Duka tha se duhen edhe shtatë mandate të tjera që Duka të dorëzojë Federatën dhe se vetëm “vdekja” mund ta ndajtë atë nga FSHF.

“Me e thënë me humor, me batutë, mos ta marrim në mënyrë tragjike, thua që janë shtatë mandate, mendoj se duhen shtatë të tjera, që ta dorëzojnë federate. Keni dëgjuar që bëhet martesa, derisa vdekja të na ndajë. E vetmja gjë që mund ta ndajë, vdekja.

Tani po e them për batutë, bletët në koshere kanë një mbretëreshë që jeton 2 vjet dhe pastaj ose tërhiqet ose bletët e izolojnë dhe e ngordhin. Kryetari shoqatës së bletëve te ne ka 8 vjet dhe do të kandidojë prapë.

Rasti i Presidentit të FSHF, po thyen rekordet edhe të Nënë Terezës që punoi falas. Ky njeri punon pa lekë, sakrifikohet vetë. Pa rrogë është, nuk ka rrogë. Punon falas po të them.

Më tha një njeri i futbollit, aman thuaji të ketë mëshirë për futbollin, mos të punojë falas, ta lërë këtë punë”, tha Shakohoxha.

The post “Derisa vdekja të na ndajë”, Shakohoxha tallet me shtatë mandatet e Dukës: Punon pa rrogë, si Nënë Tereza appeared first on Albeu.com.

Në telegramin e tij të urimit, Presidenti Infantino i shpreh urimet më të sinqerta Presidentit Duka si edhe anëtarëve të zgjedhur të Komitetit Ekzekutiv të FSHF për përkushtimin në zhvillimin e futbollit dhe promovimit të vlerave të tij në Shqipëri.

Më poshtë edhe letra e plotë e Presidentit të FIFA-s, Gianni Infantino:

I nderuar President,

Ju lutem pranoni përshëndetjet e mia më të përzemërta dhe urimet e mia më të sinqerta për rizgjedhjen tuaj si President i Federatës Shqiptare të Futbollit.

Do t’ju isha mirënjohës nëse do të përcillnit gjithashtu urimet e mia për anëtarët e Komitetit Ekzekutiv të zgjedhur sot, ndërkohë që shfrytëzoj këtë rast për t’ju falënderuar për të gjitha përpjekjet, punën dhe kontributin tuaj të rëndësishëm në zhvillimin e sportit tonë dhe promovimin e vlerave të tij në Shqipëri.

Duke ju dërguar juve dhe ekipit tuaj urimet më të mira për këtë mandat të ri dhe shumë suksese për të gjitha sfidat që ju presin, pres me kënaqësi, i nderuar President, të vazhdojmë të punojmë së bashku për rritjen dhe prosperitetin e futbollit në Shqipëri në vitet që vijnë.

I juaji në futboll,
Gianni Infantino

The post Presidenti i FIFA-s, Infantino, uron Dukën për rizgjedhjen e tij në krye të FSHF-së! appeared first on Albeu.com.

Në një prononcim nga Brukseli për fshf.org, aty ku u zhvillua ceremonia e hedhjes së shortit, Presidenti Duka theksoi se ndeshjet fitohen në fushë dhe jo në letër, duke vlerësuar rëndësinë e kompeticion të Nations League, por shtoi se fokusin fillestar është te sfidat e play-off-it të marsit, ku Shqipëria do të tentojë të sigurojë një biletë për në Botërorin 2026.

“Në përgjithësi, unë nuk është se kam menduar ndonjëherë që ndeshjet fitohen në short apo në letër. Ndeshjet dhe kompeticionet fitohen në fushë. Ka shpeshherë raste që mendon se shorti ishte i keq dhe në përfundim të aktivitetit renditesh më mirë dhe anasjelltas. Gjithmonë ka një lloj baraspeshe sportive të skuadrave, sepse ndahen në vazo siç dihen rregullat. Nuk mund të them nëse ishim me fat apo pa fat. Mund të them për një gjë që ishim me fat që nuk kemi ndonjë skuadër që do të udhëtojmë shumë larg. Në Finlandë uroj që të mos luajmë në nëntor, sepse ka goxha temperatura të ulëta dhe nuk është mirë për futbollistët. Gjithsesi është një kompeticion që kemi kohë për ta përgatitur. Jam shumë i sigurt që do ta përgatisim dhe luajmë mirë.

