Dëmtimet serioze në kolonat e betonit e kanë bërë urën të paqëndrueshme, duke ndërprerë lidhjen e pesë fshatrave të Njësisë Administrative Dropull i Sipërm me zonën e poshtme.

Në terren ndodhen punonjës të emergjencave civile, të cilët po vlerësojnë shkallën e dëmeve, ndërsa banorët e Radatit, Glinës, Vrahogoranxit, Peshkëpisë së Sipërme dhe Peshkëpisë së Poshtme kanë mbetur të izoluar.

Banorët shprehen se dëmtimi i urës i ka penalizuar, pasi rruga provizore që po hap bashkia nuk plotëson asnjë nga parametrat e sigurisë dhe terreni paraqet mjaft vështirësi.

Situata mbetet e rënduar, pasi pjesa më e madhe e banorëve të këtyre fshatrave janë të moshuar dhe të varur nga një lidhje e sigurt rrugore për nevojat e tyre bazë.

The post Reshjet e dendura të shiut shembin urën e Glinës, pesë fshatra të Dropullit mbeten të izoluar appeared first on Albeu.com.

I arrestuari është K. V., 39 vjeç, banor i zonës, i cili dyshohet se gjatë punës me troko në oborrin e banesës së tij ndezi zjarr, i cili më pas, për shkak të erës së fortë, doli jashtë kontrollit dhe përfshiu një zonë të gjerë banimi.

Menjëherë pas njoftimit, forcat e Policisë, në bashkëpunim me zjarrfikësen, FRONTEX-in, Forcat e Armatosura dhe me ndihmën e helikopterëve të autoriteteve greke, ndërhynë për të shuar flakët dhe evakuuan banorët në kohë, duke shmangur pasoja më të rënda.

Materialet hetimore ndaj 39-vjeçarit janë referuar Prokurorisë së Gjirokastrës për veprat penale “Shkatërrimi i pronës me zjarr” dhe “Shkatërrimi me zjarr i pyjeve dhe i mjedisit pyjor”.

Drejtoria Vendore e Policisë në Gjirokastër u bën thirrje qytetarëve që të tregojnë kujdes maksimal dhe të mos nisin asnjëherë zjarre të pakontrolluara. Çdo shkelës i ligjit do të përballet me pasojat penale. Qytetarët mund të denoncojnë çdo rast të tillë në numrin 112, duke iu garantuar anonimat dhe reagim të menjëhershëm.

The post Dropull/ Shkaktoi zjarrin që dogji 4 banesa, pjesë të pyllit dhe pemë frutore, përfundon në pranga 39-vjeçari appeared first on Albeu.com.

Shehu shprehet se në Dropull ka përfunduar procesi i votimit.

Ai thotë se kryetar i degës së PD në Dropull është zgjedhur Pandeli Kuromeno, pasi fitoi ndaj rivalit Qirjako Zoto.

“Dropulli zgjedh drejtuesit e deges se PD. Përfundon procesi i votimit ne Dropull. Kryetar i Deges se PD zgjidhet Z.Pandeli Kuromeno ndaj rivalit te tij Z.Qirjako Zoto. Perfundon edhe procesi i zgjedhjes se Kryesise se kesaj dege. Urimet me te mira te gjithe te zgjedhurve. Te gjitha antareve te kesaj dege te sapo krijuar te PD”, shkruan Shehu.

The post Mbyllet procesi i votimit në Dropull, kush u zgjodh kryetar i degës së PD-së appeared first on Albeu.com.

Sipas informacioneve, një nga zjarrfikësit e Bashkisë, ka humbur ndjenjat në luftë për shuarjen e zjarrit.

Zjarrfikësi është transportuar në spital, për të marrë ndihmën e nevojshme mjekësore.

Sakaq, mësohet se zjarrfikësit dhe trupat e Forcave të Armatosura janë në terren.

The post Në luftë me flakët në Dropull, një prej zjarrfikësve dërgohet me urgjencë në spital appeared first on Albeu.com.

Në terren ndodhen rreth 50 forca zjarrfikëse të Dropullit dhe të ushtrisë. Zjarri ka nisur prej pasdites së djeshme dhe po përhapet me shpejtësi.

Ka patur gjatë paradites mbështetje nga ajri, por helikopteri është larguar sërish (pasi ka bërë 7 hedhje uji).

Po punohet me mjete rrethanore.

Zjarri rrezikon t’u afrohet banesave. Në rrezik edhe monumente kulti.

The post Aktivizohet zjarri në zonën e Dropullit, flakët rrezikojnë banesat dhe monumentet e kultit appeared first on Albeu.com.

Banorër nuk janë evakuar ende.

Raportohet se do të ketë ndërhyrje nga ajri për të menaxhuar dhe shuar flakët.

The post Dropulli s’gjen qetësi nga zjarret, një vatër e re në fshatin Terihat, flakët afër banesave appeared first on Albeu.com.

Kjo e fundit është motra e Kleoniqi Ilias, 88 vjeçarja e gjetur e vrarë në banesën e saj së bashku me bashkëshortin, Kosta Ilia, në fillim të këtij muaji, po në këtë fshat.

Në vendngjarje aktualisht ndodhen efektivët e policisë dhe po punojnë për zbardhjen e detajeve.

