Prezenca e tij ka të bëjë me dëshminë mbi procesin ndaj Festim Bezhdilit kopshtarit që nga gjykata e posacme u dënua me burg për jete për rrëmbimin dhe vrasje të Jan Prengës, por një vendim i gjykatës së larte vendosi ta ktheje dosjen për gjykim ne apel.

Dritan Rexhepi para gjykatës u shpreh se nuk dëshiron te pyetet në lidhje me ngjarjen pasi sipas ai nuk për të thënë asgjë.

Ndërkohë gjykata rrëzoi një kërkesë të Ilir Muratit që ka të bëjë më këqyrjen e pamjeve filmike me ekspert.

Gjithashtu, gjykata e shty seancën me 26 qershor, ora 10:00.

The post Zhdukja e Jan Prengës/ Dritan Rexhepi shoqërohet forcërisht në gjyqin për kopshtarin: Nuk kam se çfarë them… appeared first on Albeu.com.

Dritan Rexhepi ishte i pranishëm vetë në seancë.

Avokatja e Dritan Rexhepit, ka kërkuar që senacat e radhës të mbahen jo në dite të premte, sepse i mbrojturi prej saj i takon që të qëndrojë deri të hënën në ievp 313.

Ndërkohë, ai është akomoduar në burgun e Fierit.

Seanca e radhës për Dritan Rexhepin, i njohur edhe si ‘bosi’ i drogës do mbahet me datë 3 shkurt ora 14:00.

The post U esktradua nga Turqia, shtyhet seanca në GJKKO ndaj ‘bosit’ të drogës, Dritan Rexhepit appeared first on Albeu.com.

45-vjeçari, i konsideruar me rrezikshmëri të lartë shoqërore, kishte qenë në arrati për një periudhë të gjatë, ndërsa autoritetet e drejtësisë shqiptare kishin lëshuar një fletë-arrest ndërkombëtar për të.

Ai u shoqërua nën masa të rrepta sigurie nga Stambolli deri në aeroportin e Rinasit, ku forca të shumta të RENEA-s siguruan transferimin e Rexhepit pa incidente.

Rexhepi është i akuzuar për një sërë veprash kriminale, të cilat kanë përfshirë:

Në vitin 2020, Gjykata e Posaçme e Krimeve të Rënda (GjKKO) kishte caktuar masën e sigurisë “Arrest në burg” ndaj tij, për akuza të rënda si “Rrëmbimi ose mbajtja peng e personit”, kryer në bashkëpunim, “Fshehja dhe asgjësimi i kufomës”, “Trafikimi i lëndëve narkotike”, “Mbajtja pa leje dhe prodhimi i armëve, armëve shpërthyese dhe municionit”, si dhe “Kryerja e veprave penale nga organizata kriminale dhe grupi i strukturuar kriminal”. Ai akuzohet se, në bashkëpunim me shtetasin G.D., ka urdhëruar rrëmbimin e shtetasit J.P., pasi dyshonte se vëllai i tij kishte vjedhur një kontenier me drogë të trafikuar në Angli.

Në vitin 2015, Rexhepi është dënuar nga Gjykata e Fierit me 4 vjet burgim për akuzat e “Falsifikimit të letërnjoftimeve, pasaportave ose vizave” dhe “Falsifikimit të vulave, stampave ose formularëve”.

Në vitin 2013, ai është dënuar nga Gjykata për Krimet e Rënda me 25 vjet burgim për vrasje me paramendim dhe plagosje të rëndë me dashje, të kryera në bashkëpunim. Ky dënim lidhet me një ngjarje të ndodhur në vitin 1999 në Krujë, ku ai ka vrarë një shtetas dhe ka plagosur një tjetër që më vonë ka ndërruar jetë në spital.

Në vitin 2010, Gjykata e Apelit e Firencës, Itali, e ka dënuar me 16 vjet burgim për pjesëmarrje në grup të strukturuar kriminal dhe trafikim të lëndëve narkotike. Ai kishte arratisur nga Italia, ku i kishin mbetur për të vuajtur 13 vjet, 8 muaj dhe 6 ditë burgim.

