Mohamed Salah nuk do të jetë futbollisti me pagën më të lartë në Superligën e Turqisë gjatë këtij sezoni, edhe pse marrëveshja e tij me Trabzonsporin është mjaft fitimprurëse.

Renditja e pagave bazë neto, e publikuar nga Transfermarkt Turkey, e pozicionon ish-lojtarin e Liverpoolit në vendin e katërt, me të ardhura vjetore prej 10 milionë eurosh.

Pagën më të lartë e merr Victor Osimhen i Galatasarayt, i cili përfiton 15 milionë euro në sezon. Pas tij vijnë Ederson dhe N’Golo Kante të Fenerbahçes, me nga 11 milionë euro secili, përkatësisht në vendin e dytë dhe të tretë.

Salah renditet menjëherë pas tyre me 10 milionë euro, ndërsa në vendin pasues ndodhet Leroy Sane i Galatasarayt, me një pagë vjetore prej 9 milionë eurosh.

Sipas dosjes zyrtare të klubit, kontrata e Salahut përfshin 10 milionë euro pagë neto dhe një tarifë nënshkrimi prej 7 milionë eurosh për çdo sezon. Kjo e çon vlerën e garantuar të paketës vjetore në 17 milionë euro, pa përfshirë bonuset dhe përqindjen nga shitjet e fanellave me emrin e tij.

Tre pozicionet e radhës, nga i gjashti deri te i teti, mbahen nga futbollistë të Fenerbahçes: Milan Skriniar, Marco Asensio dhe Mason Greenwood, të cilët paguhen nga 8 milionë euro në vit.

Lista mbyllet me Anderson Talisca në vendin e nëntë, me 7.5 milionë euro, dhe Leandro Trossard në vendin e dhjetë, me 6.5 milionë euro.

The post Salah mbetet jashtë tre vendeve të para, zbulohet lista e 10 futbollistëve më të paguar në Turqi appeared first on Albeu.com.

Mesfushori i talentuar brazilian ka tërhequr vëmendjen e disa gjigantëve evropianë, përfshirë Barcelonën, Juventusin, Arsenalin dhe Liverpoolin.

Katalunasit e kanë bërë prioritet nënshkrimin me brazilianin, megjithatë një gjë e tillë nuk do të jetë aspak e lehtë pasi konkurrenca për të është e madhe.

Siç ka raportuar ‘Calciomercato’, të vetëdijshëm për interesin e ngjallur për yllin e tyre, Atalanta ka vendosur të kërkojë 50 milionë euro për ta lënë të lirë mesfushorin e tyre.

Vendimi për t’i vënë një çmim të lartë i përgjigjet sezonit të jashtëzakonshëm që Ederson ka pasur në skuadrën zikaltër nga Bergamo.

Me shtatë gola dhe një asistim, braziliani ka qenë një pjesë thelbësore në suksesin e Atalantës, veçanërisht në Ligën e Evropës, ku klubi italian u kurorëzua kampion pasi mposhti Bayer Leverkusenin në finale me rezultat 3-0.

Ecuria e Edersonit nuk ka kaluar pa u vënë re nga klubet e njohura, të cilët shohin tek ai një talent me potencial të jashtëzakonshëm.

Megjithatë, Atalanta janë të vendosur të ruajnë yllin e tyre dhe kanë vendosur një çmim që pasqyron vlerën e tij në tregun aktual të futbollit evropian.

22-vjeçari iu bashkua zikaltërve dy vite më parë nga Salernitana për 22 milionë euro, derisa klubi bergamask synon që nga largimi i tij të fitojë dyfishin e shumës së shpenzuar. /Telegrafi/

The post Atalanta njofton Barcelonën për çmimin që duhet paguajnë për Edersonin appeared first on Albeu.com.

Për portierin ka interes të fortë nga klubet e Arabisë Saudite dhe gardiani do të marrë vendimin final në ditët në vazhdim.

Manchester City është duke pritur dhe i ka dhënë ‘dritën jeshile’ duke respektuar çdo vendim të mundshëm që do të marrë lojtari.

Largimi i Ederson do të bëjë që kampionët e Premier League të hidhen në treg për një portier elitar.

Ederson u afrua te ‘Qytetarët’ në verën e vitit 2017 dhe ka luajtur plot 332 ndeshje duke patur një kontribut të rëndësishëm në fitimin e 17 titujve, ndër ta edhe 1 Champions League.

The post 7 sezone dhe 17 trofe, Manchester City përgatitet për largimin e një legjende appeared first on Albeu.com.

Prandaj braziliani do të humbasë ndeshjen e fundit të Ligës Premier të dielën, ku vendoset edhe titulli i kampionit.

Ai po ashtu do të mungojë edhe finalen e FA Cup më 25 maj në Wembley kundër Manchester United, e ku në dy ndeshjet ai do të zëvendësohet nga Stefan Ortega.

Portieri Ortega bëri mrekulli të martën në Londër kundër Tottenhamit (2-0) pasi hyri në fushë pas dëmtimit të Ederson, kur ky i fundit u përplas me lojtarin e Spurs, Cristian Romeron.

Ortega bëri një pritje të madhe ndaj Son Heung-min në minutat e fundit, që nga shumë njohës po llogaritet si pritja e titullit. /Telegrafi/

The post Konfirmohet mungesa e madhe te Man City për dy ndeshjet e fundit të sezonit appeared first on Albeu.com.

Numri një i Cityt u zëvendësua nga Stefan Ortega vetëm tetë minuta pas fillimit të ndeshjes, teksa “Qytetarët” e mposhtën Neëcastlen me rezultat 3-2 të shtunën.

Ederson u lëndua gjatë një goli të parregullt të Sean Longstaff pasi aksidentalisht mori një goditje nga kapiteni Kyle Ëalker.

Guardiola mbeti tejet i frustruar për faktin se gjyqtari nuk e ngriti flamurin lartë përkundër faktit që Alexander Isak ishte lojtari i fundit në ndërtimin e aksionit dhe në rast se ndeshja do të ndalej për pozitë jashtë loje, Ederson nuk do të lëndohej.

“Skuadrat si Tottenham, Liverpooli, Aston Villa ose ne, luajmë me një vijë më të lartë të mbrojtjes. Aty ishin tre lojtarë në pozitë jashtë loje, kështu që duhet ta evitoni këtë. Ata duhet ta rishikojnë këtë”, ka thënë Guardiola.

“Ederson ka marrë një goditje të madhe në gju dhe tani është i detyruar të jetë për dhjetë ditë jashtë fushave”, vazhdoi ai.

Sidoqoftë në këtë ndeshje Guardiola iu gëzua rikthimit të Kevin De Bruyne i cili luajti minutat e tij të para në Ligën Premier pas një kohë të gjatë, duke shënuar gol dhe duke bërë një asistim./Telegrafi/

The post Guardiola kërkon ndryshimin e rregullave të Premier Ligës pas lëndimit të Ederson appeared first on Albeu.com.