Kavajasit vinin pas dy humbjeve më përmbysje radhazi dhe sot ia dolën përsëri të ishin ata të parët në avantazh me anë të një gjuajtje të Beqjes. Por i zakonshmi Canka për lushnjarët vendosi baraspeshën që në pjesën e parë dhe rezultati nuk ndryshoi me deri në fund, pavarësisht rasteve që u krijuan sidomos para portës “lagunare”.

Kësisoj, Besa nuk ia doli të merrte përsëri tre pikët duke shtyrë takimin me fitoren për Duron në kreun e kësaj skuadre. Kurse për Lushnjen, ky ishte barazimi i 5-të në po aq ndeshje të luajtura në këtë sezon.

Penalltia e dhënë nga Hamiti dhe e anuluar nga anësori (VIDEO)

Goli i Cankës (VIDEO)

Goli i Beqjes (VIDEO)

The post VIDEO/ Besa e Duros shpërdoron përsëri avantazhin, por këtë herë nuk mundet. Lushnja bën 5 në 5 në Kategorinë e Parë! appeared first on Albeu.com.

Në tri ndeshjet e para ishim një ekip në ekuilibër të plotë dhe nuk pësuam asnjë gol. Nuk e kuptova atë shpërfytyrim pas barazimit 1-1 ku pësuam edhe tre gola të tjerë. Ky është një vendim i pakthyeshëm që e kam marrë që para dy ditësh me veten time. Respekt për të gjithë në klubin e Laçit, kemi kaluar dy sezone fantastike me rezultate të mëdha dhe historike. Zhgënjimi i vetëm është që nuk kaluam këtë tur të dytë me ekipin moldav”, ka thënë trajneri Duro për largimin e tij nga Laçi.

SUKSESI DHE ZHGËNJIMI Nën drejtimin e trajnerit Shpëtim Duro, Laçi vjet shkroi historinë në Kupat e Europës duke shkuar deri në turin e tretë të Ligës së Konferencës, ndërsa në edicionin e fundit kurbinasit u shpallën nënkampionë të Superiores.

Në prononcimin për gazetën trajneri kryeqytetas tregon sukseset dhe zhgënjimin që i solli eliminimi nga moldavët e Petrokubit, që për Duron ishte një kundërshtar i kalueshëm, por i tillë është futbolli.

“Jam i zhgënjyer, pasi mund ta kalonim edhe turin e dytë në ligën e Konferencës ndaj Petrokubit, por kështu ndodh dhe futbolli i ka këto. Gjithsesi, duhet pranuar se në dy vite në drejtimin e Laçit në Europë bashkë më futbollistët kemi arritur të derdhim në arkën e klubit rreth 1 milion e gjysmë euro nga ecuria në Ligën e Konferencës. Vjet patëm një arritje historike duke shkuar deri në raundin e tretë, ndërsa këtë sezon u eliminuam në turin e dytë.

Gjithsesi, kam bërë histori me Laçin, ku këtë për herë të parë dolëm nënkampionë dhe si objektiv për këtë vit në Europë klubi kishte kalimin e turit të parë në Ligën e Konferencës, por mundësitë ishin për ta kaluar edhe turin e dytë dhe për të përsëritur suksesin e edicionit të shkuar. Për mua është një eksperiencë e jashtëzakonshme në dy vitet e fundit me Laçin për vetë sukseset e arritura me këtë klub.

Çdo fillim e ka një fund dhe këto janë idetë e mia, pavarësisht se çfarë mendojnë drejtuesit. Me mirëkuptim po largohem dhe i falënderoj të gjithë në klub dhe tifozët që më kanë përkrahur. Besoj se ua kam shpërblyer atyre në këto dy vite fantastike. Futbolli kështu është, sot je në majë, pas dy javësh futesh në ‘dhé’. Këtë vendim e kisha marrë me veten time që pas ndeshjes, por nuk e bëra publik, pasi doja që të qetësoheshin gjërat”, u shpreh Shpëtim Duro, pas dorëheqjes pa kthim nga skuadra e Laçit, për të cilën shkak u bë shpërfytyrimi i skuadrës në 30 minutat e fundit të ndeshjes së kthimit me Petrokubin./ PanoramaSport

The post Mes suksesit dhe zhgënjimit, Duro tregon pse iku nga Laçi appeared first on Albeu.com.

Trajneri Shpëtim Duro ka ndarë mendjen për formacionin që do të hedhë në fushë nga minuta e parë, teksa bie në sy ulja në Stol e Guindos, që është zëvendësuar nga Zarubica, i cili formon treshen sulmuese me Adeleken dhe Mazrekajn.

Formacionet zyrtare:

The post Petrocub – Laçi, formacionet zyrtare: Duro ul në stol bomberin appeared first on Albeu.com.

“Një moment që jam gëzuar shumë patjetër është titulli kampion me Skënderbeun në 2011-n. Për asrye sepse Skënderbeu nuk kishte histori, kishte 70 vjet që nuk ishte shpallur kampion. Edhe në periudhën kur luanim ne dhe më mbrapa kishte pasur shumë oshilacione. Jam gëzuar shumë një vit më parë kur kam fituar Kupën, Superkupën dhe nënkampion me Besën e Kavajës. Edhe kjo një skuadër që nuk kishte fituar trofe. Këto janë gjëra të veçanta, sepse të jesh trajner me skuadra si Partizani e Tirana, që janë skuadra që janë mësuar të fitojnë trofe dhe puna është më e lehtë.

Viti 2014-2015 ishte viti i dytë i Gazmend Demit. Ishte skuadër shumë e fortë. Ai kampionat ka qenë jashtëzakonisht i fortë. Imagjino, atë vit Tirana, që ishte  një super skuadër, nuk arriti të shkojë në Kupat e Europës. Por ajo bukuri që mbahet mend atë vit kanë qenë derbet. Sepse në 4 derbi Tirana nuk fitoi asnjëherë dhe filloi cikli pozitiv në ndeshjet me Tiranën. Stadiumi plot e përplotë, shikoja tifozët e Partizanit të organizoheshin në stadium. Kur humbej derbi të gjitha fajet i ka trajneri. Kur fitojnë, fitojnë të gjithë. Sidomos në ndeshje të tilla, që hanë edhe koka trajnerësh.

Tirana është ndoshta e vetmja skuadër që nuk kam drejtuar. Jo zyrtare, por ka pasur dëshirë nga njerëz të veçantë dhe drejtues të klubit. Por unë e kam thënë publikisht edhe para ca vitesh. Jo se nuk kam dëshirë, sespe unë jam rritur në një lagje ku të gjithë shokët e fëmijërisë i kam tifozë të Tiranës. Por nuk kam pasur dëshirë. Unë jam lindur dhe rritur te Partizani. Nuk doja që tani në fund unë të shkoja te Tirana, sepse kam ruajtur këtë linjën. Edhe po të shkoja te Tirana, në qoftë se do dështoje, i pari që do sulmohej do isha unë, sepse do thonin: “Morri i kuq”. Nuk kam ndonjë inat me Tiranën, por vetëm për këtë fakt Tiranën nuk do ta drejtoj ndonjëherë“, ka thënë ndër të tjera Shpëtim Duro.

The post “Nuk do e drejtoj asnjëherë Tiranën”, rrëfimi i Duros: Momenti më i lumtur titulli me Skënderbeu (VIDEO) appeared first on Albeu.com.