Dihet si për të gjithë shqiptarët dhe për ne sot përqendrimi kryesor janë ndeshjet e play-off-it të marsit, të cilat mund të na sigurojnë biletën e fundit për në Kupën e Botës. Më pas, do të mendojmë edhe për këtë organizim. Uroj që të kemi sukses në mars, uroj që të bëjmë gjithçka mirë me ndeshjet e play-off-it dhe pastaj të fillojmë dhe të mendojmë edhe për Nations League, i cili nuk është një kompeticion më pak i rëndësishëm. Është shumë i rëndësishëm jo vetëm për renditjen dhe për të shkuar një grup më lart, por është shumë i rëndësishëm sepse nga ky kompeticion mund të sigurojmë edhe një vend në play-off-in e kualifikueseve të Europianit. Do ta bëjmë sa më mirë, do ta përgatisim sa më mirë dhe uroj që të kemi të gjithë futbollistët, akoma edhe më shumë të rinj, për ta luajtur sa më mirë këtë kompeticion”, – tha Presidenti Duka.

The post Shorti i UEFA Nations League, Duka: Shqipëria do të përgatitet maksimalisht, prioritet sfidat e marsit appeared first on Albeu.com.

Një strategji me projekte që pritet të sjellin ndryshime cilësore në futbollin shqiptar në katër vitet e ardhshme e që është bërë në bashkëpunim me ekspertët më të mirë të UEFA-s pas një pune kërkimore të gjatë.

Të pranishëm në këtë event madhor dhe shumë të rëndësishëm për zhvillimin dhe të ardhmen e futbollit shqiptar ishin Presidenti i FSHF-së, Armand Duka, Ministri i Turizmit, Kulturës dhe Sportit, Blendi Gonxhja, presidentë dhe përfaqësues të klubeve shqiptare, drejtues të Shoqatave Rajonale të Futbollitt, anëtarë të komunitetit të futbollit, ish-futbollistë të njohur, sponsorë, organizata partnere, media, etj.

Në aktivitetin e zhvilluar në ambientet e “Shtëpisë së Futbollit”, kreu i qeverisë së futbollit shqiptar bëri një bilanc të strategjisë së kaluar “Futbolli për Kombin”, ku nënvizoi se 95% e objektivave janë realizuar, ose janë në fazë të avancuar zbatimi.

Më tej, Presidenti Duka shpalosi për të pranishmit dhe opinionin publik strategjinë për katër vitet e ardhshme, “Vision to Victory 2026-2030”, duke theksuar se ajo përfaqëson një vizion të qartë për zhvillimin e futbollit shqiptar në të gjitha nivelet. Strategjia synon rritjen e pjesëmarrjes dhe cilësisë së futbollit, forcimin e strukturave organizative dhe investime të qëndrueshme në infrastrukturë dhe formimin e talenteve të rinj.

“Kjo strategji është ndërtuar për të qenë e matshme, e zbatueshme dhe e lidhur drejtpërdrejt me realitetin e futbollit shqiptar.

Deri në vitin 2030, synojmë që të arrijmë një numër futbollistësh djem të regjistruar 26 mijë nga 24.078 që janë sot, pavarësisht sfidave demografike me të cilat përballet vendi. Kjo rritje do të vijë përmes zgjerimit të programeve në shkolla dhe komunitete, forcimit e rolit të shoqatave rajonale, mbështetjes së drejtpërdrejtë të klubeve për moshat e vogla, krijimit të më shumë aktiviteteve të organizuara për fëmijët dhe të rinjtë, përmirësimit të infrastrukturës, vazhdimit te projekteve “Uniforma Ime” dhe “Topi YT”.

