Gjatë këtij debati u trajtua edhe çështja e Kosovës, me kërkesën që vendi të marrë statusin e kandidatit për anëtarësim në BE. Kjo kërkesë u paraqit nga eurodeputeti Riho Terras, i cili mban edhe rolin e raportuesit për Kosovën në Parlamentin Evropian.

Terras theksoi se institucionet e BE-së duhet të japin një përgjigje më të qartë ndaj përparimit që po bëjnë vendet e rajonit në reforma dhe në afrimin me standardet evropiane.

“Si raportues i Parlamentit Evropian për Kosovën, është shumë e rëndësishme për mua që Kosova të fitojë statusin e vendit kandidat. Është me rëndësi të madhe që Kosova të vazhdojë në rrugën e saj evropiane dhe që mbështetja publike, që është e lartë, për integrimin evropian të vazhdojë”, ka deklaruar Terras.

Sipas vlerësimeve të ekspertëve, megjithëse këto mesazhe nga Brukseli janë inkurajuese, procesi i Kosovës drejt statusit kandidat mbetet i vështirë. Ndër pengesat kryesore përmenden mosnjohja nga disa shtete anëtare të BE-së, nevoja për reforma më të thella në sundimin e ligjit dhe administratën publike, si edhe sfidat që lidhen me dialogun me Serbinë.

Sipas tyre, deklaratat e fundit përbëjnë një sinjal pozitiv për perspektivën evropiane të Kosovës, por hapat konkretë do të varen nga reforma të qëndrueshme brenda vendit dhe nga pajtueshmëria e shteteve anëtare të BE-së.

Halili: Deklarata e Terras sinjal pozitiv, por rruga drejt BE-së mbetet e ndërlikuar

Profesori Nijazi Halili, në një prononcim për “Bota sot”, është shprehur se ky pozicion dëshmon për një mbështetje në rritje brenda institucioneve evropiane ndaj integrimit të Kosovës, në lidhje të drejtpërdrejtë me reformat e brendshme.

“Deklarata e Riho Terras përbën një sinjal pozitiv për Kosovën dhe konfirmon se brenda institucioneve evropiane po rritet mbështetja për avancimin e saj në procesin e integrimit evropian. Vlerësimi i tij se Kosova duhet të fitojë statusin e vendit kandidat reflekton bindjen se progresi i arritur në reforma duhet të shoqërohet me hapa konkretë nga Bashkimi Evropian.

Megjithatë, pavarësisht këtyre mesazheve inkurajuese, rruga e Kosovës drejt statusit kandidat mbetet e ndërlikuar. Pengesat kryesore vazhdojnë të jenë mungesa e njohjes nga pesë shtete anëtare të BE-së, nevoja për thellimin e reformave në fushën e sundimit të ligjit dhe administratës publike, si dhe progresi në dialogun me Serbia”, ka vlerësuar ai.

Halili ka theksuar se deklarata të tilla nuk duhet të kuptohen si shenjë se Kosova është afër marrjes së statusit kandidat në një afat të shkurtër.

“Deklarata e Terrasit nuk nënkupton se Kosova është pranë marrjes së statusit kandidat në afat të shkurtër, por ajo tregon se ekziston një klimë më e favorshme politike në raport me perspektivën evropiane të vendit. Në kushtet kur zgjerimi i BE-së është rikthyer në qendër të agjendës strategjike evropiane, Kosova mund të përfitojë nga kjo momentum, me kusht që të vazhdojë zbatimin e reformave dhe të forcojë pozicionin e saj në raport me partnerët ndërkombëtarë.

Prandaj, deklarata e raportuesit për Kosovën në Parlamentin Evropian mund të shihet si një mundësi për hapjen e një kapitulli të ri në marrëdhëniet ndërmjet Kosovës dhe BE-së, por realizimi i këtij objektivi do të kërkojë angazhim të vazhdueshëm si nga institucionet e Kosovës, ashtu edhe nga vetë Bashkimi Evropian”, ka deklaruar Halili për “Bota sot”.