Njoftimi i policisë:

Si rezultat i bashkëpunimit ndërmjet Interpol Tiranës dhe homologëve në Turqi, ekstradohet në Shqipëri, shtetasi i shumëkërkuar Dritan Rexhepi alias Gramos Rexhepi.

45-vjeçari, shtetas me rrezikshmëri të lartë shoqërore, sepse:

-Në vitin 2020, GjKKO-ja i ka caktuar masën e sigurisë “Arrest në burg”, për veprat penale “Rrëmbimi ose mbajtja peng e personit”, kryer në bashkëpunim, ”Fshehja dhe asgjësimi i kufomës”, “Trafikimi i lëndëve narkotike”, “Mbajtja pa leje dhe prodhimi i armëve, armëve shpërthyese dhe municionit” dhe “Kryerja e veprave penale nga organizata kriminale dhe grupi i strukturuar kriminal”. Shtetasi Dritan Rexhepi alias Gramos Rexhepi akuzohet se në bashkëpunim me shtetasin G. D., ka urdhëruar rrëmbimin e shtetasit J. P., pasi dyshonte se në vitin 2019, vëllai i shtetasit J. P., kishte vjedhur në Angli, një kontenier me lëndë narkotike në pronësi të 45-vjeçarit dhe bashkëpunëtorit të tij;

-Në vitin 2015, Gjykata e Fierit e ka dënuar me 4 vjet burgim, për veprat penale “Falsifikimi i letërnjoftimeve, pasaportave ose vizave” dhe “Falsifikimi i vulave, stampave ose formularëve”;

-Në vitin 2013, është dënuar nga Gjykata për Krimet e Rënda, me 25 vjet burgim, për veprat penale “Vrasja me paramendim” dhe “Plagosja e rëndë me dashje”, kryer në bashkëpunim, si dhe “Mbajtja pa leje dhe prodhimi i armëve, armëve shpërthyese dhe municionit”. Më datë 06.10.1999, në një lokal në Krujë, 45-vjeçari, në bashkëpunim me një shtetas tjetër, ka vrarë me armë zjarri, shtetasin D. K., si dhe ka plagosur pronarin e lokalit, shtetasin R. B., i cili ka humbur jetën më pas, në spital;

-Në vitin 2010, është dënuar nga Gjykata e Apelit e Firences, Itali, me 16 vjet burgim, për pjesëmarrje në grup të strukturuar kriminal, për trafikim të lëndëve narkotike. Shtetasi Dritan Rexhepi alias Gramos Rexhepi është arratisur nga vendi i vuajtjes së këtij dënimi, në Firence. Nga ky dënim i kanë mbetur për të vuajtur 13 vjet, 8 muaj dhe 6 ditë burgim.

The post RENEA “blindon” aeroportin, momenti kur zbret në Rinas i shumëkërkuari Dritan Rexhepi (VIDEO) appeared first on Albeu.com.

Përmes një njoftimi, Policia e Shtetit deklaroi se ekstradimi do të kryhet, si rezultat i rezultat i bashkëpunimit ndërmjet Interpol Tiranës dhe homologëve në Turqi.

“Si rezultat i bashkëpunimit ndërmjet Interpol Tiranës dhe homologëve në Turqi, pritet që ditën e sotme, të ekstradohet në Shqipëri, shtetasi i shumëkërkuar Dritan Rexhepi alias Gramos Rexhepi”, thuhet në njoftimin e policisë.

The post I shumëkërkuari Dritan Rexhepi do të ekstradohet nga Turqia në Shqipëri appeared first on Albeu.com.

Aprovimi është dhënë nga gjykata turke, ndërsa gjatë kësaj jave pritet miratimi nga ministri turk i Drejtësisë.

Ky fakt u pohua sot në Gjykatën e Posaçme nga avokatja e Rexhepit, e cila ishte në seancën për paraqitjen e provave ku Dritan Rexhepi është i pandehur për rrembimin dhe zhdukjen e Jan Prengës.

Dritan Rexhepi, është një nga personat më të kërkuar nga drejtësia shqiptare.

Për Dritan Rexhepin Interpoli kishte lëshuar Kodin e Kuq, si një nga personat më të kërkuar ndërkombëtarisht, teksa në Shqipëri ai akuzohet për një sërë veprash të rënda penale, përfshi këtu vrasjen e policëve Arben Keqi dhe Durim Kasmi, si dhe porositjen e rrëmbimit dhe zhdukjes së Jan Prengës.

