Sulmet në portin e Odesas është raportuar të kenë ndodhur pak pas mesnatës.

Rusia ka nisur raketa në rajonin jugor të Ukrainës Odesa për dy net me radhë, duke i goditur portet në Detin e Zi, pas largimit nga marrëveshja, e cila i ka mundësuar Kievit t’i eksportojë drithërat përmes detit.

Ministria ukrainase e Bujqësisë, ka thënë se “60.000 tonë të drithërave janë shkatërruar” në portin Çornomorsk, jashtë Odeseas.

Ajo ka thënë se kjo sasi ishte planifikuar të nisej për eksport “60 ditë më parë”.

Sipas saj, siguria e ushqimit në botë po rrezikohet edhe një herë tjetër.

Presidenti ukrainas, Volodymyr Zelensky, ka thënë më parë se Rusia “i ka shënjestruar me qëllim drithërat”.

Të hënën, Rusia ka refuzuar ta zgjasë marrëveshjen për transportin e drithërave, dhe prej atëherë ka paralajmëruar për “rreziqe” të eksporteve të grurit përmes Detit të Zi.

Kombet e Bashkuara kanë thënë se vendet më të varfra “do ta paguajnë çmimin” për prishje të marrëveshjes, derisa edhe Perëndimi e ka dënuar një gjë të tillë./ REL

The post Forcat ruse shkatërruan 60 mijë ton drithëra, Zelensky: Bombardimet ishin të qëllimshme appeared first on Albeu.com.

Nuk e filloni ditën me një dush!

Sipas një mjeku nga Universiteti i Harvardit, dushi në mëngjes na e bën më të lehtë ditën sepse ndihmon trurin të qëndrojë aktiv dhe i pa shpërqendruar nga faktorët e tjerë. Dushi gjithashtu ndihmon në gjenerimin e ideve të reja.

Dush i nxehtë

Uji i nxehtë ka efekt relaksues, por nëse e bëni në mëngjes, do të jeni përgjumësh. Prandaj bëni dush me ujë të vakët që ju ndihmon të ndiheni të freskët dhe gjithashtu nuk e bën lëkurën e thatë.

Kontrollimi i telefonit për një kohë të gjatë

Rrjetet sociale janë arsyeja e parë pse shumica e njerëzve ngulin sytë në telefon në mëngjes. Por mos harroni se mënyra si kalojmë mëngjesin tregon se, si do ta kalojmë ditën. Pra, ndaloni së humburi kohë duke ndenjur në telefon dhe vendosni pak muzikë.

Ngrënia e drithërave

Drithërat kanë sheqer dhe sheqeri shkakton një infuzion të insulinës në gjak. Qumështi, kosi dhe frutat e freskëta kur i shtohen drithërave në mëngjes, janë gjithashtu jo të shëndetshme për t’u ngrënë, kështu që është më mirë të qëndroni larg tyre.

Larja e dhëmbëve pas vaktit

Pasi keni ngrënë ushqim, mos i lani dhëmbët menjëherë, sepse dëmtoni smaltin. Në vend të kësaj, shpëlani gojën me një gotë ujë që të hiqni mbetjet.

Pirja e kafesë

Nëse pini kafe në mëngjes, pas zgjimit, do të rritet niveli i kortizolit, i cili çon në ankth. Nëse e pini kafen kur keni uri, do të bëheni me gastrit. Hulumtimet tregojnë se koha më e mirë për të pirë filxhanin e parë të kafesë është tre ose katër orë pas zgjimit. Sidoqoftë, nëse nuk mund të rezistoni të pini kafe në mëngjes, shtoni pak qumësht ose krem në të.

Rregulloni shtratin sapo çoheni

Mos e rregulloni shtratin menjëherë sapo çoheni sepse do të krijoni një mjedis të përshtatshëm, për merimangat pluhur dhe bakteret.

The post Këtyre zakoneve në mëngjes duhet t’u thoni lamtumirë appeared first on Albeu.com.

Kjo ngjarje pati ndikimet e veta edhe në Shqipëri në dy drejtime, se pari në rënien e importeve dhe së dyti në ndryshimin e gjeografisë së importeve pa hequr rolin e Rusisë si furnitori i dytë kryesor i vendit tonë më grurë.

Të dhënat zyrtare të INSTAT mbi tregtinë e jashtme tregojnë se, importet e grurit pësuan rënie me 24 për qind gjatë 11 mujorit duke arritur në 222 mijë tonë nga 294 mijë që ishin në të njëjtën periudhë të vitit të kaluar.

Lufta në Ukrainë ka nxitur prodhimin vendas. Shumë fermerë mbollën drithëra nga frika e mungesës së furnizimeve dhe çmimeve të larta më të cilin gruri u shit në muajt e parë të luftës në tregjet ndërkombëtare.

Rënia e importeve po shkaktohet edhe nga një emigrimin i fortë të rinjve, që ka ndikuar në rënien e konsumit të bukës, raportojnë aktorët e tregut.

