durim toska Archives - Albeu.com

Drejtori u arrestua për dhunë në familje, qindra punonjës të burgut të Fushë-Krujës mbeten pa rroga

K Agaj — Sat, 09 Dec 2023 13:11:58 +0000

250 punonjës të burgut të Fushë Krujës nuk i kanë marrë pagat e tyre për muajin nëntor. Kjo ka ndodhur pas arrestimit të drejtuesit të këtij institucioni, Durim Toska, nën akuzën e dhunës në familje dhe armëmbajtjes pa leje.

Pasuesi i tij në krye të institucionit ende nuk është zgjedhur, teksa sipas Zëri.al, qindra punonjës kanë mbetur pa rroga.

Durim Toska u arrestua për shkak se akuzohet se ka dhunuar dhe kërcënuar bashkëshorten e tij, si dhe gjatë kontrollit në banesë iu gjet armë pa leje.

Toska ishte në krye të burgut të Fushë Krujës, për disa muaj, ndërkohë që më herët kishte drejtuar burgun e Drenovës.

Gjithashtu për një mandat ai kishte qenë në krye të komunës së Hudenishtit në Pogradec.

Pikërisht në këtë qytet u vu dhe në prangat e policisë, dhe nga një drejtor burgu do të shndërrohet në një të burgosur.

Ai doli këtë javë përpara Gjykatës së Pogradecit, e cila i la në fuqi masën e arrestit me burg, edhe pse bashkëshortja e Toskës e tërhoqi padinë që kishte bërë për dhunë.

Nga ana tjetër vetë ish-drejtori i burgut u shpreh se nuk kishte dijeni për armën që u gjet në banesë, dhe mohoi akuzat për dhunë.

The post Drejtori u arrestua për dhunë në familje, qindra punonjës të burgut të Fushë-Krujës mbeten pa rroga appeared first on Albeu.com.

Dhunoi bashkëshorten dhe mbante armë pa leje në banesë, gjykata lë në burg ish-drejtorin e burgut të Fushë Krujës

K Agaj — Tue, 05 Dec 2023 09:39:44 +0000

Gjykata ka dhënë sot masën e sigurisë për ish-drejtorin e burgut të Fushë Krujës, Durim Toska. Ndaj tij është cajtuar masa arrest me burg, pasi pak ditë më parëdhunoi bashkëshorten. Po ashtu gjatë kontrollit policor të ushtruar në banesën e tij u gjet edhe armë zjarri me municion të cilën 52 vjeçari e posedonte pa lejë. [...]

U shkarkua mbrëmë nga detyra, ish-drejtori i burgut të Fushë-Krujës arrestohet për dhunë ndaj bashkëshortes

K Agaj — Sun, 03 Dec 2023 08:27:32 +0000

Ka rënë në pranga ish-drejtori i burgut të Fushë-Krujës që u shkarkua nga detyra mbrëmjen e shkuar. Durim Toska, 52-vjeç akuzohet për dhunë ndaj bashkëshortes. Gjatë kontrollit në banesën e tij policia ka gjetur edhe armë zjarri dhe municione pa leje.

Njoftimi:

Pogradec/Ushtroi dhunë ndaj bashkëshortes së tij dhe posedonte në banesë armë zjarri me municion pa leje, vihet në pranga 52-vjeçari. Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin D. T., 52 vjeç, banues në fshatin Piskupat, Pogradec, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje. Gjatë kontrollit të ushtruar në banesën e tij iu gjet një armë zjarri tip pistoletë me municion luftarak, të cilën 52-vjeçari e posedonte pa leje. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

The post U shkarkua mbrëmë nga detyra, ish-drejtori i burgut të Fushë-Krujës arrestohet për dhunë ndaj bashkëshortes appeared first on Albeu.com.