Nga Italia kërkohej si kreu i një organizate të fuqishme që merrej me trafikun e kokainës nga vendet latine drejt Europës.

Dritan Rexhepi ka qenë më parë i burgosur në Ekuador, vend ku ishte i përfshirë në trafikun e kokainës.

The post Gjykata Turke miraton ekstradimin e Dritan Rexhepit në Shqipëri appeared first on Albeu.com.

Sipas asaj që raportojnë mediat belge, 20 bosët më të fuqishëm të drogës dyshohet se fshihen në vendet e Amerikës Latine apo Dubai, pasi janë ndër më të kërkuarit nga policia në Europë.

Krahas emrave më famëkeqë të Jos Leijdekkers, Othman El Ballouti, Abdelilah El M, gjenden edhe emrat e Eldi Dizdarit alias Denis Matoshi dhe ai i Dritan Rexhepit.

Eldi Dizdari është një nga drejtuesit e “Kompania Bello”, një organizatë kriminale shqiptare me tentakula në Dubai, Antëerp, Ekuador dhe Kolumbi.

Dizdari dhe Rexhepi koordinoheshin me njëri-tjetrin, për drejtimin e operacioneve të trafikut të drogës.

Eldi Dizdari drejtonte organizatën në Dubai ndërsa ortaku i tij Dritan Rexhepi mbikëqyrte operacionin nga Ekuadori. Rexhepi, i kërkuar nga Shqipëria për disa vrasje, ishte arratisur më parë nga burgu Merksplas.

Policia italiane e ka quajtur Kompania Bello “organizata më e madhe kriminale shqipfolëse e krijuar ndonjëherë”, me një model biznesi të sofistikuar që përfshin të gjithë zinxhirin e trafikut të kokainës. Aktualisht, Rexhepi është arrestuar në Stamboll për llogari të drejtësisë shqiptare.

Mediat belge shkruajnë edhe për një tjetër të kërkuar i njohur me nofkën “Cinco”, të cilin e konsiderojnë një nga yjet në rritje të botës kriminale të Antëerp, derisa u sëmur rëndë. Pseudonimin ia ka borxh një klubi të madh nate në Shqipëri, të cilin e ka në pronësi.

The post Mediat belge publikojnë emrat e 20 bosëve të drogës, mes tyre edhe dy “padrinot” shqiptarë appeared first on Albeu.com.

Dritan Rexhepi, i njohur si “mbreti” shqiptar i kokainës, është arrestuar mëngjesin e 10 nëntorit në Stamboll.

“Njoftim! Ministria e Drejtësisë ju bën me dije se ditën e sotme, më datë 22.11.2023, ka përcjellë në Ministrinë e Punëve të Jashtme për t’u dërguar në drejtim të Ministrisë së Drejtësisë së Turqisë, dosjen e përgatitur me kërkesën për ekstradimin drejt Shqipërisë të shtetasit, Dritan Rexhepi! Dosja e tij, me kërkesën për ekstradimin e shtetasit Dritan Rexhepi, është nisur në bazë të kërkesave të paraqitura nga SPAK dhe Prokuroria e Përgjithshme në Ministrinë e Drejtësisë datë, 16.11.2023 dhe 17.11 2023”, thuhet në njoftimin e Minsitrisë së Drejtësisë.

Kush është Dritan Rexhepi

Dritan Rexhepi (me shumë emra) në Shqipëri rezulton i dënuar në mungesë me 25 vite burgim, për vrasjen e dy policëve në Fushë-Krujë, Arben Keqi e Durim Kasmi, ngjarje kjo e ndodhur në vitin 1998.

Hera e fundit që rezulton se ai ka hyrë në Shqipëri, është data 16 nëntor 2013, nga pika e kalimit Kufitar në Kakavijë, ku ka përdorur një pasaportë me emrin Lulzim Murataj. Rexhepi, njihet si mjeshtri i arratisjeve nga burgu. Fillimisht, ai është arrestuar në 2007 në ambientet e “Hotel Tirana” së bashku me Nadien Zeneli.

