Operacioni u realizua nga shërbimet operacionale të Sektorit për Kërkimin (FAST Albania), pranë Drejtorisë së Forcës së Posaçme Operacionale, në bashkëpunim me Drejtorinë Vendore të Policisë Shkodër.

32-vjeçari, banues në Kosan, u arrestua provizorisht me qëllim ekstradimin e tij drejt Italisë.

Kërkimi ndërkombëtar ndaj Broqit ishte aktivizuar nga Interpol Roma, në bazë të një urdhër-arresti të lëshuar nga Gjykata për Hetimet Paraprake në Gjykatën e L’Aquila-s.

Sipas autoriteteve italiane, ai dyshohet për veprat penale “Pjesëmarrje në organizatë kriminale me qëllim trafikimin e lëndëve narkotike” dhe “Prishje e vulave të vendosura nga autoritetet”, të parashikuara në Kodin Penal italian.

Pas ndalimit, Interpol Tirana dhe Interpol Roma kanë vijuar hapat procedurialë për ekstradimin e 32-vjeçarit në Itali.

The post Pjesë e një organizate kriminale në trafikun e lëndëve narkotike, arrestohet 32-vjeçari! Pritet të ekstradohet drejt Italisë (EMRI) appeared first on Albeu.com.

“Shërbimet e Forcës së Posaçme “Shqiponja”, bazuar në informacionet e marra në rrugë operative për kapjen e shtetasve në kërkim dhe i shkëmbimit të informacionit me Interpol Tiranën, kanë lokalizuar dhe kapur në Rinas, shtetasin A. Sh., 32 vjeç, banues në Kukës”, sqaron policia.

Ndërkohë Interpol Tirana, në bashkëpunim me autoritetet kosovare, do të kryejë procedurat për ekstradimin e 32-vjeçarit, në Kosovë.

Njoftimi:

DVP Tiranë/Vijon operacioni i koduar “Wanted”, për kapjen e shtetasve në kërkim ndërkombëtar.

Akuzohet në Kosovë, për veprimtari kriminale në fushën e narkotikëve, kapet dhe arrestohet me qëllim ekstradimin, 32-vjeçari.

Në momentin e ndalimit nga shërbimet e Policisë, ky shtetas është prezantuar me identitet tjetër, për të shmangur identifikimin dhe arrestimin e tij.

Shërbimet e Forcës së Posaçme “Shqiponja”, bazuar në informacionet e marra në rrugë operative për kapjen e shtetasve në kërkim dhe i shkëmbimit të informacionit me Interpol Tiranën, kanë lokalizuar dhe kapur në Rinas, shtetasin A. Sh., 32 vjeç, banues në Kukës.

Ky shtetas ishte shpallur në kërkim ndërkombëtar, pasi Gjykata Themelore e Prishtinës, Kosovë, ka lëshuar urdhër-arresti ndaj tij, për veprën penale “Blerja, posedimi, shpërndarja dhe shitja e paautorizuar e narkotikëve”.

Interpol Tirana, në bashkëpunim me autoritetet kosovare, do të kryejë procedurat për ekstradimin e 32-vjeçarit, në Kosovë.

The post I shpallur në kërkim ndërkombëtar për trafik të lëndëve narkotike, arrestohet në Rinas 32-vjeçari! Do ekstradohet në Kosovë appeared first on Albeu.com.

I arrestuari është djali i Petrit Cakraj, i cili akuzohet se, së bashku me vëllezërit Bushgjoka, ka rrëmbyer dhe vrarë Renis Dobrën.

Siciljan Cakraj pritet të paraqitet nesër në Gjykatën e Tiranës, ku do të mbahet seanca për caktimin e masës së sigurisë ndaj tij.

The post Arrestohet për drogë Siciljan Cakraj, babai i të cilit akuzohet për rrëmbimin dhe vrasjen e Renis Dobrës appeared first on Albeu.com.

Në pranga kanë rënë pronari, M. B., 33-vjeç, banues në Tepelenë, si dhe banakieri A. Gj., 20 vjeç, banues në Lazarat.

Gjatë kontrollit fizik të 20-vjeçarit, policia gjeti 5 doza të dyshuara kokaine dhe 8 doza të dyshuara Cannabis Sativa.

