshje kampionati, shumë e vështirë, na duhen pikët, do të shkojmë të luajmë për t’i marrë dhe është më e rëndësishme se kjo. Edhe pse Kupa është primare te ne, ndeshja me Laçin është e rëndësishme. Në këto momente duhet të jemi shumë pragmatistë, të fitojmë ndeshje, marrim pikët, siç morëm sot kualifikimin”, tha Martini për “MCN” pas ndeshjes. /abcnews.al

The post Teuta, Martini: Kupa është primare për ne appeared first on Albeu.com.

Prej ditësh “Djemtë e Detit” vazhdojnë përgatitjet për këtë duel, teksa ndaj bardhebluve do të ketë një mungesë të rëndësishme. Edi Martini nuk do të mund të llogaritë shërbimet e Erando Karabecit.

Mesfushori ende nuk është rikuperuar nga dëmtimi që ka dhe në këtë mënyrë do të mungojë edhe ndaj kryeqytetasve. Martini ditën e nesërme nuk pritet të bëjë shumë ndryshime në formacion, teksa pritet t’i besojë të njëjtës skuadrës si ndaj Partizanit. /newsport.al/

The post Teuta kërkon kthesën ndaj Tiranës, një mungesë për Edi Martinin appeared first on Albeu.com.

Tanimë Supersport bën me dije se shkodrani Edi Martini do kthehet për herë të pestë në stolin e bregdetarëve. 48-vjeçari e ka drejtuar skuadrën në vitet 2009, 2019, 2021 dhe 2022, duke fituar tre trofe.

Me durrsakët, Martini ka fituar kampionatin në sezonin 2020-21, si edhe Superkupën po në atë sezon. Ndërkohë një sezon më parë (2019-20), Martini ia doli të ngrinte Kupën e Shqipërisë me Teutën.

Objekivi kryesor do jetë rikthimi i skuadrës ‘në shina’, kjo pas dy humbjeve, një barazimi dhe një fitoreje në katër javë Superligë. Me vetëm katër pikë, Teuta ndodhet në vendin e tetë në renditje, me një ndeshje më pak, atë kundër Partizanit.

The post Larguan Diego Longon, Teuta rikthen për herë të pestë në stol Edi Martinin appeared first on Albeu.com.

Teuta e nisi mirë lojën dhe u duk se do të kishte një dominim të “durrsakv”, por Vllaznia arriti të gjente golin me aksionin e parë të rrezikshëm, ku gjetën “rrugën” e rrjetës me Hakajn. Ende pa u mbyllur pjesa e parë do të vinte dhe goli i 2-të, ku nga pika e bardhën e penalltisë, Kaina nuk gabon dhe gëzon të tijët.

Një tjetër penallti e fituar, e përkthyer në gol nga Hoxhaj, si dhe kartoni i kuq i Kotobellit, në minutën e 78’, vulosën fatin e kësaj sfide. Në fund, Kaina plotësoi dygolëshin personal për të çuar shifrat në 4-0, duke i dhënë shkodranëve tre pikë të rëndësishme për klasifikimin, teksa kthejnë përsëri në fundin e renditjes skuadrën durrsake.

The post Vllaznia mbyll vitin me spektakël, “çmonton” Teutën me rezultatin 4-0 appeared first on Albeu.com.

“Krijuam raste në pjesën e parë, por nuk shënuam. Janë ndeshje që duhet të fitohen, më vjen turp nga kjo humbje sot. Kisha besim se do e kthenim lojën kur ishim 0-1.

Qendra e mbrojtjes është problemi, por pas gabimit që bëmë te goli i dytë, normalisht ndihet shumë keqardhje.

Pashë një pjesë të dytë që nuk ishim në ritmin e duhur. Ishte si nata me ditën krahasuar me ndeshjen me Tiranën, më vjen keq. Kishim shpirt dhe grintë me Tiranën, më duket sikur lojtarët e menduan të fituar ndeshjen sot.

Karakteri i skuadrës nuk është i vjetshmi, mungon edhe agresiviteti dhe gjendja fizike. Ka shumë gjëra për t’u rregulluar”. / h.ll/albeu.com

The post Martini: Më vjen turp për humbjen, nuk kemi karakterin e vjetshëm appeared first on Albeu.com.

“Edi Martini është rikthyer sërish në krye të stolit të Teutës. Vendimi është marrë sot në mbrëmje nga presidenti i K.F Teuta Z.Edmond Hasanbelli.

Renato Arapi do të vazhdojë të jetë pjesë e klubit të Teutës dhe do të rikthehet në pozicionin e drejtorit sportiv”, njofton klubi i Teutës në rrjetet sociale. /albeu.com/

The post Teuta rikthen trajnerin e titullit kampion appeared first on Albeu.com.

Njoftimi i plotë:

Sot mbas humbjes me Partizanin duke marre te gjithe pergjithesite mbi vete dhe duke pare ecurine jo te mire ne keto jave i kam kerkuar presidentit Hasanbelliu dorheqejn time.Duke e falenderu pa fund presidentin Hasanbelliu per mundesine dhe besimin qe me dha jam dhe do i jem mirnjohes per gjithe jeten time.Falenderoj pa fund te gjithe lojtaret me te cilet kam punuar keto 2vjet per kenaqesine qe me kan dhene per trofete qe kemi fituar se bashku keto 2vite i them qe jeni nje pjese e rendesishme e jetes time sportive . Falenderoj shefin e klubit Enid Furxhi Drejtorin teknik Renato Arapi koleget e mi Bledar Rizvani Bledar Hodo dhe padyshim ate qe rri gjithmone mas kuintave por qe eshte nje nder kryesoret ne sukseset tona Eduard Salillari duke falenderu pa mase edhe tifozat Durrsake qe me kane mbeshtetur gjate gjithe kesaj periudhe ju oroj te gjithe te mirat e ksaj bote.Jam i sigurt qe kjo nuk eshte nje lamtumire por nje mirupafshim dhe nuk mund ta mbyll kete shkrim pa i thene lojtareve te mi qe ashtu si ja dolem vjet mund t’ja dilni edhe sivjet se ju jeni kampiona mos e harroni kete. Me shume respekt Edi Martini./h.ll/albeu.com

The post Trajneri Teutës jep dorëheqjen (FOTO LAJM) appeared first on Albeu.com.