OBRM-PDUKM ka akuzuar BDI-në, LSDM-në dhe E Majtën se po e bllokojnë miratimin e Kodit të ri Zgjedhor. Sipas partisë, qëllimi i tyre është të krijojnë justifikim për një disfatë të mundshme në zgjedhje dhe më pas të pretendojnë se janë dëmtuar gjatë procesit zgjedhor.

Në reagimin e saj, partia thekson se tri partitë kanë bashkërenduar veprimet për të penguar një nga ligjet kyçe të Axhendës së Reformave. OBRM-PDUKM vlerëson se arsyeja qëndron te frika e tyre nga humbja, për shkak të asaj që e cilëson si mbështetje të ulët te qytetarët.

Sipas partisë në pushtet, Qeveria ka shprehur vullnet për arritjen e një marrëveshjeje të gjerë politike dhe ka paraqitur një zgjidhje në përputhje me rekomandimet e institucioneve ndërkombëtare. Kjo zgjidhje, siç thuhet, parashikon edhe mundësinë që diaspora të realizojë të drejtën e votës.

Megjithatë, OBRM-PDUKM pretendon se LSDM, BDI dhe E Majta kanë zgjedhur bllokadën në vend të dakordimit. Partia shton se qeveria u ka ofruar për herë të parë subjekteve opozitare mundësinë që të bien dakord për zgjidhje që vetë i konsiderojnë të pranueshme, por kjo ofertë, sipas saj, është refuzuar.

OBRM-PDUKM nënvizon se Maqedonia renditet mes vendeve më të suksesshme në rajon për realizimin e obligimeve nga Axhenda e Reformave. Sipas saj, kjo pritet të dëshmohet edhe me fondet që vendi do të përfitojë nga Plani i Rritjes së Bashkimit Evropian.

Partia shton se përfaqësuesit evropianë kanë kërkuar arritjen e konsensusit politik për miratimin e Kodit Zgjedhor.

The post OBRM-PDUKM akuzon BDI-në, LSDM-në dhe E Majtën për pengim të ligjeve nga frika e zgjedhjeve appeared first on Albeu.com.

Në një deklaratë, OBRM-PDUKM bëri të ditur se Komisioni Evropian e ka vlerësuar sërish Maqedoninë si një ndër shtetet që prin në zbatimin e reformave nga Axhenda e Reformave, krah Shqipërisë dhe Malit të Zi.

Sipas partisë, ky vlerësim nga Komisioni Evropian dëshmon se vendi është në kursin e duhur dhe se përparimi i arritur është pranuar nga institucioni që mat cilësinë dhe zbatimin e reformave.

OBRM-PDUKM thekson gjithashtu se një tjetër dëshmi për suksesin e reformave është edhe propozimi i Komisionit Evropian për rialokimin e fondeve nga Plani i Rritjes, çka do të sillte mbështetje më të madhe financiare për shtetet që kanë shënuar rezultatet më të mira.

“Kjo është njohje e punës së bërë, por edhe një mundësi për Maqedoninë për të siguruar fonde shtesë për zhvillim”, deklaron partia.

Në të njëjtën deklaratë, partia shpreh qëndrimin se është e pakuptueshme që, sipas saj, LSDM dhe E Majta vijojnë të bllokojnë ligjet që burojnë nga Axhenda e Reformave.

“Çdo pengesë nga LSDM dhe E Majta nuk e pengon Qeverinë, por përkundrazi pengon përmbushjen e detyrimeve të shtetit dhe rrezikon mundësitë e hapura nga Plani i Rritjes”, thuhet në deklaratë.

OBRM-PDUKM u bëri thirrje LSDM-së dhe Të Majtës të heqin dorë nga interesat e përditshme politike dhe të mbështesin ligjet që lidhen me Axhendën e Reformave, përfshirë Kodin Zgjedhor, duke theksuar se ato janë në interes të qytetarëve dhe të së ardhmes evropiane të vendit.

The post OBRM-PDUKM: Komisioni Evropian e rendit Maqedoninë mes vendeve kryesuese për reforma, pavarësisht bllokadave nga LSDM dhe E Majta appeared first on Albeu.com.

Antonio Milloshoski, nënkryetar i Kuvendit dhe deputet i OBRM-PDUKM-së, bëri të ditur sot se “E Majta”, ndonëse përfaqësuesit e saj morën pjesë në grupin e punës që përgatiti ndryshimet në Kodin Zgjedhor, nuk pranon ta nënshkruajë projektligjin. Sipas tij, kjo ndodh edhe pse një numër i konsiderueshëm i propozimeve të kësaj partie janë përfshirë në projekt-amendamentet, gjë për të cilën, siç thekson ai, ekzistojnë edhe procesverbale.

Sipas Milloshoskit, projekt-amendamentet për Kodin Zgjedhor do të dorëzohen duke përfshirë të gjitha ndryshimet për të cilat është rënë dakord, në përputhje me rekomandimet e OSBE/ODIHR-it. Megjithatë, në to nuk do të përfshihet Neni 76-e, që ka të bëjë me fondet për reklama zgjedhore, pasi për këtë pikë “E Majta” duhet të paraqesë amendament të veçantë.

“Për këtë nen, ‘Të Majtës’ do t’i jepet mundësia të paraqesë një amendament sipas kompromisit të dakorduar që i propozuan grupit të punës, dhe ai do të mbështetet.

Ajo që është rënë dakord sinqerisht duhet të respektohet, pavarësisht faktit se ‘E Majta’ ishte bashkë-sponsorizuese për shpërndarjen e fondeve buxhetore për reklama. Nuk është korrekte të kërkosh para buxhetore për reklama në takime pune, dhe në publik të pretendosh virgjëri dhe viktimë të një komploti të supozuar”, ka shkruar Milloshoski në Facebook.

The post Milloshoski: “E Majta” refuzon të firmosë propozimin për ndryshimet në Kodin Zgjedhor, do të dorëzohet amendament për fondet e reklamave zgjedhore appeared first on Albeu.com.