Dy të plagosurit ndodhen jashtë rrezikut për jetën në spitalin e Shkodrës, ndërsa secili kanë marrë nga dy plumba në trup.

Të dëmtuarit janë qëlluar me 106 plumba, mbi katër karikatorë automatiku por duke shpëtuar mrekullisht.

Pas ngjarjes së rëndë tre automatikë kallashnikov, janë gjetur në automjetin e djegur të autorëve ndërsa janë sekuestruar nga policia si provë materiale.

Dy prej automatikëve që janë përdorur u gjetën në sedilen e përparme, ndërsa arma e tretë automatik është gjetur në bagazh dhe mendohet se ishte rezervë.

Po ashtu, autorët dyshohet se kanë qenë të maskuar ndërsa nga pamjet e kamerave të sigurisë, është e paqartë nëse kanë qëlluar pasi kanë dalë nga makina e tyre apo nga brenda makinës.

Nga kamerat nuk është arritur të bëhet identifikimi, për shkak se autorët nuk dalin në pamje.

Ndërkohë polici Gjergj Ndërshtiqaj ka patur armën e shërbimit me vete, por nuk e ka përdorur pasi nuk ka arritur që të kundërpërgjigjet.

Të plagosurit janë qëlluar sapo kanë dalë nga makina e tyre, e cila nga plumbat e shumtë mori flakë.

Në momentin që ka nisur breshëria e plumbave polici dhe kunati i tij, janë fshehur pas automjetit të tyre ndërsa i treti që nuk u plagos, ka arritur që të largohet në një fushë aty afër duke humbur mes errësirës.

Autorët me një automjet fouristradë pa targa, dyshohet se i kanë ndjekur të plagosurit nga mbrapa dhe këta të fundit pasi janë ndalur në afërsi të një lokali menjëherë i kanë qëlluar.

Të dëmtuarit janë shprehur pasi janë marrë në pyetje se nuk kanë arritur që të shohin se kush ishin autorët.

Sipas burimeve policore, objektivi ka qenë shtetasi Gjon Nika. Ndërkohë në Shkodër menjëherë pas kësaj ngjarje të rëndë, ka mbërritur drejtori i përgjithshëm i policisë së shtetit Muhamet Rrumbullaku, duke qenë në krye të hetimeve.

Është ende e paqartë se cili është motivi i kësaj ngjarje të rëndë. Policia ka shoqëruar disa persona por pa arritur ende tek autorët e dyshuar.

The post Atentati me dy të plagosur në Shkodër, ҫfarë thotë policia appeared first on Albeu.com.

Mësohet se studentit i plagosur është Dedë Ndërshtiqa, vëllai i drejtorit të Drejtorit të Drejtorisë së Transportit Rrugor.

Ndërkaq, i plagosuri i dytë është kunati i efektivit.

Forca të shumta policie janë nisur më drejtim të vendit të ngjarjes.

The post Shkodër/ Të shtëna me armë zjarri, dy persona mbetën të plagosur, mes tyre dhe një student i Akademisë së Policisë appeared first on Albeu.com.

Mësohet se ngjarja ka ndodhur në aksin Lezhë-Shkoër ku një automjet ka dalë nga rruga.

Personat e plagosur janë dërguar në spital për të marrë ndihmë mjekësore, ndërsa njëri prej tyre ndodhet në gjendje të rëndë shëndetësore.

Ende nuk dihen shkaqet që çuan në këtë aksident, ndërsa policia dhe grupi hetimor ndodhen në vendngjarje dhe po hetojnë./Albeu.com.

The post Aksident në Lezhë-Shkodër, dy të plagosur, një në gjendje të rëndë appeared first on Albeu.com.

Lajmin e bëjnë të ditur mediat greke, të cilat thonë se shpërthimi ndodhi pasditen e së hënës në shkollën e 9-të fillore të Serresit.

Burimet bëjnë të ditur se fëmija që humbi jetën ishte nxënës i klasës së 6-të., ndërsa dy fëmijët e plagosur lehtë janë të moshës 6 dhe 9-vjeç dhe janë dërguar në spital.

Deri më tani dihet vetëm se shpërthimi ndodhi në një kaldajë, por nuk janë bërë ende të ditura shkaqet e shpërthimit.

