Në pamjet e siguruara për BalkanWeb nga gazetarja Klodjana Haxhiaj, i riu shfaqet i buzëqeshur pas kafazit prej xhami.

Del i buzëqeshur para Gjykatës 25-vjeçari Marjan Kodheli, i cili vrau babain e tij, Pjetër Kodheli duke e goditur fillimisht me dru në kokë dhe më pas me thikë në zemër.

Krimi i rëndë në familje ndodhi rreth orës 13:00 të datës 28 Tetor në fshatin Shkallnur të Durrësit.

I riu raportohet se fillimisht ka qëlluar të atin, 69-vjeçarin me Pjetër Kodheli me dru në kokë dhe më pas ka marrë thikën duke e goditur në zemër, plagë që ka rezultuar fatale për jetën e tij.

25-vjeçari Marjan Kodheli, i cili dyshohet me probleme të shëndetit mendor u arrestua pas 2 orësh në arrati në lagjen nr. 13.

“Në vijim të informacionit të dhënë mbi vrasjen me mjet prerës (thikë) të shtetasit P. K., informojmë se, si rezultat i kontrollit intensiv, shërbimet e Forcës së Posaçme “Shqiponja” të Drejtorisë Vendore të Policisë Durrës mundësuan lokalizimin në lagjen nr. 13 dhe kapjen e autorit të dyshuar të vrasjes, shtetasit M. K., 25 vjeç (dyshohet me probleme të shëndetit mendor), djalit të shtetasit P. K..”, informuan blutë.

“Shqiponja”-t gjatë kontrollit i gjetën dhe i sekuestruan 25-vjeçarit në cilësinë e provës materiale thikën që përdori për kryerjen e krimit.

Babai s’pranoi që i biri të kurohej

Sipas burime nga grupi hetimor, familjarët kanë dëshmuar se 25 vjeçari kishte shkuar në spital dy vite më parë për t’u vizituar.

Mjekja i kishte rekomanduar që të bënte një vizitë me mjekë psikiatër për të parë gjendjen e tij mendore.

Por, sipas burimeve, as 25-vjeçari dhe as familjarë të tij nuk kanë pranuar me pretendimin se Marjan Kodheli s’kishte probleme të shëndetit mendor.

Babai i tij, 69-vjeçari Pjetër Kodheli, ka thënë në spital në atë kohë se i biri nuk kishte nevojë për kurim.

Ne fshat njiheshin si familje e qetë pa probleme, ndërsa autori i dyshuar i krimit kishte ikur herët në emigracion.

Dëshmia

Sipas të riut, ai ishte duke ngrënë bukë, por pretendon se babai, Pjetër Kodheli nuk po e linte rehat.

I riu thotë se nuk e mban mend pse ndodhi krimi, por thekson se që kur është kthyer nga emigracioni ka pasur debate me të atin.

“Ishim duke ngrenë buke dhe babai mu turr. Nuk me linte te haja buke i qete. Po nuk e mbaj mend pse ndodhi por kemi patur grindje te vazhdueshme qe kur jam kthyer nga Greqia para 6 muajsh.

Kam jetuar ne France jam me pasaporte franceze. Atje kam ndenjur rreth 6 vjet dhe me pas kam shkuar ne Greqi kam punuar 6 muaj. Nga Greqia kam ardhur ne shtëpi dhe isha i papune. Kemi patur debate me babanë. Sherri ndodhi teksa hanim dreke. Nuk e di si ndodhi mora thiken e qëllova”, ka treguar djali.

The post Vrau babanë, 25-vjeçari shfaqet i qetë dhe i buzëqeshur në gjykatë (VIDEO) appeared first on Albeu.com.

Sipas organit të akuzës më 10 Shkurt 2024, viktima Pëllumb Meta, mësohet se ka lënë punën dhe është kthyer në banesë në orët e para të mëngjesit.

Ndërsa rreth mesditës, teksa i ndjeri ka qenë në kuzhinën e banesës, djali i tij Hysen Meta, në prani edhe të të pandehurës Hygerta, ka marrë pistoletën duke qëlluar në drejtim të babait të tij katër herë.

