dy vajza Archives - Albeu.com

Aksident në Kosovë, lëndohen dy vajza, njëra në gjendje të rëndë

V K — Tue, 11 Jun 2024 10:45:44 +0000

Ditën e djeshme, një aksident me motoçikletë ka ndodhur në fshatin Dobroshec të Drenasit të Kosovës. Si pasojë dy persona (vajza), janë lënduar në këtë aksident.

Njëra nga ato është në gjendje të rëndë, ku i është nënshtruar një operacioni.

Kjo u bë e ditur për Klankosova.tv nga drejtori i Emergjencës Naser Syla.

“Njëra është transferuar në Mjekimin Intensiv Qendror”, tha Syla.

Ende nuk dihen detajet se si ka ndodhur ky aksident.

Klankosova.tv ka kontaktuar edhe me policinë e Kosovës, por deri në momentin e publikimit të rastit nuk ka pranuar ndonjë informacion.

Klankosova.tv do t’ju mbajë të informuar lidhur me rastin.

The post Aksident në Kosovë, lëndohen dy vajza, njëra në gjendje të rëndë appeared first on Albeu.com.

Benzema solli dy vajza në ceremoninë e Topit të Artë, ishin dhe të dashurën aktuale

admin — Tue, 18 Oct 2022 18:33:13 +0000

Francezi Karim Benzema, i zgjedhur si lojtari më i mirë i vitit, la të kuptohet pa vëmendje për publikun pse ishte i pari, ai u shfaq në ceremoninë e shpalljes së rezultateve me dy vajza njëherësh, një ish të dashurën dhe një aktuale.

Me sa duket, me të parën, ai arriti të ruante marrëdhënie miqësore jo me fjalë, por me vepra, dhe vajza aktuale, siç thonë ata, “hyri në mënyrë perfekte në pozicion. Epo, ju gjithashtu duhet të dini se si.

Kujtojmë se për herë të parë në karrierën e tij, Benzema u shpall lojtari më i mirë i vitit sipas revistës autoritare France Football, ai luan për Real Madridin që nga viti 2009. /G.D albeu.com/

The post Benzema solli dy vajza në ceremoninë e Topit të Artë, ishin dhe të dashurën aktuale appeared first on Albeu.com.

Rrezikuan të mbyteshin, shpëtohen dy vajza në Spille

E S — Wed, 31 Aug 2022 10:45:26 +0000

Ditën e sotme dy vajza janë shpëtuar nga mbytja në plazhin e Spillesë. Bëhet fjalë për një vajzë të mitur 13-vjecare dhe një tjetër 20-vjecare. Të rejat ishin futur për tu larë por fatkeqesisht nuk kanë mundur që të dilnin nga uji. Mësohet se në plazh nuk ka pasur asnjë vrojtues plazhi ndërsa vajzat janë [...]

Pretendonin se ishin vajzat e Maradonës, dalin përgjigjet e ADN-së

admin — Thu, 23 Jun 2022 07:17:24 +0000

Pritja mbaroi dhe më në fund u bënë të ditura rezultatet e ADN-së së Eguenia Laprovittola dhe Magali Gil, të cilat donin të dinin nëse ishin vajzat e Diego Maradonës, i cili vdiq më 25 nëntor 2020.

Tani, sipas informacioneve që u konfirmuan në “La Nacion” mga Mario Baudry, partneri dhe avokati i Veronica Ojeda, nëna e djalit më të vogël Diez, asnjëra prej tyre nuk është vajza e legjendës së futbollit.

“Ne e prisnim këtë rezultat sepse në këtë rast nuk ka asnjë fakt konkret apo juridik që tregon se ato ishin vajzat e Diegos”, siguroi avokati. Nga ana tjetër ai vazhdoi: “Nuk ka asnjë dëshmitar, asnjë histori që i vendos nënat e tyre me Diegon. Me kërkesën tonë, ekspertiza është shumë e plotë, ndaj i kemi i hequr të gjitha dyshimet. Ekspertiza është përfundimtare, ato nuk janë fëmijët e Diegos”.

Në dokumentet gjyqsore që përcaktojnë lidhjen biologjike, u përcaktua se profilet gjenetike të Maradonës me Gil dhe Laprovittola nuk janë të përputhshme.

Dokumentet thonin se rezultatet e vëzhguara përjashtojnë Diego Armando Maradonën si babai i mundshëm i Magali Alejandra Gil dhe Eguenia Mailen Laprovittola./ h.ll/albeu.com

The post Pretendonin se ishin vajzat e Maradonës, dalin përgjigjet e ADN-së appeared first on Albeu.com.

Kanadaja vendos sanksione ndaj vajzave të Putinit

A M — Tue, 19 Apr 2022 16:26:23 +0000

Kanadaja ka vendosur sanksione ndaj dy vajzave të rritura të Vladimir Putin duke iu bashkuar kështu edhe sanksioneve të Britanisë së Madhe, BE-së dhe SHBA-së

Në përgjigje të luftës së Rusisë kundër Ukrainës, Kanadaja njoftoi sot se ka vendosur sanksione të reja ndaj 14 bashkëpunëtorëve të ngushtë të regjimit rus, përfshirë dy vajzat e rritura të presidentit rus Vladimir Putin, thuhet në një njoftim nga Global Affairs Canada, shkruan CNN.

“Kanadaja vazhdon të qëndrojë pranë burrave dhe grave të guximshme që luftojnë për lirinë e tyre në Ukrainë. Ne do të vazhdojmë t’i imponojmë kosto të rënda regjimit rus në koordinim me aleatët tanë“, tha Ministrja e Jashtme kanadeze Mélanie Joly.

“Ata do të përgjigjen për krimet e tyre.”

Global Affairs Canada vuri në dukje se Kanadaja synon të zbatojë masa të mëtejshme në përgjigje të “mizorive serioze dhe shkeljeve të të drejtave të njeriut në Ukrainë, duke përfshirë krimet e luftës dhe krimet e mundshme kundër njerëzimit”./albeu.com

The post Kanadaja vendos sanksione ndaj vajzave të Putinit appeared first on Albeu.com.