e dashura Archives - Albeu.com

Besi publikon fotografi me partneren e re: Ti më riktheve dhe më zbukurove jetën

D Marku — Wed, 06 May 2026 10:55:53 +0000

Aktori e këngëtari i njohur shqiptar, Bes Kallaku, ka gjetur sërish dashurinë.

Ndonëse akoma nuk i ka zbuluar identitetin, artisti po vazhdon të publikojë imazhe me të.

Në një fotografi të re, edhe pse nuk duket, ai i ka bërë një dedikim emocionues.

“Ti më riktheve Besin dhe më zbukurove jetën”, ka qenë përshkrimi që i ka vënë postimit.

Akoma nuk dihet se kush është vajza që i ka rrëmbyer zemrën komedianit.

Kjo vjen pak vite pas ndarjes nga artistja Xhensila Myrtezaj, me të cilën ka dy fëmijë.

Ndarja e tyre bëri bujë të madhe, gjersa mes rreshtave kanë hedhur akuza ndaj njëri-tjetrit.

The post Besi publikon fotografi me partneren e re: Ti më riktheve dhe më zbukurove jetën appeared first on Albeu.com.

Dj Geek s’fshihet më! Ndan foto romantike me partneren nga pushimet

D Marku — Thu, 09 Apr 2026 09:10:05 +0000

DJ Geek dhe partnerja e tij, Olsa Berani, kanë zgjedhur një nga destinacionet më luksoze dhe romantike në botë për të kaluar pushimet e tyre – Maldive. Çifti duket se po shijon në maksimum këtë arratisje tropikale, duke ndarë me ndjekësit momente nga përditshmëria e tyre mes plazheve me rërë të bardhë dhe ujërave kristal të Oqeanit Indian.

Përmes postimeve në rrjetet sociale, dyshja ka publikuar imazhe të shumta që reflektojnë atmosferën e qetë dhe romantike të këtij udhëtimi. Fotot tregojnë një afërsi të dukshme mes tyre, duke konfirmuar edhe një herë se marrëdhënia e tyre tashmë është bërë plotësisht publike.

Prej kohësh, DJ Geek kishte zgjedhur ta mbante larg vëmendjes identitetin e partneres së tij, por pasi ajo u bë e njohur për publikun, çifti nuk është kursyer më në ndarjen e momenteve të përbashkëta. Që nga ai moment, postimet romantike dhe paraqitjet e tyre si çift janë bërë gjithnjë e më të shpeshta, duke tërhequr vëmendjen e ndjekësve.

Pushimet në Maldive duket se janë një tjetër kapitull i bukur në historinë e tyre, ku relaksi, natyra dhe momentet intime ndërthuren në mënyrë perfekte. Dyshja po shijon jo vetëm luksin e destinacionit, por edhe kohën cilësore larg angazhimeve të përditshme.

Me imazhet që kanë ndarë, DJ Geek dhe Olsa Berani përcjellin një atmosferë dashurie dhe harmonie, duke e kthyer këtë udhëtim në një nga më të komentuarit në rrjetet sociale ditët e fundit.

The post Dj Geek s’fshihet më! Ndan foto romantike me partneren nga pushimet appeared first on Albeu.com.

Joz Marku feston ditëlindjen e 30-të, partnerja e tij i dedikon mesazh emocionues: Jam vërtet mirënjohëse për ty!

M C — Thu, 19 Mar 2026 22:19:44 +0000

Ish-banori i “Big Brother VIP Albania”, Joz Marku, ka festuar ditëlindjen e tij të 30-të në një atmosferë të ngrohtë. Ai organizoi një festë në rreth të ngushtë, ku morën pjesë miq dhe persona të afërt.

Mbrëmja u karakterizua nga muzikë, energji pozitive dhe një spektakël fishekzjarresh, ndërsa momente të veçanta nga festa u ndanë në rrjetet sociale nga të ftuarit.

Ajo që tërhoqi më shumë vëmendjen ishte edhe partnerja e tij, Xhoana Toshi, e cila publikoi disa foto në krahët e Jozit, ku të dy shfaqen të lumtur.

Postimin ajo e shoqëroi me një mbishkrim emocionues: “Disa njerëz thjesht e bëjnë jetën më të bukur. Jam vërtet mirënjohëse për ty! Të uroj gjithë lumturinë që meriton @joz_marku!”

The post Joz Marku feston ditëlindjen e 30-të, partnerja e tij i dedikon mesazh emocionues: Jam vërtet mirënjohëse për ty! appeared first on Albeu.com.

