droge Archives - Albeu.com

Zbulohet baza në Durrës që prodhonte dr*gë sintetike për adoleshentët,arrestohen dy vëllezërit, në kërkim bashkëpunëtori i tyre

D Marku — Sun, 12 Apr 2026 13:08:45 +0000

Në përmbushje të një prej prioriteteve e kryesore , atë të sigurisë së jetës dhe shëndetit të nxënësve në shkolla, duke parandaluar dhe goditur fenomenet negative me fokus lëndët narkotike, bazuar dhe në informacionet siguruara në rrugë operative, nga ana e Seksionit për Hetimin e Narkotikëve, në bashkëpunim me Seksionin për Mbështetjen Operacionale të Hetimit pranë Drejtorisë Vendore të Policisë Durrës, u bë i mundur finalizimi i operacionit policor të koduar “Shije e hidhur”.

Gjatë operacionit është zbuluar një bazë e përpunimit të drogave sintetike si dhe është goditur grupi që prodhonte dhe shpërndante drogën sintetike pranë shkollave të mesme.

Në vijim të operacionit u arrestuan në flagrancë dy vëllezër , konkretisht shtetasit Ledio dhe Rubin Lemeti, 20 dhe 25 vjeç, të dy lindur në Kavajë dhe banues në Tiranë.

Si dhe u bë shpallja në kërkim e shtetasit Xh. L, 20 vjeç, banues në Tiranë, ku vijon puna intensive për kapjen e tij.

Këta shtetas, në bashkëpunim me njëri-tjetrin, kishin përgatitur kushtet për përpunimin e lëndëve narkotike, duke arritur të prodhonin lëndë narkotike sintetike në formë xhelatine (“karamele”). Secili nga shtetasit kujdesej për krijimin e kushteve për ushtrimin e aktivitetit të jashtëligjshëm, konkretisht për prodhimin, transportimin dhe shitjen e lëndës narkotike, kryesisht te moshat adoleshente.

Gjatë kontrollit të ushtruar ndaj shtetasit Ledio Lemeti, pranë bllokut të shkollave, shërbimet e Policisë i gjetën dhe sekuestruan në cilësinë e provës materiale 50 paketime me lëndë narkotike të përpunuar në formë karameleje, me peshë 650 gramë.
Nga kontrolli i ushtruar në banesën e këtyre shtetasve në Tiranë, u gjetën dhe u sekuestruan në cilësinë e provës materiale, xhelatine në formë karameleje; lëndë narkotike kanabis; 550 gramë material sintetik i gatshëm për prodhimin e karameleve sintetike me lëndë narkotike; një peshore elektronike; kallëpe plastike si ato që përdoren për dhënien e formës së karameleve; si dhe përbërës të ndryshëm që shërbejnë për prodhimin e karameleve me lëndë narkotike sintetike.

Nga ana e Seksionit për Hetimin e Narkotikëve në bashkëpunim me Prokurorinë vijon puna për identifikimin dhe dokumentimin e shtetasve të tjerë të përfshirë në këtë veprimtari kriminale.

Materialet hetimore procedurale do të referohen pranë Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Prodhimi dhe shitja e narkotikëve”, në bashkëpunim.

The post Zbulohet baza në Durrës që prodhonte dr*gë sintetike për adoleshentët,arrestohen dy vëllezërit, në kërkim bashkëpunëtori i tyre appeared first on Albeu.com.

I dënuar me 4 vite burg për kultivim të lëndëve narkotike, arrestohet 33-vjeçari i shpallur në kërkim (EMRI)

V K — Fri, 03 Apr 2026 07:18:17 +0000

Një 33-vjeçar i dënuar me 4 vite burg për kultivim të lëndëve narkotike dhe që ishte shpallur në kërkim, është arrestuar nga policia në Divjakë.

Në pranga ka rënë shtetasi Danjel Skënderi, i cili është dënuar nga Gjykata e Korçës, me 4 vjet burgim, për veprat penale “Kultivimi i bimëve narkotike” dhe “Prodhimi dhe mbajtja pa leje e armëve të gjuetisë dhe sportive”.

Uniformat blu, shprehen se nga ky dënim, 33-vjeçarit i kanë mbetur për të kryer 1 vit, 10 muaj e 4 ditë.

Njoftimi:

Kapet një 33-vjeçar i shpallur në kërkim, i dënuar me 4 vjet burgim, për kultivim të bimëve narkotikëve dhe armëmbajtje pa leje.

Shërbimet e Komisariatit të Policisë Divjakë, në vijim të punës për lokalizimin dhe kapjen e shtetasve të shpallur në kërkim, bazuar dhe në informacionet e siguruara në rrugë operative, kanë bërë të mundur lokalizimin dhe kapjen e shtetasit në kërkim:

Danjel Skënderi 33 vjeç, banues në fshatin Çermë Sektor, Divjakë.

Ky shtetas është dënuar nga Gjykata e Korçës, me 4 vjet burgim, për veprat penale “Kultivimi i bimëve narkotike” dhe “Prodhimi dhe mbajtja pa leje e armëve të gjuetisë dhe sportive”. Nga ky dënim, atij i kanë mbetur për të kryer 1 vit, 10 muaj e 4 ditë.

