I ftuar në “Top talk”, Karamuço është shprehur se situata në vend është shumë e rrezikshme, pasi në vendin tonë po prodhohet me shumicë kokinë dhe kanabis.

Siaps tij një tregues i qartë për tejmbushjen e vendit me lëndë narkotike është çimi, i cili është ulur shumë, pasi një kilogram kokainë sot shitet 20 mijë euro.

Pjesë nga biseda:

Karamuço: Që nga 2016-ta ne njohëm ulje pothuajse drastike të kultivimit të kanabisit por ky vit ka bërë një ndryshim, se di ndoshta për çfokusimin e Policisë së Shtetit e cila më shumë u mor me menaxhimin e zgjedhjeve vendore. Ka një shtim të kultivimit të lëndës narkotike vendase kanabis sativa. Këtë vit është shtuar shumë, si asnjëherë më parë nga 2016-ta dhe prandaj kanë filluar edhe operacionet e policisë që janë përqendruar në veri më së shumti, por edhe në Shqipërinë e Mesme, në Krujë, por edhe në Shqipërinë e Jugut ka një shtim të kultivimit.

Xhokaxhi: Si përcaktohet çmimi i kokainës?

Karamuço: Nëpërmjet grosistëve të cilët prononcohen nën zë që një kile kokainë në Shqipëri kushton sot 20 mijë euro, ndërkohë që më parë kushtonte 27 deri 32. Do të thotë që ka një sasi shumë të madhe brenda vendit, nuk është se kjo sasi konsumohet brenda vendit, por kjo sasi përpunohet e më pas kalon nëpër linja të tjera për t’u konsumuar në vende të BE-së. Është alarmante, do të thotë që ka një sasi përtej asaj të parashikuar. Ka laborator që përpunohet, disa janë kapur, disa po hetohen, disa do të kapen në ardhmen. Ne e shikojmë në dozat me pakicë që përdoren nga ana e qytetarëve që ka rënë shumë çmimi.

The post “Po mbyt tregun”, eksperti tregon se sa ka shkuar kilogrami i kokainës në Shqipëri appeared first on Albeu.com.

Goma natyrale, një nga përbërësit kryesorë të gomave, është lateksi i bardhë qumështor. Gomat e para të makinave, biçikletave dhe motoçikletave të prodhuara në masë ishin të bardha, por ato nuk qëndruan.

Sot, deri në 200 përbërës përdoren për të prodhuar një gomë moderne. Karboni i rafinuar, një nënprodukt i djegies jo të plotë të qymyrit dhe naftës, është një përbërës kyç. Prodhuesit e gomave kanë zbuluar se shtimi i karbonit të zi, poliesterit, metaleve dhe përbërësve të tjerë sintetikë në lateks natyral ndihmon që gomat të performojnë më mirë dhe të zgjasin më gjatë.

Përveç rritjes së konsiderueshme të kilometrazhit dhe qëndrueshmërisë së gomave, karboni i zi gjithashtu mbron gomat nga kalbja e thatë, përmirëson trajtimin, stabilitetin, frenimin dhe konsumin e karburantit, shpërndan shpejt nxehtësinë nga thelbi dhe shkelja e gomës, duke rritur jetëgjatësinë e saj dhe lëshon statike elektricitet.

Në automjetet e sotme të mbushura me pajisje elektronike shumë të ndjeshme, elektriciteti statik mund të dëmtojë shpejt pajisjet elektronike të shtrenjta.

Në të kaluarën, gomat e makinave ishin në dispozicion në ngjyra të tjera përveç të zezës, por njerëzit rrallë i blinin ato. Gomat portokalli, blu, të verdha dhe jeshile performuan po aq mirë sa gomat e zeza dhe plotësuan të gjitha standardet e sigurisë rrugore dhe të performancës në SHBA. Por ata kurrë nuk u bënë të njohur.

The post Dikur gomat ishin të bardha, kjo është arsyeja pse u bënë të zeza appeared first on Albeu.com.

Specialistët për Hetimin e Narkotikëve, në vijim të punës për goditjen e paligjshmërisë, kanë goditur një rast të shpërndarjes së drogave të forta, në doza.

Në rrugën “Prokop Mima”, shërbimet e Policisë kanë arrestuar në flagrancë shtetasin D. S., 22 vjeç, pasi gjatë kontrollit fizik nga shërbimet e Policisë, iu gjet dhe iu sekuestrua, një sasi lënde e dyshuar narkotike, e llojit kokainë. Pas verifikimeve të kryera ka rezultuar se shtetasi D. S., pasi siguronte lëndën narkotike të llojit kokainë, e ndante atë më pas dhe e shiste në doza, në rrugën “Prokop Mima”.