Një prej plumbave nuk ka prekur trupin e viktimës, ndërkohë që tre prej tyre, një në kokë dhe dy në trup kanë rezultuar fatal, duke shkaktuar vdekjen e menjëhershme.

Të dy të pandehurit më pas kanë kryer veprime, jo vetëm për të zhdukur gjurmët e vrasjes nëpërmjet stukimit të vrimës në mur, spostimit të divanit në të cilin ka qenë i shtrirë viktima, kanë vazhduar nme mbështjelljen e trupit, groposjen e trupit të viktimës në kasollen e bagëtive e cila ndodhej disa metra larg banesës dhe më pas kanë vijuar me largimin automjetit nga banesa, zhdukjen e sendeve personale të viktimës si dhe zhdukjen e armës së krimit, informon Prokuroria.

Pas kryerjes së krimit, janë siguruar se të gjitha gjurmët që janë fshehur nga Hysen Meta.

Ai ka bërë kallëzim në polici duke paraqitur zhdukjen e babait si largim nga banesa me vullnetin e tij.

Gjatë gjykimit Hygerta Meta, është e vetmja nga të pandehurit që ka dhënë pëlqimin për t’u pyetur ku ka deklaruar se babain e ka vrarë vëllai i saj Hysen Meta në prani të saj.

Ndërkohë në mometin e kryerjes së vrasjes, djali i vogël i familjes, Amarildo Meta ka qenë në punë.

AKUZAT

Hygerta dhe Hysen Meta, akuzohen nga Prokuroria se për kryerjen e veprës penale ‘Vrasja për shkak të marrëdhënieve familjare’ e kryer në bashkëpunim.

Prokuroria e Durrësit, kërkoi dënimin me burgim të përjetshëm për Hysen Metën dhe 30 vite burg pas hekurave për motrën e tij.

Sipas organit të akuzës, dy të pandehurit kanë thurur planin për vrasjen e babait të tyre me qetësi, duke përgatitur vendin ku do realizonin krimin dhe siguruar armën e zjarrit.

“Të pandehurit pasi kanë menduar dhe thurur me qetësi planin e tyre për të vrarë babain, janë përgatitur duke marrë masat për vendin ku do të realizonin vrasjen, për mjetin me të cilin do ta kryenin duke siguruar një armë zjarri, plan ky i realizuar në datë 10.02.2024”, informoi Prokuroria.

Për Amarildo Metën, djalin e vogël të viktimës, Prokuroria ka kërkuar dënimin me 5 vite burg, ndërsa për nënën e tyre, Blerina Meta dënimin me 3 vite qëndrim pas hekurave.

Në seancën gjyqësore të datës 16.09.2025, prokurorja ka kërkuar:

1.Deklarimin fajtor të të pandehurit H. M., për kryerjen e veprës penale “Vrasja pёr shkak tё marёdhёnieve familjare”, e kryer në bashkëpunim e parashikuar nga neni 79/c e 25 i K.Penal dhe dënimin e tij në bazë të kësaj dispozite me burgim të përjetshëm.

2.Deklarimin fajtor të të pandehurit H. M., për kryerjen e veprës penale “Mbajtja pa leje dhe prodhimi i armёve, armёve shpёrthyese dhe municionit”, parashikuar nga neni 278/4 i K.Penal dhe dënimin e tij në bazë të kësaj dispozite me tre vjet burgim.

3.Deklarimin fajtor të të pandehurit H. M. për kryerjen e veprës penale “Fshehja dhe asgjesimi i kufomёs”, e kryer në bashkëpunim, parashikuar nga neni 303 e 25 tё K.Penal dhe dënimin e tij në bazë të kësaj dispozite me 5 vjet burgim.

4.Në aplikim të nenit 55 të K.Penal, bashkimin e dënimeve të mësipërme në një dënim të vetëm, ate më burgim të përjetshëm.