Veprimet e tjera procedurale për këtë shtetas u kryen nga shërbimet e Komisariatit të Policisë Pogradec.

The post I dënuar me 4 vite burg për kultivim të lëndëve narkotike, arrestohet 33-vjeçari i shpallur në kërkim (EMRI) appeared first on Albeu.com.

Arsenal armësh dhe lëndë narkotike, arrestohet 59-vjeçari, dyshohet se i ka trafikuar me qëllim shitjen në Shijak

V K — Wed, 01 Apr 2026 06:53:12 +0000

Një arsenal armësh dhe lëndë narkotike, janë sekuestruar nga policia në Shijak, ndërsa një 59-vjeçar ka rënë në pranga, i dyshuar për trafikim armësh dhe shpërndarje droge.

Zbulimi i armëve dhe arrestimi i 59-vjeçarit u bë në kuadër të operacionit të koduar “River”.

Shtetasi i arrestuar Sh. V., 59-vjeç, banues në Shijak dyshohet për veprat penale “Trafikimi i armëve dhe i municionit”, “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta” si dhe “Prodhimi dhe shitja e narkotikëve”.

Gjatë kontrollit në banesën e tij, policia gjeti dhe sekuestroi në cilësinë e provës materiale, 2 armë zjarri pistoletë me krehra me fishekë; 3 armë gjahu; municion luftarak i kalibrave të ndryshëm dhe pjesë armësh; 3 palë dylbi (një prej tyre për armë), 1 dron dhe 8 armë të ftohta (thika); 24 doza të lëndës së dyshuar narkotike kokainë, 1 peshore elektronike dhe 6 celularë.

Nga hetimet paraprake, dyshohet se 59-vjeçari i trafikonte armët me qëllim shitjen në zonën e Shijakut.

Njoftimi:

Sekuestrohen 2 armë zjarri, 3 armë gjahu, municion luftarak, armë të ftohta, sende të kundërligjshme dhe sasi Kokaine.

Arrestohet në flagrancë 59-vjeçari që i posedonte në banesë.

Nga hetimet dyshohet se ky shtetas i ka trafikuar armët me qëllim shitjen në Shijak.

Specialistët për Hetimin e Narkotikëve të DVP Durrës, në bashkëpunim me Komisariatin e Policisë Shijak, në vijim të punës për goditjen e veprimtarive kriminale, bazuar dhe në informacionet e siguruara në rrugë operative, organizuan dhe finalizuan operacionin e koduar “River”.

Në kuadër të ktij operacioni, u arrestua në flagrancë shtetasi Sh. V., 59 vjeç, banues në Shijak, si i dyshuar për veprat penale “Trafikimi i armëve dhe i municionit”, “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta” dhe “Prodhimi dhe shitja e narkotikëve”.

Gjatë operacionit, u krye kontroll në banesën e këtij shtetasi, ku u gjetën dhe u sekuestruan në cilësinë e provës materiale:
-2 armë zjarri pistoletë me krehra me fishekë, 3 armë gjahu, municion luftarak i kalibrave të ndryshëm, pjesë armësh, 3 palë dylbi (1 për armët), 1 dron dhe 8 armë të ftohta (thika);
-24 doza të lëndës së dyshuar narkotike Kokainë, 1 peshore elektronike dhe 6 celularë.

Vijon puna për dokumentimin e veprimtarisë kriminale të këtij shtetasi dhe identifikimin e shtetasve të tjerë që mund të jenë përfshirë në këto veprimtari kriminale.

Materialet procedurale iu referuan Prokurorisë së Durrësit, për veprime të mëtejshme.

The post Arsenal armësh dhe lëndë narkotike, arrestohet 59-vjeçari, dyshohet se i ka trafikuar me qëllim shitjen në Shijak appeared first on Albeu.com.

Gabimi në WhatsApp e çon sërish në burg shqiptarin në Angli: Fut në grup edhe oficerin e provës

V K — Sun, 08 Mar 2026 14:05:58 +0000

Një mesazh i gabuar në WhatsApp e çoi një shqiptar në Angli sërish prapa hekurave, vetëm dy javë pasi kishte dalë nga paraburgimi.

Kur Urim Pomari doli nga burgu me 21 tetor, ai iu rikthye shitjes së kokainës siç raporton ky portal britanik.

Ai krijoi një grup në platformën Whatsupp ku dërgonte oferta për shitje kokaine duke përdorur edhe emoji-n e dëborës si kod për drogën.

Gabimisht në këtë grup, ai kishte futur edhe numrin e oficerit të shërbimit të provës, tek i cili duhej të paraqitej çdo javë.

Pasi u pa mesazhi, policia bastisi shtëpinë e tij në Ipswich. Brenda u gjetën kokainë, peshore dhe 1,255 paund para cash.

Gabimi i tij u përmend edhe në sallën e gjyqit.