Ndërkohë, gjatë kontrollit në banesën e pronarit të lokalit u sekuestruan 145 doza të dyshuara kokaine, një peshore elektronike dhe një armë sportive tip pistoletë, të cilën 33-vjeçari dyshohet se e posedonte pa leje.

Në total, në kuadër të operacionit u sekuestruan **150 doza kokaine, 8 doza cannabis, një armë sportive, dy celularë dhe një peshore elektronike.

Operacioni u zhvillua pas administrimit të informacioneve operative se në lokalin e natës në Potam shiteshin lëndë narkotike. Shërbimet e Komisariatit të Policisë Himarë ndërhynë në subjekt dhe bënë arrestimet në flagrancë.

Materialet procedurale i janë referuar Prokurorisë për veprime të mëtejshme.

The post Himarë/ Përshtatën lokalin për shitje të lëndëve narkotike, arrestohet pronari dhe banakieri appeared first on Albeu.com.

Gjatë patrullimeve në zonën e njohur si “Skahide”, në lagjen Barun, efektivët e Komisariatit të Policisë Krujë zbuluan një ngastër toke të mbjellë me bimë të dyshuara si cannabis sativa.

Në momentin e ndërhyrjes, uniformat blu kapën në flagrancë dhe vunë në pranga shtetasin E. P., 62-vjeçar, banor në Krujë, i dyshuar si kultivuesi i bimëve të paligjshme.

Bimët narkotike u shkatërruan përmes djegies, teksa vijon monitorimi në territorin e Krujës për të identifikuar e goditur raste të tjera të kultivimit të kanabisit. Prokuroria ka marrë materialet procedurale për veprime të mëtejshme.

The post Kultivonte kanabis në ngastër, arrestohet në Krujë 62-vjeçari appeared first on Albeu.com.

Në pranga janë vënë 43 persona, nga të cilët tetë në Spanjë dhe 36 në Ekuador. Nga bastisjet e shtëpive në Spanjë janë sekuestruar një milion euro para cash.

Organizata kriminale, me seli kryesisht në La Rioja, dyshohet se krijoi një rrjet për të futur kontejnerë me sasi të mëdha kokaine përmes porteve të Malagas, Algeciras dhe Valencias.

Organizata kishte tre degë, njëra e lidhur me shqiptarët në Dubai

Sipas autoriteteve spanjolle organizata kriminale përbëhej nga tre degë. E para, dega kryesore spanjolle, përbëhej nga shtetas spanjollë dhe marokenë dhe ishte përgjegjëse për krijimin e strukturës së biznesit të nevojshme për importimin e kontejnerëve nga Amerika e Jugut. Funksioni i saj ishte t’i jepte aktivitetit një pamje të ligjshme dhe të siguronte një destinacion për ngarkesën legjitime.

Dega e dytë e rrjetit e kishte origjinën në Ekuador, nga ku buronte pjesa më e madhe e drogës së sekuestruar. Nga qendrat kryesore logjistike të vendit, kryesisht porti i Guayaquil, ata kontrollonin kontejnerët që përfundimisht do të arrinin në Spanjë.

Dega e tretë, me seli në Dubai, përbëhej nga investitorë me origjinë shqiptare të cilët injektuan shuma të mëdha parash në kompanitë spanjolle, të cilat nga ana tjetër shërbenin si pagesa për t’u siguruar atyre aktivitet dhe kështu për të kamufluar dërgesat e mëdha periodike të drogës.

Arrestimet dhe kontrollet e para në Ekuador

Sipas policisë spanjolle në mars të vitit 2025, u krye në Ekuador faza e pare e hetimit, duke çmontuar degën me seli në atë vend dhe duke rezultuar në 50 kontrolle shtëpish në pjesë të ndryshme të vendit, si dhe arrestimin e 36 personave.

Ky operacion përfshinte personel nga Njësia Qendrore Operacionale (UCO) e integruar në forcën policore ekuadoriane.

Arrestime dhe bastisje shtëpish në Spanjë

Në Spanjë, si rezultat i këtij hetimi që zgjati më shumë se dy vjet, janë kryer kontrolle shtëpish dhe arrestime në provincat e La Rioja-s, Alicante-s, Seville-s dhe Cadiz-it.

Operacioni rezultoi në arrestimin dhe hetimin e tetë personave dhe sekuestrimin e afërsisht një milion eurove në para të gatshme të gjetura gjatë kontrolleve të kryera në qytetin Arnedo (La Rioja). Gjithashtu janë ngrirë shumë prona, automjete dhe asete financiare.