Në aspektin e infrastrukturës, deri në vitin 2030 synojmë të shtojmë 30 deri në 40 fusha të reja futbolli, nga projektet e Federatës, kryesisht në rajonin e Tiranës, ku edhe dendësia e popullsisë është edhe më e madhe, që mund të ndikojë në përmirësimin e raportit popullsi-fusha, e cila fatkeqësisht sot është në nivele të pakënaqshme me 1 fushë futbolli për 18.981 banorë në një kohë që në vendet më të zhvilluara europiane kanë një raport: 1 fushë futbolli për 3.800 banorë.

Por objektivi real dhe nevoja e domosdoshme në rang kombëtar duhet të jetë ndërtimi i 200 fushave të reja futbolli, i cili nuk mund të arrihet nga Federata, por kërkon mbështetjen nga buxhetet e shtetit, – tha Presidentin Duka, i cili u ndal edhe te rëndësia e bashkëpunimit me klubet, institucionet dhe partnerët strategjikë, duke e cilësuar këtë proces si themelin për arritjen e objektivave afatgjata.

Në përfundim, kreu i futbollit shqiptar theksoi se kjo strategji nuk është vetëm një dokument vizioni, por një plan konkret veprimi, që synon ta çojë futbollin shqiptar në një nivel më konkurrues në arenën ndërkombëtare. ““Vision to Victory” është një ftesë e hapur për të gjithë ju. Një ftesë për unitet, për ambicie dhe për besim. Vetëm së bashku mund ta kthejmë vizionin në fitore – jo vetëm në rezultate sportive, por në një futboll që zhvillon njerëzit, komunitetet dhe vendin tonë.

Katër vitet që vijnë do të jenë vendimtare. Me përkushtim, profesionalizëm dhe bashkëpunim, jam i bindur se do ta çojmë futbollin shqiptar në një nivel të ri,” – përfundoi fjalën e tij Presidenti Armand Duka.

Ministri i Turizmit, Kulturës dhe Sportit, Blendi Gonxhja, në eventin e lançimit të strategjisë së FSHF 2026-2030 “Vision to Victory” theksoi rëndësinë e partneritetit me Federatën dhe angazhimin e ministrisë për të çliruar potencialet e sportit dhe futbollit në vend. Ai nënvizoi rolin e sportit si gjenerator ekonomik dhe turistik, si dhe mbështetjen për ligjin e sponsorizimit, duke e konsideruar një hap kyç për zhvillimin e sportit në Shqipëri.

The post Presidenti Duka prezanton strategjinë e re ‘Vision to Victory 2026-2030’: “Ta kthejmë së bashku vizionin në fitore” appeared first on Albeu.com.

Ky investim realizohet në kuadër të projektit madhor “100 fushat”, një nga nismat më ambicioze të Federatës së Futbollit për zhvillimin e infrastrukturës sportive në të gjithë vendin. Fusha me bar artificial vjen falë bashkëpunimit mes FSHF-së dhe Bashkisë së Durrësit, duke krijuar kushte bashkëkohore për stërvitje dhe zhvillimin e talenteve të reja.

Në ceremoninë e inaugurimit, Presidenti i Federatës së Futbollit, Armand Duka, i shoqëruar nga Drejtoresha e shkollës “Benardina Qerraxhia”, drejtues dhe staf i akademisë “Elite Youth” si edhe futbollistët e kësaj akademie, theksoi rëndësinë e këtij investimi si pjesë e një vizioni afatgjatë për të ardhmen e fëmijëve dhe të futbollit shqiptar.