The post Gjendet e vdekur motra e të moshuarës që u vra në Dropull appeared first on Albeu.com.

Njoftimi i plotë:

Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, mbi bazën e materialeve kallëzuese të ardhura nga Drejtoria Vendore e Policisë Gjirokastër se në fshatin Bodrisht, Bashkia Dropull, janë gjetur në banesën e tyre të vdekur me shenja dhune, shtetasit K.I dhe K.I., ka regjistruar procedimin penal nr.240/2024 për veprën penale “Vrasja në rrethana të tjera cilësuese”, kryer ndaj dy ose më shumë personave, parashikuar nga neni 79/dh i Kodit Penal.

Nën drejtimin e Prokurorisë Gjirokastër, u formua grupi hetimor, ku pasi është shkuar në vendin e ngjarjes, janë kryer veprimet e para hetimore, si këqyrja e detajuar e vendit të ngjarjes, këqyrja e kufomave, pyetja në cilësinë e personit që ka dijeni për rrethana të dobishme për hetimin e banorëve të fshatit dhe shtetasve të tjerë, ekzaminime dhe ekspertime shkencore.

Nga tërësia e veprimeve hetimore të kryera deri në këtë fazë të hetimit, ka dyshime të arsyeshme të bazuara në prova se shtetasi Th.M. ka konsumuar elementet e veprës penale “Vrasje në rrethana të tjera cilësuese” dhe “Mbajtja pa leje dhe prodhimi i armëve, armëve shpërthyese dhe municionit”, parashikuar nga neni 79/dh dhe 278/3 i Kodit Penal.

Në këto kushte më datë 04.05.2024, nga prokurori i çështjes u urdhërua ndalimi i këtij shtetasi.

Më datë 06.05.2024, prokurori i është drejtuar Gjykatës së Shkallës së Parë Gjirokastër me “Kërkesë për vleftësimin e ndalimit dhe Caktimin e masës së sigurimit Arrest në burg” për shtetasin Th.M dhe në seancën gjyqësore të datës 08.05.2024, Gjykata e Shkallës së Parë të Juridiksionit të Përgjithshëm Gjirokastër vendosi vleftësimin të ligjshëm të ndalimit dhe caktimin e masës së sigurimit ‘Arrest në burg’ për shtetasin Th.M.

vijon…

The post Dyshohet se vrau çiftin e të moshuarve në Dropull, Prokuroria Gjirokastër kërkon burg për 69-vjeçarin appeared first on Albeu.com.

Krimi i dyfishtë ndodhi më 2 maj, ku sipas verifikimeve të policisë së Gjirokastrës, Mastora, ka goditur me një levë në kokë dhe trup, fillimisht Kosta Ilia 84-vjeç dhe në brendësi të banesës, ka goditur për vdekje Kleoniqi Ilia 88-vjeçe.

Pasi i vrau të dy të moshuarit, autori 69-vjeçar, u largua për në banesën e tij që ishte jo shumë larg vendit ku ndodhi ngjarja e rëndë.

The post Vrau çiftin e të moshuarve në Dropull, burg për Thoma Mastorën appeared first on Albeu.com.

E pyetur për motivet që mund ta kishin shtyrë bashkëshortin e saj të kryente krimin e rëndë, 73-vjeçarja tha se nuk kishte asnjë dijeni, ndërsa e përlotur kërkoi ndjesë për ngjarjen tronditëse.

“Nuk kam çfarë iu them tjetër, kërkoj ndjesë! Nuk kam çfarë të bëj më, më thoni edhe juve çfarë të bëj? Mua ai më mbaroi tani, nuk më del inati, me sëmundjet e mia, shqetësimet e mia. Nuk ka më asnjë punë me mua”,- tha e moshuara.

Më tej, ajo zbuloi se autori kishte marrë edhe kredi dhe u shpreh se kishte frikë se mos mbetej pa shtëpi. E pyetur nga gazetarja Kristina Fidhi, se mos krimi kishte ndodhur për shkak të parave që mund t’i ishin dashur 69-vjeçarit, ajo tha se i kishte dhënë personalisht 150 mijë lekë të reja, për të blerë një makinë dhe se nuk kishte dijeni për asgjë tjetër.

“Kishte marrë edhe kredi, kam frikë se do më lërë pa shtëpi. Më tha policia ç’punë ke me bankën. Unë nuk di gjë u thashë, kishte marrë kredi. Nuk e di çfarë të bëj, u çmenda fare”.

Kush e ndihmoi që e mori atë kredi?

“Unë ta takoj atë? Për çfarë, çfarë t’i them që more në qafë dy pleq? Çfarë t’i them e shkreta unë? Ai mori kredi, 1 milionë e gjysmë i kam dhënë unë për makinë se u çmend donte makinë. I kam marrë te motra ime dhe ia kam dhënë. Dua të interesoheni ku ka marrë kredi dhe kush e ndihmoi dhe ku i ka çuar“?- u shpreh 73-vjeçarja.

The post Dyshohet se bashkëshorti i saj vrau çiftin e të moshuarve në Dropull, 73-vjeçarja shpërthen në lot: U çmenda, do të më marrin shtëpinë për kredinë e tij appeared first on Albeu.com.