#OperacionesGC | Intervenidas más de 21 toneladas de cocaína y desarticulada una organización que operaba en los principales puertos de España y Ecuador, en una operación conjunta @guardiacivil y @PoliciaEcuador , con la colaboración de @Europol

🌏La operación, de carácter… pic.twitter.com/lyqDKrxirC

— Guardia Civil (@guardiacivil) August 5, 2026

The post FOTOT+VIDEO/ Sekuestrohen më shumë se 21 ton kokainë, organizata me tre degë vepronte në Spanjë dhe Ekuador! Njëra e lidhur me shqiptarët në Dubai appeared first on Albeu.com.

Në qendër të takimit ishte monitorimi nga ajri i territorit shqiptar për parandalimin dhe goditjen e kultivimit të bimëve narkotike.

Gjatë bisedimeve, Hita shprehu mirënjohjen ndaj përfaqësuesve të Guardia di Finanza-s për partneritetin e vazhdueshëm. Ai vlerësoi se ky bashkëpunim ka dalë prej kohësh përtej kuadrit formal institucional, duke u kthyer në një model të qëndrueshëm besimi, mirëkuptimi dhe miqësie, me rezultate konkrete dhe shumë pozitive në luftën kundër kultivimit të bimëve narkotike.

Gjeneral Divizioni Joselito Minuto, nga ana e tij, riafirmoi angazhimin e Guardia di Finanza-s për ta intensifikuar mbikëqyrjen ajrore. Kjo do të realizohet përmes shtimit të fluturimeve dhe kontrollit të çdo koordinate të raportuar si zonë me rrezik për kultivimin e bimëve narkotike.

The post Lufta ajrore kundër kanabisit, Shqipëria dhe Italia thellojnë bashkëpunimin dhe Guardia di Finanza shton monitorimin appeared first on Albeu.com.

Autoritetet italiane e kishin shpallur Likën në kërkim ndërkombëtar, pasi Gjykata e Apelit e Romës, në mars të vitit 2025, e dënoi me 6 vite burgim për veprën penale “Trafikimi i narkotikëve”, të kryer në bashkëpunim.

Policia njoftoi se arrestimi u krye për t’i hapur rrugë ekstradimit të 50-vjeçarit në Itali. Procedurat përkatëse po ndiqen nga Interpol Tirana, në bashkëpunim me autoritetet homologe italiane.

Operacioni “FAST” vazhdon me synimin për të gjurmuar dhe arrestuar personat në kërkim ndërkombëtar, në mënyrë që ata të përballen me drejtësinë.

The post Arrestohet në Durrës 50-vjeçari i kërkuar ndërkombëtarisht, i dënuar në Itali me 6 vite burg për trafik narkotikësh appeared first on Albeu.com.

“Brenda njësisë sonë, në aparatin shtetëror e në politikë ka shumë njerëz të këqij”, shprehet ai. “Janë të shumtë të korruptuarit, të paguarit nga bandat”.

Kapiteni, në moshën 34-vjeçare, është më i moshuari midis kolegëve të tij të përzgjedhur me kujdes, të cilët i konsideron të vetmit të besueshëm. Ai lëviz ende me reflekset e një ish-pjesëtari të forcave speciale.

Ndërsa nata afrohet, ai udhëheq skuadrën në një lagje të varfër. Aty grilat metalike mbulojnë dritaret dhe banorët nuk flasin nga tmerri. Kjo zonë është bastioni i një grupi kriminal të quajtur Los Aguilas – Shqiponjat.

I pyetur se çfarë ndodh nëse banorët guxojnë të flasin kundër bandës, kapiteni përgjigjet shkurt: “I vrasin. Ja pse nuk flasin kurrë”.

Operacioni i radhës synon një shtëpi të braktisur, ku dyshohet se fshihen armë. Personat e armatosur rrallë i mbajnë ato në banesat e tyre. Skuadra e tij, e blinduar rëndë, ngjitet pas murit dhe hyn me forcë duke përdorur një dash metalik.

Brenda u gjetën dy pistoleta – njëra e konsumuar nga ndryshku, kurse tjetra gati për përdorim – si dhe municione për pushkë sulmi.

Kapiteni është i kënaqur. “Së pari, jemi të sigurt. Së dyti, bandave u hoqën dy armë”, shpjegon ai.