Pas arrestimit është transferuar në Durrës, pasi oficerët e Drejtorisë së Policisë Durrës kishin kryer të gjithë operacionin për zbulimin dhe prangosjen e tij. Këtu ndodh edhe arratisje e tij e parë. Rexhepi në fakt ka mundur t’u ikë nga ambientet e komisariatit të policisë Durrës, pasi oficeri Albert Strati dhe zëdhënësja e policisë së Durrësit, e kishin nxjerrë nga dhoma e shoqërimit, për t’i bërë një foto, me qëllim publikimin e lajmit të arrestimit të tij, në shtypin e kohës.

Ai u largua duke përfituar sapo është futur në qeli, ku dera besohet se është lënë hapur nga oficeri Albert Strati.

Gjashtë vite pas arratisjes nga komisariati i Durrësit, në 2013, Gramoz Rexhepi, u kap në Itali. Pala shqiptare që ndërkohë po zhvillonte gjyqin në mungesë në Apelin e Krimeve të Rënda kundër Rexhepit për dy vrasjet e policëve, sapo mësoi arrestimin e tij në Itali, menjëherë nëpërmjet një letërporosie të dërguar në Itali, kërkoi njoftimin e këtij personazhi “Foto”, se në Shqipëri po zhvillohej një proces gjyqësor kundër tij. Por nga Italia ka ardhur një përgjigje surprizë.

Në  dokument thuhej se:-“… gjatë procedurave për njoftimin e të dënuarit Gramoz Rexhepi është mësuar së i dënuari ishte arrestuar në Itali. Në këto rrethana, është proceduar me njoftimin nëpërmjet letër-porosisë drejtuar Autoriteteve të Drejtësisë Italiane. Por ka rezultuar se njoftimi i të dënuarit Gramoz Rexhepi, nuk është bërë i mundur nga Autoritetet Italiane, pasi ishte arratisur nga burgu…”.

Por kjo arratisje e Rrexhepit nga burgu italian të Voghera, nuk ka qenë e fundit. Drejtësia shqiptare ka kërkuar informacion për Dritan Rexhepin në Zyrën Qendrore Kombëtare të Interpolit dhe prej kësaj Zyre u zbulua se Dritan Rexhepi pas arratisjes nga burgu në Itali, ishte arrestuar në Spanjë dhe ishte ekstraduar në Belgjikë. Por në një tjetër dokument zbulohet edhe arratisja e tretë e Dritan Rrexhepit:-“…gjatë vuajtjes së dënimit në Belgjikë, Dritan Rexhpei ishte arratisur nga burgu Merksplas, Belgjikë në drejtim të paditur…”.

Po kur ka qenë hera e fundit e qëndrimit në Shqipëri e Dritan Rexhepit?

Nga një dokument i sistemit Tims, zbulohet që pas arratisjes së parë nga Durrësi dhe gjatë kohës së zhvillimit të gjyqit në Gjykatën e Apelit për Krime të Rënda kur ishte në kërkimin ndërkombëtar, Dritan Rexhepi ka qenë në Shqipëri shumë herë të tjera, edhe në asnjë rast dhe nga askush, nuk është arrestuar.

Dritan Rexhepi ka dalë nga pika e kalimit kufitar Kakavijë me pasaportën biometrike të falsifikuar më gjeneralitetet Lulzim Murataj, në datën 28.11.2011 dhe ka disa hyrje dalje nga e njëjta pikëkalimi dhe hyrja e fundit e tij, është në datën 16.11.2013. Të dhënat e pasaportës në emër të Lulzim Murataj, përputhen plotësisht me numrat e pasaportës së personit të arrestuar në Ekuador, me emrin Lulzim Murataj…”.

Në fakt teksa ka dalë për herë të fundit nga Shqipëria në nëntor 2013 nga pika e Kakavijës në Gjirokastër, Dritan Rexhepi nuk është kthyer më në vendlindje, pasi në muajin Gusht të 2014, ai u arrestua në Ekuador pikërisht me emrin false, Lulzim Murataj.