Berisha: Diaspora dhe SHBA, çelës për avancimin ndërkombëtar të Kosovës

Nga ana tjetër, profesori universitar dhe analisti i marrëdhënieve ndërkombëtare, Fejzulla Berisha, ka thënë për “Bota sot” se deklarata e eurodeputetit Terras për statusin kandidat të Kosovës përbën një sinjal të favorshëm politik dhe diplomatik për rrugëtimin evropian të vendit.

Ai ka nënvizuar se marrja e statusit kandidat nuk do të thotë anëtarësim automatik, por hyrje në një etapë të re të integrimit dhe shtysë për reforma.

“Deklarata e eurodeputetit estonez Riho Terras, i cili ka theksuar rëndësinë e dhënies së statusit të vendit kandidat për Republikën e Kosovës dhe vazhdimit të rrugës së saj evropiane, duhet të vlerësohet si një sinjal inkurajues politik dhe diplomatik për të ardhmen evropiane të shtetit të Kosovës.

Në rrafshin e marrëdhënieve ndërkombëtare, deklarata të tilla nuk përbëjnë vetëm opinione individuale, por shpeshherë pasqyrojnë tendencat dhe debatet që zhvillohen brenda institucioneve të Bashkimit Evropian. Për këtë arsye, deklarata e Riho Terras meriton një analizë më të thellë në kontekstin e zhvillimeve aktuale gjeopolitike në Evropë dhe në Ballkanin Perëndimor.

Dhënia e statusit kandidat nuk nënkupton automatikisht anëtarësimin në Bashkimin Evropian, por përfaqëson njohjen politike të perspektivës evropiane të një shteti dhe hyrjen e tij në një fazë më të avancuar të procesit integrues.

Në historinë e zgjerimit evropian, statusi kandidat ka qenë një instrument i rëndësishëm për të nxitur: reformat demokratike;forcimin e sundimit të ligjit;zhvillimin ekonomik;modernizimin institucional; konsolidimin e sigurisë dhe stabilitetit rajonal.

Në këtë kuptim, marrja e statusit kandidat nga Kosova do të përbënte një sukses historik dhe një konfirmim të orientimit të saj euroatlantik. Qëndrimi i Riho Terras nuk është i rastësishëm.

Ai vjen në një periudhë kur Bashkimi Evropian po rishikon politikën e zgjerimit si pasojë e ndryshimeve të mëdha gjeopolitike të shkaktuara nga lufta në Ukrainë dhe sfidat e sigurisë në kontinentin evropian.

Nëse para disa vitesh zgjerimi konsiderohej një proces i ngadalshëm dhe shpeshherë i lënë në plan të dytë, sot ai po shihet gjithnjë e më shumë si një domosdoshmëri strategjike.

Prandaj, deklarata e raportuesit për Kosovën në Parlamentin Evropian mund të interpretohet si pjesë e një qasjeje të re, sipas së cilës zgjerimi nuk është vetëm një proces teknik, por edhe një instrument i sigurisë evropiane”, ka thënë Berisha.

I pyetur nëse mund të krijohet një mundësi e re për Kosovën, Berisha ka vlerësuar se shpeshherë krizat ndërkombëtare kanë prodhuar hapësira të reja për zgjerim.

Ai ka sjellë si shembuj Kroacinë, vendet e Evropës Lindore pas rënies së Murit të Berlinit, si edhe Ukrainën dhe Moldavinë pas agresionit rus, duke i cilësuar si raste kur BE-ja ka marrë vendime politike në momente gjeopolitike.

“Nga këndvështrimi politik dhe diplomatik, përgjigjja është po. Historia e Bashkimit Evropian ka dëshmuar se krizat ndërkombëtare shpesh kanë krijuar mundësi të reja politike. Kroacia, pas luftës së viteve ’90, arriti të transformojë pozitën e saj ndërkombëtare dhe u bë anëtare e Bashkimit Evropian në vitin 2013.

