Dritan Hoxha është themeluesi i televizionit Top Channel, sakaq pak momente më herët një dedikim rrëqethës ka ardhur nga vajza e Dritanit, Lori Hoxha, në përkujtim të 16-vjetorit nga ndarja e jetës së të atit.

Babit, në përvjetorin e ikjes së tij. I shkruajta Sarës në mëngjes që ndihem në faj që nuk jam më e trishtuar për ikjen tënde, në faj që ndoshta hapsira midis momenteve kur të kujtoj do zgjatet sa më shumë vite kalojnë.

E ndërkohë që shkruaja, m’u mbushën sytë me lot e m’u mbush gjoksi me mall. Në fakt ajo që besoj unë ka ndodhur është që nuk e lejoj më dashurinë për ty, të papërdorur e pafalur, të më plasi shpirtin, por e çoj aty ku do dojë ti që ne të gjithë ta çonim dashurinë për ty, tek familja dhe Top Channel.

Meritoje të jetoje më gjatë e të shijoje me ne çdo kujtim por siç na pelqen ta themi ne ndonjëherë për hir të të pandryshushmes është që ike në ngritje pa e parë kurrë majën por as tatepjetën. Ndoshta s’do isha bërë kjo që jam po të më kishe shoqëruar 16 vitet e fundit e megjithatë do ta zgjidhja çdo herë atë rrugë. Vazhdo të më japësh shenja. I shoh dhe të ndjek, e sa më shumë punoj për ëndrrat e tua aq më shumë të ndjej afër.”

View this post on Instagram

A post shared by Lori Hoxha (@lorihoxha)

The post 16 vite nga largimi i Dritan Hoxhës nga jeta, dedikimi rrëqethës i Lorit appeared first on Albeu.com.

Letra e plotë:

Teksa shkruaj kam përballë pamjen më të bukur në botë: një nga ato që kërkoje me ngulm ti gjithë vitin sepse po të ndjeje pak ftohtë futeshe direkt në makinën tënde dhe fërkoje duart. Kam përballë Itanin që është rimishërimi jot: po aq i gjatë, i bukur, kokfortë dhe me atë humorin e bezdisshëm që të vinte në siklet përpara tavolinës po ti prapë qeshje se ishte me vend. Nga ana tjetër është Sara që pa ndjek Oman dhe London: njeri do të luaj ping pong dhe tjetri me thotë që qenkam bërë pak kaçurrelse sot. Dy njerëz komplet të ndryshëm, që i imagjinoj në shpinën tënde teksa i tregon botën tënde dhe i thua “jo atë”, se e ndaje shumë mirë të drejtën dhe refuzoje të bëheshe pale me çdo gjë që nuk ishte e tillë. Të ngjajnë shumë mendoj unë, ose jam unë që kërkoj me nglum të të shoh në çdo brez që do të vijë.

Mami po pi kafen që e shoqëron me një cigare. Ta dish që e ka filluar që kur nuk vije më në shtëpi. E di e di, i kam thënë po e do ta dëgjojë nga ty. Diku do dilte nga dëshirat e tua megjithëse ato më të mëdhat i ka ruajtur të giitha. Redia më shkruan në telefon; është po aq moskokçarëse sa kur vije në Itali dhe thojë “goca mamit kjo” se nuk dilte te dera si unë dhe Sara. Redia vazhdon do me atë dashurinë që mban nga brenda, dhe boshkllëkun tënd e ndjen sot më shumë se kurrë. Gjithësesi ta dish, atë do gjeje zgjuar në oraret që rrije ti dhe me siguri do vinte e para kur doje ndonjë xhiro me makinë natën vonë. Unë jam këtu: me dyshimet e mia si gjithmonë dhe për çdo gjë. Kurioze a do ishe i lumtur për ne dhe kush do ishim ne sot me ty. Gjithë jetën pas ikjes tënde kam dëgjuar fjalinë “po të mos ishe vajza tij…” dhe jam kurioze vërtetë dhe pse e di që mua vajzën tënde më bën ajo çfarë kam brenda.

Më bëjnë flokët kaçurrela, karakteri impulsiv, dashuria për jetën e bukur, pretendimet e larta për njerëzit, parimet e forta dhe dëshira për t’u vetpërmirësuar çdo ditë. Por më kurioze jam si do kishim ecur bashkë sot. Nuk u zgjata aq sa doje, por besoj do kishim ecur me kokën lart të dy. Viti i 14-të që e festojmë ditëlindjen tënde pa ty dhe pa merakun tënd që po “plakesh”. Do hap një verë të kuqe sot dhe pse ta dish që unë e pi të bardhë. Diku do ndryshoja dhe unë nga ti dhe pse të ndjek çdo hap e të kopjoj sikur je influenceri im i preferuar. Më mungon çdo ditë e të kujtoj çdo ditë po ti këtë e di se s’je shumë larg. Gëzuar ditëlindjen! E jotja sot dhe gjithmonë, Lori Tanit!/albeu.com

The post “Mami ka filluar cigaren!” Lori Hoxha kujton të atin e ndjerë, Dritanin: Do hap një verë të kuqe për ty sot (FOTO LAJM) appeared first on Albeu.com.

Sot ajo ka publikuar një moment me të atin 15 vite më parë në Itali, aty ku dhe kanë kaluar fëmijërinë.

Hoxha u nda nga jeta në muajin maj të vitit 2008, 13 vite më parë në një aksident automobilistik. Që prej atij momenti, familja dhe njerëzit e dashur të medias që ai ndërtoi e kanë kujtuar gjithmonë me shumë dashuri dhe respekt për atë ç’ka krijoi dhe la pas.

The post Sara Hoxha bëhet nostalgjike, publikon foton e rrallë krah babait të ndjerë (FOTO LAJM) appeared first on Albeu.com.