Sulmuesi ganez i Egnatias pësoi arrest kardiak në fushë në minutën e 24-t të ndeshjes, por nuk arriti të mbijetojë edhe pse ndihma mjekësore ishte e shpejtë.

Klubi rrogozhinas po kushton një ceremoni homazhi ish-sulmuesit dhe kapitenit të tyre, ku janë bërë gati gjithçka, ku mes tyre është edhe kjo fotoja përkujtimore.Klubi i ka kushtuar edhe një këngë përkujtimore ish-kapitenit të ndjerë. Të dy ekipet hynë në fushë me fanellën ku është stampuar fotoja e Duamenës.

Të dy ekipet shkuan dhe vendosën lule te fotoja e ganezit dhe në fund përfaqësuesit bënë një foto në nderë të sulmuesit të ndjerë, ceremoni që u shoqërua me duartrokitjet e të pranishmëve. Para ndeshjes u mbajt edhe një minutë heshtje në nder të Duamenës./albeu.com

The post Homazhe për Duamenën, klubi i Egnatias i kushton këngë Rafaelit: Kapiteni ynë legjendar appeared first on Albeu.com.

Ditën e shtunë u mbajt edhe ceremonia mortore ku ish-futbollisti u përcoll për në banesën e fundit. Dwamena ishte një nga lojtarët e huaj më të spikatur që ka luajtur ndonjëherë në futbollin shqiptar, por problemet në zemër rezultuan fatale për fatet e 28-vjeçarit që humbi jetën në terrenin e gjelbër.

The post Humbi jetën pasi pësoi atak kardiak në fushë, përcillet për në banesën e fundit Dwamena appeared first on Albeu.com.

Me dorën në zemër dhe me sytë e përlotur me drejtim nga qielli, lojtarët e Egnatias u kthyen në fushë për të vazhduar përgatitjet. Skuadra e drejtuar nga Edlir Tetova tashmë ka një arsye më shumë për të fituar kampionatin, natyrisht diçka e tillë do synohet në nder të yllit ganez që u shua papritur në moshën 28-vjeçare. Raphael Dwamena shënoi jo pak por 20 gola për ekipin shqiptar. Ish-kapiteni ka mbajtur veshur më parë fanellën e Vejle, Levante apo Zaragoza.

The post Mes dhimbjesh dhe lotësh, Egnatia rikthehet në stërvitje pas vdekjes së Dwamena-s appeared first on Albeu.com.

Tashmë mbetet vetëm publikimi i shkakut të vdekjes së tij, i cili ishte pa jetë kur u transportua në spital.

Pas kërkesës së familjarëve, nuk do të ketë homazhe në klubin e Egnatias.

Trupi i pajetë i sulmuesit është nisur menjëherë drejt Ganës, në mënyrë që të varroset në vendlindje.

Ishte babai i të ndjerit që ka bërë apel në Ganë dhe federata e këtij vendi së bashku autoritetet e tjera kanë bërë të mundur që trupi i Dwamena-s të niset sa më shpejt drejt vendlindjes së tij./albeu.com

The post Përfundon ekspertiza mjekësore, trupi i pajetë i Dwamenës niset drejt vendlindjes appeared first on Albeu.com.

Dhimbja është e madhe për 28-vjeçarin, që pësoi arrest kardiak dhe ndërroi jetë gjatë ndeshjes së javës së 13-të në Superligë. Në Ganë, motra e tij më e vogël dhe e ëma kanë dhënë një intervistë për Onua TV.

Dëshpërimi te e motra e ish-kapitenit të Egnatias ka qenë i madh, me Yyonne që u desh të nxirrej me urgjencë nga studio dhe të dërgohej në spital pasi humbi ndjenjat.

Paçka se e ëma e kishte braktisur në vegjëli dhe sulmuesi u rrit nga gjyshja, ata së fundmi kishin vendosur kontakte mes tyre.

Sipas motrës së tij, ajo foli me të të enjten para ndeshjes së tij të shtunën dhe i uroi fat. Nëna e tij tha gjithashtu se ajo foli me të në të njëjtën ditë dhe madje u lutën së bashku. Të dy thanë se nuk folën me të të premten sepse një ditë para ndeshjes ata e lejuan atë të pushonte.

Motra e Dwamena tha se të shtunën, nëna e saj e telefonoi dhe i kërkoi të kontrollonte rrjetet sociale sepse kishte dëgjuar lajme të këqija për Dwamenan. Gjatë rrëfimit, motra e Dwamenas nuk mund të vazhdonte më dhe ata u larguan nga studio për t’i dhënë asaj kujdesin e duhur mjekësor.

The post VIDEO/ Motra e Raphael Dwamena humb ndjenjat gjatë intervistës në TV, dërgohet me urgjencë në spital appeared first on Albeu.com.