Pas rënies së Murit të Berlinit, Polonia, Hungaria, Republika Çeke dhe shtetet baltike përfituan nga momentumi gjeopolitik dhe u integruan në strukturat euroatlantike.

Pas agresionit rus, Ukraina dhe Moldavia morën statusin kandidat, duke dëshmuar se Bashkimi Evropian mund të marrë vendime politike të rëndësishme kur ekziston vullneti strategjik.

Në këtë kontekst, edhe Kosova mund të përfitojë nga një klimë e re politike dhe gjeostrategjike.

Një nga elementet që e dallon Kosovën nga shumë vende të tjera është fakti se qytetarët e saj vazhdojnë të jenë ndër më proevropianët në kontinent.

Në një kohë kur në disa vende anëtare të Bashkimit Evropian janë rritur tendencat euroskeptike, mbështetja e fuqishme e qytetarëve të Kosovës për projektin evropian përbën një kapital të rëndësishëm politik. Kjo është pikërisht ajo që ka nënvizuar edhe Riho Terras kur ka theksuar rëndësinë e ruajtjes së kësaj mbështetjeje publike”, ka shpjeguar ai.

Berisha ka theksuar gjithashtu se një prej pengesave më të mëdha për Kosovën vazhdon të jetë mosnjohja nga pesë shtete anëtare të BE-së, çka sjell vështirësi si në planin politik, ashtu edhe në atë procedural.

“Një nga sfidat më serioze vazhdon të jetë fakti se: Spanja; Greqia; Rumania; Sllovakia; Qiproja; ende nuk e kanë njohur pavarësinë e Republikës së Kosovës.

Edhe pse këto vende nuk e kundërshtojnë domosdoshmërisht perspektivën evropiane të Kosovës, mungesa e njohjes krijon vështirësi politike dhe procedurale.

Normalizimi i marrëdhënieve me Serbinë mbetet një nga temat kryesore të politikës së zgjerimit të Bashkimit Evropian.

Megjithatë, zhvillimet e viteve të fundit kanë treguar se problemi nuk qëndron vetëm te Kosova, por edhe te mungesa e vullnetit të mjaftueshëm nga Serbia për të ecur drejt një normalizimi të mirëfilltë.

Forcimi i sundimit të ligjit, lufta kundër korrupsionit, modernizimi i administratës publike dhe zhvillimi ekonomik mbeten fusha ku kërkohet progres i mëtejshëm.

Megjithatë, këto reforma duhet të shihen si nevojë e shtetit dhe e qytetarëve të Kosovës, e jo vetëm si kërkesa të Bashkimit Evropian”, ka vlerësuar ai.

Tutje, Berisha ka nënvizuar se Kosova duhet të nisë një ofensivë të re diplomatike duke intensifikuar kontaktet me institucionet kryesore të BE-së dhe shtetet anëtare, si dhe duke forcuar partneritetin strategjik me SHBA-në.

Ai ka cekur edhe rolin e diasporës dhe mbështetjen e miqve të Kosovës në parlamentet evropiane si faktorë të rëndësishëm për avancim ndërkombëtar.

“Në rrethanat aktuale, Kosova duhet të ndërmarrë një ofensivë të re diplomatike.

Kjo nënkupton: Institucionet e Kosovës duhet të intensifikojnë kontaktet me: Komisionin Evropian; Parlamentin Evropian; Këshillin e Bashkimit Evropian.

Diplomacia kosovare duhet të ndërtojë ura komunikimi me qendrat politike në Madrid, Athinë, Bukuresht, Bratisllavë dhe Nikozi.

Partneriteti strategjik me Shtetet e Bashkuara të Amerikës vazhdon të mbetet një nga faktorët më të rëndësishëm për avancimin ndërkombëtar të Kosovës.

Miqtë e Kosovës në Parlamentin Evropian dhe në parlamentet kombëtare të vendeve anëtare mund të luajnë rol të rëndësishëm në krijimin e një klime më të favorshme politike.

