Mjeku Dritan Ulqinaku ka folur në “Wake Up”, ku ka zbuluar  se në Shqipëri aplikohet eutanazia pasive thuajse çdo ditë pasi zgjedhin të mos vijojnë me mjekimet ekstra në mënyrë që të mos “torturojnë” familjarët e tyre.

“Ndonëse mjekët kanë bërë Betimin e Hipokratit, në jetën e përditshme ndeshemi me një realitet që është i prekshëm çdo ditë. Përditë ka raste të tilla. Nga familjarët janë të shpeshtë. Shpesh herë, edhe në familjet tona kemi patur persona që kanë arritur një farë moshe, kanë disa sëmundje të caktuara që ndoshta bien në gjendje kome dhe mjekët thonë deri këtu jemi. Do të vijojmë mjekimet ekstra por vjen një moment që familjari thotë, mos e torturo më, pra nuk ka nevojë më ta operosh apo ta ekzaminosh. Pra leje të vdesë. Kjo është edhe eutanazia pasive, kur mjekësia nuk ndërhyn për t’ia zgjatur jetën, ndërsa kur ndërhyn për t’ia shkurtuar jetën, quhet eutanazia aktive. Edhe kjo vdekje e ëmbël është, quhet vdekje pasive. Ndërsa kur ndërhyn për t’ia shkurtuar jetën quhet aktive”, tha mjeku ndër të tjera.

Tre vende në Europë që e kanë të ligjëruar përdorimin e eutanazisë dhe vetëvrasjes së asistuar nga mjeku, vendet e Beneluxit (Belgjika, Holanda dhe Luksemburgu).

Ndërkohë vetëvrasjen e asistuar nga mjekët e kanë të ligjëruar Zvicra, Gjermania, Finlanda dhe Austria. Vende si Spanja, Suedia, Anglia, Italia, Hungaria dhe Norvegjia.

The post Përhapet eutanazia pasive në Shqipëri, mjeku shqiptar: “Familjarët vendosin për vdekjen e të afërmve” appeared first on Albeu.com.

Ata u shprehën se vaksina mbetet arma e vetme për t’u mbrojtur nga format e rënda të varianteve të Covid-19.

“Vazhdon të mbetet e vetmja mundësia për të mos u hospitalizuar.

Ekziston mundësia e infektimit por kur je i vaksinuar e kalon më lehtë, duke filluar nga zgjatja e shenjave, rritja e amplitudës së temperaturës dhe mundësia për t’u shtruar në spital është 90 përqind më pak se ata që nuk janë vaksinuar.”, tha Ulqinaku.

Ai shtoi se vaksinimi ka ulur rastet me komplikacione të rënda.

“Komplikacionet madhore kemi rreth gjashtë muaj që nuk na raportohen pothuajse fare.

Mund të flasim ndoshta me shifra që mund të shkojnë rreth dy milion vaksina, nuk i kanë kaluar 20 individë që kanë pasur probleme më shumë se normaliteti i tyre. Një masë shumë e madhe janë vaksinuar, që nuk kanë kaluar probleme serioze post vaksinale.”, tha ai.

Në një lidhje me Skype nga Gjermani, Çupi sqaroi se pse vaksina nuk ndikon në fertilitet.

“Vaksinat me ARN si Pfizer dhe Moderna kanë një material që aplikohet nga prodhuesit e vaksinave dhe thonë se pas 46 orëve gjithë substanca shpërbëhet. Duhet të sqarojmë se këto vaksina me bazë gjenetike nuk futen te bërthama e qelizave tona.

I gjithë mekanizmi ndodh jashtë materialit dhe kjo do të thotë se nuk ka mundësi për predispozita të tjera gjenetike në të ardhmen.

Këto vaksina nuk ndikojnë në gjenetikën e njeriut sepse nuk ka lidhje fare me bërthamën aty ku është dhe materiali gjenetik.

Pra, nuk ka mundësi që të ketë fertilitet apo mutacione të njerëzve në gjenetikën e njerëzve. Janë thjesht teori konspirative.”, sqaroi Çupi.

Duke iu përgjigjur pyetjes se kur do të marrë fund pandemia, Çupi tha se “në rast se nuk do të ketë një mutacion të ri ndoshta fundi i këtij viti apo fillimi i vitit tjetër infeksioni do të kthehet në një koncept endemik“.

The post A ndikon vaksina te fertiliteti? Mjeku i jep fund dilemës që po tremb njerëzit appeared first on Albeu.com.