5.Deklarimin fajtore të të pandehurës H.M., për kryerjen e veprës penale “Vrasja pёr shkak tё marёdhёnieve familjare”, e kryer në bashkëpunim e parashikuar nga neni 79/c e 25 i K.Penal dhe dënimin e tij në bazë të kësaj dispozite me 25 vjet burgim.

6.Deklarimin fajtore të të pandehurës H. M. për kryerjen e veprës penale “Fshehja dhe asgjesimi i kufomёs”, e kryer në bashkëpunim, parashikuar nga neni 303 e 25 tё K.Penal dhe dënimin e tij në bazë të kësaj dispozite me 5 vjet burgim.

7.Në aplikim të nenit 55 të K.Penal, bashkimin e dënimeve të mësipërme në një dënim të vetëm, ate me tridhjetë vjet burgim.

8.Deklarimin fajtor të të pandehurit A. M. për kryerjen e veprës penale “Fshehja dhe asgjesimi i kufomёs”, e kryer në bashkëpunim, parashikuar nga neni 303 e 25 tё K.Penal dhe dënimin e tij në bazë të kësaj dispozite me 5 vjet burgim.

9.Deklarimin fajtore të të pandehurës Bl. M. për kryerjen e veprës penale “Veprime që pengojnë zbulimin e të vërtetës”, tё parashikuar nga neni 301 I K.Penal dhe dënimi e saj në bazë të kësaj dispozite me tre vjet burgim.

The post Vrasja e Pëllumb Metës në Shënvlash të Durrësit/ Zbardhet dinamika e ngjarjes së rëndë appeared first on Albeu.com.

Kreu i qeverisë, ka shprehur vlerësimin për këtë trashëgimi të lashtë që ruhet nën ujërat e Adriatikut.

“Mirëmëngjes dhe me këto pamje nga Parku Arkeologjik Nënujor i Durrësit, ku çdo amforë rrëfen e çdo valë mbart një kujtim të lashtë, ju uroj një ditë të mbarë”, shkruan Rama.

Pamjet e publikuara nga kryeministri, vijnë në një periudhë kur qeveria po synon të promovojë më tej turizmin kulturor dhe arkeologjik, si pjesë e strategjisë për zhvillimin e qëndrueshëm të sektorit.

The post Kryeminstri Rama publikon pamje nga Parku Arkeologjik Nënujor i Durrësit: Çdo amforë rrëfen një kujtim të lashtë (VIDEO) appeared first on Albeu.com.

Ai votoi në orarin e përcaktuar nga administrata e institucionit, në përputhje me rregullat dhe procedurat për votimin e personave që ndodhen në paraburgim.

Pak ditë më parë, kryetari i Bashkisë së Tiranës, Erion Veliaj, u bëri thirrje qytetarëve që të votojnë Partinë Socialiste.

I burgosur pa gjyq, Veliaj u kërkoi qytetarëve që kur të shkojnë për të votuar, të kujtojnë pak si ishte Tirana dhe si është sot.

Ai nënvizonte se vota në 11 maj nuk duhet të jetë një votë kundër Saliut, apo partizave të dala nga barku i PD, por një votë për punën, për shpresën, për transformimin.

“Vota juaj duhet të jetë një votë për të tashmen që na bën krenar dhe të ardhmen europiane që meritojmë”.

Ai e mbyllte statusin e tij me një ftesë për të votuar këtë të dielë, Partinë Socialiste dhe Edi Ramën që Shqipëria të vijojë të ecë përpara.

The post Kryebashkiaku i Tiranës Erion Veliaj, voton në ambientet e paraburgimit të Durrësit appeared first on Albeu.com.

Këtë të enjte, një ditë pasi Gjykata e Posaçme e la në masën e sigurisë “arrest me burg”, kryetari i Bashkisë së Tiranës, Erion Veliaj, ka mbërritur në qelitë e paraburgimit në Durrës, ku do të qëndrojë aty deri në përfundimin e hetimeve.