Diaspora shqiptare në Evropë dhe Amerikë përfaqëson një potencial të jashtëzakonshëm politik, ekonomik dhe intelektual, i cili mund të vihet në funksion të avancimit të interesave shtetërore.

Në diplomaci ekzistojnë momente historike që, nëse nuk shfrytëzohen, mund të mos përsëriten për shumë vite.

Rrethanat e reja gjeopolitike, mbështetja e miqve të Kosovës në institucionet evropiane dhe orientimi i qartë proevropian i qytetarëve të saj krijojnë kushte që të hapet një dritare e re për avancimin e statusit të Kosovës.

Megjithatë, kjo dritare nuk do të hapet automatikisht.

Ajo kërkon unitet të brendshëm politik, diplomaci të konsoliduar;koordinim të vazhdueshëm me aleatët strategjikë;reforma të qëndrueshme, dhe një vizion afatgjatë për vendin.

Deklarata e eurodeputetit estonez Riho Terras përbën më shumë sesa një mbështetje politike për Kosovën, ajo është një kujtesë se perspektiva evropiane e Republikës së Kosovës mbetet e hapur.

Nëse Bashkimi Evropian dëshiron të ruajë besueshmërinë e tij në Ballkanin Perëndimor dhe të forcojë stabilitetin e kontinentit, atëherë avancimi i Kosovës drejt statusit kandidat nuk duhet të shihet si favor politik, por si një investim strategjik në paqen, sigurinë dhe të ardhmen evropiane të rajonit.

Prandaj, mund të thuhet se një dritare e re për Kosovën ekziston. Sfida kryesore nuk është nëse ajo do të hapet, por nëse institucionet e Kosovës dhe partnerët e saj ndërkombëtarë do të dinë ta shfrytëzojnë këtë momentum historik”, ka përfunduar Berisha për “Bota sot”.

The post Deklarata e Riho Terras rikthen në vëmendje kandidaturën e Kosovës për BE, ekspertët flasin për mundësi dhe pengesa appeared first on Albeu.com.

Vajza e vogël u shpëtua falë britmave të saj të forta, të cilat tërhoqën vëmendjen e kalimtarëve në zonë. Fillimisht, ata menduan se zëri që dëgjonin ishte i koteleve, por kur iu afruan vendit, zbuluan foshnjën e braktisur dhe të pambrojtur, e cila ishte në një gjendje të rëndë, por ende e gjallë.

Mjekët pediatër që morën foshnjën në kujdes të menjëhershëm konfirmuan se ajo kishte lindur vetëm disa orë më parë, duke i dhënë një vlerë edhe më të madhe shpëtimit të saj.

Sipas tyre, ajo kishte pësuar trauma nga rënia, por falë ndërhyrjes së shpejtë dhe kujdesit të specializuar, po përparon në mënyrë të qëndrueshme.

Autoritetet lokale kanë nisur hetimet për të zbuluar kush është personi apo personat që braktisën foshnjën në këtë mënyrë të papërgjegjshme dhe të rrezikshme. Policia po punon intensivisht për të mbledhur dëshmi dhe informacione që mund të çojnë në identifikimin e autorëve të këtij akti kriminal.

The post Ndodh mrekullia! Foshnja shpëton pasi e hedhin nga dritarja e ndërtesës appeared first on Albeu.com.

Siç raportuam më herët, Garda bllokoi derën duke mos lejuar futjen e deputetëve të përjashtuar në komisione.

Por gjatë tensioneve, Flamur Noka ka mundur të ngjitet mbi kangjella dhe të futet fillimisht brenda territorit të jashtëm të godinës.

Pas tij janë futur edhe Ervin Salianji dhe Bledion Nallbati. Të dy ata, bashkë me Nokën kanë shkuar më pas te dritarja e njërit prej komisioneve duke mundur të futeshin brenda nga dritarja pasi vunë këmbët në një karrige që i lëshuan kolegët demokratë nga sipër.

Lidhur me situatën, në një deklaratë për mediet, Sali Berisha tha se deputetët u detyruan që të bënin Tarzanin.