“Ne kemi qarë shumë kur dëgjuam lajmin, por kemi besim te Zoti se do të na japë forcë,” tha Patrick Amoako Sefa, babai i Dwamenës në një intervistë për Peace FM.

Ai i bëri thirrje Shoqatës së Futbollit të Ganës dhe qeverisë për mbështetje financiare për dërgimin e trupit drejt atdheut të futbollistit.

“Kemi folur me bashkëshorten e tij dhe na tregoi se atje (Shqipëri) po merrnin masa për të siguruar një fluturim për ta sjellë trupin në Ganë. Por ne kemi nevojë për ndihmë për ta sjellë trupin në Ganë. Ne po i bëjmë thirrje Federatës së Futbollit të Ganës dhe të gjithë personave që të na ndihmojnë”, tha ai.

Kapiteni 28-vjeçar i Egnatias vdiq të shtunën, më 11 nëntor 2023, pasi humbi ndjenjat gjatë sfidës me Partizanin.

Raphael Dwamena, i cili kishte një histori të dokumentuar të problemeve të zemrës, u rrëzua në fushë dhe ndërroi jetë teksa po transportohej në spital me një ambulancë./albeu.com

The post “Kemi qarë shumë”, babai i Dwamenës thyen heshtjen: Më ndihmoni për ta sjellë trupin e tij në shtëpi appeared first on Albeu.com.

Dhimbja është e madhe në klubin që kryeson Superligën, me kolegët e tij që janë prej ditësh në lot.

Tanimë Donald Mëllugja, shoku i tij i ekipit ka përjetësuar kujtimin e sulmuesit duke e bërë tatuazh. “Pusho në paqe”, shkruhet në tatuazhin me imazhin e Dwamenas, si edhe datën e ndarjes nga jeta, 11.11.2023.

The post Futbollisti i Egnatias bën tatuazh Dwamenën: Gjithmonë me ne Rafa! (FOTO) appeared first on Albeu.com.

Futbollistët mund të kenë sëmundje të zemrës të padukshme, si aritmia kardiake, që mund të shkaktojnë arrestit kardiak në momente të stresit fizik të lartë, siç është loja e futbollit. Futbolli është një sport me intensitet të lartë fizik, ku futbollistët pësojnë stres të madh në zemër dhe sistemin kardiovaskular.

Kjo mund të shkaktojë probleme në zemër dhe të rrisë rrezikun e arrestit kardiak. Gjithashtu traumat në gjoks janë një faktor risku pasi goditjet e forta në gjoks, siç janë ato që ndodhin në futboll, mund të shkaktojnë dëmtime në zemër dhe të rrisin rrezikun e arrestit kardiak.

Ka disa futbollistë të njohur që kanë vdekur në fushën e futbollit pasi kanë pësuar goditje në zemër.

Marc-Vivien Foé

Futbollisti kamerunez vdiq në vitin 2003 gjatë një ndeshjeje në Kupën e Konfederatave. Ai u rrëzua në fushë pa shenja të dukshme të dëmtimit, por më vonë u zbulua se kishte pësuar një goditje të rëndë në zemër. Ishte 28 vjeç.

Miklós Fehér

Futbollisti hungarez vdiq në vitin 2004 gjatë një ndeshjeje në Portugalinë. Ai u rrëzua në fushë pas një goditjeje në zemër dhe nuk mundi të ringrihej. Ai ishte 24 vjeç.

Antonio Puerta

Futbollisti spanjoll ra në fushë pasi pësoi disa arreste kardiake në në një ndeshjeje në Ligën e Kampionëve. Ai pësoi një kolaps në fushë dhe u diagnostikua me ndërprerje të rrjedhjes së gjakut në zemër. Ai vdiq më 28 gusht 2007 i prekur nga kardiomiopatia aritmogjene , tre ditë pasi pësoi kolapsin në fushë. Ai ishte 22 vjeç.

Phil O’Donnell

Futbollisti skocez vdiq në vitin 2007 gjatë një ndeshjeje në Kampionatin Skocez. Ai pësoi një kolaps në fushë dhe u zbulua se kishte një problem me zemrën. O’Donnell ishte 35 vjeç.

Endurance Idahor

Futbollisti nigerian vdiq në vitin 2010 gjatë një ndeshjeje në Kampionatin e Libisë. Ai u rrëzua në fushë pas një goditjeje në zemër dhe nuk mundi të ringrihej. Ishte 25 vjeç.

Piermario Morosini

Futbollisti italian më 14 prill 2012, gjatë një ndeshjeje ndërmjet Pescara-s dhe Livornos, pësoi një arrest kardiak fatal në fushë. Ai ishte 25 vjeç dhe më vonë autopsia zbuloi se kishte një problem me zemrën.

