Pasi djali u rrit, ai shkoi në qytet për të punuar. Nëna hera herës e pyeste nëse kishte gjetur ndonjë nuse por ai e mohonte një gjë të tillë duke i thënë: Jetoj në shtëpi me një vajzë por jemi vetëm shok e shoqe dhe ndajmë qeranë bashkë. Një ditë prej ditësh, nëna vendosi ta vizitojë djalin e saj në shtëpinë e tij. Gjatë darkës, ajo nuk mundej të ia hiqte sytë vajzës, e cila ishte shumë e bukur.

Nëna kishte kohë që e dyshonte për një lidhje midis tyre, dhe pamja e saj e bukur ia përforcoi akoma më shumë këtë dyshim. I biri e kuptoi se çfarë po mendonte e ëma dhe e siguroi se ata ishin vetëm shokë dhe thjesht ndanin qeranë përgjysmë. Këtë gjë e pohoi edhe vajza. Gjithsesi nëna nuk kundërshtoi, kaloi një darkë të bukur me ta dhe të nesërmen u largua për tu kthyer në shtëpinë e saj. Pasi kaluan disa ditë, vajza i thotë djalit:

Nuk dua të mendoj asgjë të keqe, por që nga dita që nëna jote ishte për darkë tek ne, unë nuk po e gjej dot pjatën e argjendit. A mendon se mund ti ketë pëlqyer shumë dhe ta ketë marë me vete?

Djali u përgjigj i bindur: Të siguroj se nuk e ka bërë një gjë të tillë, gjithsesi për të të qetësuar ty, do ta mar në telefon dhe do ta pyes. Dhe kështu bëri, i telefonoi nënës dhe disi i sikletosur i tha:

E dashur nëna ime, nuk po gjej dot mënyrën e duhur se si të ta them, por që nga dita që ti ishe tek shtëpia jonë, nuk po arrijmë dot të gjejmë një pjatë prej argjendi. Shoqja ime e ka shumë për zemër atë pasi e ka dhuratë nga nëna e saj. Po të mar vetëm për të siguruar shoqen time që pjatën nuk e ke marë ti, pasi unë jam i bindur që ti nuk e ke bërë një gjë të tillë.

Nëna qeshi dhe iu përgjigj: Biri im i shtrenjtë, unë nuk dyshoj që ti fle me shoqen tënde, por edhe që nuk flini bashkë nuk e besoj kollaj. Gjithësesi, nëse që prej ditës që unë isha tek shtëpia juaj vajza do të kishte fjetur në shtratin e saj, ajo do ta kishte gjetur deri më sot pjatën e argjendit sepse e kam futur unë nën jastëkun e saj. Kërkojeni se aty e keni. Të puth fort bir dhe mi bëj të fala nuses.

Mësimi: Ky tregim ishte më shumë për të ju bërë të buzëqeshni pak dhe po ashtu le të mos harrojmë se prindërit tanë janë shumë të zgjuar.

The post “Ndajmë vetëm qiranë”, nëna dyshonte se ajo ishte e dashura, por djali ja mohonte, veprimi i mrephtë që zbuloi gjithçka appeared first on Albeu.com.