Si pasojë e shpërthimit të ndodhur gjatë pushimit, pjesët e murit dhe një derë metalike janë hedhur tridhjetë metra larg, duke rënë mbi fëmijët dhe duke i plagosur.

Ndërkohë po punohet për zbardhjen e plotë të ngjarjes dhe nxjerrjen e autorëve para përgjegjësisë.

The post Shpërthim i fuqishëm pranë një shkolle fillore në Greqi, humb jetën një fëmijë dhe plagosen dy të tjerë appeared first on Albeu.com.

Ngjarja ka ndodhur gjatë natës të së dielës në kampusin kryesor të shkollës në Charlottesville, ndërsa një autobus kthehej nga një ekskursion.

“I dyshuari, Christopher Darnell Jones Jr., përballet me tre akuza për vrasje të shkallës së dytë”, u tha gazetarëve shefi i policisë UVA Timothy Longo Sr.

Të vrarët ishin Devin Chandler, Lavel Davis Jr. dhe D’Sean Perry, të gjithë anëtarë të ekipit të futbollit UVA. Dy studentët e plagosur po trajtohen në Qendrën Mjekësore UVA, ku njëri është në gjendje kritike dhe tjetri jashtë rreziku për jetën.
Policia nuk ka dhënë ende një motiv për sulmin.

Të paktën 68 raste të të shtënave në shkollat amerikanë janë rregjistruar që nga janari i këtij viti, duke përfshirë 15 raste në kampuset e Universiteteve, raporton CNN.

Në të gjitha rastet, ka qenë të paktën një person që është qëlluar.

Sulmi më vdekjeprurës në shkollë në historinë moderne të SHBA mbetet sulmi i vitit 2007 në Virginia Tech në Blacksburg, ku një student 23-vjeçar vrau 32 persona përpara se të vetëvritej.

The post Tragjedia me tre studentë të vdekur dhe dy te plagosur, arrestohet autori i masakrës në SHBA appeared first on Albeu.com.

Sipas Guardian, Kyrylenko tha se forcat ruse lëshuan gjithashtu dy sulme me raketa në qytetin e Kramatorsk, me katërmbëdhjetë raketa gjithsej të drejtuara në zonën industriale. Informacioni për viktimat dhe infrastrukturën e dëmtuar nga Kramatorsk është ende i padisponueshëm.

Granatimet në periferi të fshatrave në komunitetin Ocheretyn dëmtuan linjat e energjisë elektrike, ndërsa bastisjet në periferi të fshatrave në Kurakhovo shkatërruan një shtëpi private.

“Është e rrezikshme të qëndrosh në rajonin e Donetskut. Evakuoni në kohë,” paralajmëroi ai.

Ndërkohë, forcat ruse shkatërruan katër shtëpi në Kurdyumiyka, dëmtuan një tjetër dhe vranë bagëti në Nelipiyka. Kyrylenko vuri në dukje se “granatimet e Torskyi dhe Zarichnyi në komunitetin Lymansk nuk ndalen”.

The post Sulmet ajrore ruse, Guvernatori i Donetsk: Një person është vrarë dhe dy janë plagosur në Bakhmut appeared first on Albeu.com.

Autorët dyshohet se janë tre. Fatmir dhe Besnik Mjeshtri janë vënë në pranga, ndërsa Fiqiri Mjeshtri është vetëvrarë.

Konfliktet e vazhdueshme mes dy fiseve kanë sjelle një masakër në mes të Klosit.

Njoftimi i policisë:

Klos/Informacion paraprak

Në qytetin e Klosit, dyshohet se shtetasi F. M., 39 vjeç, në bashkëpunim me dy vëllezërit e tij, ka vrarë me armë zjarri, për motive të dobëta, shtetasin K. Sh., 17 vjeç, si dhe kanë plagosur shtetasit I. Sh., 46 vjeç (babai i 17-vjeçarit), R. H., 14 vjeç dhe E. H., 39 vjeç (babë e bir).

Të tre të plagosurit janë transportuar në spital, për ndihmë mjekësore. Si pasojë e plagëve të marra, shtetasi I. Sh. ka humbur jetën në spital.

