Ata u qëlluan për vdekje para derës së shtëpisë së tyre, në momentin kur familja është ende në ditë zie për vdekjen e babait, i cili ishte varrosur para pak ditësh.

Personi i dyshuar për vrasjen është Astrit Isufi, bashkëshorti i motrës së viktimave.

Ajo kishte ardhur në shtëpinë e vëllezërve, për të marrë pjesë në ceremoninë mortore të babait të tyre.

Si ndodhi ngjarja?

Sot, i dyshuari kishte shkuar në shtëpinë e Morinëve për ta marrë bashkëshorten. Pasi ishte larguar disa metra, është kthyer sërish dhe ka hapur zjarr ndaj Dritonit dhe Naimit, të cilët ndodheshin para oborrit.

Të dy vëllezërit kanë ndërruar jetë në vend.

“Familja ende ishte duke pritur njerëz për ngushëllim. Ai u kthye dhe i vrau para syve tanë. Edhe babën e kishim varrosë para pak ditësh”, tha një i afërm i familjes për Sinjalin.

The post Ngjarja tragjike në Kosovë/ Dy vëllezërit u vranë nga dhëndri i familjes në derë të shtëpisë, e motra shkoi për të marrë pjesë në ceremoninë mortore të babait appeared first on Albeu.com.