Një organizatë ndërkombëtare e trafikimit të drogës është nën hetim pasi autoritetet zbuluan rrjetin e saj kompleks të kontrabandës. Personat e përfshirë, nëntë anëtarë të një grupi shqiptaro-bullgar, përballen me dënime me burg deri në nëntë vjet. Banda përdorte automjete të modifikuara me mjeshtëri me ndarje të fshehura për të transportuar sasi të mëdha droge. Këto automjete inspektoheshin sistematikisht për gjurmues GPS, një tregues i profesionalizmit dhe gatishmërisë së tyre për të shmangur zbulimin.
Zbulimi i madh në hetim erdhi pasi sistemi i komunikimit SKY ECC u hakua në pranverën e vitit 2021. Kjo çoi në identifikimin e gjashtë PIN-eve të përdoruesve, të cilët komunikonin shpesh në lidhje me logjistikën e transportit të drogës.

Edhe pse nuk u bë identifikim i drejtpërdrejtë, komunikimet tregonin për disa apartamente të marra me qira përmes të njëjtës kompani qiraje në rajonet Zaventem, Sint-Stevens-Woluwe, Diegem dhe Meise. Hetimet e mëtejshme në njërën nga këto apartamente nxorën një provë thelbësore: një letër, e cila e çoi policinë te të dyshuarit. Ky zbulim e përshpejtoi ndjeshëm procesin, duke kulmuar në çështjet aktuale kundër anëtarëve të bandës.

The post Komunikimet në ECC i nxorën zbuluar, shkatërrohet banda e drogës shqiptaro-bullgare në Gjermani appeared first on Albeu.com.

I ftuar në emisionin “Të Pa Ekspozuarit” Hoxha theksoi se SKY ECC por edhe Encrochat më parë, përdoreshin gjërësisht nga bota e krimit, por edhe nga politikanët, për pazaret e tyre.

Ai theksoi se familjarët e një personi të rrëmbyer dhe të vrarë, kanë dorëzuar telefonat e tij tek autoritetet, ku janë kodet me emrat e personave që përdornin aplikacionin e fshehtë.

“Rreth 5 muaj më parë, një familjar i një personi të rrëmbyer dhe të asgjësuar, ka dorëzuar aparatet telefonike dhe ua ka dhënë autoritetet. Nga këto telefona të dorëzuar, janë me kode, emra, thuhet kodi filan është x, etj“, tha Hoxha.

Më tej gazetari shtoi se një nga të parët që ka bërë denoncimin për përdorimin e këtyre aplikacioneve të koduara ka qenë ai.

“Unë para dy javësh kam qenë në policinë gjyqësore federale belge për këtë punë. Denoncimin e parë për Sky ECC e kam bërë unë. Shkrimi i gazetës britanike, nuk gjendet më, sepse kompania e ka detyruar gazetën ta heqë, duke e kërcënuar me padi. Unë kam qenë përdorues i SKY ECC.

Telefoni që përdorej për EncroChat ishte prodhim spanjoll me logo BQ mbrapa. Nëpër Tiranë, e dalloja kush e kishte sepse ai telefon kishte këtë logo. E kishin politikanë, drejtorë, ministra. Të gjithë kërkojnë rrjet komunikimi të sigurt. Në Shqipëri abonimi bëhej një herë në tre muaj, në varësi të programit.

Sky ECC përdorej në Iphone. Telefoni nuk përdorej më nëse vendosej ky aplikacion.

Cfarë ishte ky program në vetëvete?

Trafikantët, grupet kriminale, politikanët, të korruptuarit, biznesmenët, duan rrugë të sigurta komunikimi. Si fillim ishte Encro, por u godit për shkak të sulmeve terroriste që ndodhën në Francë dhe në Belgjikë. Nga aty u thye sistemi. Kur u godit Encro, Scotland Yard, ndërtoi operacion dhe arrestoi 709 shqiptarë, trafikantë të drogës kryesisht, në pranverën e 2020. Në korrik 2020 më vijnë gazetarë britanikë që donin informacion. Unë i thashë nuk ka mafie, por krim të organizuar. I thashe me operaiconin që keni bërë ju nuk keni goditur trafikantët e mëdhenj por shpërndarësit.

Kur vijnë gazetarët, u them që trafikantët e nivelit të mesëm dhe të nivelit të lartë, kanë kohë që nuk përdorin EncroChat por përdorin SkyCC. Unë ua tregova. I thashë në Ekuador, ishalla është zgjuar filani nga gjumi. Më dha informacionin. E panë ata. I shkruajta njërit në Republikën Domenikane, e njëjta gje. Britanikët publikuan shkrimin tek Daily Express.

Nga personat që e përdornin më thanë çfarë na bëre se na more më qafë.

E kanë patur edhe politikanët tanë këtë. Çfarë ndodh pas kësaj?

Në vitin 2021, autoritetet belge ndërmarrin operacion, pasi kishin kapur disa përdorues të SKY CC. U gjetën kodet në Itali dhe u godit karteli i parë shqiptar, karteli Blanco, e hetuar nga anti-mafia e Firences.

Si funksiononte ky telefon? Ke një kod unik, që vendosje çdo emër si të duash. Kodin tënd nuk mund ta dijë gjithkush në rrjet, vetëm atyre që ua ke dhënë. Policia Federale belge ka 1 miliard mesazhe. Kanë 3 vjet që punojnë dhe nuk po i japin dum. Një miliardë mesazhe. Gjuha kryesore është anglishtja, gjuha e dytë është gjuha shqipe.

Duke qenë gjuhë e veçantë, ka edhe problemin tjetër, nuk e kuptojnë dot edhe me përkthyes sepse fjalët i përdorim me shumë kuptime. Autoritetet belge nuk i kanë sjellë Shqipërisë të dhëna. Këtu kanë ardhur të dhëna nëpërmjet Europol.

Nga të dhënat që ka marrë, ka dy mënyra të identifikojnë. Ose personat e penduar si Nuredin Dumani, që ka përdorur edhe Matrix, që vjen pas SKY CC.

Rreth 5 muaj më parë, një familjar i një personi të rrëmbyer dhe të asgjësuar, ka dorëzuar aparatet telefonike dhe ua ka dhënë autoritetet. Nga këto telefona të dorëzuar, janë me kode, emra, thuhet kodi filan është x, etj.

Sa përdorej në Shqipëri? Po ta them, kam parë sidomos me Encro përshembull, persona të të gjithë nivelet.

Në Shqipëri, me sa di unë janë gjashtë grupe të mëdha nën hetim, fillojnë nga veriu në jug. Brenda tyre ka nën ndarje të tjera“, tha ndër të tjera Hoxha.

The post “Familjarët e një personi të rrëmbyer dhe vrarë dorëzuan telefonat e tij në polici”, Artan Hoxha sjell detaje “Bombë” nga aplikacioni SKY ECC appeared first on Albeu.com.