Kjo agjenci e Bashkimit Evropian ka thënë se ka nevojë urgjente për veprim.

“Në situatën aktuale, vetëm vaksinimi nuk do të mund të parandalojë efektin e variantit Omicron sepse nuk do të ketë kohë të adresohen mungesat në vaksinim që ekzistojnë ende”, tha Andrea Ammon, drejtor i ECDC-së.

Kjo agjenci ndërkohë ka ngritur vlerësimin e rrezikut të efekti të Omicronit në shëndetin publik në “shumë të lartë”.

Agjencia ka bërë thirrje për fuqizimin dhe rikthimin intervenimeve jofarmaceutike, si bartja e maskave, higjiena e duarve, distanca në punë dhe parandalimi i grumbullimeve në hapësira publike.

“Është urgjente që veprime të fuqishme të merren për të zvogëluar transmetimin dhe të zbusin presionin mbi sistemin shëndetësor, për të mbrojtur grupet më të ndjeshme në muajt në vazhdim”, shtoi Ammon.

Shefi i Organizatës Botërore të Shëndetësië, Tedros Adhanom Ghebreyesus tha të martën (14 dhjetor) se varianti Omicron është raportuar në 77 vende dhe ka gjasa që të jetë shpërndarë te shumica e vendeve, i padetektuar “në një shpejtësi që nuk e kemi parë te variantet tjera”.

Tedros gjithashtu paralajmëroi se nuk duhet që Omicron të quhet “i lehtë”, pasi sipas tij, edhe pse ky variant shkakton sëmundje më të lehtë, “numri i rasteve mund të mbingarkojë sistemin shëndetësor”./REL

The post ECDC: Vetëm vaksinimi nuk mund ta ndalë Omicronin appeared first on Albeu.com.

Qendra Evropiane e BE-së për Parandalimin dhe Kontrollin e Sëmundjeve (ECDC) ka thënë se nëse nuk zbatohen masa të tjera përveç administrimit të vaksinave, situata do të përkeqësohet akoma më shimë.

“Sezoni festiv i fundvitit është i lidhur tradicionalisht me aktivitete të tilla si tubime shoqërore, blerje dhe udhëtime,” raporton Qendra Evropiane e BE-së për Parandalimin dhe Kontrollin e Sëmundjeve (ECDC), duke shtuar se një sjellje e tillë “do të paraqesë rreziqe të konsiderueshme shtesë për transmetimin e intensifikuar të Delta”.

ECDC tha se një studim i fundit tregoi se “barra e mundshme e sëmundjes” në të gjithë Bashkimin Europian “do të jetë shumë e lartë në dhjetor dhe janar nëse masat e shëndetit publik nuk zbatohen tani në kombinim me përpjekjet e vazhdueshme për të rritur marrjen e vaksinave në popullatën totale”.

Vendet evropiane po raportojnë një numër rekord të infeksioneve dhe spitalet tashmë po ndjejnë presion të shtuar përpara dimrit. Masat tashmë janë duke u vendosur për të ndihmuar në uljen e përhapjes, por më shumë vende tani po konsiderojnë bllokime të plota ose të pjesshme. /albeu.com

The post ECDC: Sezoni festiv do të rrisë rastet me Covid-19 appeared first on Albeu.com.

Studimet kanë zbuluar se qarkullimi i gripit sezonal në shtete të caktuara të BE-së, përfshi Kroacinë është mbi treguesit normal dhe ekziston frika e pasojave të rënda në popullsi nëse vijon me këto ritme edhe në javët në vijim.

“Treguesit aktualë në Kroaci shihen si mjaft problematikë sa i përket gripit sezonal”, raporton ECDC.

Qendra përmend variantin e gripit H3N2, i cili është nëntipi që vërehet më së shumti në shtetet e Bashkimitr Europian dhe zonat përreth. Ky variant sipas ECDC prek kryesisht të moshuarit dhe se vaksina ka efekt të ulët ndaj tij.

“Kjo është një shenjë se sezoni i ardhshëm i gripit mund të jetë problematic për të moshuarit dhe se variantet e gripit mund të ndryshojnë midis vendeve”, paralajmëron Qendra Evropiane për Parandalimin dhe Kontrollin e Sëmundjeve.

“Zbulimi i hershëm i nëntipit A (H3N2) është një tregues se sezoni i ardhshëm i gripit mund të jetë i rëndë”, tha Passy Pentinen, kreu i programit të gripit ECDC. “Një rritje e shpejtë e infeksioneve të gripit gjatë pandemisë së vazhdueshme COVID-19 mund të ketë pasoja serioze për të moshuarit dhe njerëzit me sistem imunitar të dobësuar dhe mund të rëndojë më tej sistemet shëndetësore që tashmë janë nën presion nga COVID-19. “Prandaj, është e rëndësishme që ne merrni masat e nevojshme dhe mbrojini ata që janë më të rrezikuarit”. /abcnews.al

The post Sikur të mos mjaftonte Covid-19, ECDC jep alarmin: Gripi sezonal, shumë i rrezikshëm, grupet problematike appeared first on Albeu.com.