Ky dokument tregon se:“…ka rezultuar se në datën 8.08.2014 në kuadër të një operacioni antidrogë “Balance” të zhvilluar në Ekuador, përveç shtetasve ekuadorianë është arrestuar dhe shtetasi shqiptar Lulzim Murataj, lindur Vlorë, posedues i pasaportës me nr.BB 3563478. Nga verfikimet e bëra nga Departamenti i Krimit të Organizuar në sistemin TIMS, rezulton se ky shtetas i identifikuar me emrin Lulzim Murataj, është personi i shpallur në Kërkim Ndërkombëtar, Dritan alias Gramos Rexhepi ose “Dioniso Poulos”, i cili ishte arrestuar në Ekuador…”.

Lulzim Murataj identitetin e të cilit e ka përdorur Dritan Rexhepi, rezulton se është banor i komunës Kote, i lindur në fshatin Velç, në 23 prill 1979, i cili aktualisht rezulton të jetë në burg në Angli.

Por kjo nuk ka penguar Gramoz Rexhepin të siguronte një pasaportë me identitet të bashkëfshatarit të tij Lulzim Murataj, por me foton e vetë Dritanit. Rezulton se aplikimi për nxjerrjen e pasaportës biometrike është kryer në komunën Levan të Fierit dhe të gjithë praktikën e dokumentacionit e më pas hedhjen në sistem të gjurmëve të gishtave dhe fotografive e ka ndjekur punonjësi i qendrës së aplikimeve, Anton Përlala.

Gjurmët papilare të gishtave dhe foto kanë qenë të Gramoz Rexhepit, ndërsa të dhënat e tjera janë hedhur në sistem në emër të Lulzim Murataj./albeu.com

The post Shqipëria i dërgon dosjen Turqisë, kërkon ekstradimin e Dritan Rexhepit appeared first on Albeu.com.

Ylli Rakipi: Avokat, ju e keni hetuar dhe madje jeni kërcënuar prej tij me vrasje. Përse e keni hetuar ju?

Eugen Beci: Ky person në vitin 2002-2003 kishte kryer dy tentativa vrasjeje në qytetin e Vlorës për të cilat ishte në kërkim. Në tentativën e parë, personi u plagos dhe shpëtoi. E shpallëm në kërkim. Nuk ishte abuluar ende ngjarja e vitit 1999 se u zbulua me të dhëna dhe gjatë kohës që ishte në kërkim bëri një tjetër plagosje me tentivë vrasje dhe ne e arrestuam. Gjykata dhe sistemi dështoi ta dënonte. Unë kërkova 17 vite burg, ai u dënua vetëm 2 vite. Në momentin kur doli nga burgu pati një problem nga ana hetimore e realizoi, por e parandaloi policia.

Ylli Rakipi: Nuk e kuptoj, ti thua 17 vjet dhe u dënua me 2 vjet.

Eugen Beci: Po prandaj erdhi te dera e shtëpisë ai.

Ylli Rakipi: Ç’do me thënë kjo punë? Të erdhi te dera ty?

Eugen Beci: Po. Mbasi mbaroi hetimin dhe gjykimin, 2 vjet, ishte i pakënaqur që prokuroria kërkoi 17 vjet dhe e pa se mund të kishte një mundësi që të dilte, siç doli, dhe për këtë arsye pati një tentativë për të realizuar një eliminim fizik ndaj meje. Nuk u realizua, u bë hetimi. U kap nga policia, nuk u provua tentativa ndaj organeve të drejtësisë. Por dua të them se ishte një personazh kompleks për të cilën edhe atëherë edhe sot nuk është folur, që realizoi një grup të strukturuar dhe që investonte për të shpëtuar veten e tij dhe grupin e tij kriminal.

The post Ish-prokurori tregon se si e kërcënoi Dritan Rexhepi: Më erdhi te dera e shtëpisë … appeared first on Albeu.com.

Rexhepi kishte arritur të largohej nga Ekuadori me pasaportë kolumbiane, falë një gabimi të sistemit të burgjeve.

Personazhi i njohur si mjeshtri i arratisjeve, duhej të qëndronte brenda Ekuadorit me çip elektronik, pasi u lirua nga dënimi me 13 vjet burg për trafik droge.