Gjyqtarja Nicola Talbot-Hadley tha se Pomari “nuk është një kriminel i sofistikuar” dhe e quajti “budallallëk” faktin që i kishte dërguar mesazh oficerit të provës.

Ajo urdhëroi që paratë e sekuestruara të dërgohen për bamirësi.

Në fund, gjykata e dënoi me 2 vite e 4 muaj burg.

The post Gabimi në WhatsApp e çon sërish në burg shqiptarin në Angli: Fut në grup edhe oficerin e provës appeared first on Albeu.com.

Sekuestrohen 57 kg lëndë narkotike dhe një armë zjarri në Vlorë, arrestohen dy persona (EMRAT)

V K — Mon, 23 Feb 2026 08:15:11 +0000

Rreth 57 kilogramë lëndë narkotike kanabis dhe një armë zjarri automatike janë sekuestruar në Vlorë, ndërsa dy persona janë arrestuar në flagrancë.

Bëhet fjalë për shtetasit Fioraldo Meminaj, 41-vjeç, banues në fshatin Trevllazër, dhe Lirim Likaj 40-vjeç, banues në fshatin Mavrovë.

Gjatë ndalimit dhe kontrollit të një automjeti tip “Volkswagen Touran”, u gjet një sasi kanabisi e përgatitur për shitje.

Në vijim, gjatë kontrolleve në banesat e tyre, u zbulua pjesa tjetër e lëndës narkotike, si dhe një armë zjarri automatike model 56 me një karikator me 30 fishekë.

Njoftimi:

Finalizohet operacioni policor i koduar “Brotherhood”, për goditjen e veprimtarisë kriminale në fushën e narkotikëve dhe armëmbajtjes pa leje.

Sekuestrohen rreth 57 kg lëndë narkotike kanabis dhe 1 armë zjarri automatike.

Arrestohen në flagrancë 2 shtetas.

Specialistët e Seksionit për Hetimin e Narkotikëve në Drejtorinë Vendore të Policisë Vlorë, pas informacioneve të siguruara në rrugë operative, për dy shtetas që dyshohet se merreshin me transport dhe shitje të lëndës narkotike, organizuan dhe finalizuan operacionin policor të koduar “Brotherhood”.

Shërbimet e Policisë ndaluan dhe kontrolluan automjetin e dyshuar tip “Volkswagen Touran”, me të cilin udhëtonin shtetasit Fioraldo Meminaj,. dhe Lirim Likaj.

Nga kontrolli i automjetit u gjet dhe u sekuestrua, në cilësinë e provës materiale, një sasi lënde e dyshuar narkotike kanabis, e përgatitur për shitje.

Në vijim të operacionit dhe veprimeve procedurale, nga kontrolli i ushtruar në banesën e shtetasit F. M., banues në fshatin Trevllazër, Vlorë, shërbimet e Policisë gjetën dhe sekuestruan një sasi tjetër kanabisi, gjithsej rreth 57 kg lëndë narkotike e dyshuar kanabis.

Gjithashtu, gjatë kontrollit të banesës së shtetasit L. L., banues në fshatin Mavrovë, Vlorë, u gjet dhe u sekuestrua 1 armë zjarri automatike, model 56, së bashku me një karikator me 30 fishekë luftarakë.

Në përfundim të veprimeve, u arrestuan në flagrancë shtetasit:

-Fioraldo Meminaj., 41-vjeç, banues në fshatin Trevllazër, Vlorë;

-Lirim Likaj., 40-vjeç, banues në fshatin Mavrovë, Vlorë,
për veprat penale “Prodhimi dhe shitja e narkotikëve” dhe “Mbajtja pa leje e armëve dhe municionit luftarak”.

Materialet procedurale iu referuan Prokurorisë për veprime të mëtejshme.

Hetimet vijojnë për zbulimin dhe dokumentimin e plotë të kësaj veprimtarie të paligjshme, si dhe për identifikimin e personave të tjerë të përfshirë.

The post Sekuestrohen 57 kg lëndë narkotike dhe një armë zjarri në Vlorë, arrestohen dy persona (EMRAT) appeared first on Albeu.com.

Nga pastrimi i parave, te trafiku i drogës dhe mashtrimi, ekstradohen nga Danimarka, Franca dhe Italia 3 shqiptarë (EMRAT)

D Marku — Mon, 16 Feb 2026 10:12:52 +0000

Finalizohen faza të tjera të operacionit policor ndërkombëtar të koduar “The Wanted”, për lokalizimin dhe nxjerrjen përpara drejtësisë, të shtetasve të shpallur në kërkim ndërkombëtar. Ekstradohen nga Danimarka, Franca dhe Italia, 3 shtetas, të dënuar/të akuzuar për vepra të ndryshme penale. Në kuadër të operacionit të koduar “The Wanted”, u ekstradua nga Danimarka, shtetasi Daniele Matoshi alias Daniele Çela alias Oklid Cela, nga Franca, shtetasi Christopher Rudoviç dhe nga Italia, shtetasi Gazmir Mjelli alias Gazmir Hamzaj.