Gjithashtu, specialistët e Seksionit për Hetimin e Narkotikëve arrestuan në flagrancë shtetasin A. N., 22 vjeç, banues në Tiranë, për veprën penale “Prodhimi dhe shitja e narkotikëve”, si dhe u proceduan në gjendje të lirë shtetasit: S. B., 23 vjeç, për veprën penale “Prodhimi dhe shitja e narkotikëve”, dhe R. Z., 40 vjeç, për veprën penale “Përshtatja e lokalit për përdorim droge”.

Gjatë kontrollit në ambientet e lokalit të shtetasit R. Z., të cilin ky shtetas e kishte përshtatur për përdorim droge, nga shërbimet e Policisë, shtetasit A. N. iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit kokainë, ndërsa shtetasit S. B. iu gjet dhe iu sekuestrua një sasi e vogël lënde e dyshuar narkotike cannabis sativa.

Materialet i kaluan Prokurorisë, për veprime të mëtejshme procedurale./albeu.com

The post Gati për t’u shitur, policia arreston 22-vjeçarit në Tiranë, si iu zbulua “e bardha” pas kontrollit në lokal appeared first on Albeu.com.

 E bardha e vezës

E bardha e vezës është guaska mbrojtëse dhe e pasur me lëndë ushqyese. Pavarësisht se shfaqet si një lëng i thjeshtë, i trashë, albumina është e përbërë nga tre shtresa: vetëm shtresa e brendshme, që është më afër të verdhës është e dendur dhe e trashë. Dy të tjerat, më të jashtmet janë të lëngëta.

Albumina në pjesën më të madhe është e përbërë nga uji: rreth 90% të peshës së njëjtë.

E bardha e vezës është një ushqim tepër i hollë: ndryshe nga e verdha, praktikisht është pa yndyrna dhe madje, sasia e karbohidrateve është e papërfillshme.

Interesante është edhe përmbajtja e kripërave minerale, veçanërisht magnezit, kaliumit dhe natriumit dhe vitaminave të grupit B. Albumina e një veze të mesme peshon rreth 35 g dhe siguron rreth 43 kcal.

Proteinat e të bardhës së vezës, ovalbumina, kanë një vlerë të shkëlqyer biologjike, ato janë të pasura me aminoacide esenciale. Si për arsye higjienike, ashtu edhe për të ndihmuar tretjen, është mirë të konsumoni të gatuar të bardhën e vezës: albumina përmban një proteinë, të quajtur ovoucoid, e cila pengon aktivitetin e proteolitik të enzimës tretëse në zorrën tonë. Albumina gjithashtu përmban një tjetër substancë proteinike, avidinën, e cila pengon thithjen e biotinës ose vitaminës H.

E verdha e vezës

E verdha e vezës është e pasur në proteina e vitamina dhe kërkimet shkencore kanë treguar se ushqimet me nivel të lartë të kolesterolit nuk rrisin domsdoshmërisht kolesterolin në gjak. Vezët janë të dobishme për të ngritur nivelet e kolesterolit të mirë HDL . E verdha e vezës është e pasur me lutein karotenoideve dhe zeaxanthin, të cilat ndihmojnë në shëndetin e syrit .

E verdha e vezës përmban proteina, hekur, antioksidantë, vitamina, B2, B5, B12 dhe vitaminë D.

Çfarë ndihmon e verdha e vezës?

• Memorien

Për të përmirësuar memorien, duhet të konsumoni 1-2 të verdha veze çdo ditë, për 4 javë rresht. Bëni një pushim tri javor dhe më pas përsëriteni trajtimin.

• Kancerin e gjoksit

Studimet kanë treguar se gratë që konsumojnë rregullisht të verdhat e vezëve kanë më pak gjasa për kancer të gjoksit.

• Për flokë të shëndetshëm

Konsumoni të paktën 5 vezë në javë, nga 1-3 muaj. Ky trajtim do të rrisë flokët tuaja në mënyrë natyrale dhe të shëndetshme.

• Ilaç për gratë shtatzënë

Duke qenë se përmban hekur, vitaminë D dhe një sërë vitaminash B. Këto lëndë janë shumë të rëndësishmë për foshnjën që ende nuk ka lindur. Mamatë shtatzënë duhet të konsumojnë dy vezë të ziera çdo ditë, për 5 javë rresht.

• Lufton mbipeshën

Nëse ju konsumoni vezë çdo ditë, nuk shëndosheni, përkundrazi. Do të humbni në peshë. Bëni një trajtim 2 mujor me nga 1 vezë.

The post E bardha apo e verdha e vezës, cila është më e shëndetshme appeared first on Albeu.com.