Pas largimit të tij nga vendi, hetimet treguan se një person tjetër kishte firmosur në vend të tij sa herë kontrollohej në adresën e banimit, duke i mbyllur sytë policisë. Sa i përket akuzave në Itali, Rexhepi akuzohet për trafikimin e një ngarkese 4 ton kokainë dhe 5.5 milionë euro kesh në vitin 2020.

Gjatë këtij aksioni drejtësia italiane arrestoi 20 bashkëpunëtorë të Rexhepit dhe shpalli në kërkim 11 të tjerë. Në telefonin e njërit prej korrierëve u gjetën mesazhet e shkëmbyera me Dritan Rexhepin që kishte drejtuar trafikun e drogës nga burgu në Ekuador ku mbahej nga viti 2014.

Dritan Rexhepi u arrestua në 8 nëntor në një vilë në lagjen luksoze Beylikdüzü, të Stambollit. Forcat policore turke shqyen derën e banesës ku brenda saj ishte fshehur Dritan Rexhepi, i cili më pas shfaqet i shtrirë për tokë dhe më pas i vihen prangat. Atij iu gjetën edhe pistoletë, euro dhe bizhuteri në një kasafortë.

The post Arrestimi i “Escobarit” shqiptar në Stamboll, Dritan Rexhepi u arratis nga Ekuadori pas një gabimi në sistemin e burgjeve appeared first on Albeu.com.

Autoritetet turke arrestuan kreun e grupit narkokriminal të njohur si Kompania Bello, në kuadër të një operacioni të përbashkët të quajtur Cartel.

Rexhepi u zhduk nga radarët e autoriteteve ekuadoriane në fillim të vitit 2022, kur nuk respektoi masat e urdhëruara nga gjyqtari Diego Poma, pasi miratoi kërkesën e shqiptarit për lirim të parakohëshëm për arsye shëndetësore. Në vend të burgut, ai u urdhërua të përdorë aparat elektronik, të raportojë vendodhjen në Gjykatë dhe u ndalua të dalë jashtë vendit.

Shqiptari ishte i ndaluar që nga viti 2014, pasi ishte një nga njëmbëdhjetë të kapurit në operacionin Ballkanik të kryer në Ekuador. Për krimin e trafikut të drogës, njeriu i njohur si Car ose Mbreti i kokainës u dënua në Ekuador me trembëdhjetë vjet burg, nga të cilat kreu vetëm shtatë.

Në fillim të vitit 2023, audiot dhe informacionet e rrjedhura nga media online La Posta, në kuadër të një vepre të quajtur Kumbari i madh, nxorën në sy të publikut Dritan Rexhepin ose Dritan Gjikën (shqiptari mbante të paktën gjashtë emra të rremë për të lëvizur).

Raportet nga Operacioni León de Troya raportonin, ndër të tjera, se Rexhepi mbante një marrëdhënie biznesi me Rubén Cherres. Midis tyre ata themeluan të paktën trembëdhjetë kompani, shumica e tyre të lidhura me kompanitë e ndërtimit dhe të pasurive të paluajtshme.

Marrëdhëniet e zbuluara të biznesit mes Cherres, Rexhepit dhe mafies shqiptare tërhoqën vëmendjen jo vetëm sepse ishin biznese që me sa duket kishin të bënin me krijimin e kompanive frontale për transportin e drogës nga Ekuadori në Evropë dhe pastrim parash, por edhe për miqësinë e ngushtë të Cherres dhe Danilo Carrera, kunati i presidentit të Republikës, Guillermo Lasso.

Raportet e policisë tregojnë se karteli i udhëhequr nga Rexhepi transportonte ngarkesa të panumërta miliona dollarëshe droge nga vendet e Amerikës së Jugut në Evropë.

Dritan Rexhepi ishte në kërkim ndërkombëtar pasi kishte dënime për vrasje me dashje, trafik droge, rrëmbim, falsifikim dokumentesh udhëtimi dhe armësh. Para se të mbërrinte në Ekuador, shqiptari ishte arratisur nga burgjet në Shqipëri, Itali dhe Belgjikë.

The post Arrestimi i Dritan Rexhepit, mediat ekuadoriane: Shqiptari krijoji lidhje me njerëzit më të lartë në politikë appeared first on Albeu.com.