Kujtojmë që ditën e djeshme, GJKKO nuk i ndryshoi masën kryebashkiakut Veliaj. Ndërsa për bashkëshorten e tij, Ajola Xoxa, është ndryshuar nga arrest shtëpie, në detyrim paraqitje dy herë në muaj, si dhe i është marrë pasaporta.

Veliaj qëndroi një natë më parë në Bllokun e Sigurisë në Tiranë, pasi seanca mbaroi vonë dhe ekzekutimi i masës për në paraburgim nuk kryhet kaq vonë.

Edhe ndaj 5 biznesmenëve, GJKKO la të njëjtën masë sigurie, atë të detyrimit të paraqitjes.

Vendimi i plotë i GJKKO:

1.Vazhdimin e masës së sigurimit “Arrest në burg” parashikuar nga neni 238 i K.Pr.Penale, caktuar ndaj personit nën hetim Erion Veliaj me vendimin Nr. 7, datë 09.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar”.

2.Zëvendësimin e masës së sigurimit personal “Arrest në shtëpi” caktuar ndaj personit nën hetim Ajola Xoxa me vendimin Nr. 7, datë 09.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, me masën e sigurimit personal “Ndalimi i daljes jashtë shtetit” dhe “Detyrim për t’u paraqitur në policinë gjyqësore” parashikuar nga nenet 233 dhe 234 i K.Pr.Penale”.

3.Urdhërohet personi nën hetim Ajola Xoxa që të paraqitet para oficerëve të policisë gjyqësore A.H, S.G, R.N dhe B.K, të Premten e parë dhe të tretë të çdo muaj, ora 11:00.

4. Urdhërohet personi nën hetim Ajola Xoxa të mos largohet nga territori i Republikës së Shqipërisë pa autorizimin e gjykatës, në referim të nenit 233 pika 1 të K.Pr.Penale “Ndalimi i daljes jashtë shtetit”.

5. Ndalohet përdorimi i pasaportës dhe dokumenteve të tjerë identifikues të vlefshme për daljen jashtë shtetit, për personin nën hetim Ajola Xoxa.

6. Vazhdimin e masës së sigurimit “Arrest në burg” parashikuar nga neni 238 i K.Pr.Penale, caktuar ndaj personit nën hetim Elman Abule me vendimin Nr. 7, datë 09.02.2025 të Gjykatës së Posaçme të Shkallës së Parë për Korrupsionin dhe Rruga “Jordan Misja” Nr.1, 1057 Tiranë;

7. Vazhdimin e masës së sigurimit “Detyrim për t’u paraqitur në policinë gjyqësore” parashikuar nga neni 234 i K.Pr.Penale, caktuar ndaj personit nën hetim Gentjan Sula me vendimin Nr. 7, datë 09.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, me këtë ndryshim:

8. Urdhërohet personi nën hetim Gentjan Sula që të paraqitet para oficerëve të policisë gjyqësore A.H, S.G, Z. R.N dhe B.K, të Premten e parë dhe të katërt të çdo muaj, ora 14:00.

9. Vazhdimin e masës së sigurimit “Detyrim për t’u paraqitur në policinë gjyqësore” parashikuar nga neni 234 i K.Pr.Penale, caktuar ndaj personit nën hetim Meriman Palushi me vendimin Nr. 7, datë 09.02.2025 të Gjykatës së
Posaçme të Shkallës së Parë për Korrupsionin dhe Krimin e Organizuar, me këtë ndryshim:

10. Urdhërohet personi nën hetim Meriman Palushi që të paraqitet para oficerëve të policisë gjyqësore A.H, S.G, Z. R.N dhe B.K, të Premten e parë dhe të katërt të çdo muaj, ora 14:30.

11. Vazhdimin e masës së sigurimit “Detyrim për t’u paraqitur në policinë gjyqësore” parashikuar nga neni 234 i K.Pr.Penale, caktuar ndaj personit nën hetim Fatmir Bektashi me vendimin Nr. 7, datë 09.02.2025 të Gjykatës së
Posaçme të Shkallës së Parë për Korrupsionin dhe Krimin e Organizuar, me këtë ndryshim:

12. Urdhërohet personi nën hetim Fatmir Bektashi që të paraqitet para oficerëve të policisë gjyqësore A.H, S.G, Z. R.N dhe B.K, të Premten e parë dhe të tretë të çdo muaj, ora 11:15.