Rusia kalon në furnitorin e dytë, dyfishohen importet nga Ukraina

Deri vitin e kaluar Rusia ishte furnizuesi kryesor i vendit me grurë. Këtë vit pas konfliktit në Ukrainë, importet e grurit nga Rusia kanë pësuar rënie të dukshme me 51%, por sërish mbetet partneri i dytë tregtar më i rëndësishëm i vendit.

Në 11 mujorin 2022 u importuan nga Rusia rreth 66 mijë tonë grurë, të cilat zunë 29.6 për qind të importeve totale në këtë periudhë. Në të njëjtën periudhë të vitit 2021 importet e grurit nga Rusia zinin 43 për qind të totalit.

Teksa importet nga Rusia gjatë këtij viti kanë rënë, u dyfishuan blerjet e drithërave nga Ukraina, e cila këtë vit ishte e treta pas Serbisë dhe Rusisë për volumet e furnizimit më drithëra. Sasitë e importit nga Ukraina janë rritur me 105 % për qind në 11 -mujor në raport me të njëjtën periudhë të vitit 2021. Importet e grurit nga Ukraina këtë vit zunë 8.8 për qind të importeve totale të drithërave nga vetëm 3.2 për qind që zunë vitin e kaluar.

Serbia bëhet furnizuesi më i madh i grurit në Shqipëri

Importet e grurit nga Serbia në 11 mujorin e vitit 2022 kanë pësuar rënie me 12%, por ajo u rendit e para për volumet e importit, duke zënë vendin e Rusisë. Sipas të dhënave të INSTAT importet e drithërave nga Serbia arritën në 96 mijë tonë dhe përbënin 43.3 për qind të importeve totale të drithërave në këtë periudhe.

Rusia dhe Serbia kontribuuan me 73 % të importeve të grurit këtë vit nga 83% vitin e kaluar në të njëjtën periudhe. /Monitor

The post Importet e drithërave ranë me 25% në 11 mujor, Serbia i zë vendin Rusisë appeared first on Albeu.com.

Prania e saj në organizëm është thelbësore për tretjen por edhe kundër sëmundjeve të zemrës, diabetit të tipit 2 dhe kancerit të zorrës së trashë.

Fibra gjendet tek disa ushqime siç janë: frutat, perimet, legumet dhe drithi i plotë.

Fibra gjendet në dy forma: e tretshme dhe jo e tretshme.

Fibra e tretshme gjendet tek tërshëra, elbi, fasulet, drithërat e plotë, arrorët, farat, frutat dhe perimet.

Ajo tretet në stomak në formë xhelatinoze dhe siguron që grimcat ushqimore të përthithen më ngadalë duke penguar luhatjet e sheqernave në gjak.

Fibra e patretshme nga ana tejtër përthith lëngjet duke lehtësuar jashtëqitjen dhe penguar konstipacionin.

Ajo gjendet tek drithërat e plotë, frutat, perimet dhe arrorët.

Një fetë bukë me drith të plotë ofron 4 gramë fibër.

Një lugë gjelle me copa frutash apo perimesh ofron 1 gramë fibër, ndërsa arrorët dhe farat përmbajnë mbi 2 gramë.

Ekspertët rekomandojnë ngrënien e 5 racioneve me fruta dhe perime në ditë për të plotësuar nevojat për fibër.

Udhëzimet e ekspertëve tregojnë se njeriu duhet të konsumojë 30 gramë fibër në ditë.

The post Nëse keni probleme me tretjen konsumoni më shumë fibër, ushqimet ku ta gjeni appeared first on Albeu.com.

Pozhegu ka sqaruar se mozaiku është bërë me fasule, grurë, fara luledielli, oriz, misër e drithëra të tjera me ngjyra.

Ai ka treguar se për të përfunduar këtë vepër iu deshën 100-120 kilogramë drithëra, ndërsa punoi rreth 6 orë.

“Kam përdorur fasule, grurë, fara luledielli, oriz e drithëra me ngjyra ndërsa mu deshën rreth 100-120 kg drithë”, tha ai./albeu.com

View this post on Instagram

 

A post shared by Alkent Pozhegu (@alkentpozhegu)

The post Mozaik me drithëra nga shqiptari në nder të Mbretëreshës Elizabeth II, jehonë në mediat ndërkombëtare (FOTO LAJM) appeared first on Albeu.com.

Në momentet e fundit, ministria turke e mbrojtjes ka thënë se gjithsej pesë anije janë larguar sot nga portet e Ukrainës duke transportuar misër dhe grurë.

Tre nga anijet ishin nga Chornomorsk në rajonin jugor të Odesa dhe dy nga Pivdennyi, duke e çuar numrin total të anijeve që do të largoheshin nga Ukraina pasi vendi nënshkroi një marrëveshje me Rusinë për të rihapur portet e Detit të Zi në 21.

Marrëveshja synon të lejojë kalimin e sigurt të dërgesave të grurit brenda dhe jashtë Odesa, si dhe Chornomorsk dhe portin e Pivdennyi aty pranë.

Marrëveshja përfshin kontrolle në anijet hyrëse dhe dalëse për t’u siguruar që vetëm drithërat janë duke u zhvendosur, si dhe një angazhim nga Ukraina dhe Rusia për të mos sulmuar portet ose anijet tregtare ose të tjera civile./albeu.com

The post Vazhdon eksporti i grurit ukrainas, 5 anije u nisën sot nga Odesa, Chornomorsk dhe Pivdennyi appeared first on Albeu.com.