“Ju falënderoj për pjesëmarrjen. Sot jemi këtu për të inaguruar fushën e shkollës, që do t’i shërbejë jo vetëm nxënësve, por edhe akademisë Elite Youth të FSHF për të rritur talentin e tyre në këtë fushë moderne. Ky projekt është vazhdim i projekteve të FSHF për përmirësimin e infrastrukturës, për të vënë sa më shumë hapësira moderne për fëmijët tanë, për edukimin e fëmijëve në Shqipëri. Një detyrë realisht e vështirë për të gjitha kushtet që ka vendi dhe kjo është një nga ato fusha që ne kemi investuar. Projekte të tilla vazhdojnë dhe janë projekte që do t’i shëbejnë akoma edhe më shumë të ardhmes së fëmijëve.

Kreu i qeverisë së futbollit shqiptar vlerësoi bashkëpunimin institucional dhe falënderoi të gjithë partnerët e përfshirë në realizimin e këtij projekti.

“Dua të falënderoj Drejtoreshën dhe stafin e shkollës “Benardina Qerraxhia”, Bashkinë e Durrësit për bashkëpunimin dhe uroj të kemi edhe bashkëpunime jo vetëm për infrastrukturë, fusha, terrene sportive, por për të gjithë komponentët që na ndihmojnë për edukimin e fëmijëve nëpërmjet futbollit”.

Më tej, në një mesazh për fëmijët dhe të rinjtë, Presidenti nënvizoi rolin edukues dhe social të futbbollit, duke i ftuar ata të mos heqin dorë nga pasioni dhe ëndrrat e tyre.

“Ju ftoj juve që jeni në fushë, megjithëse në një moshë të maturuar, të vazhdoni këtë pasion, futbollin. Do të keni mbështetjen jo vetëm të Federatës së Futbollit, por edhe të institucioneve shqiptare për t’ju krijuar kushte sa më të mira, për të vazhduar këtë pasion dhe për të ndjekur ëndrrën tuaj. Uroj që të bëheni futbollistë profesionistë, të bëheni shumë të mirë. Edhe nëse nuk bëheni profesionistë, futbolli do t’ju shërbejë shumë në jetë, pasi në këtë botë të sotme, të egër, ku fëmijët tërhiqen edhe nga veset, futbolli shërben për t’i larguar, për t’i edukuar ndjenjën e sakrificës, frymën e skuadrës që do të jetë shumë e rëndësishme në të gjithë jetën tuaj edhe pas futbollit profesionist. Asnjëherë mos u dorëzoni, asnjëherë mos u tërhqni duke menduar se nuk u bëra titullar në një skuadër por vazhdojeni atë.

Ju falënderoj dhe ju uroj që ta gëzoni këtë fushë dhe t’ju shërbejë sa më shumë” – përfundoi fjalën e tij Presidenti Duka.

Drejtoresha e shkollës “Benardina Qerraxhia”, Erida Zorba, falënderoi Presidentin dhe FSHF-në për këtë projekt, duke e cilësuar fushën e re si një hap të madh për përmirësimin e kushteve sportive dhe formimin e brezave të ardhshëm.

“Një falënderim shumë i veçantë për ju President, një falënderim i veçantë për të gjithë FSHF. Kjo fushë mbyll ciklin e të gjithë bazës materiale dhe terreneve sportive që ofron shkolla. Shumë faleminderit dhe shpresoj shumë që jo vetëm ju, por edhe brezat që do të vijnë do të kenë një mundësi shumë të mirë që të jenë lider në fushën e sportit” – tha në fjalën e saj Erida Zorba.

The post Inagurohet fusha e shkollës “Benardina Qerraxhia” në Durrës/ Presidenti Duka: Ky projekt i shërben të ardhmes së fëmijëve në futboll appeared first on Albeu.com.

Në një rrëfim për “Panorama Sport”, ish-mesfushori ka folur për karrierën e tij, kohën e transferimit te Rejnxhërsi, si edhe për Kombëtaren dhe ecurinë e kuqezinjve në kualifikueset e Botërorit.