Mirëpo kjo mbetet një fitore modeste në një konflikt të pafund. Ai e pranon hapur se grupet kriminale disponojnë “armë të shumta dhe para shumë më tepër sesa shteti”.

Rreziqet i njeh përmendsh, pasi ka humbur tashmë tre miq të ngushtë gjatë kësaj përplasjeje. Ai vetë ka hequr dorë nga frika shumë kohë më parë, por prindërit e tij jo.

“Mamaja më thotë të kem kujdes se mund të vdes atje. Babai më telefonon vazhdimisht dhe pyet nëse jam mirë, i kërkon të them se jam mirë”, rrëfen ai.

Nga rrugicat e maskuara të Duránit deri në pikat e nxehta të Londrës dhe kryeqyteteve të tjera, mund të vizatohet një vijë e qartë përmes dollarëve dhe jetëve të këputura.

Sipas presidentit Daniel Noboa, afërsisht 70% e kokainës që vërshon në Evropë dhe Shtetet e Bashkuara kalon tranzit nga Ekuadori.

Lënda narkotike vjen nga Kolumbia dhe Peruja fqinje, dy prodhuesit më të mëdhenj në botë. Bandat vendase, fuqimisht të lidhura me kartelet meksikane e grupe mafioze shqiptare, drejtojnë kontrabandën duke përfituar nga kontrollet e dobëta kufitare, forcat e sigurisë me fonde të pakta dhe vija bregdetare e gjerë e Paqësorit.

Kështu, ajo që dikur njihej si një parajsë e qetë turistike, në më pak se dhjetë vjet u kthye në një vend të përndjekur nga vrasjet.

Vitin e kaluar, shkalla e vrasjeve ishte ndër më të lartat në botë, me mbi 9200 persona të vrarë, sipas Ministrisë së Brendshme. Kjo pavarësisht goditjeve të ashpra të Presidentit Noboa në dy vitet e fundit.

Kritikët thonë se efektet e këtyre aksioneve ishin të kundërta: bosët kryesorë u arrestuan, çka çoi në përçarje por edhe shumëfishim të bandave.

Shumë banorë tani janë të bindur se beteja kundër këtyre grupeve nuk mund të fitohet kurrë.

Kapiten Bustamante refuzon të dorëzohet. Gjatë një operacioni tjetër, qëndron në pritë duke vëzhguar rrugicat nga lart me anë të një droni. Vë re tre figura që sillen buzë një këndi lojërash: “mikrotrafikantë” të kapur në flagrancë, siç deklaron ai. Ata gjenden në fund të zinxhirit kriminal, duke shitur sasi minimale, jo me kilogramë.

Shumë shpejt, kapiteni shkon me ekipin në banesën e të dyshuarve. Dera goditet përsëri dhe brenda pak çasteve, policia gjendet në kuzhinë. Një grua në moshë të mesme proteston, ndërsa një vajzë e re pëlcet në vaj.

Pa energji elektrike, oficerët lëvizin nëpër dhoma me elektrikë, hapin dollapë dhe ngrenë dyshekët. Në katin e sipërm, zbulojnë një fshehtësi pas një dritareje. Një i dyshuar del dhe ndalohet, dy prangosen në një tjetër dhomë. Të gjithë mohojnë akuzat.

Pak më tutje, kapiteni zbulon pako letre me shkronjën “H” të fshehura në një vazo. Ato përmbajnë një përzierje varësish, me gjurmë heroine, që shitet nga trafikantët e zonës për 1 dollar copa.

Njëri prej të arrestuarve akuzohet dhe nëse shpallet fajtor, rrezikon pesë vjet burgim. Dy të tjerët lirohen nga prokurorët. Zyrtarë të lartë thonë se kjo përsëritet shpesh dhe fajësojnë korrupsionin në sistemin gjyqësor dhe atë të prokurorisë.

Koloneli Santiago Gavilanes, zëvendëskomandanti i policisë së Durán, thotë: “Ne i burgosim dhe ata i lirojnë. Këtë e dimë sepse gjatë bastisjeve të tjera i kapim përsëri. Disa prej tyre, të liruar, vrasin dhe lënë jetimë”. Ai shton se bandat kanë shuma të mëdha parash për të “blerë ligje, gjyqtarë e politikanë”.