Prej muajsh Kievi e ka akuzuar Rusinë se po vjedh drithërat e saj nga jugu i vendit dhe po bllokon eksportin nga portet, duke kontribuuar në krizën ushqimore globale, diçka që Moska e ka mohuar vazhdimisht.

Eksportet e grurit në Ukrainë kanë pësuar një rënie prej 43 për qind krahasuar me të njëjtën periudhë të një viti më parë, sipas Ministrisë së Bujqësisë së Ukrainës, duke nënvizuar dëmin që i është shkaktuar sektorit kyç të ekonomisë së vendit nga pushtimi rus.

Bllokimi i porteve në Detin e Zi, një rrugë kyçe për anijet që transportojnë produktet ushqimore, kanë sjellë një rritje substanciale të çmimeve të produkteve ushqimore.

Autoritetet ukrainase kanë bërë të ditur se këtë vit, vendi pritet të korrë 65 milionë tonë drithë dhe fara luledielli, krahasuar me 106 milionë në vitin 2021. Shkak për këtë rënie të prodhimit është humbja e një pjese të territorit ndaj Rusisë.

Ministria e Bujqësisë në Ukrainë bëri të ditur se fermerët në jug dhe lindje të Ukrainës kanë nisur tashmë të vjelin të korrat e 2022-it./REL

The post Rusia nis dërgesat e drithërave nga territoret e pushtuara të Ukrainës appeared first on Albeu.com.

Zelensky u tha gazetarëve se ai ka diskutuar me Britaninë dhe Turqinë idenë e një marine të një vendi të tretë që garanton kalimin e eksporteve të grurit ukrainas përmes Detit të Zi të dominuar nga Rusia.

Ai diskutoi gjithashtu situatën në Severodonetsk, duke thënë se do të bëhej “shumë e vështirë” për forcat e vendit të tij nëse Rusia është në gjendje të depërtojë në rajonin lindor të Donbasit.

Ukraina është një nga eksportuesit më të mëdhenj në botë të grurit dhe që nga shpërthimi i luftës, janë ngritur shqetësime për një mungesë globale. Për momentin, vendi ka në magazina sasi të mëdha që nuk është në gjendje t’i eksportojë./albeu.com

The post Zelensky paralajmëron: 75 milionë tonë drithëra mund të ngecin në Ukrainë deri në vjeshtë appeared first on Albeu.com.

Gjithashtu edhe dy burime të tjera konfirmuan faktin se Turqia po negocionte për të bërë të mundur eksportin e drithërave nga Ukraina. Edhe pse një anëtare e NATO -s , Turqia ka mbajtur një qëndrim më “neutral” se anëtarët e tjerë të aleancës perëndimore.

“Turqia është e gatshme të monitorojë eksportin e mallrave nga Odesa përmes Detit të Zi, sepse Turqia ka një pozitë të fortë në Detin e Zi dhe ata janë të gatshëm të ndihmojnë,” tha një nga zyrtarët.

The post Turqia në bisedime me Rusinë dhe Ukrainën për eksportin e drithërave appeared first on Albeu.com.

Blloqet shihen si një faktor prapa çmimeve të larta të ushqimeve, të cilat arritën një rekord të lartë në mars, në vazhdën e pushtimit rus të Ukrainës, përpara se të lehtësoheshin pak në prill, tha Organizata e Ushqimit dhe Bujqësisë (FAO).

Ukraina kishte qenë eksportuesi i katërt më i madh në botë i misrit në sezonin 2020, 2021 dhe eksportuesi numër gjashtë i grurit, sipas të dhënave të Këshillit Ndërkombëtar të Drithërave.

“Është një situatë thuajse groteske që shohim për momentin në Ukrainë me afro 25 milionë ton drithë që mund të eksportohen, por që nuk mund të largohen nga vendi thjesht për shkak të mungesës së infrastrukturës, bllokadës së porteve,” Josef Schmidhuber, tha zëvendësdrejtori i FAO.

Ai tha se kapanonet e plota mund të rezultojnë në mungesë të magazinimit gjatë korrjes së ardhshme në korrik dhe gusht.

“Pavarësisht nga lufta, kushtet e korrjes nuk duken aq të rënda. Kjo mund të nënkuptojë me të vërtetë se nuk ka kapacitet të mjaftueshëm magazinimi në Ukrainë, veçanërisht nëse nuk ka korridor të hapur të grurit për eksport nga Ukraina,” tha ai.

Një tjetër shqetësim janë raportet se disa depo drithërash ishin shkatërruar në luftimet në Ukrainë, shtoi ai, pa dhënë detaje.

Kjo vjen pasi kreu i Organizatës Botërore të Tregtisë tha këtë javë se ajo ishte “seriozisht e shqetësuar” për çmimet spirale të ushqimeve./albeu.com

The post OKB: 25 milionë tonë drithëra të bllokuara në Ukrainë për shkak të luftës appeared first on Albeu.com.