Nedim Bajrami po kalon pak a shumë të njëjtën situatë si ju te Rejnxhërs. Çfarë do t’i këshilloje atij në këtë moment

Rejnxhërs njësoj si Sëlltiku janë dy klubet me histori të madhe dhe e kanë presionin e madh. Presioni i madh do të thotë që çdo ndeshje duhet të fitojnë dhe duhet të fitojnë trofe. E pritshmëritë janë të larta nga çdo futbollist. Nuk është vetëm problemi i Eros Grezdës apo Nedim Bajramit, por ka edhe lojtarë të tjerë të huaj, të cilët nuk paraqiten mirë aty. Kanë vështirësi dhe në momentin që bëjnë një hap tjetër. Shkojnë në një skuadër tjetër, për shembull në të njëjtin nivel, por kampionati është i ndryshëm. Ata janë paraqitur shumë mirë. Këtë do të lidhja me disa gjëra. E para është presioni i madh nga bordi i klubit. Presioni i madh nga tifozët. Pastaj është një ligë shumë fizike dhe në aspektin fizik, mund ta quaja si ligën më të fortë në botë. Edhe nëse je lojtar teknik. Nëse je lojtar me cilësi tjera, do të kesh shumë të vështirë adaptimin edhe performancën atje. Kjo besoj që është njëra ndër shkaqet kryesore që shumë futbollistë kanë probleme në momentin që transferohen në këtë lloj kampionati ose në këtë lloj klubesh siç është Rejnxhërsi apo edhe të tjerat.

Në “Play Off” do të kemi Poloninë. Si e sheh këtë ndeshje dhe a shpresoje që të kishim ndonjë rival tjetër përballë?

Po mund të kishim më të lehtë mund të kishim edhe më të vështirë. Unë mendoj se Polonia është një kundërshtar relativisht aty-aty me ne edhe duhet gjithçka të përcaktohet nga lojtaret ose nga përgatitja e ndeshjes nga trajneri. Nuk kam dyshime në këto dy pika që do japin maksimum si stafi dhe lojtaret pastaj na duhet siç e thashë, fati na duhet. Por mbas Polonisë e kishim ndeshjen me Suedinë ose Ukrainën. Edhe kjo është ndeshje e rëndësishme. Më pas mund të jetë edhe Ukraina, që do të kishte një ko- mbëtare shumë serioze. Dhe unë personalisht do dëshiroja Ukrainën, pasi që do të kishim luajtur ndeshjen e finales në një stadium neutral. Por ta shohim. Besoj që të gjithë e dinë rëndësinë e ndeshjes, Po- lonia nuk është ajo skuadra që ka qenë më para. Ka edhe ajo krizat e veta, kështu që ne kemi mundësi të ardhshme që ta shfrytëzojmë këtë edhe të shohim pastaj finalen.

Si përfundim, a mendon se duhet t’i rinovohet kontrata Silvinjos pa marrë parasysh nëse shkojmë apo jo në Botëror?

Ajo që është çështje që Armando Duka e di dhe më pas duhet parë edhe ambicia. Të gjithë trajnerët domethënë kanë ambicie të mëdha dhe duhet ta shohim veten sa më lart në klubet dhe në kombëtarët më të larta. Ne jemi një kombëtare shumë serioze e kemi federatën tonë, e cila është shumë serioze, por nuk di se si mund ta mbajmë në qoftë se futemi në botëror ose pas Botërorit. Nuk e di se si mund ta mbajmë Silvinjon, sepse besoj që mund të ketë shumë oferta.

The post Eros Grezda analizon Kombëtaren: Silvinjon nuk mund ta mbajmë, Duka e di që… appeared first on Albeu.com.

“Asnjë nuk mund të mendonte që ka kundërshtar të lehtë. Të gjithë ekipet e kanë pasur të vështirë. Anglia ka fituar 0-1 këtu. Nuk na riskuan asnjëherë. Mund të shënonim më shumë, por ngarkesa ekziston. Kjo është e rëndësishme për të vazhduar rrugën në Botëror. Mënyra se si u zgjidh tregon profesionalizëm nga skuadra.