Një shembull i fuqisë blerëse të tyre vjen nga një tjetër oficer, në një vendndodhje që nuk mund ta zbulojmë për sigurinë e tij. Ai tregon se e kishin kontaktuar dy herë me ofertën e një ryshfeti aq të madh sa “do të dilte në pension menjëherë”, por ai e refuzoi.

Dikush, ndoshta një koleg, u kishte njoftuar bandës çdo hollësi rreth punës së tij. “S’e di asnjëherë kush është duke të vëzhguar”, tha ai, një frazë që e dëgjuam shpesh gjatë qëndrimit tonë në Durán.

Në sheshin e lojërave, pas një tjetër dite të gjatë me jelek antiplumb, kapiteni pranon se ndihet i stërmunduar, por “kjo është puna ime. Besoj se mund ta fitojmë këtë luftë. Duhet ta bëjmë”.

Teksa bisedojmë, raportohet se një nga udhëheqësit kryesorë të bandës së zonës është parë afër. “E dimë se ai kontrollon trafikantët, por pa gjurmë apo prova, s’kemi shkaqe për ta arrestuar”, sqaron ai.

Megjithatë, policia vendase këmbëngul se po bën ndryshime. Sipas tyre, numri i vrasjeve në Durán u përgjysmua në gjashtë muajt e parë të këtij viti.

Ato shtojnë se progresi duket edhe nga rrugët që nuk janë më të zbrazëta pas orës shtatë të mbrëmjes, si dhe nga fakti që nuk gjenden më kufoma me koka të prera apo gjymtyrë të copëtuara.

“Kemi arritur t’i mbajmë bandat të përmbajtura”, thotë kolonel Gavilanes. “Rimarrja e kontrollit të plotë do të jetë një punë afatmesme”.

Në një tjetër skenë, kriminelët duket se e mbajnë nën fre vetë policinë. Përmes një lidhjeje, u takuam me një bandë lokale në territorin e tyre, rreth një orë larg qytetit. Udhëheqësi i tyre, të cilin po e thërrasim Jonathan, na deklaroi se kishte katër oficerë në listën e pagave të tij.

“Sa herë do të ketë një operacion, më lajmërojnë me telefon”, tha ai. “Më thonë t’i fsheh gjërat dhe të largohem. Kështu kur arrijnë, nuk gjejnë asgjë”. Këto sinjalizime paraprake i kushtojnë rreth 1500 deri 2000 dollarë në muaj.

Jonathan është 37 vjeç, vetëm pak vjet më i madh se Bustamante, por rrethanat e kanë vendosur në anën tjetër të barrikadave. Ai rrëfen se iu bashkua një bande në moshën 18-vjeçare për të siguruar ushqim.

Së bashku me të tjerët, të gjithë fytyrat e mbuluara, shëtisnin hapur në mes të ditës me armë në duar, duke përfshirë një pushkë gjysmëautomatike dhe pistoleta. Anëtari më i ri aty ishte një 17-vjeçar i dobët, i pajisur me jelek antiplumb dhe shuall sheshash.

Biseda me Jonathanin u zhvillua në një dhomë të vogël të një shtëpie të thjeshtë, me ndihmësit e tij të grumbulluar brenda. Hapësira ishte pothuajse e zënë krejt nga një shtrat.

Ai pranoi pa hezitim se ishte edhe trafikant, edhe vrasës. Kur e pyeta sa jetë kishte marrë, përgjigjja ishte e saktë dhe e ftohtë: “Deri tani, po gjashtë, mbase tetë. Nuk e mbaj mend tamam”. E tha ndërsa mbante pistoletën në prehër, me tytën e drejtuar nga unë.

Jonathan pretendon se banda nuk prek civilët e pafajshëm, por vetëm rivalët që tentojnë t’i zhvendosin. “Ata duan të hyjnë me forcë, vijnë duke vrarë njerëz dhe ne u kundërpërgjigjemi. E rëndësishme tani është të eliminojmë bandën tjetër”, tha ai.

Ndërsa flisnim, banorë lokalë, përfshirë fëmijë, ishin mbledhur pranë derës, por ai nuk e shihte si problem. Sipas të dhënave nga aktivistët e të drejtave në Ekuador, djemtë rekrutohen në botën e krimit që në moshën 12-vjeçare dhe në moshën 15-vjeç mund të kthehen në vrasës me pagesë.

