Të shtëna me armë zjarri janë dëgjuar mbrëmjen e sotme në Durrës, në zonën e Sukthit.
Nga informacionet paraprake mësohet se ka mbetur i vdekur shtetasi Arben Mërkuri, me precedent penal.
Njoftimi i policisë:
Durrës/Informacion paraprak
Në qendër të Sukthit, një shtetas ende i paidentifikuar ka qëlluar me armë zjarri automatik, në drejtim të dyqanit të shtetasit A. M.(I.), 48 vjeç.
Për pasojë shtetasi A. M.(I.) u plagos në gjendje të rëndë dhe si pasojë e plagëve të marra ndërroi jetë në spital.
Shërbimet e Policisë kanë rrethuar zonën dhe vijon krehja e saj, për te bërë të mundur kapjen e autorit.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit./albeu.com