Shërbimet e Policisë, menjëherë pas marrjes së njoftimit kanë rrethuar zonën, kanë bllokuar hyrje-daljet e qytetit të Klosit dhe kanë ushtruar kontrolle në banesa, lokale dhe në ambiente të tjera.

Gjatë kontrollit të zonës, shërbimet e Policisë kapën dhe shoqëruan në ambientet e Policisë, shtetasin F. M., 44 vjeç dhe vëllanë e tij, shtetasin B. M., bashkëpunëtorë në këtë ngjarje.

Gjithashtu, gjatë kontrollit të zonës, shërbimet e Policisë kanë gjetur të pajetë, dyshohet të vetëvrarë, autorin kryesor të kësaj ngjarjeje, shtetasin F. M., 39 vjeç.

Grupi hetimor, nën drejtimin e Prokurorisë pranë Gjykatës së Rrethit Gjyqësor Mat, vijon punën për sqarimin dhe zbardhjen e rrethanave të ngjarjes.

The post Masakra në Klos, rëndohet situata e dy të plagosurve: Nisen drejt Tiranës appeared first on Albeu.com.

 Një ngjarje e rëndë ka ndodhur pak më parë në Klos, ku pas të shtënave me armë zjarri, ka ndërruar jetë një 17 vjeçar dhe raportohet se janë plagosur dy të tjerë.

Viktima ka mbetur i shtrirë në trotuar, ku më pas është mbuluar me batanije.

Shkaqet e ngjarjes së rëndë nuk dihen ende, dhe as gjendja e të plagosurve.

Sipas dëshmitarëve policia ka ardhur në venngjarje me vonesë./albeu.com

The post Të shtënat me armë zjarri në Klos, viktima një 17 vjeçar: Nuk dihen shkaqet dhe gjendja e të plagosurve appeared first on Albeu.com.

Oficerët e policisë rrethuan ndërtesën dhe hynë të armatosur në godinë menjëherë pasi u ngrit alarmi.

“Ka pasur të shtëna. Jemi në vendngjarje me një numër të madh burimesh dhe e kemi rrethuar vendin, thotë Jimmy Modin, zëdhënës i shtypit në qendrën komanduese të policisë.

Sipas informacioneve paraprake një i dyshuar është arrestuar në lidhje me ngjarjen, i cili është i moshës 15-vjeç.

Jashtë qendrës tregtare ka shumë të rinj, shumë prej tyre të mërzitur. Ata tregojnë se si panë oficerët e policisë që vinin duke vrapuar të armatosur dhe se si qindra njerëz vrapuan nga qendra tregtare.

Përforcime policore nga Helsinborgu kanë shkuar gjithashtu në vendngjarje. Një dëshmitare e quajtur Malin Ëeibull ishte brenda qendrës tregtare kur shpërthyen të shtënat.

“Ne u ulëm në tokë dhe pastaj njerëzit filluan të vrapojnë. Ata bërtitën se ka të shtëna, ka të shtëna”, rrëfeu ajo.

Ndërkohë, Josef Jaber ndodhej në qendër me babanë dhe motrën e tij. “Ishim në dyqanin e Apple për të rregulluar një celular, ata qëlluan në të njëjtin kat. Dëgjuam rreth pesë të shtëna. Pastaj njerëzit filluan të vrapojnë. Njerëzit që punojnë në dyqan bërtisnin se po dilnim. Njerëzit qanin. Ishte e frikshme”, thotë ai.

The post Panik në një qendër tregtare në Suedi, 15-vjeçari i armatosur plagos dy persona appeared first on Albeu.com.

Lajmin për Gazetën Express e ka konfirmuar zëdhënësja e Policisë së Kosovës për rajonin e Mitrovicës së Jugut, Fexhrije Pllana, e cila tha se se nga të shtënat me armë zjarri janë plagosur tre persona, ku njëri nga ta nuk arriti që t’u mbijetojë plagëve të marra.

Ngjarja është raportuar në Polici rreth orës 19:04.

Sipas saj, dy të plagosurit tjerë janë jashtë rrezikut për jetë dhe janë dërguar në QKUK për trajtim mjekësor. /Gazeta Express

The post Kërcet arma në Ferizaj, një i vdekur dhe dy të plagosur appeared first on Albeu.com.