Ky është një muaj që kërkon qetësi, përqendrim dhe ekuilibër të brendshëm, pasi sfidat e vogla mund të shndërrohen shpejt në prova të mëdha për ata që nuk ruajnë qetësinë.

Astrologët paralajmërojnë se dy shenja të zodiakut do ta ndjejnë më fort ndikimin e yjeve, ndaj këshillohet të jenë të kujdesshme në çdo hap, si në marrëdhënie personale, ashtu edhe në karrierë.

Dashi – përballje dhe sfida në punë, kujdes me reagimet impulsive

Për dashin, nëntori vjen me tensione të papritura, veçanërisht në ambientin profesional. Përballjet me autoritete apo kolegë mund të vënë në provë durimin tuaj. Nga mesi i muajit, përgjegjësitë shtohen, ndaj është e rëndësishme të tregoni maturi dhe vetëkontroll.

Në marrëdhëniet personale, astrologët këshillojnë mirësi dhe diplomaci, këmbëngulja e tepruar në mendimin tuaj mund të krijojë distancë. Mos u tërhiqni, por veproni me qetësi dhe vetëdije. Ky është muaji ku fuqia qëndron te reflektimi, jo te nxitimi.

Peshqit – kujdes me komunikimin dhe financat

Për peshqit, ky muaj sjell nevojën për vëmendje të shtuar në marrëdhënie, komunikim dhe çështje financiare. Reagimet emocionale mund të krijojnë tensione në punë ose në familje, prandaj diplomacia është arma më e fortë.

Në aspektin profesional, është periudhë e mirë për të planifikuar dhe menduar strategjikisht, jo për të ndërmarrë hapa të nxituar. Edhe në financa, analizoni me kujdes shpenzimet për të shmangur presione të panevojshme.

Në jetën personale, mbani distancë nga dramat dhe kërkoni qetësinë e brendshme. Nëntori ju fton të mendoni, jo të reagoni, vetëm kështu do të dilni fitimtarë.

The post Muaji i ri sjell sfida dhe ndryshime të papritura, këto janë 2 shenjat e horoskopit që duhet të tregojnë kujdes në Nëntor appeared first on Albeu.com.

Berisha u shpreh me rezerva, teksa tha se nëse SPAK do të hetonte vërtet krimet zgjedhore, duhej ta arrestonte në shesh ditën e djeshme Edi Ramën në mitingun që bëri me punonjësit e Bashkisë së Tiranës.

“Pika e parë, në qoftë se vërtetë Skap e ka ndërmend të hetojë krimin elektoral, Edi Ramës duhej t’i vinte prangat në shesh me mitingun elektoral që organizoi mbrëmë. Unë nuk mund të besoj në shpallje të një organi që fle mbi dosje të tmerrshme të krimit elektoral, evidente, zyrtare, të mbledhura në përputhje me procedurën ligjore provat dhe faktet. Por, po qe se Spak pretendon se do ta dënojë, ja ku e ka Edi Ramën, mitingu i mbrëmshëm ishte shkelja më e rëndë e ligjit elektoral që ka ndodhur. Përdor administratën në bllok, e nxjerr në shesh se kështu po më sulmojnë familjen, po më sulmojnë gruan, po më sulmojnë Erion Veliajn.

I gjithë fjalimi ishte një avokati e dëshpëruar sikur qytetarët shqiptarë kanë halle se çfarë po thonë gazetat, portalet apo kundërshtarët politikë për Edi Ramën dhe familjen e tij. Se ky ishte problemi i qytetarëve… Dhe ky ishte fjalimi se shyqyr që e regjistruan se ishte një sallatë fjalësh pa vlerë. Një njeri i dëshpëruar, një njeri i cili e sheh që toka po shket me shpejtësi nën këmbë. Në fakt ky është termi më i drejtë. Po i shket me shpejtësi toka nën këmbë. Nuk foli një fjalë për Mynihun. Nuk tha një fjalë të vetme. Shkoi në Mynih, do kishte takim, tha. Asnjë takim me dinjitarët e lartë amerikanë. Asnjë ftesë. Asnjë foto. Mirëpo kjo e poshtëroi keq edhe tek të vetët. Se tani kanë filluar edhe të vetët t’i largohen, të tremben prej tij. Plus asnjë fjalë për superskandalin me USAID, në një kohë kur bashkëshortja dhe ish-bashkëshortja janë dy kokat kryesore të skandalit.

Po ma përmendin, thotë, po thuaj, trego sa janë marrë. Del Çuçi dhe Delina e thonë se nuk kemi marrë asnjë qindarkë. Po 10 milionë i ke me kontratë. Drejtësi për të gjithë programi, pasuri për elitën e korruptuar të ekstremit të majtë në Shqipëri. Pra, nuk flet për këto. Flet nëse ishte gardëroba kështu, nuk kam përgjegjësi, bën një sallatë fjalësh, se unë kur u ktheva nga Parisi për vakinë e babait, përpiqet të kapë momente emocionale të mbulojë skandalet, vjedhjet e tij. Po çfarë gjynah ka ai, po të ketë gjynah ai, nuk lë të sëmurët të vdesin në spitale. Po të ketë gjynah ai, nuk vdiqën 20 mijë nga Kovidi dhe atë e bën ministre, në vend që ta çojë në burg. E ka një taktikë ai që bën këto për të ngjallur keqardhje”, – deklaroi Sali Berisha.

The post Berisha: Nëse SPAK ka ndërmend të hetojë krimin elektoral, t’i vinte prangat dje në shesh Ramës appeared first on Albeu.com.

Në një komunikim me gazetarët, ai u pyet për fillimin e lëvizjes politike që PD ka paralajmëruar.

Sipas tij, revolta popullore po zien, do të duhet që ne t’i prijmë asaj.

Sipas tij, ka vetëm një rrugë dhe ajo eshte qeveria teknike për të shkuar vendi në zgjedhje të lira dhe demokratike.

“Lëvizja fillon aty ky njerëzit janë. Ne jemi duke lëvizur në të gjithë Shqipërinë. Nuk është çështje datash. Revolta popullore po zien, do të duhet që ne t’i prijmë asaj.

Ka vetëm një rrugë që e kemi deklaruar, qeveria teknike për të shkuar vendi në zgjedhje të lira dhe demokratike.

Shqiptarët nuk mund të pranojnë që në vitin 2025 të mos ketë votë të lira. Shqiptarët nuk mund të pranojnë që edhe të jenë vend anëtar i NATO-s, edhe vota të kontrollohet nga krimi i organizuar dhe paratë e drogës.

Kjo është jo çështje ditësh, është çështje që shtruar për diskutim para strukturave të partisë, ka marrë bekimin dhe ne rrugë tjetër nuk kemi, vetëm për t’u përballur dhe rrëzuar narkoregjimin e Edi Ramës dhe për t’u dhënë shqiptarëve zgjedhje të lira”, tha Noka.

The post Homazhe për Azem Hajdarin/ Flamur Noka: Revolta popullore po zien, s’ka rrugë tjetër, qeveri teknike për të shkuar në zgjedhje të lira appeared first on Albeu.com.