“Me Dritanin dhe Nora Muskurtin kam patur problematika te vazhdueshme prej vitit 2017, për shkak se ai ka qenë një person që nuk pranonte kërkesë llogarie, dhe shpesh ishte kërcënues ndaj meje. Për këtë shkak unë kam bërë edhe kallëzim në komisariat”, shpjegon autori i dyshuar.

Hetuesit janë duke i marrë me rezerva deklarimet e tij, derisa përmes dëshmive dhe provave të tjera t’i sqarojnë ato.

Megjithatë, dëshmia e autorit të dyshuar, është e rëndësishme për të hedhur dritë mbi motivin e krimit, përderisa përmes saj, hetuesit arrijnë të kuptojnë natyrën e konflikteve brenda familjes.

Për këtë shkak, Arsen Muskurtit i janë marrë shpjegime të detajuara për ditën e ngjarjes. Ai ka shpjeguar se atë ditë i kishte mbërritur një fletëthirrje nga gjykata, pasi i vëllai Dritani kishte kërkuar urdhër mbrojtje prej tij.

I dyshuari pretendon se krahas kësaj me vëllain ishin në proces gjyqësor edhe për një shumë të konsiderueshme parash, ku thotë se kishin kërkuar ekspertim të firmës, duke pretenduar se ia kishin falsifikuar.

“Duke u mbledhur në të gjitha këto probleme, pësova tronditje. Mora armën dhe shkova në agjenci për t’u sqaruar.

Sapo kam hyrë i kam drejtuar armën dhe I thashë: “Pse më shantazhon mua, fëmijët e mi, nënën dhe babën. Ai mu përgjigj me fjalët “du me e bë”. Atëherë kam qëlluar me armë drejt Dritanit dhe nuk di c’kam bërë me tej. Jam larguar për tek dyqani im që e kam aty pranë dhe kam futur armën në kasafortë. Më pas kam shkuar në shtëpinë time në Rrugën ‘5 Maji’. Jam ndërruar dhe kam thirrur avokatin tim. Rrobat e krimit i kam hedhur në një kazan plehrash”, ka shpjeguar Arsen Muskurti, raporton Balkanëeb. Në dosjen thuhet se mbi bazën e dëshmisë së tij, oficerët shkuan në biznesin e autorit të dyshuar dhe hapën kasafortën, aty ku gjetën dhe sekuestruan armën e krimit.

Ngjarja e rëndë ndodhi rreth orës 16.40 minuta të datës 30 gusht në ambientet e agjencisë së udhëtimeve Nour Tours. Arsen Muskurti qëlloi për vdekje me 7 plumba pistolete vëllain dhe kunatën e tij. Pas krimit tronditës, 38-vjecari futi pistoletën ne trup dhe u largua qetësisht për t’u dorëzuar disa orë më vonë./BW/

The post DËSHMIA/ Vrau vëllanë dhe kunatën në Tiranë, autori: E meritonin! Mora armën dhe shkova të sqarohesha, në fillim qëllova Dritanin appeared first on Albeu.com.

Përmes një postimi në Facebook, Çuçi përgëzon policinë e Tiranës për arrestimin në kohë rekord të autorit të krimit të dyfishtë.

Më tej Çuçi shkruan se policia është e vendosur të godasë krimin dhe të krijojë siguri për qytetarët.

Por kujtojmë se me dhjetëra vrasje të ndodhura gjatë javëve të fundit në vend kanë mbetur pa autor.

Postimi i Çuçit:

Përgëzime Policisë së Tiranës që në kohë rekord arrestoi autorin e dyshuar të ngjarjes së rëndë me dy jetë të humbura. Të vendosur për të goditur krimin, me bindjen se vetëm kështu krijojmë siguri për shoqërinë dhe nuk vëmë në rrezik të ardhmen tonë./albeu.com/

The post Dhjetra vrasje pa autor, Çuçi përgëzon policinë pas krimit të dyfishtë në Tiranë appeared first on Albeu.com.

Arrestimi i tij është bërë në lagjen “5 Maji” në Tiranë dhe autori po transportohet drejt komisariatit numër 4 të kryeqytetit.

Burime për albeu.com bëjnë me dije se në vengjarje janë gjetur 5 gëzhoja.

Autori dhe viktimat kanë patur bizneset pranë njëri-tjetrit.

Ndërkohë që të njëjta burime bëjnë me dije se Arseni është konfliktuar me të vëllain dhe bashkëshorten e tij dy ditë më parë.

E gjithë ngjarja dyshohet se ka nisur pas një konflikti familjar, i cili është thelluar me akuza e kundërakuza në rrjetet sociale./albeu.com/

The post Vrau vëllanë dhe kunatën pas sherrit në Facebook, prangoset autori në Tiranë (FOTO LAJM) appeared first on Albeu.com.