Raphael Dwamena

Futbollist ganez ish-lojtar i Levantes dhe Real Zaragozas. Gjatë kontrolleve mjekësore atij iu konstatua një problem në zemër dhe për këtë arsye iu këshillua të mos luante më futboll. 28-vjeçari, golashënuesi më i mirë i Egnatias u rrëzua në minutën e 25 të ndeshjes, e më pas për shkak të gjendjes u dërgua drejt spitalit të Durrësit, ku dhe nuk ka mundur të mbijetojë. Ai vdiq më 11 nëntor në Shqipëri dhe shkak ishte një aritmi kardiake.

Pas rasteve të përsëritura, për të parandaluar vdekjet e futbollistëve në fushën e futbollit për shkak të arrestit kardiak, janë marrë disa masa preventive nga institucionet e futbollit në vende të ndryshme të botës.

Së pari klubet janë të detyruara të kryejnë teste mjekësore. Futbollistët profesionistë dhe amatorë duhet t’i nënshtrohen testeve mjekësore të rregullta për të identifikuar sëmundjet e zemrës dhe faktorët e rrezikut të lidhur me zemrën që të kenë rrugën e hapur për një karrierë futbollistike.

Gjithashtu një pjesë e rëndësishme e programit stërvitor për futbollistët ka të bëjë me zvogëlimin e stresit në zemër dhe për të rritur rezistencën kardiovaskulare. Në stadiumet dhe fushat e futbollit, duhet të jenë të disponueshëm aparate defibrilatorë për të trajtuar menjëherë arrestit kardiak nëse ndodh.

Edukimi dhe ndërgjegjësimi zë një vend të rëndësishëm në çdo klub evropian. Futbollistët, trajnerët dhe stafi mjekësor edukohen për shenjat dhe simptomat e arrestit kardiak dhe për të mësuar teknikat e rikthimit të zemrës në rast emergjence.

Është e rëndësishme të theksohet se vdekjet e futbollistëve për shkak të arrestit kardiak janë shumë të rralla dhe ndodhin shumë rrallë në futbollin profesionist. Megjithatë, duke marrë masa preventive dhe duke qenë të përgatitur për të trajtuar emergjencat, mund të zvogëlohet rreziku dhe të parandalojë vdekjet e tilla tragjike.

The post Futbollistët që dhanë frymën e fundit në fushë nga arresti kardiak në dy dekadat e fundit appeared first on Albeu.com.

TEK OLD BOJS – Një i moshuar hyn në fushën sportive Margelaker në Mutenz dhe i emocionuar, i pyet të gjithë: “A po luan Damiani?” Si përgjigje merr shikimet e të gjithëve dhe një heshtje totale. “Ai, Damiani, që luante me Zyrihun”, shton gjyshi, që e kishte fjalën pikërisht për Rafael Duamenën.

Në fakt, po. Duamena ishte në fushë në atë 22 tetor të vitit të shkuar, në atë ndeshje të ligës së dytë ndërrajonale, ku luante për skuadrën e Old Bojs Bazel, në divizionin e pestë për nga rëndësia në Zvicër. Klasin e ganezit e shoqëronin tymueset e disa tifozëve adoleshentë, teksa në klub pyesin shumë shpesh se si një futbollist i tillë ka përfunduar në këtë skuadër.

FËMIJËRIA – Dhe Duamena nuk ngurron ta japë përgjigjen e tij, duke nisur që nga dita kur u prezantua me këtë botë. Gjithçka ka nisur në Nkaukau, një qytet i vogël në Gana. Rafaelin e rriti gjyshja e tij, teksa prindërit e pamartuar e braktisën. Kur u rrit, megjithëse ishte shumë vonë, ai i takoi sërish prindërit në momentin kur tashmë ishte bërë një lojtar i njohur në Gana dhe talenti i tij kishte marrë dhenë.

Në momentin kur takohet me prindërit, një nga pyetjet që i bëri nëna e tij ishte: “Sa vjeç je fiks?” Ajo nuk e mbante mend se kur e kishte lindur djalin e saj, e kishte harruar. Përtej së gjithash, Duamena në asnjë moment nuk zgjodhi t’i pyeste prindërit për arsyen që e lanë atë të rritej me gjyshen tij. Arsyeja? Ai nuk donte të shfaqej mosmirënjohës ndaj gjyshes.

Ajo ishte një grua shumë e rreptë dhe autoritare. Besimtare e devotshme e krishterë dhe drejtoreshë e shkollës së zonës ku jetonte. Për të plotësuar të ardhurat e familjes, gjyshja e lejon Rafaelin e vogël të shesë akullore të bëra vetë.

FUTBOLLISTI I VOGËL – Nëse djaloshi e dashuronte futbollin, gjyshja mendonte të kundërtën. Sipas saj, futbolli është humbje kohe dhe se shkolla duhet të jetë në plan të parë. Sa herë gjyshen e zë gjumi, Rafaeli fshehurazi, pa ndier, del nga shtëpia dhe zbret në lagje për të luajtur futboll me fëmijët e tjerë.