Leonardo DiCaprio drejt një marrëdhënieje serioze? Aktori i famshëm duket gati për një hap të madh me partneren e tij

D Marku — Wed, 18 Mar 2026 16:49:48 +0000

Aktori Leonardo DiCaprio duket se po sheh një të ardhme afatgjatë me partneren e tij, modelen Vittoria Ceretti, pas paraqitjes së tyre në Oscars 2026.

DiCaprio, 51 vjeç, u shfaq në ceremoninë prestigjioze me Ceretti në një nga daljet e tyre të rralla publike si çift. Edhe pse nuk pozuan bashkë në tapetin e kuq, prania e tyre shënoi pjesëmarrjen e parë në një event të madh që prej nisjes së lidhjes në vitin 2023.

Sipas burimeve pranë aktorit, kjo marrëdhënie “ndihet ndryshe dhe më serioze” krahasuar me lidhjet e tij të mëparshme. Thuhet se DiCaprio është më i përkushtuar se kurrë dhe për herë të parë është i hapur ndaj një të ardhmeje të qëndrueshme.

Modelja italiane vlerësohet për pavarësinë e saj dhe jetën e ndërtuar jashtë marrëdhënies, një aspekt që, sipas burimeve, e tërheq aktorin – veçanërisht për shkak të angazhimeve të tij të shumta në xhirime.
Çifti është përfolur për herë të parë në gusht të vitit 2023, ndërsa që atëherë janë parë shpesh së bashku në udhëtime dhe evente të ndryshme, përfshirë premierën e filmit One Battle After Another.

Edhe pse Leonardo DiCaprio nuk arriti të fitojë çmimin për aktorin më të mirë në Oscars 2026 – i cili shkoi për Michael B. Jordan për filmin Sinners – filmi i tij rezultoi një sukses i madh, duke marrë disa çmime, përfshirë atë për filmin më të mirë.

Ndërkohë, aktori pritet të rikthehet së shpejti në ekran në një projekt të ri me regjisorin Martin Scorsese, në filmin What Happens at Night, ku do të luajë përkrah Jennifer Lawrence.

The post Leonardo DiCaprio drejt një marrëdhënieje serioze? Aktori i famshëm duket gati për një hap të madh me partneren e tij appeared first on Albeu.com.

U nda nga e dashura! Zbulohet romanca e re e Rei Manajt, kush është vajza që i ka rrëmbyer zemrën

D Marku — Wed, 11 Feb 2026 10:45:40 +0000

Sulmuesi i Kombëtares shqiptare, Rei Manaj, rikthehet sërish në vëmendjen e mediave rozë, këtë herë për jetën e tij sentimentale. Futbollisti, i cili shpesh ka qenë pjesë e kronikave të showbizit për stilin e tij dhe momentet jashtë fushës së blertë, duket se ka mbyllur një kapitull personal dhe ka nisur një tjetër. Ai i ka dhënë fund romancës me vajzën që ndau foto në Instagram (fotoja më poshtë), por nuk ka humbur shumë kohë e ka nisur nje romancë të re.

Në korrik të këtij viti, Manaj publikoi në rrjetet sociale një foto me partneren e atëhershme, teksa merrnin pjesë në një event jashtë vendit, një dalje që konfirmonte lidhjen e tyre në publik. Megjithatë, marrëdhënia duket se nuk ka zgjatur shumë.

Sipas informacioneve ekskluzive për Iconstyle, sulmuesi ka nisur tashmë një romancë të re. Vajza që i ka rrëmbyer zemrën quhet Arbjona, dhe burime pranë tij tregojnë se dyshja po njihen prej pak kohësh.

Ndërsa Manaj vazhdon të jetë i fokusuar në karrierën sportive, jeta e tij private mbetet po aq e komentuar nga ndjekësit të cilët tashmë janë kureshtarë të mësojnë më shumë për kapitullin e ri sentimental të futbollistit.

Në profilin e saj, Arbjona ndan foto me futbollistin e njohur që i ka rrëmbyer zemrën.

The post U nda nga e dashura! Zbulohet romanca e re e Rei Manajt, kush është vajza që i ka rrëmbyer zemrën appeared first on Albeu.com.

Besi i bën një tjetër dedikim të dashurës së re: Më ke kthyer vajtimin në valle

D Marku — Mon, 26 Jan 2026 12:46:39 +0000

Pas zhurmës që krijoi me konfirmimin e marrëdhënies së tij të re, aktori i njohur i humorit, Bes Kallaku, ka ndarë me ndjekësit një tjetër mesazh me kuptim të thellë.