Mu duk sikur ata kishin më pak emocion se mua. Kemi qenë me shumë tension dhe emocione, ndërsa futbollistët ishin më të qetë. Kemi festuar në dhomë dhe thamë tani duhet të mendojmë play-off-in. Akoma më e vështirë do të jetë më mars, në play-off, pavarësisht kundërshtarit.

Sot në drekën zyrtare me përfaqësuesit e Federatës së Andorrës, edhe i thashë që ndeshja e parë e imja ka qenë Andorra, sekretari ishte trajneri i Andorrës. Sot kemi futbollistë më cilësorë dhe çdo gjë më të mirën. Nëse nuk luan si skuadër mund të humbasësh ndaj çdo kundërshtari. Për ne këto ndeshje janë më të vështira, do të bëjmë ndeshje më të bukur ndaj Anglisë, sepse ka më pak presion.

Ishte ndeshje shumë e vështirë. Kundërshtari mbyllet mbrapa, ne kërkojmë fitoren, kundërshtari nuk ka asgjë për tu humbur, pasi shënuam, ishte shumë e lehtë.

Duhet t’i gëzojmë rezultatit dhe play-off-it. Kam parë vetëm ndeshjen tonë, gjatë gjithë kohës isha i përqëndruar në ndeshjen tonë. Kisha bindje që Anglia do të fitonte. Kam pasur presion, emocion, stres, deri në shënimin e golit, më pas isha i relaksuar. Skuadra e menaxhoi mirë.

Nuk mund të diskutojmë për individë, Broja është futbollist me kualitet, mbase nuk është i kënaqur me veten e vetë, unë jam i kënaqur me të dhe gjithë skuadrën”, u shpreh Duka.

The post “Kam parë vetëm ndeshjen tonë”, Duka rrëfen emocionet e duelit ndaj Andorrës: Do luajmë më bukur ndaj Anglisë appeared first on Albeu.com.

Kreu i qeverisë së futbollit shqiptar e vlerësoi përballjen e nesërme si një nga më të rëndësishmet e këtij edicioni, duke theksuar se ekipi duhet të jetë plotësisht i përqendruar për të marrë tri pikët dhe për të mbajtur gjallë shpresën për kualifikim në fazën play-off.

Çdo ndeshje e ekipit Kombëtar është e rëndësishme.

Të gjitha vlejnë tri pikë, pavarësisht se disa kanë emocione të tjera përveç futbollit.

Për mua kjo është më e rëndësishmja e edicionit, sepse kjo na mban me shpresën për të luajtur ndeshjet e play-off-it në mars. Pa dyshim që kemi edhe një sy nga Anglia.

Por ekipi duhet të jetë i përqendruar për të bërë detyrën e vet dhe për të marrë tri pikët në këtë stadium.

Kemi zhvilluar disa ndeshje këtu me Andorrën?

Në ndeshjen e parë kemi humbur në stadiumin e vjetër me rezultatin 2-0 për Andorrën, ka qenë ndeshje miqësore.

Ndeshjet zyrtare i kemi fituar në Andorrë në 2019 dhe 2021. Por kanë qenë ndeshje të vështira, nuk kanë qenë të lehta.

Në ‘Elbasan Arena’, në nëntor 2019 kemi barazuar kur kemi qenë në disavantazh 1-2.

Nuk ishte ndeshje e lehtë. Andorra sot është më mirë se më parë. Ka një ekip që lufton.

Anglia i ka shënuar me vështirësi, 0-1 këtu dhe 2-0 në Angli me autogol.

Mbetet një ndeshje e vështirë, por jam shumë i bindur që ekipi ynë e di rëndësinë e ndeshjes. Nuk ka asnjë vend për vetëkënaqësi, vetëm për impenjim maksimal dhe për të bërë detyrën.

Edicioni kualifikues, ka diçka për t’u përmirësuar në mentalitet?

Analizë e thellë. Ka shumë gjëra se pse nuk jemi gjithmonë në të njëjtin nivel. Ky është ndryshimi me skuadrat e mëdha me më pak të mëdha, siç jemi ne.