Berisha: Sot, për herë të parë në historinë e planetit, grup deputetësh të PD u detyruan të bëjnë Tarzanin për të hyrë në zyrën e tyre në parlament, të ngjiten mbi mure. Kjo skenë është një skenë unike në mediat e botës, kjo skenë po qarkullon sot në katër anët e planetit si dëshmia më flagrante e narkosjhteitt, e regjimit të Edi Ramës, të bazuar në drogën,krimin, vjedhjen dhe vasalët e tij. Akt më të turpshëm, akt më të rëndë nuk mund të ketë.

Deputetët e opozitës kishin mbledhjen e tyre në sallën e grupit parlamentar. Ti mund ta përjashtosh deputetin sipas rregullave nga pjesëmarrje në seancë plenare, mund ta përjashtosh nga pjesëmarrja në komisione, por kurrë pa i hequr imunitetin, nuk mund ta përjashtosh nga pjesëmarrja në mbledhjen e grupit parlamentar. Kjo nuk mund të ndodhë kurrë.

Sipas Berishës, ajo që ndodhi sot është asgjësim i parlamentit. Ai theksoi se akti i sotëm, është atentati më i rëndë ndaj pluralizmit./albeu.com

The post Demokratët hynë nga dritaret në Kuvend, Berisha: U detyruan të bënin Tarzanin appeared first on Albeu.com.

Ngjarja ka ndodhur mbrëmë në via della Geppa, pranë stacionit të trenit, në Trieste. Bëhet fjalë për një shtetas shqiptar, 30 vjeç, i cili u shpëtua dhe u dërgua në spitalin Cattinara me kodin e kuq, raportohet për Sky News.

Sipas asaj që mësohet, burri kishte marrë një dhomë në Hotel Italia, në via della Geppa, por me sa duket emri i tij është dashur të denoncohet në polici. Ndaj, kur punonjësi i hotelit e ka përfshirë në mesin e mysafirëve të objektit, policia është paralajmëruar. Disa oficerë mbërritën në vendngjarje, por kur i riu kuptoi se policia kishte ardhur për të, ai doli nga dritarja e dhomës në katin e tretë dhe tentoi të arratisej në një parvaz. Në atë moment nuk dihet nëse ai ka rrëshqitur apo është kërcyer spontanisht, ka rënë dhe ka përfunduar mbi një makinë dhe është plagosur rëndë. Ndaj tij ishte lëshuar një urdhër dëbimi nga territori kombëtar.

The post E rëndë, shqiptari tenton t’i ikë policisë, bie nga dritarja dhe përfundon në spital appeared first on Albeu.com.

I njëjti rregull është ndjekur edhe nga veturat. Mirëpo, ky ‘rregull’ nuk vlen edhe për avionët, dritaret e të cilëve janë rrethore. Megjithatë, jo çdoherë ka qenë kështu.

Në fillim, edhe avionët kanë pasur dritare këndore, mirëpo pas dy aksidenteve në vitin 1954, në njërin prej të cilëve humbën jetën 56 pasagjerë, ishte konstatuar që një defekt në cepin e dritares kishte çuar në shkatërrimin e gjithë avionit.

Gjatë testeve të mëvonshme u vërtetua se 70% e shtypjes së aeroplanit përqendrohej në këndet e mprehta të dritareve, prandaj që atëherë u vendos që dritaret e avionëve të jenë gjithmonë rrethore.

The post Kjo është arsyeja pse dritaret e avionit janë të harkuara appeared first on Albeu.com.

Dashi, Demi dhe Akrepi do të jenë 3 shenjat e përkëdhelura nga fati.

Demi

Me përfundimin e majit dhe hyrjen në qershor, do të merrni një fluks të madh dhe të papritur parash. Me shumë mundësi do të jeni në gjendje të paguani për ndonjë punë të papaguar ose të merrni një shumë të madhe parash përmes lojërave të fatit. Rekomandohet që të lini mënjanë një pjesë të parave ose t’i dhuroni për bamirësi.