NJOFTIMI I POLICISE
Si rezultat i bashkëpunimit ndërmjet specialistëve të Interpol Tiranës dhe homologëve, në kuadër të operacionit ndërkombëtar të koduar “The Wanted”, u finalizuan procedurat për ekstradimin në Shqipëri, të 3 shtetasve që kanë qenë në kërkim ndërkombëtar.

-U ekstradua nga Danimarka, shtetasi D. M. alias D. Ç. alias O. C., 28 vjeç, i lindur në Elbasan.
Ky shtetas ishte shpallur në kërkim ndërkombëtar, pasi Gjykata e Elbasanit, me vendimin e datës 18.07.2025, i ka caktuar masën e sigurisë “Arrest në burg”, për veprën penale “Pastrimi i produkteve të veprës penale ose veprimtarisë kriminale”.
Shtetasi D. M. ka qenë i dënuar nga Gjykata e Kristiansand, Norvergji, me 13 vjet burgim, për veprat penale “Trafikimi i lëndëve narkotike”, si pjesë e një organizate kriminale, “Falsifikimi i dokumenteve” dhe “Vjedhja e energjisë elektrike”.
Mbi bazën e materialeve të dërguara nga autoritetet norvegjeze dhe nga hetimet e kryera nga Prokuroria pranë Gjykatës së Shkallës së Parë e Juridiksionit të Përgjithshëm Elbasan kanë rezultuar pasuri (prona) të pajustifikuara në emër të tij dhe të familjarëve së tij.

-U ekstradua nga Franca, shtetasi Ch. R., 25 vjeç, i lindur në SHBA.
Ky shtetas ishte shpallur në kërkim ndërkombëtar, pasi Gjykata e Tiranës, me vendimin e datës 05.11.2024, e ka dënuar me 8 muaj burgim, për veprën penale “Prodhimi, mbajtja, blerja apo shitja pa leje e armëve të ftohta”.
Në muajin qershor 2024, në aeroportin e Rinasit, gjatë kontrollit me skaner, në valixhet e këtij shtetasi janë gjetur 2 armë të ftohta (thika metalike).

-U ekstradua nga Italia, shtetasi G. M. alias G. H., 39 vjeç, i lindur në Berat.
Ky shtetas ishte shpallur në kërkim ndërkombëtar, pasi Gjykata e Fierit, me vendimin e datës 13.07.2024, i ka caktuar masën e sigurisë “Arrest me burg”, për veprën penale “Mashtrimi”.
Ky shtetas akuzohet se i ka marrë një shumë parash, shtetasit Gj. K., duke e mashtruar se do ta ndihmonte për të shkuar në Itali, në mënyrë të paligjshme.

Vijon bashkëpunimi me homologët, për lokalizimin, kapjen dhe ekstradimin e shtetasve të tjerë të shpallur në kërkim ndërkombëtar.

The post Nga pastrimi i parave, te trafiku i drogës dhe mashtrimi, ekstradohen nga Danimarka, Franca dhe Italia 3 shqiptarë (EMRAT) appeared first on Albeu.com.

Tregtonin lëndë narkotike në Pogradec/ Jepet pretenca për grupin kriminal, sa vite burg kërkon prokuroria (EMRAT)

V K — Tue, 03 Feb 2026 14:57:16 +0000

Nga; Elton Qyno

Plot 45 vite burgim, ka kërkuar në gjykatë prokuroria e Korçës për grupin e Pogradecit që tregtonin heroinë dhe kokainë në disa zona të qytetit, si Volorekë, Tushemisht, zona e ish-turizimit dhe vende të tjera.

Dhjetë të pandehur janë përballur me akuzën e “Prodhimit dhe shitjes së lëndëve narkotike”.

Ndërkohë që në pretencën e saj prokuroria shpalosi një sërë provash të siguruara nga hetimi, që tregonin një sërë raportesh vëzhgimi dhe përgjime ambientale, të cilat vërtetonin aktivitetin kriminal të 10 të pandehurve.

Disa prej tyre janë arrestuar nga policia qysh prej muajit shtator 2023, ndërsa disa të tjerë vijojnë të jenë në kërkim.

Gazetari Elton Qyno, ka mësuar se 10 të pandehurit kanë pranuar akuzën dhe gjendjen e akteve të paraqitura nga prokuroria, duke hyrë në këtë proces gjyqësor me procedurën e gjykimit të shkurtuar me qëllim përfitimin e uljes së dënimit në masën 1/3.

Mësohet se për personin në kërkim Andrea Pilinçi, prokuroria ka kërkuar 8 vite burgim, por për shkak të gjykimit të shkurtuar masa përfundimtare e kërkuar ndaj tij, është 5 vite e 4 muaj burgim.

Për personat e tjerë si Leonard Dervishllari, Dhimitër Buli, Rudi Shaho, Naum Çbani, Erion Bardho, Andrea Barmashi, është kërkuar dënimin e tyre me 7 vite burgim. Por për shkak të gjykimit të shkurtuar, kjo masë dënimi përfundimisht është ulur në 4 vjet e 8 muaj burgim.

