I pranishëm në ktë takim është kryeministri Edi Rama, njëkohësisht kryetar i PS-së.

Kryeministri Rama, ka komentuar arrestimin e ish-zyrtarëve të Partisë Socialiste. Ai theksoi se nuk është lehtë të shohësh njerëz që ka njohur për një kohë të gjatë, të përballen me drejtësinë për akuzat ndaj tyre.

Megjithatë, Rama shprehu vendosmërinë e qeverisë për të luftuar për forcimin e sundimit të ligjit.

Rama theksoi se tani autoriteti i ndëshkimit është kaluar nga ekzekutivi në sistemin gjyqësor, duke nënkuptuar se është gjykata ajo që merr vendimet për të procesuar dhe ndëshkuar individët që shkelin ligjin.

Rama: Në mënyrë mjaft të vendosur po luftojmë kundër të gjitha shanseve kur vjen fjala për sundimin e ligjit, barazinë përpara ligjit me reformën tonë në drejtësi. Është shumë e dhimbshme, për herë të parë në historinë tonë të shtetit, po shohim njerëz të fuqishëm të lidhur me pushtetin politik që japin llogari para gjyqtarëve e prokurorëve të pavarur.

Nuk mund t’ua fsheh që nga pikëpamja njerëzore, nuk është gjëja më e mirë të shohësh njerëz që i njeh prej një kohe të gjatë që çohen përpara drejtësisë për tu përgjigjur për gjëra të ndryshme.

Përderisa janë të pafajshëm derisa të provohen fajtorë, këto janë procese që kërkojnë kohën e tyre.

E re është që kemi pastruar masivisht procesin e drejtësisë përmes një procesi verifikimi dhe nga ana tjetër ja kemi kaluar shpatën e ndëshkimit nga pushteti ekzekutiv tek ai gjyqësor.

Në fjalën e tij, Rama tha se Tirana ka bërë një rrugë të gjatë për të ardhur këtu ku është sot.

Është e gjallë, theksoi ai, ka një kryeqytet që ndryshon dita-ditës dhe po bëhet një medalion krenarie për të gjithë ne, që themi jam nga Tirana, jetoj, punoj dhe mikpres miqtë në Tiranë.

Kryeministri Rama, vuri në dukje se në mandatin e katërt qeverisës SP do të përmbush misionin për integrimin e vendit në BE.

“Jemi në fund të mandatit të tretë të qeverisë sonë progresive dhe presim me padurim një fushatë mjaft tërheqëse zgjedhore për të marrë mandatin e 4-ërt dhe për të përmbushur misionin që kemi marrë me shumë seriozitet, për të çuar Shqipërinë në BE dhe për ti dhënë fund një historie të gjatë diskriminimi e margjinarizimi”, u shpreh Rama

Ai theksoi se shqiptarët janë të bekuar që kanë lindur në zemër të Europës. Por në të njëjtën kohë, u shpreh Rama, kanë qenë të mallkuar sepse kanë qenë të izoluar nga Europa për një kohë kaq të gjatë.

“Është koha jonë tashmë, momenti, shansi, mundësia jonë e madhe për ta përfunduar këtë dhe për të nxjerrë maksimumin e këtij shansi të jashtëzakonshëm që na paraqitet si një mundësi faktike për tu bërë pjesë e BE-së”, deklaroi kryeministri.

The post Zyrtarët e PS-së mbushin burgjet/ Flet Rama: E dhimbshme që njerëz që i njeh ndodhen prapa hekurave appeared first on Albeu.com.

Në një intervistë për revistën Paris Match, vajza e zonjës së parë franceze, Tiphaine Auzière, pranoi se është ende e lënduar nga “marrëdhënia e ndaluar” mes mësueses së atëhershme të martuar dhe studentit të saj të atëhershëm adoleshent.