Akrepi

Të lindurit në këtë shenjë shpesh kanë para, por këtë verë gjithçka mund të ndryshojë. Domethënë, nëse jeni të angazhuar në ndonjë punë, me siguri do të jeni në gjendje të fitoni para. Kjo ju jep mundësinë për të përparuar në punë. Megjithatë, astrologët besojnë se nuk duhet të hyni në një marrëdhënie biznesi-partneriteti.

Dashi

Biznesi juaj do të lulëzojë gjatë verës. Thjesht merruni me biznes dhe punoni sepse do të merrni shumë para që do të mund t’i derdhni në një projekt që do t’ju dhurojë para kur të vijë koha për të korrur frytet e punës suaj. Këtë verë me shumë mundësi do të mund të blini disa pasuri të paluajtshme, por këshilla e një astrologu është të investoni edhe në pasuri të luajtshme./albeu.com

The post Paratë do u hyjnë nga “dritarja”, 3 shenjat më me fat për muajin qershor appeared first on Albeu.com.

Stilistja Rosie Taylor-Davies dhe bashkëshorti Christopher, thanë se detyroheshin të ndërroheshin prapa një rafti librash dhe të qëndronin në errësirë ose me perdet e mbyllura, pasi fqinji i tyre Simon Cook, hapi një dritare që shihte nga dhoma e tyre e gjumit.

Ata thanë në gjykatë se dritarja nuk ishte bërë me xham akulli siç parashikohej nga bashkia, por për më tepër fqinji i tyre dashakeq vendosi aty një manekin ‘bionde’ që dukej sikur përgjonte gjithë kohës nga shtëpia e tyre.

Gjykatësja tha se Cook nuk i kishte marrë seriozisht shqetësimet e fqinjëve të tij për privatësinë. Megjithatë, ajo tha se fqinji nuk ka shkelur rregullat ndërtimore të planifikimit.

Ndërsa sipas avokatit të çitit vendosja e një manekini “shërben për të dhënë përshtypjen se një person mbikqyr gjithë kohës shtëpinë e tyre duke u shkelur privatësinë. Kjo shton shumë stresin e personave që banojnë aty”.

Çifti tha se po merrnin në konsideratë të zhvendoseshin nga shtëpia ku kanë jetuar për më shumë se 20 vjet.

The post Çifti padit fqinjin, vendosi manekin në dritare për t’i përgjuar në dhomën e gjumit (FOTO LAJM) appeared first on Albeu.com.

Forma rrethore e dritares është e rëndësishme për sigurinë tonë. Dritaret katrore janë të rrezikshme sepse këndet e mprehta janë pikat e dobëta të aeroplanit që mund të çahen për shkak të presionit të ajrit

Këndet e rrumbullakosura ndihmojnë në shpërndarjen e presionit, duke ulur rrezikun e thyerjes së dritareve.

Format rrethore gjithashtu mund t’i rezistojnë më mirë deformimit të shkaktuar nga ndryshimet në presion.

The post Kjo është aryseja pse dritaret e avionëve janë rrethore dhe jo katrore appeared first on Albeu.com.

Pa marrë parasysh se ku jetoni, dyert dhe dritaret rrëshqitëse me dimenzione të mëdha paraqesin mënyrë të përkryer për të krijuar arkitekturë autentike dhe mbreslënëse, kështu që popullariteti i tyre po vazhdon të rritet. Hapsira banesore po bëhet gjithnjë e më e vogël, ndërsa dyert dhe dritaret rrëshqitëse janë zgjidhja e përkryer për këtë dilemë: me këto sisteme të cilat vërtet kursejnë hapësirë, ne fitojmë hapësirë dhe mund të bëjmë aranzhime lirshëm rreth dritares. Sistemi rrëshqitës SYNEGO SLIDE i REHAU është zgjidhje e përkryer për situata ku çdo metër katror është i rëndësishëm.