Nëse do t’i bënim të gjitha ndeshjet në të njëjtin nivel, atëherë nuk do të ishim më Shqipëria. Nuk do të ishim skuadra që lufton për play-off, por do të ishim Anglia që ka siguruar vendin e parë. Për mua, Letonia nuk është një ekip i dobët.

Luan e organizuar dhe na ka vënë shumë në vështirësi edhe në Tiranë.

Por rezultati i harron gjërat. Kemi fituar 1-0, kur edhe mund të na kishin barazuar. Megjithatë, jemi në Andorrë për të dhënë maksimumin dhe për të vazhduar shpresën për në Botëror.

Në radhë të parë djemtë për kënaqësinë e vet që mund t’i japë një kampionat Botëror dhe për të gjithë tifozët që e kanë mbështetur dhe e mbështesin, jo vetëm në shkallët e stadiumit, por edhe nëpërmjet televizorit etj. Le të shpresojmë që do të bëjmë detyrën dhe jam i bindur që nuk do të kemi hap fals.

Andorra është mbushur me plot tifozë shqiptarë…

Unë mendoj që ne, si tifozë, në një lloj mënyre, kemi fituar kulturën sportive dhe e kemi kuptuar që nuk ka më ndeshje të lehta.

Mbështetësit e ekipit Kombëtar e dinë që nuk është një ndeshje e lehtë, por e dinë që duhet fituar.

Pikërisht për këtë janë të pranishëm në shkallët e stadiumit, për ta përkrahur ekipin, për ta mbështetur atë, për ta çuar drejt fitores. Besoj se jemi vendi që e ndien më shumë ekipin Kombëtar. E ndien vërtet dhe e mbështet atë në çdo moment.

Faza Play-off e Botërorit, kundërshtarët e mundshëm?

Pa dyshim, edhe ne kemi menduar për plane, por e kemi përqendruar më shumë vëmendjen për nesër këtu, në Andorrë. Ta mbyllim historinë dhe të mos mbetet për ta luftuar në Tiranë. Le të mbetet ndeshja në ‘Air Albania’ kundër Anglisë një ndeshje luksi për ne dhe për Anglinë.

The post Duka, nga Andorra: Ndeshja më e rëndësishme e edicionit, ta kthejmë në përballje luksi me Anglinë appeared first on Albeu.com.

“Manaj dhe çdo futbollist tjetër mund të festojnë me shqiponjë sa herë të duan dhe asnjëherë s’do të ndëshkohen me karton të verdhë. Rasti konkret është ndëshkuar me kartonin e verdhë sepse është festuar në pankinën e ekipit kundërshtar, e cila mund të ishte provokim dhe të sillte trazira në fushën e lojës.

Ky është intepretim zyrtar, vendim i arbitrit. E thashë dhe më parë, kartoni i verdhë jepet në raste të tjera, kur provokon kundërshtarin, spektatorin, ose kur heq bluzën pas shënimit të golit. Se feston me shqiponjë as nuk është ndëshkuar dhe as nuk do të ndëshkohet”, tha presidenti Duka.

The post Kartoni i verdhë i Manajt, befason Armand Duka: Nuk u ndëshkua prej shqiponjës, atë ta bëjë sa herë të dojë appeared first on Albeu.com.

Trajneri Sylvinho mbajti një fjalim përpara të gjithë lojtarëve, duke i thënë që është momenti i tyre për të festuar, një gjë që ata e bënë pa u menduar dy herë.

Tashmë Shqipëria është vetëm një hap larg kualifikimit historik për në “Play Off”-in e një kampionati Botëror.

Pas fjalimit, ata filluan të këndonin edhe: “O sa mirë me qenë shqiptar”.

The post VIDEO/ Fjalim i Sylvinhos dhe bashkimi i Dukës, festë e çmendur kuqezi në dhomat e zhveshjes pas fitores me Serbinë: O sa mirë me qenë shqiptar appeared first on Albeu.com.