Jonathan nuk kërkoi ndjesë që u jep armë adoleshentëve apo që shet kokainë në lagjen që pretendon se mbron. Ai është i bindur se trafiku i drogës është i pathyeshëm.

“Mendoj se kjo punë s’ka për të marrë fund”, deklaroi ai. “Nëse na mbyllin ne, del një tjetër bandë, e nëse e mbyllin atë, prapë del një tjetër”.

Ai e pret vdekjen ashtu siç ka jetuar: me armë në dorë. “Vdekja paguhet me vdekje. Por nëse vijnë të më vrasin, s’do t’ua bëj të lehtë”, tha ai.

Dy net më pas, në Durán, u dëshmuam sesi bandat lajnë hesapet mes tyre. Trupi i një burri ishte i dukshëm në dritat vezulluese të policisë, i shtrirë ku kishte rënë afër një motorri. Gëzhojat ende mbulonin tokën. Fqinjët vështronin, shumica pa zë.

Një burrë dhe një grua përqafoheshin duke qarë – familjarë të viktimës.

Policia dyshonte për një sulm hakmarrës mes bandash rivale. Ekipi i mjekësisë ligjore ngriti kufomën mbi një barrelë dhe e vendosi në furgonin frigoriferik, ku ndodhej tashmë një trup tjetër – cikli i dhunshëm përsëritej sërish.

Një dëshmitar pranoi të fliste, por me kusht anonimiteti. “Ai e kishte një plumb në shpinë që më parë. Kur u rrëzua, e qëlluan në kokë. Gjashtë herë e goditën, dy persona mbi një motor”, rrëfeu ai.

“Tani jemi mësuar, sepse kështu ndodh përditë. Mund të dalësh dhe të gjesh një plumb të humbur. S’mund të dalësh as të flasësh me miqtë apo familjen, se dikush mund të të qëllojë”, shtoi ai.

Nuk pret që lufta e presidentit kundër bandave të sjellë ndonjë ndryshim. “Kriminelët janë si hije, shfaqen ku të duan”, pëshpëriti ai.

Më pas u zhduk, duke u tretur në ajrin e ngrohtë të natës.

The post Beteja e përditshme në frontin e drogës në Ekuador: Grupet kriminale bashkëpunojnë me mafian shqiptare dhe kartelet meksikane appeared first on Albeu.com.

Sipas Prokurorisë, hetimi pasuror evidentoi një disproporcion të konsiderueshëm mes pasurisë së krijuar dhe të ardhurave të ligjshme të subjektit.

Gjithashtu, u konstatua se një pjesë e pasurive ishin regjistruar në emër të personave të tjerë, por kontrolloheshin faktikisht nga A.M., me qëllim fshehjen e pronësisë reale dhe origjinës së fondeve.

Në bazë të vendimit të Gjykatës, u konfiskuan 8 pasuri të paluajtshme (3 trualle, 3 njësi, 1 apartament dhe 1 vendparkim), 12 automjete, mes tyre Lamborghini Urus, Mercedes-Benz G63 AMG, Audi RS Q8 dhe Audi S8, si dhe 6 llogari bankare në euro dhe lekë.

Njoftimi i Prokurorise se Fierit:

Me kërkesë të Prokurorisë Fier konfiskohen 1.8 milionë euro pasuri të paluajtshme, automjete luksoze dhe likuiditete bankare të shtetasit A.M. me burim të dyshuar nga prodhimi, shitja dhe trafiku i lëndeve narkotikeve

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Fier në përfundim të shqyrtimit gjyqësor procedimi pasuror nr. 3 vitit 2024, u konfiskuan 1.8 milionë euro pasuri të shtetasit A.M., të cilat nuk justifikoheshin me burime të ligjshme.

Gjatë hetimit pasuror, Prokuroria e Fierit, ka kryer një analizë të zgjeruar financiare, nga ku rezultoi ekzistenca e një disproporcioni të konsiderueshëm ndërmjet nivelit të pasurisë së krijuar, zotëruar apo administruar nga subjektet e përfshira dhe kapaciteteve të tyre ekonomike të provuara nga burime të ligjshme.

Nga hetimi rezultuan elemente që krijuan dyshime se disa pasuri, megjithëse ishin regjistruar formalisht në emër të personave të tjerë, kontrolloheshin ose administroheshin faktikisht nga subjektet objekt hetimi, duke shërbyer për maskimin e pronarit real dhe fshehjen e origjinës së fondeve të përdorura.

