E hëna e 17 nëntorit do të shënojë dhe tubimin e parë të PD-së pas zgjedhjeve të 11 majit.

Organizimin e sotëm, Partia Demokratike, e ka quajtur si “Parlamenti para Kryeministrisë”.

Opozita proteston pas zbulimit të aferës 50 mln euro të Belinda Ballukut te tuneli i Llogarasë, ku u mor edhe e pandehur nga SPAK, dhe për ngushtimin e hapësirave në Kuvend.

Partia Demokratike, akuzon mazhorancën se nuk lejon zhvillimin normal të seancave parlamentare.

Kreu i PD, Sali Berisha, njoftoi se iniciativa synon të krijojë një hapësirë për opozitën dhe të rikthejë debatin politik:

“Nesër Partia Demokratike ndërmerr hapin më të rëndësishëm kundër narkoparlamentit të kontrolluar nga Ramaduro. Fillimi i platformës parlamentare përpara kryeministrisë! Kjo është alternativa e vetme që mbetet, pasi parlamenti kalon qeverinë, programin dhe buxhetin pa debat! Në kushtet që opozita lejohet të flasë vetëm 1 herë nga 9 seanca parlamentare”, shkroi Berisha dje në rrjetet sociale.

Ndërkohë, Kryeministria është “blinduar” me mbrojtëse metalike, si masë për protestaën e sotme.

The post Afera 50 mln euro e Ballukut/ PD mban sot protestë para Kryeministrisë, çfarë pritet të ndodhë appeared first on Albeu.com.

Këtë të hënë, ajo është parë të dalë në krah të kryeministri Edi Rama, në prezantimin e projektit “OSHEE Charge”.

Kujtojmë që prej dhjetë ditësh, numri dy i qeverisë është marrë e pandehur nga Prokuroria e Posaçme për shkelje të barazisë në tendera, lidhur kjo me tunelin e Llogarasë, kjo është dalja e parë e të dyve, bashkë.

Prokuroria e Posaçme, mori te pandehur Belinda Balluku, duke duke e akuzuar për veprën penale,“Shkelje e barazisë së pjesëmarrësve në tendera apo ankande publike”.

Sipas SPAK deri në këtë fazë të hetimeve paraprake, faktet penale, objekt akuze në ngarkim të të pandehurës Belinda Balluku, kanë të bëjnë me veprimet e saj, në cilësinë e Ministrit të Ministrisë së Infrastrukturës dhe Energjisë, për njërën nga procedurat e prokurimit, objekt i këtij hetimi, “Ndërtimi i tunelit të Llogarasë”, në seksionin rrugor Orikum-Himarë, pjesë e autostradës SH8 (Vlorë-Sarandë), zhvilluar në datën 11.12.2020 dhe pas anulimit të saj, procedura është rihapur në datën 22.6.2021, me fond limit, 18 967 810 952.08 (tetëmbëdhjetë miliardë e nëntëqind e gjashtëdhjetë e shtatë milionë e tetëqind e dhjetë mijë e nëntëqind e pesëdhjetë e dy (pikë) zero tetë) lekë pa TVSH.

“Në kuadër të hetimit të këtij procedimi penal, sot, më 31.10.2025 i është njoftuar akuza të pandehurës Belinda Balluku, me funksionin e lartë shtetëror, Ministër i Ministrisë së Infrastrukturës dhe Energjisë, akuzuar për kryerjen e veprës penale,“Shkelje e barazisë së pjesëmarrësve në tendera apo ankande publike”, në bashkëpunim”, citohet në njoftimin e SPAK.

The post E pandehur nga SPAK/ Balluku vijon shfaqjen në publik, del në krah të kryeministrit Rama appeared first on Albeu.com.

Tabaku vlerësoi profesionalizmin e KLSH-së, duke e cilësuar si “një nga pak institucionet që ende ruan pavarësinë e tij”, por shtoi se gjetjet e raportit janë “një pasqyrë e qartë e degradimit të financave publike dhe kapjes së shtetit”.

“Ky është raporti i dymbëdhjetë që lexoj dhe çdo vit bindem më shumë se financat publike janë jashtë kontrollit, ndërsa burimet shtetërore abuzohen në mënyrë sistematike”, – deklaroi ajo, duke dënuar sulmet politike ndaj kreut të KLSH-së si “të papranueshme dhe të rrezikshme për demokracinë”.

Deputetja demokrate solli në vëmendje shifrat tronditëse të raportit, sipas të cilit nga viti 2017 deri në vitin 2024 qytetarët shqiptarë kanë paguar 820 milionë euro për kontrata PPP, nga të cilat gjashtë janë nën hetim, me një vlerë totale prej rreth 650 milionë eurosh.

Por Tabaku ndaloi veçanërisht te skandali i tunelit të Llogarasë, një nga projektet më të përfolura të viteve të fundit, të cilin e quajti “simbolin e abuzimit dhe arrogancës qeveritare ndaj qytetarëve”.

“Tuneli i Llogarasë është shembulli më tipik i një projekti që është shndërruar në sinonim të korrupsionit. Një tender i manipuluar, me kosto që rriten çdo vit, pa transparencë dhe jashtë çdo standardi të KLSH-së. Është fytyra e vërtetë e kësaj qeverisjeje – një han pa porta ku taksat e qytetarëve shpërdorohen për klientët e pushtetit”, – u shpreh Tabaku.

Sipas saj, qeveria ka vendosur “një normalitet të ri të abuzimit”, ku raportet e institucioneve të pavarura, hetimet e SPAK-ut dhe kritikat e BE-së “trajtohen sikur nuk ekzistojnë”.

“Nuk ka më kuptim as planifikimi buxhetor, as proceset fiskale, sepse çdo gjë ndryshohet me akte normative, sipas tekave të ministrave. Buxheti i shtetit është kthyer në një çek të hapur për aferat e radhës”, – theksoi ajo.

Në përfundim, Tabaku bëri thirrje që Parlamenti të mos jetë më një “vulë formale” e abuzimeve të qeverisë, por të marrë rolin e vet kushtetues në mbrojtjen e interesit publik:

“Për sa kohë ky sistem i korruptuar do të vazhdojë të mbështetet me ligje që miratohen këtu, shqiptarët do të vazhdojnë të paguajnë çmimin. Parlamenti duhet të ngrihet në lartësinë që i takon – për transparencë dhe drejtësi”.

The post Belinda Balluku e pandehur nga SPAK/ Jorida Tabaku: Skandali i tunelit të Llogarasë, fytyrë e qeverisjes së korruptuar appeared first on Albeu.com.