Vetëm pak ditë më parë, Besi “pushtoi rrjetin” me një fotografi ku shfaqeshin dy duar të lidhura ngushtë, ndërsa në parakrahun e tij ishte dukshëm i shkruar emri “Ejona” dhe data “25.12.2025”, duke shënuar kështu fillimin e një kapitulli të ri pas ndarjes nga Xhensila Myrtezaj.

Në postimin më të fundit në Instagram, aktori ka zgjedhur një citat biblik për të përshkruar gjendjen e tij shpirtërore.

Përmes një fotografie bardhë e zi, ku duket i qetë dhe duke buzëqeshur, ai ka cituar Psalmin 30:11: “Ti më ke kthyer vajtimin në valle, më ke hequr rrethin e fatkeqësisë dhe më ke mbushur me gëzim!”

Ky dedikim duket të pasqyrojë qartë periudhën që po përjeton Besi, i cili po lë pas vështirësitë e ndarjes dhe po gjen lumturinë pranë partneres së tij të re.

Data 25 dhjetor e vitit të kaluar duket se ka shënuar një moment kyç për aktorin, i cili tani nuk nguron të shprehë hapur mirënjohjen për këtë “gëzim” të ri në jetën e tij.

The post Besi i bën një tjetër dedikim të dashurës së re: Më ke kthyer vajtimin në valle appeared first on Albeu.com.

Këngëtari i njohur ‘kapet mat’ me të dashurën e re

D Marku — Thu, 11 Dec 2025 10:48:19 +0000

Këngëtari i njohur kosovar, Blero Muharremi, duket se po kalon një periudhë të re dhe të lumtur në jetën e tij personale. Pas një periudhe të gjatë të jetës private, Blero ka zbuluar për herë të parë lidhjen e tij me të dashurën e re, gjatë një eventi festiv. Ky moment ka kapur vëmendjen e fansave, ndërkohë që faqja e njohur “Artistet shqiptare” e ka ndarë një video të dyshes, ku Blero dhe partnerja e tij shfaqen të qeshur dhe të lumtur pranë njëri-tjetrit.
Dyshja duket të ketë një lidhje të ngushtë, me këngëtarin që ruan një afrim të veçantë me të dashurën gjatë gjithë ngjarjes, një gjest që tregon harmoni dhe dashuri të thellë mes tyre. Fansat e Bleros janë shprehur të gëzuar për këtë kapitull të ri në jetën e tij, duke i uruar çiftit shumë momente të lumtura dhe dashuri të pafund. Komentet dhe reagimet pozitive në rrjetet sociale janë të shumta, me ndjekësit që i japin mbështetje të pakufishme.

Për Bleron, kjo lidhje vjen pas disa marrëdhënieve të përfolura dhe të njohura publikisht në të kaluarën, të cilat kanë tërhequr gjithmonë vëmendjen e mediave. Megjithatë, tani ai duket të jetë i gatshëm të nisë një faqe të re dhe të lumtur, të mbushur me dashuri dhe paqe personale.

The post Këngëtari i njohur ‘kapet mat’ me të dashurën e re appeared first on Albeu.com.

Festoi titullin e kampionit të botës në Formula 1 me një puthje me Margaridan – kush është vajza që i ka rrëmbyer zemrën Lando Norris

D Marku — Tue, 09 Dec 2025 16:18:03 +0000

Piloti i McLaren, Lando Norris (26 vjeç), festoi titullin e tij të kampionit botëror të Formula 1 për vitin 2025 me një puthje me modelen portugeze, Margarida Corceiro (23 vjeçe).

Marrëdhënia e tyre ka qenë temë bisede që nga prilli i 2024, dhe megjithëse nuk e kanë konfirmuar publikisht lidhjen, Corceiro ishte pranë tij në garën vendimtare në Abu Dhabi.

Kush është Margarida Corceiro?
Ajo është modele dhe aktore nga Portugalia, ka punuar me brende të njohura si Armani Beauty dhe Missus Swimsuits, dhe ka luajtur në disa seriale televizive portugeze që nga viti 2019.

Ka mbi 2.4 milion ndjekës në Instagram dhe shpesh ndan momente nga jeta e saj personale dhe profesionale.
Para lidhjes me Norris, Margarida ishte në një marrëdhënie me futbollistin portugalez Joao Felix, të cilën e përfundoi në vitin 2023.
Konfirmoi ndarjen disa muaj më vonë në Instagram, duke thënë se megjithëse nuk ishin më çift, mbetej pjesë e jetës së tij.