Për Marko Zikon, prokuroria kërkoi 6 vjet burgim ku me gjykim të shkurtuar u kërkua përfundimisht dënimi me 4 vjet burgim. Me 5 vjet heqje lirie u kërkua për Klavio Prishtinën dhe Edison Hidrin, të cilët nga gjykimi i shkurtuar përfituan uljen e dënimit në masën përfundimtare në 3 vjet e 4 muaj burgim.

Sipas dosjes hetimore, rezulton se një agjent i infiltruar dhe autorizuar nga prokuroria e Korçës, ka blerë disa herë kokainë në ambientet e Bar-Restorant “Kashta 1” në Tushemisht.

Në 22 Gusht 2023 agjenti i infiltruar, ka telefonuar përmes aplikacionit “WhatsApp” Andrea Pilinçi, të cilin personi ka kërkuar ta takojë.

Andrea Pilinçi, ka pranuar të takohet dhe i ka thënë agjentit që të shkojë te lokali, “Kashta” në Tushemisht. Në orën 16:10, agjenti ka shkuar në ambientet e lokalit dhe pasi është ulur te një nga tavolinat, aty është ulur dhe Andrea Pilinçi.

Ky i fundit pasi bisedon disa sekonda me personin e autorizuar, ka thirrur kamerierin e lokalit Endrit Hafesllari, të cilin e ka dërguar për të marrë dozën e lëndës narkotike.

Pasi Endriti, e ka çuar dozën në tavolinë ka shkuar përsëri brenda lokalit dhe ka marrë një tjetër dozë ja ka dhënë agjentit të policisë.

Nga procesi i vëzhgimit vihet re se Andrea Pilinçi, në bashkëpunim me punonjësit e lokalit ”Kashta 1”, Endrit Hafesllari dhe Naum Çobani, kryejnë aktivitetin e shitjes së lëndëve narkotike kokainë.

Këtë aktivitet këta persona e ushtrojnë në ambientet e lokalit, te persona të njohur dhe të pa njohur.

Andrea është personi që ka kontaktet me klientët ndërsa Endriti dhe Naumi, janë personat që shesin lëndën narkotike sipas porosive që i jep, Andrea.

Por kjo bazë e shitjes së drogës në Pogradec nuk është e vetmja. Një tjetër grup tjetër mjaft aktiv që tregon kokainë, heroinën dhe hashashin në qendër të qytetit, është ai i Alfons D.

Tregtia e kokainës realizohej në qendër të Pogradecit, pranë hotel “Enkelana”, ku në një episod prokuroria ka provuar shitjen e lëndës narkotike nga Klavio Prishtina tek Renato Musollari.

Në raportin e vëzhgimit në teren Klavio Prishtina, rezulton të jetë pasagjer në automjetin e markës “Range Rover” me targa AA888UM, ndërsa drejtues i këtij mjeti ka qenë, Alfons Demollari.

Në vijim të vëzhgimit, automjeti i mësipërm ka ndaluar te vendi i quajtur “Enkelana”, paralel me automjetin “Mercedes Benz” me targa AA445YV, i cili kishte ndaluar në anë të rrugës, në momentin që “Range Rover”, ka ndaluar një person i cili më pas është identifikuar si Renato Musollari.

Ai është afruar te xhami i parë i automjetit “Range Rover” dhe ka shkëmbyer diçka me pasagjerin Klavio Prishtina, pasi ka marrë sendin nga Klavio, e ka futur në xhep, ka ulur kofanon e mjetit dhe është futur brenda makinës, ku është ulur në sedilje, ndërsa automjeti “Range Rover” është larguar në drejtim të qytetit të Pogradecit.

Në këtë moment kanë ndërhyrë punonjësit e policisë, të cilët nga kontrolli personal i ushtruar Renato Musollarit, i kanë gjetur një mbështjellje plastmasi, brenda të cilës ka pasur një sasi lënde të dyshuar narkotike kokainë.

Përmes agjentëve të infiltruar, policia ka dokumentuar disa raste të tregtisë së kokainës, ku në këtë aktivitet kriminal janë futur një grup personash me precedentë penalë si Leonard Dervishallari, Erion Bardho, Andrea Barmashi, Marko Ziko, Klavio Prishtina, Dhimitër Buli, Edison Hidri dhe Rudi Shaho.

Ky i fundit është shok i Firdeus Berberit, djalit të “Lilit të Rushkës” i arrestuar në Janinë së bashku me Laert Haxhiun dhe tashmë të dy janë ekstraduar në Shqipëri.

Rudi Shaho, është proceduar nga gjykata e Korçës për “Moskallëzim Krimi” dhe “Përkrahje e autorit të krimit”, lidhur me ngjarjen e muajit Prill 2022, ku mbeti i plagosur me armë dhe thikë, Johan Muçllari.

Në dosjen hetimore të operacionit “Tempulli”, jepet një tablo e qartë se si tregtohet kokaina në rrugën “Rinia”, Tushemisht dhe “Kisha e Re” në Pogradec.