13. Vazhdimin e masës së sigurimit “Detyrim për t’u paraqitur në policinë gjyqësore” parashikuar nga neni 234 i K.Pr.Penale, caktuar ndaj personit nën hetim Shkëlqim Fusha me vendimin Nr. 7, datë 09.02.2025 të Gjykatës së
Posaçme të Shkallës së Parë për Korrupsionin dhe Krimin e Organizuar, me këtë ndryshim:

14. Urdhërohet personi nën hetim Shkëlqim Fusha që të paraqitet para oficerëve të policisë gjyqësore A.H, S.G, R.N dhe B.K, të Enjten e parë dhe të katërt të çdo muaj, ora 14:30.

15. Ngarkohet Prokuroria e Posaçme kundër Korrupsionit dhe Krimit të Organizuar në bashkëpunim me policinë gjyqësore për ekzekutimin e këtij vendimi.

16. Kundër këtij vendimi mund të bëhet ankim në në Gjykatën e Posaҫme të Apelit për Korrupsionin dhe Krimin e Organizuar brenda 5 (pesë) ditëve, duke filluar ky afat nga e nesërmja e njoftimit të këtij vendimi.

The post U la në burg nga GJKKO, Erion Veliaj mbërrin në paraburgimin e Durrësit (VIDEO) appeared first on Albeu.com.

Uji ka hyrë në rreth 300 banesa, nga të cilat 200 shtëpi janë ne zonën e Durrësit të Ri, 60 në zonen e Shkozetit dhe Plazhit, 4 banesa në njësinë administrative 4, 1 shtëpi në njësinë 1, 20 banesa në Sukth, 10 në Katund të Ri dhe 5 shtepi në Rrashbull.

Ndërkohë, banorët shprehen se uji u ka hyrë nëpër banesa dhe dëmet janë të shumta.

“Më është mbushur shtëpia me ujë, më është prishur çdo gjë. Kërkojmë të na largohet uji”, tha një kryefamiljare.

Banorët shprehen se mungesa e kanalizimeve, është për shkak për përmbytjet duke kërkuar që shteti të ndërhyjë.

“Jemi përmbytur edhe herë të tjera, por jo në këtë masë që jemi përmbytur këtë herë. Problemi është kanali kryesor që del nga shtrati dhe na përmbyt, nuk janë reshjet e shiut. Na ka hyrë uji brenda, kemi ngelur gjithë natën nëpër dritare. Shteti duhet të ndërhyjë për kanalin, Bashkia Durrës ta vendosë në projekt kanalin, është hera e tretë që na përmbyt”, tha një banor.

“Edhe brenda në shtëpi rrimë me çizme, ka dëmtuar çdo gjë që ka kapur uji. Jemi përmbytur se uji në kanal ka dalë sipër rrugës. Kanalet kulluese i mbyllën kur u bë rruga, kërkuam që të futej një tubacion, por nuk pranuan. Kanali i madh nuk e përballon, kanalet kulluese e dërgonin ujin tek një kanal tjetër”, shtoi një tjetër.

The post Banesat e Durrësit nën pushtetin e ujit, flasin banorët: Edhe brenda në shtëpi rrimë me çizme, është dëmtuar çdo gjë appeared first on Albeu.com.

Ish-rektori Mithat Mema, akuzohet për shpërdorim detyre.

Mësohet se akuza do t’i komunikohet më 18 Qershor.

The post Ish-rektori i Universitetit të Durrësit, Mit’hat Mema, merret i pandehur nga Prokuroria appeared first on Albeu.com.

Mësohet se nëna e Blerina Metës, bashkëshortja e Pëllumb Metës, vrau vite më parë vjehrrën e saj dhe plagosi burrin.