Në përfundim të shqyrtimit të plotë të provave të administruara gjatë hetimit dhe procesit gjyqësor, Prokuroria pranë Gjykatës së Shkallës së Parë të Juridiksionit të Përgjithshëm, Fier vlerësoi se ishin përmbushur kushtet ligjore për vendosjen e masës parandaluese të konfiskimit, dhe Gjykata e Shkallës së Parë e Juridiksionit të Përgjithshëm Fier vendosi konfiskimin dhe kalimin në pronësi të shtetit shqiptar të pasurive të mëposhtme:

Pasuri të paluajtshme

Pasuri e paluajtshme e llojit njësi, me sipërfaqe 200 m², Fier.

Pasuri e paluajtshme e llojit truall, me sipërfaqe 210 m², Fier.

Pasuri e paluajtshme e llojit truall, me sipërfaqe 210 m², Fier.

Pasuri e paluajtshme e llojit truall, me sipërfaqe 210 m², Fier.

Pasuri e paluajtshme e llojit njësi (2 kate), me sipërfaqe ndërtimi 625.1 m², Fier.

Pasuri e paluajtshme e llojit njësi, me sipërfaqe 100 m², në lagjen “Kongresi i Përmetit”, Fier.

Pasuri e paluajtshme e llojit apartament (3+1), me sipërfaqe totale 127.4 m², Tiranë.

Pasuri e paluajtshme e llojit vendparkim, me sipërfaqe totale 30.14 m², në Tiranë.

Automjete dhe mjete motorike të konfiskuara

Lamborghini Urus, vit prodhimi 2018;

Mercedes-Benz G-63 AMG, vit prodhimi 2020;

Audi S8, vit prodhimi 2021;

Audi RS-Q8, vit prodhimi 2021;

Audi Q7, vit prodhimi 2016;

BMW X5, vit prodhimi 2014;

BMW X5, vit prodhimi 2007;

Volkswagen Touran, vit prodhimi 2013;

Mitsubishi L200, vit prodhimi 2014;

Mercedes-Benz C220 CDI, vit prodhimi 2001;

KIA Carnival, vit prodhimi 2000;

Autobus Neoplan, vit prodhimi 2003.

Vlera monetare dhe llogari bankare të konfiskuara

Llogari bankare në Euro, në emër të A.M., me gjendje balance 51,945.71 Euro.

Llogari bankare në Lekë, në emër të A.M., me gjendje balance 5,327,769.38 Lekë.

Llogari bankare në Euro, në emër të A.M., me gjendje balance 1,867.39 Euro.

Llogari bankare në Lekë, në emër të A.M., me gjendje balance 405,775.82 Lekë.

Llogari bankare në Euro, në emër të E.M., me gjendje balance 1,039.07 Euro.

Llogari bankare në Lekë, në emër të E.M., me gjendje balance 6,166.80 Lekë.

Hetimi vijon lidhur me veprën penale “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal, ku janë evidentuar po ashtu pasuri të konsiderueshme.

Prokuroria pranë Gjykatës së Shkallës së Parë të Juridiksionit të Përgjithshëm Fier mbetet e angazhuar në zbatimin me prioritet të ligjit nr. 10192, datë 03.12.2009 (“ligji antimafia”), duke intensifikuar hetimet financiare dhe pasurore me synim identifikimin, sekuestrimin dhe konfiskimin e pasurive që burojnë ose lidhen me veprimtari kriminale.

Prokuroria Fier mbetet e vendosur të intensifikojë goditjen e aseteve kriminale, duke përdorur të gjitha mekanizmat që parashikon legjislacioni në fuqi për identifikimin, sekuestrimin dhe konfiskimin e pasurive me origjinë të paligjshme.

Privimi i autorëve nga përfitimet ekonomike të veprimtarisë kriminale mbetet një nga prioritetet kryesore të organit të akuzës, si një mjet efektiv në luftën kundër krimit të organizuar, pastrimit të produkteve të veprës penale dhe kriminalitetit me përfitim pasuror.

The post EMRI/ Trualle, automjete luksoze dhe llogari bankare, Prokuroria konfiskon 1.8 milionë euro pasuri të përftuara nga trafiku i lëndëve narkotike appeared first on Albeu.com.