Sipas hetimeve Rudi Shaho, ka zhvilluar një takim me agjentin e policisë tek vendi i quajtur “Kisha e Re” në qytetin e Pogradecit, momenti i parë i takimit.

Në këtë takim Rudi Shaho, është me motor dhe se ka ndodhur në orën 22:31 minuta. Ky takim zgjati rreth një minutë, ku subjekti fillimisht është takuar dhe ka rënë dakord për sasinë dhe çmimin me blerësin e simuluar.

Pas disa minutash, personi i autorizuar ka komunikuar përsëri me shtetasin Rudi Shaho dhe pas këtij komunikim ky i fundit ka ardhur përsëri te vendi ku janë takuar herën e parë, të dy personat kanë shkëmbyer diçka me njëri tjetrin dhe më pas janë larguar.

Pretenca e prokurorisë:

1. Leonard Dervishllari me 7 vite burgim, dënimi përfundimtar 4 vite e 8 muaj burgim.

2. Dhimitër Buli me 7 vite burgim, dënimi përfundimtar 4 vite e 8 muaj burgim.

3. Rudi Shaho me 7 vite burgim, dënimi përfundimtar me 4 vite e 8 muaj burgim.

4. Andrea Pilinçi me 8 vite burgim, dënimin përfundimtar me 5 vite e 4 muaj burgim.

5. Naum Çobani me 7 vite burgim, dënimin përfundimtar me 4 vjet e 8 muaj burgim.

6. Erion Bardho me 7 vite burgim, dënimin përfundimtar me 4 vjet e 8 muaj burgim.

7. Andrea Barmashi me 7 vite burgim, dënimin përfundimtar me 4 vjet e 8 muaj burgim.

8. Marko Ziko me 6 vjet burgim, dërgimin përfundimtar me 4 vjet burgim.

9. Klavio Prishtina me 5 vjet burgim, dërgimin përfundimtar me 3 vjet e 4 muaj burgim.

10. Edison Hidri me 5 vjet burgim, dërgimin përfundimtar me 3 vjet e 4 muaj burgim. /Syri.net

The post Tregtonin lëndë narkotike në Pogradec/ Jepet pretenca për grupin kriminal, sa vite burg kërkon prokuroria (EMRAT) appeared first on Albeu.com.

Kishte takim me të dënuarin, shtetasit i zbulohet lëndë narkotike e fshehur në pjesët intime

V K — Tue, 03 Feb 2026 13:54:47 +0000

Një sasi droge u sekuestrua dhe një person u arrestua nga efektivët e Burgut të Fierit, teksa po tentohej të futej brenda ambienteve, e destinuar për një nga të dënuarit.

Sasia e dyshuar e lëndës narkotike, është konstatuar gjatë një kontrolli fizik në Institucionin e Ekzekutimit të Vendimeve Penale (IEVP) Fier.

Sipas njoftimit zyrtar, gjatë ushtrimit të kontrollit trupor në ambientet e dhomës së kontrollit, shtetasit S. P. iu gjet një sasi e dyshuar si lëndë narkotike, e fshehur poshtë pjesëve intime.

Njoftimi:

“Nga verifikimet e kryera rezultoi se shtetasi S. P. ishte paraqitur për të zhvilluar një takim me të dënuarin e sigurisë së zakonshme A. M., i akomoduar në dhomën nr. 10, sektori 5, godina C. Në vijim të veprimeve procedurale, shtetasi S. P. u ndalua, u hartua dokumentacioni përkatës dhe u njoftua Prokuroria, si dhe Specialisti i SHKBB-së, për kryerjen e veprimeve të mëtejshme ligjore”, thuhet në njoftim, raporton A2CNN.

Vijon kontrolli i plotë për sende të ndaluara, në kuadër të masave të sigurisë dhe verifikimeve procedurale.

The post Kishte takim me të dënuarin, shtetasit i zbulohet lëndë narkotike e fshehur në pjesët intime appeared first on Albeu.com.

Furnizonte burgun e Elbasanit me lëndë narkotike, ekzekutohen masat e sigurisë për efektivin dhe dy persona të tjerë

V K — Tue, 27 Jan 2026 10:35:49 +0000

Në zbatim të urdhrit të ekzekutimit të datës 22.01.2026 dhe bazuar në vendimin nr. 784, datë 19.12.2025, autoritetet kanë ekzekutuar masën e sigurisë “Arrest me burg” ndaj tre shtetasve të dyshuar, të cilët ndodhen në hetim.

U kzekutuan masat e sigurisë “Arrest me burg” për tre shtetas në Elbasan, mes tyre edhe polici i burgut të Bradasheshit, Ndriçim Kroj, i cili fuste lëndë narkotike në qelitë e burgut.

U ekzekutuan masat për:

Ndriçim Kroi, punonjës policie pranë Institucionit të Ekzekutimit të Vendimeve Penale (IEVP) Elbasan;

Esmeralda Komici, familjare e një të paraburgosuri;

Gerald Stamolla, i paraburgosur në IEVP Elbasan.

Efektivi i policisë së burgut në bashkëpunim me dy personat e tjerë koordinoheshin për të futur droge brenda qelive.