Pavarësisht dashurisë së madhe të djaloshit për futbollin, gjyshja nuk e ndryshon mendimin e saj për një kohë të gjatë. Pikërisht aty në rrugë, kur luante me çunat e lagjes, një zbulues talentesh e pikas dhe e fton për një provë ditën e hënë. Por gjyshja shfaqet sërish, me argumentin se të hënën djali duhet të jetë në shkollë dhe nuk ka provë futbolli. Rafaeli dëshpërohet dhe kërkon nga të afërm e familjarë të shumtë të futen në rolin e ndërmjetësuesit për gjyshen, mes tyre edhe djali i saj, Patrik.

Pas negociatash të gjata, “padroni” bindet. Kur ishte vetëm 14 vjeç, xhaxhai i dhuron Duamenës këpucët e para të futbollit, një palë “Diadora” të verdha. Ata do të jenë thesari i tij më i ruajtur, thotë Rafaeli: “Kur i mora, nuk munda të flija gjithë natën. Më duhej të sigurohesha që këpucët të ishin ende aty në mëngjes”.

Më pas Rafaeli pranohet në akademinë lokale të Red Bullit. Kontrata e tij e parë ishte 100 euro në muaj. “Si një fëmijë, nuk dija çfarë të bëja me aq shumë para”, shprehet ai.

NË EVROPË – Pas tri vitesh në akademinë lokale, Red Bulli e dërgoi djaloshin e talentuar në Austri, në akademinë e Salcburgut. Luante me ekipin U-18. Europa i duket magjepsëse, por edhe e çuditshme. Në përgjithësi i pëlqen, po e jeton ëndrrën. Ndërkohë, karriera po lëviz me hapa galopantë. Ai evidentohet menjëherë si një djalë shumë punëtor dhe i lehtë për t’u kujdesur për të.

Në vetëm një rast ai doli nga vetja dhe kreu një veprim të papërshtatshëm për personin që ai ishte. Kundër Shën Poltenit ai krijoi një incident në fushë dhe u ndëshkua me karton të kuq. Më pas u dëshmua qartë se ai u fye me terma racistë.

Ky ishte kartoni i parë, nga dy në total në karrierën e djaloshit. Para pak javësh ndëshkohej për një ndërhyrje ndaj Najdovskit në sfidën me Tiranën. Ishte e paqëllimshme.

Ish-sulmuesi u ndie në faj dhe u kujdes t’i kërkonte falje disa herë kapitenit të Tiranës, që gjithashtu u tregua profesionist. Kthehemi sërish pas, kur në janar të vitit 2017, Duamena zbarkoi në Zyrih dhe menjëherë e ndihmoi skuadrën të ngjitej në Superligën e Zvicrës.

Pas një forme shpërthyese, klubi i Brajtonit nga Premier Liga interesohet për të dhe arrin akord paraprak për ta blerë për më shumë se 15 milionë franga. Mesditën e 22 gushtit, Duamena merr një telefonatë, ku i thonë se duhej të paketonte gjërat e tij dhe të lëvizë shpejt.

Avioni për në Angli do të ngrihej në mbrëmje. Agjenti i tij, Filip Degen, publikon një “selfie” me Duamenën në “Instagram” dhe shkruan: “Le ta bëjmë realitet ëndrrën e fëmijërisë tënde”. Në Angli i kishin bërë gati një kontratë 4-vjeçare, që do ta kishte bërë menjëherë të pasur. Një ditë pasi mbërrin në Angli, transferimi dështon.

The post Djaloshi i braktisur nga prindërit, e rriti gjyshja autoritare. Heqja e defibrilatorit dhe jeta e Rafael Dwamenës appeared first on Albeu.com.

Menjëherë paspërfundimit të ndeshjes së ekipit të tij, portieri i St. Gallen, Laurence Ati Zigi (26 vjeç) qëndroi në qendër të fushës duke qarë, teksa shokët e skuadrës e ngushëlluan.

“Kam humbur mikun tim më të mirë, jam tepër i trishtuar”, tha portieri i kombëtares ganeze pas ndeshjes në zonën mikse.

Poshtë fanellës, portieri Zigi kishte veshur një bluzë me mbishkrimin: “Pusho në paqe, Rafael”.

“Të dy e kanë njohur njëri-tjetrin që kur ishin të vegjël, ata erdhën në ‘Red Bull Academy’ për stërvitje së bashku”, tha trajneri i FCSG Peter Zeidler.

The post “Pusho në paqe Raphael!” Shoku i Dwamena i pikëlluar nga tragjedia: Kam humbur mikun tim më të mirë appeared first on Albeu.com.