Auzière ishte vetëm 10 vjeçe kur mësoi se nëna e saj, e cila punonte si mësuese, po takonte një student 25 vjet më të vogël në moshë. Brigitte ishte ende e martuar në atë kohë, kështu që tre fëmijët e saj të vegjël duhej të duronin spekulime të vazhdueshme për një “marrëdhënie të ndaluar” në Amiens, në Francën veriore.

“Kam mësuar shumë për natyrën njerëzore atëherë. E di që në këto momente duhet të përqendrohemi tek ajo që është e rëndësishme dhe të ecim përpara, duke injoruar kritikat. Dhe kishte gjithçka, sulme, thashetheme, dënime… Asokohe nuk kishte të tilla gjëra si rrjetet sociale, por ne jetonim në një qytet të vogël provincial, gjithçka dihej. Pavarësisht kësaj qëndruam me kokën lart. Jam një femër me mendje të hapur, dua të eci përpara dhe kam fituar shumë tolerancë”, tha Auzière, e cila sot është 40 vjeçe, raporton DailyMail.

Ajo ishte veçanërisht e mërzitur që babai i saj i turpëruar, André-Louis Auzière, u detyrua të linte shtëpinë e familjes në vitin 1994, megjithëse ai u divorcua nga Brigitte vetëm në vitin 2006, duke lejuar Macron të martohej me të një vit më vonë.

“Ndarja e familjes mund të jetë edhe trishtim edhe mundësi. Rikompozimi mund të jetë një pasurim. Unë kam një baba dhe njerk të dashur”, tha Auzière, duke shtuar se ajo gjithmonë fliste për babain e saj në kohën e tashme, edhe pse ai vdiq në vitin 2019, në moshën 68-vjeçare.

Revista Paris Match përshkruan se si Tiphaine ishte fëmijë kur shpërtheu skandali. I riu Emmanuel Macron i binte shpesh ziles së derës së Auzieres, kështu që thashethemet u bënë më të forta dhe, natyrisht, ato patën ndikim te tre fëmijët që ishin në atë shtëpi. Motra e saj Laurence ishte 17 vjeçe në atë kohë dhe ishte kolege e Emmanuel Macron, sepse ata janë në të njëjtën moshë.

Auzière tha se thashethemet për “marrëdhënien e ndaluar” ishin të tmerrshme për të gjithë fëmijët, përfshirë vëllain e saj Sébastien, i cili ishte 19 vjeç në atë kohë. Ata ishin të gjithë studentë në La Providence, një shkollë e mesme katolike romake në Amiens, ku Brigitte mësonte dramën. Ajo gjithashtu tregoi se ishte lënduar tmerrësisht nga pretendimet në rrjetet sociale se nëna e saj Brigitte kishte lindur mashkull.

“Unë u shqetësova për llojin e shoqërinë në të cilën jetojmë kur dëgjova një histori që qarkullonte në rrjetet sociale se nëna ime është në të vërtetë një burrë. Vetëm shikoni besimin me të cilin është thënë një gjë e tillë dhe besueshmërinë që i është dhënë një deklarate të tillë. Si t’i rezistosh dezinformatave në rrjetet e mediave sociale?”, tha Auzière, një avokate me profesion, e cila tani jeton në Calais me burrin dhe dy fëmijët e saj.

Kujtojmë se rrugët e Emmanuel dhe Brigitte Macron u kryqëzuan për herë të parë në shkollën e mesme në veri të Francës, kur ai ishte vetëm 15 vjeç. Ai takoi një profesoreshë që ishte 24 vjet më e madhe se ai në Lycee La Providence në Amiens. Profesoresha dhe studentja e saj kanë bashkëpunuar në shfaqjen Arti i komedisë, të shkrimtarit italian Eduardo De Filippo, çdo të premte në mbrëmje për disa muaj.

The post Flet vajza e gruas së Macronit nga martesa e parë: Ishte skandal që nëna ime u dashurua me një student 25 vite më të vogël, më dhemb edhe sot appeared first on Albeu.com.