I ftuar në emisionin ‘Sot Live në Shqipëri’ ,Shala thotë se Serbia do tentojë në çdo lloj forme që të futet në Kosovë.

Ndërkohë, ai ka edhe një koment për trupat e KFOR, për të cilat thotë se e kanë humbur fuqinë në veri të Kosovës.

“Serbia do tentojë në çdo formë të hyjë në Republikën e Kosovës. Pjesa e brezit kufitar është e monitoruar nga ajri. Është argument plus që Serbia do jetë në vazhdën e pritjes si një ujk të cenojë territorin e Republikës së Kosovës. Sa i përket komunikatës së ushtrisë serbe, mos harrojmë element esencial edhe Rusia po ushtronte stërvitje në kufi me Ukrainën dhe të gjithë thoshin një zëri që nuk do kishte evazion ushtarak në Ukrainë. KFOR nuk është në detyrën e saj, e dëshmoi më 24 shtator që nuk mbrojti territorialitetin e Kosovës. Ka lejuar të hyjë armatimi dhe mjetet e blinduara. Është indikacion thelbësor i asaj që KFOR po luan rolin e shikuesit sepse KFOR në veri po i humbet fuqia sepse ka rrëshqitur në një lojë apo kazan që ka dashur Serbia”, tha Shala.

Ai thotë se në rast se forcat serbe futen dhe cenojnë integritetin territorial, Kosova është gati për luftë.

“Mund të themi që komanda ushtarake e Kosovës është në gjendje gatishmërie për çdo veprim që mund të cenojë integritetin territorial të Kosovës. FSK ka mandat dhe funksion mision mbrojtjen e çdo cepi të territorit të saj. Sa i për informacion se ka ngritur baza ushtarake në pjesën veriore Nuk ka informacione të konfirmuara. Nëse do të kemi një cenim të drejtpërdrejtë nga forcat ushtarake serbe, atëherë FSK do jetë aty për të garantuar integritetin territorial dhe njëherë e përgjithmonë do i shporrim ushtrinë serbe nëse futen në Kosovë përmes me forcat që i kemi të gatshme për ta mbrojtur 365 ditë të vitit territorin e Kosovës”, vijoi Shala.

The post Forcat serbe në kufi me Kosovën, eksperti i sigurisë: FSK gati për luftë, e asgjësojmë ushtrinë e Serbisë nëse na cenon integritetin territorial appeared first on Albeu.com.

I pyetur nga gazetarja Karadaku se çfarë po ndodh realisht, Shala tha se në veri ka shtim të grupeve serbe dhe atyre ruse që po u vijnë në ndihmë grupeve kriminale për të krijuar tension.

Sipas tij në veri ka indikacione që ka dhe prezencë të grupit famëkeq rus Vagner.

Ndërkohë i pyetur nga Karadaku nëse po shkohet drejt ndarjes së Kosovës pas kësaj situate, Shala tha se momentalisht në tavolinën e diskutimeve është edhe ky opsion.

Pjesë nga biseda:

Karadaku: Çfarë po ndodh në veri të Kosovës?

Shala: Sa i përket çështjes në pjesën veriore është duke u dokumentuar nga institucionet e sigurisë, kemi patur disa grupe të ardhura në mbështetje të grupeve kriminale. Ata po kërkojnë të pengojnë zgjedhjet ën 18 dhjetor, duan të paraqesin situatën sikur atje nuk do të bëhen zgjedhje. Beogradi po tenton që çështja e zgjedhjeve në 18 Dhjetor ëhstë që të lidhet me asosacionin.

Karadaku: Grupe të ardhura nga serbi po9 ndihmojnë grupet kriminale?

Shala: Grupe të ardhura nga pjesa e Beogradit, pjesë përbërëse janë dhe struktura të ardhura nga Rusia, të cilët po kryejnë aktivitete ndaj institucioneve të Kosovës. Mbrëmë kemi patur një zyrtar policor të plagosur, po tregohet se ka potencial të jashtëzakonshëm për tensionimin në Veri.

Karadaku: A janë VAGNER-at grupi famëkeq rus në veri të Kosovës?

Shala: Po ka indikacione që pjesë të këtij grupi po lëvizin në pjesën veriore.

Karadaku: A po shkohet drejt ndarjes së Kosovës?

Shala: Në tavolinën e diskutimeve ajo që është diskutuar mund të themi që është opsioni i ndarjes. Nëse do të kemi një asisacion.

The post Çfarë po ndodh në veri të Kosovës? Shala: Grupe kriminale ruse dhe serbe po krijojnë tension, prezent edhe VAGNER-at appeared first on Albeu.com.