Norris dhe Corceiro janë parë për herë të parë bashkë në maj të 2023, dhe ndonëse nuk kanë bërë ndonjë deklaratë publike për lidhjen, ata janë fotografuar shpesh në evente sportive dhe garash.

Gjatë gjithë sezonit, Corceiro ka mbështetur Norrisin nga distanca.

Margarida dhe Landos

Edhe kur nuk ishte fizikisht e pranishme në gara, ajo ndiqte rezultatet e tij përmes mediave dhe shprehte mbështetje në rrjetet sociale.

Kështu, historia e tyre është një kombinim i suksesit sportiv të Norris dhe prezencës mbështetëse dhe profesionale të Corceiro, e cila ka tërhequr vëmendjen e fansave dhe mediave ndërkombëtare.

The post Festoi titullin e kampionit të botës në Formula 1 me një puthje me Margaridan – kush është vajza që i ka rrëmbyer zemrën Lando Norris appeared first on Albeu.com.

“Koha më e mirë me njerëzit më të mirë”/ Zbulohet e dashura e Edon Zhegrovës, ja postimi i saj emocionues

M C — Wed, 03 Sep 2025 17:00:19 +0000

Prej më shumë se gjashtë vitesh, futbollisti i njohur Edon Zhegrova shijon një histori dashurie që shpesh ka qenë në qendër të vëmendjes. Edhe pse dyshja nuk kanë folur kurrë hapur për lidhjen e tyre, romanca e Edonit me partneren Elsa ka krijuar lajm në rrjete sociale, sidomos në periudhat kur janë vërejtur hatërmbetje apo shkëputje të vogla.

Megjithatë, prej kohësh duket se çifti ka gjetur qetësinë dhe ekuilibrin e munguar. Marrëdhënia e tyre po ecën për mrekulli dhe së fundmi nuk hezitojnë më të ndajnë detaje të vogla me publikun.

Ishte Elsa ajo që postoi një moment të ëmbël, teksa shihej duke pirë çaj me vjehrrën e saj.

“Koha më e mirë me njerëzit më të mirë”, shkroi ajo, duke treguar kështu se është pranë Edonit dhe familjes së tij në një fazë kaq të rëndësishme të karrierës, kur ai po nis kapitullin e ri si pjesë e Juventusit.

The post “Koha më e mirë me njerëzit më të mirë”/ Zbulohet e dashura e Edon Zhegrovës, ja postimi i saj emocionues appeared first on Albeu.com.

Lamine Yamal ndahet sërish nga e dashura?

D Marku — Wed, 03 Sep 2025 13:55:47 +0000

Lamine Yamal, talenti i Barcelonës që po shihet si një nga yjet më premtues të futbollit evropian, ka tërhequr vëmendjen e mediave këtë herë jo për performancën e tij në fushë, por për jetën personale. Vetëm pak javë pasi konfirmoi lidhjen me këngëtaren argjentinase Nicki Nicole, duket se romanca e tyre ka marrë fund.

Më 25 gusht, Yamal publikoi një fotografi të përbashkët duke i uruar ditëlindjen artistes, një gjest që konfirmoi marrëdhënien e tyre. Mirëpo, vetëm tetë ditë më vonë, të gjitha imazhet me Nickin janë fshirë nga profili i tij në Instagram, ndërsa fotografia e profilit është zëvendësuar me një sfond krejtësisht të zi – një veprim që ndjekësit e kanë interpretuar si shenjë të ndarjes.

Yamal, i cili sapo ka lënë pas fazën e adoleshencës, është bërë shpesh pjesë e shtypit rozë për marrëdhëniet e tij me vajzat e njohura. Kritikat ndaj tij janë shtuar, me zëra që thonë se sjelljet jashtë fushe mund të ndikojnë negativisht në karrierën e tij sportive. Madje, trajneri i Barcelonës, Hansi Flick, së fundmi ka theksuar publikisht se ekipi duhet të funksionojë si një i vetëm dhe jo si individë të ndarë, një mesazh që shumë e kanë parë si të drejtuar edhe ndaj të riut.

Në këtë fazë të ndjeshme të karrierës, Yamal përballet me sfidën e madhe për të gjetur ekuilibrin mes suksesit në futboll dhe presionit të jetës personale. Nëse kjo ndarje është përfundimtare apo thjesht një reagim i përkohshëm, mbetet për t’u parë.

The post Lamine Yamal ndahet sërish nga e dashura? appeared first on Albeu.com.