DOSJA

Në dosjen hetimore janë zbardhur bisedat telefonike mes efektivit të policisë, Ndriçim Kroj, bashkëshortes së tij, Majlinda, por edhe personave të tjerë.

The post Furnizonte burgun e Elbasanit me lëndë narkotike, ekzekutohen masat e sigurisë për efektivin dhe dy persona të tjerë appeared first on Albeu.com.

“He mo Çim a do vish te burgu të takohemi, te lutem?”, zbardhen bisedat mes policit të paraburgimit në Elbasan dhe shpërndarëses së drogës

D Marku — Sat, 24 Jan 2026 15:49:18 +0000

Tre persona u arrestuan nga policia pasi akuzohen se fusnin lëndë narkotike brenda ambienteve të burgut të Elbasanit.

Në pranga u vunë punonjësi i policisë, Ndriçim Kroi, i paraburgosuri Gerald Stamolla, dhe një grua, familjare e këtij të fundit, Esmeralda Komici.

Në dosjen hetimore, siguruar për BW nga gazetarja e News24, Klodiana Lala, janë zbardhur bisedat telefonike mes efektivit të policisë, Ndriçim Kroj, bashkëshortes së tij, Majlinda, dhe shpërndarëses së drogës nga Tirana, Esmeralda Komici, e cila siguronte lëndën narkotike për të paraburgosurit në Elbasan.

Esmeralda Komici flet në mënyrë të vazhdueshme në telefon me efektivin Ndriçim Kroj, herë me telefonin e tij dhe herë me telefonin e bashkëshortes, duke u koordinuar për të marrë mallin dhe për ta futur në qeli.

Esmeralda i kërkon që të takohen në burg, por efektivi nuk pranon. “He mo Çim a do vish te burgu të takohemi, te lutem?”, i shkruan familjarja e te paraburgosurit, por efektivi ia kthen: “Jo jo aty svij dot un, hajde icik ma përpara te rrethi”.

Pjese nga dosja:

Në datë 10.07.2025 ora 10:38 AM Majlinda me numër e kontaktit 067….. telefonon Ndriçimin.

Ndriçimi: Alo, Alo.

Majlinda: Me degjon?

Ndriçimi: Hë ?

Majlinda: Po atë porosin që kam un te çanta, un do ti mbaj tani?

Ndriçimi:Obobo ik iher ik merr ma von.

Në datë 14.07.2025 ora 05:17 PM Ndriçimi e telefonon Esmralda Komici me numër kontakt 068……

Esmeralda Komici: Alo !

Ndriçimi: Ca bën Ada si je ?

Esmeralda Komici: Je në punë ti sot ?

Ndriçimi: Isha i pari, atij isha.

Esmeralda Komici: Ok po do kalosh më vonë nga unë ?

Ndriçimi: Vallai nuk e di nuk e di një her, nuk e di kaloj s’kaloj për zotin e madh, është turp është me thënë po është full tha ai.

Esmeralda Komici: Ore cdo gjë në rregull mo vëlla, thjesht me mbaru punë dhe hec, je ok me cdo gjë, as më prit as më pret për lekët, thjesht hajde mere dhe ik.

Ndriçimi: Të marr paketën, të marr dhe lekët, të marr cigare të marr dhe lekët për këtë po thuaj ?

Esmeralda Komici: Po bravo.

Ndriçimi: Mir me është tamam kjo.

Esmeralda Komici: Jo jo është fiks mo lal do të them un për sa do vish, po pres robin të vijë, por vetëm të jesh gati.

Ndriçimi: Ok në rregull, më thua mua kur të jesh gati të nisem.

Në datë 14.07.2025 ora 10:25 PM Ndriçimi telefonon Esmeralda Komici me numër kontakt 068…….

Esmeralda Komici: Alo, ca po bën, tani fola un me atë është duke ardhur nga Durrësi për në Tiranë.

Ndriçimi: E po un të shkruajta mesazh në uhatsapp, ti e kishe numëri të fikur. A di pse të mora unë, më është prishur makina dhe nuk vi dot aty, më është prishur Egr-ëja.

Esmeralda Komici: Ska gjë se po vi vet un aty nesër.

Ndriçimi: Ok po erdhe vetë nesër më merë në telefon se pushim jam un nesër.

Në datë 14.07.2025 ora 10:30 PM Ndriçimi e telefonon Esmeralda Komici me numër kontakt 068…..

Esmralda Komici: Un nga mbasditja mund të vi nesër, nga ora 4.

Ndriçimi: Oo se harrova të të them un se na ora 4 iki nesër, iki në Librazhd.

Esmeralda Komici: Ok ska gjë, pasnesër nuk prish punë.

Esmeralda Komici komunikon me shtetasin Ndricim Kroj në lidhje për të lënë një orar për tu takuar dhe në fund e lënë që do komunikojnë në telefon përsër për tu takuar. Do mbeten në kontakt me njëri-tjetrin.

Në datë 15.07.2025 ora 10:32 PM Ndriçimi e telefonon Esmeralda Komici me numër kontakt 068…..