Elementet rrëshqitëse me dimenzione të mëdha, janë jashtzakonisht të popullarizuara dhe paraqesin element dizajni gjatë aranzhimit të interierit, ndërkohë që përparësia e tyre qëndron në faktin që nuk zënë hapësirë brenda ose jashtë deri sa qëndrojnë të hapura. Ato i plotësojnë kërkesat më të larta për mbyllje të mirë, qëndrueshmëri dhe siguri. Zgjidhja e re SYNEGO SLIDE e REHAU i plotëson të gjitha kushtet, ndërsa nga marsi i 2021 është i pranishëm edhe në tregun tonë.

Për shkak të vetë gomës mbrojtëse e cila përshkon gjatë kornizës së SYNEGO SLIDE, sistemi është plotësishtë i mbyllur dhe jashtëzakonisht efikas në aspektin energjetik, e gjithë kjo falë thellësisë prej 80 mm dhe mundësisë për trashësi të xhamit prej 51 mm, lëvizje inovative kjo që lejon hapjen dhe mbylljen pa shumë mund. Komponentët e fshehur garantojnë funksionalitet të përsosur të të gjithë sistemit.

SYNEGO SLIDE është shumë përpara sistemeve aktuale kur bëhet fjalë për qëndrueshmërinë e saj, kështu që probabiliteti të shkaktohet ndonjë përplasje është shumë më e vogël se sa tek dyert paralele të pjerrëta rrëshqitëse. Ashtu si me profilet tjera të sistemit SYNEGO, edhe SYNEGO SLIDE posedon një sipërfaqë të cilësisë së lartë HDF, e cila mirëmbahet shumë lehtë. SYNEGO SLIDE është në dispozicion më 400 ngjyra të ndryshme dhe dekore nga programa KALEIDO COLOR. Me shfrytëzimin e mbështjellësit të aluminit nga linja KALEIDO COVER me bazë gri, ju mund të fitoni pamje elegante të aluminit me të gjitha përparësitë dhe funskionalitetet e profileve të polimerit.

SYNEGO SLIDE mundëson gjërësinë e hyrjes deri në 1,9 metra, ndërkohë që vet elementi mund të jetë 4 metra i gjërë dhe 2,6 mtra i lartë. Kjo e bën sistemin të përsosur për aranzhimin e dhomave me madhësi të mesme. Zgjidhje inovative e cila u jep mundësi arkitektëve, investitorëve ose prodhuesve të dritareve që në këtë segment të krijojnë zgjidhje të reja dhe oferta të reja në treg.

Grupacioni REHAU është kompani e pavarur dhe stabile, internacionale dhe familjare, në ndërkohë edhe ekspert për polimerë. REHAU numëron më shumë se 20.000 të punësuar të cilët në mënyrë aktive punojnë në më shumë se 170 lokacione në mbarë botën. Në Evropë REHAU numëron rreth 12.000 të punësuar, nga të cilët 8.000 vetëm në Gjermani. Në Maqedoni REHAU numëron 18 të punësuar të cilët e mbulojnë tregun e Maqedonisë, Kosovës dhe Shqipërisë. Tani më 70 vjet REHAU krijon dritare artificiale më të lehta, më komode, më të sigurta dhe më efikase dhe i shpërndanë ato në mbarë botën.

The post Sisteme rrëshqitëse të cilat i plotësojnë kërkesat më precize appeared first on Albeu.com.

Në vendin tonë, asnjëherë nuk kanë munguar incidentet gjatë ditës së votimeve, e teksa këtë vit një i tillë ka ndodhur ditën e sotme në Laç.

Mësohet se një dritare është thyer gjatë natës në një KZAZ në qytetin e Laçit dhe dyshohet se persona të panjohur kanë hyrë brenda.

Ndërkohë ende nuk dihet nëse është marrë ndonjë material, por po pritet vendimi nga KQZ-ja për shpërndarjen e materialeve zgjedhore.

The post Ende pa nisur zgjedhjet, sulmohet KZAZ në Laç appeared first on Albeu.com.