Ngjarja ndodhi në Maj të vitit 2010 në Kurbin. Pas një sherri në familje, Sanije Tuga, mori armën dhe qëlloi me breshëri mbi vjehrrën e saj Beharen dhe burrin e saj, Bajftjarin, duke lënë të vdekur në vend të moshuarën dhe plagosi rëndë burrin.

Pasi bëri 6 vite burg, mësohet se Sanije Tuga, ishte kthyer sërish në familjen e burrit të saj.

The post Fëmijët i vranë burrin, si nëna e Blerina Metës vrau në 2010-ën vjehrrën dhe plagosi bashkëshortin appeared first on Albeu.com.

Gjatë një interviste televizive, sociologia Alkida Myftaraj, ka deklaruar se shqiptarët janë në shoqëri që dhunën e kanë kthyer në normalitet.

Ajo shtoi se si shoqëri, jemi mësuar që fjalës së babait nuk i themi asnjëherë jo, madje as nëna.

“Ne jemi një shoqëri, që mund të vendosim për fatin e fëmijëve dhe mos i lëmë ata të lirë. Kjo është trashëguar breza pas brezi, edhe pse ka ardhur drejt sfumimit për shkak të shkollimit. Ne si shoqëri, fjalës së babait nuk i themi dot jo, madje as nëna.

 Në kulturën e familjes shqiptare, nuk është të shkojmë në polici dhe të tregojmë problemet tona jashtë shtëpisë dhe të dukemi si një familje e rregullt. Ky është një problem që ka ndodhur rëndomtë dhe mendojmë që një fëmijë të vogël ta dhunojmë nëse nuk na dëgjon. E kemi normalizuar dhunën.

Dhuna në vetvete ndikon. Nëse rritesh në familje të dhunshme, do të jesh një njeri i dhunshëm”, tha sociologia.

Nga ana tjetër, avokatja Anxhela Lami, teksa ka analizuar deklaratat që janë bërë publike të fëmijëve, por edhe fqinjve, ka treguar disa deklarata kontradiktore.

Ajo thotë se dëshmia e vajzës së donte ta fejonte pa dëshirën e saj, bie poshtë në momentin kur personi që donte të lidhte krushqi, është tërhequr kur u njoh me dëshirëm e familjes Meta për shkollimin e 19-vjeçares.

Shqetësuese sipas avokates, është edhe fakti që fëmijët vijuan me normalitetin e jetës, edhe pas ngjarjes shumë të rëndë.

“Kjo është ngjarja më e rëndë. Një baba autoritar, sigurisht që do jetë sepse është autoritar. Nëse ka qenë baba i dhunshëm kam një pikëpyetje. Bashkëshortja e tij nuk e ka denoncuar sepse jemi një shoqëri që i nënshtrohet dhunës, por fëmijët që kanë qenë të shkolluar nuk e justifikon veprimin, por edhe që nuk ka një denoncim. Familja në këtë rast ka pasur probleme psikologjike.

Deklarata e bashkëshortes së viktimës, bie ndesh me deklaratat e fëmijëve. Si avokate më lindin edhe disa pyetje, nëse e ke bashkëshort nuk është normale të mos e telefonosh kur nuk vjen në shtëpi për dy ditë? Më shqetëson vijimi i jetës në normalitet i fëmijëve, pa i brerë ndërgjegjja, ku qetësisht kanë ngrënë dhe fjetur. Është edhe kontradita e fejesës, ku familja që donte të lidhte krushqi u tërhoq sapo u njoh me dëshirën e tyre për tu arsimuar. Janë disa përplasje që organet kompetente do e zbulojnë”, tha avokatja.

Tre fëmijët e Pëllumb Metës, do të dalin sot para gjylatës ku edhe do të njihen me masën e sigurisë.

Djali i madh i familjes dhe vajza, akuzohen për vrasjen e babait të tyre, ndërsa djali i vogël është arrestuar për moskallëzim krimi.

The post Vrasja në Durrës/ Avokatja bën deklaratën tronditëse: Si ata pa i brerë ndërgjegjja, kanë… appeared first on Albeu.com.