Esmrala Komici: Çimi si je, unë nga ora 11-12 mendoj të vi në Elbasan, ti ku do jesh ne puna për atje ku është Geri, Po më dëgjo një cik është një shoku i Gerit që do ja cosh.

Ndriçimi: Po se di kush është.

Esmeralda Komici: Po kur të vi do ta them atje emrin e të gjitha, për cdo gjë je në rregull, mir vëlla.

Ndriçimi: Mir ok.

Në datë 15.07.2025 ora 11:19 PM Ndriçimi e telefonon Esmeralda Komici me numër kontakt 068…..

Esmeralda Komici telefonon Ndricimin dhe i thotë po ka ndonjë shok apo koleg që ti coj një kartë telefoni Gerit e i duhet atijë që të flasi në telefon dhe e lënë për tu takuar me njëri-tjetrin para orës 4.

Në datë 15.07.2025 ora 02:44 PM Ndriçimi e telefonon Esmeralda Komici me numër kontakt 068…..

Esmeralda Komici: Alo, tani po vi un për Elbasan ku do takohemi ne ?

Ndriçimi: Te kryqëzimi i Cërikut, kur të afrohesh më kalo shoferin në telefon.

Esmrala Komici: ok në rregull !!

Në datë 15.07.2025 ora 3:37 PM Ndriçimi përdor telefonin e Majlinda (bashkëshortja e tijë) dhe telefonon Esmeralda Komicin me numër kontakti 068…..

Ndriçimi: Alo.

Esmeralda Komici: Alo.

Ndriçimi: Ça bane Ada, Çimi jam.

Esmeralda Komici: He mo Çim a do vish te burgu të takohemi, te lutem?

Ndriçimi: Jo jo aty svij dot un, hajde icik ma përpara te rrethi .

Esmeralda Komici: Po shiko se unë jam me taksi, me dëgjo të lutem.

Ndriçimi: Po mir pra të vij aty te turku te kurumi, jo atje.

Esmeralda Komici: Ku?

Ndriçimi: Jo te instituconi, të vij ma përpara.

Esmeralda Komici: Po pra po E di ku, mu ke rrethi.

Ndriçimi: E pra ke rrethi po them un po hap krahun aty

Esmeralda Komici: E mir hajde takohemi aty

Ndriçimi: Aty je ti?

Esmeralda Komici: Ore un jam ke burgu tani?

Ndriçimi: Mbarove pune?

Esmeralda Komici: Jo jo, ik të marr un ma vone.

Në datë 15.07.2025 ora 3:55 PM Esmrala Komici me numër kontakt 068….. telefonon Majlindën (bashkëshorten e Ndriçimit)

Majlinda: Alo

Esmeralda Komici: Alo

Majlinda: Po?

Esmeralda Komici: Ku është Çimi?

Majlinda: Nuk e di te rrethi Bradasheshi më tha mua.

Esmeralda Komici: Te rrethi Bradasheshit? E mir.

Majlinda: Merruni vet vesh në telefon.

Esmeralda Komici: E mir hajde.

Në datë 15.07.2025 ora 03:56 PM Ndriçimi e telefonon Esmeralda Komici me numër kontakt 068….

Esmeralda Komici: Te Kastrati je ?

Ndriçimi: Un këtu sa kthehen për tu futesh ne rruga e burgut, Ajo taksia që ishte aty ne burgu ishe ti ?

Esmeralda Komici: Eeeee.

Ndriçimi: Kthehuni nga erdhët është një urë e vogël.

Esmeralda Komici: Sic erdhem ?

Ndriçimi: E pra e ktheje turirin e makinës dhe hajde.

Esmeralda Komici: Ku je ti ?

Ndriçimi: Te lokali në krahun e majt ne kryqëzim, bëni kujdes aty se ishte një makine e bardhë me targa angëleze.

Esmeralda Komici: Ku je mo Çim, mo hajde mo tani tashi ?

Ndriçimi: Hajde se po vi unë andej.

Në datë 15.07.2025 ora 03:59 PM Ndriçimi e telefonon Esmralda Komici me numër kontakt 068….

Esmeralda Komici: Ku je moo, se jam me taksi nuk jam me makinën time, më vete taksia sa qimet e kokës.

Ndriçimi: Aaa kupton ti që nuk dua që të më shofin, e pak kaloje burgun.

Esmeralda komunikon me Ndricimin se nuk po kordinohen mir për tu takuar me njëri-tjetrin. Të dy janë afër burgut po nuk po meren vesh. Ndricimi e ka parë Esmeraldën po akoma nuk po arrijnë të kordinohen.

Në datë 15.07.2025 ora 04:04 PM Ndriçimi mer sms nga Esmralda Komici me numër kontakt 068….

Esmeralda Komici: Yllson Berberi e ka emrin ai.

The post “He mo Çim a do vish te burgu të takohemi, te lutem?”, zbardhen bisedat mes policit të paraburgimit në Elbasan dhe shpërndarëses së drogës appeared first on Albeu.com.